<p>`ನಾನು ಅವರಿಗೆ ಚಿತ್ರದಲ್ಲಿ ಹಸ್ತಕ್ಷೇಪ ಮಾಡುವುದು ಬೇಕಾಗಿಲ್ಲ, ತೊಡಗಿಕೊಳ್ಳವುದೂ ಬೇಕಾಗಿಲ್ಲ~- ರವಿಚಂದ್ರನ್ ನೀಡಿದ ಈ ಪ್ರತಿಕ್ರಿಯೆಯಲ್ಲಿ ನೋವಿತ್ತು. <br /> <br /> ರವಿಚಂದ್ರನ್ ನಟಿಸಿದ ಇತ್ತೀಚಿನ ಸಿನಿಮಾಗಳು ಅವರ ಹಿಂದಿನ ಚಿತ್ರಗಳಂತೆ ಇಲ್ಲ ಎಂದು ಅಭಿಮಾನಿಗಳು ಬೇಸರ ಪಟ್ಟುಕೊಳ್ಳುತ್ತಿದ್ದಾರೆ. ತೆರೆಯ ಮೇಲೆ ರವಿಚಂದ್ರನ್ ಕಾಣಿಸಿಕೊಳ್ಳುವ ರೀತಿ ಬಲವಂತಕ್ಕೆ ನಟಿಸುತ್ತಿರುವಂತೆ ಅನಿಸುತ್ತಿದೆ ಎನ್ನುವುದು ಸಿನಿಪ್ರಿಯರ ಮಾತು. <br /> <br /> ಈ ಅನುಮಾನಗಳಿಗೆ ರವಿಚಂದ್ರನ್ ಪ್ರತಿಕ್ರಿಯೆ ನೀಡಿದ್ದು ಹೀಗೆ: `ನಾನು ಮುಕ್ತವಾಗಿ ಈ ಚಿತ್ರಗಳಲ್ಲಿ ತೊಡಗಿಕೊಳ್ಳಲು ಸಾಧ್ಯವಾಗಿಲ್ಲ. ಒಬ್ಬ ನಟನಾಗಿ ನಿರ್ದೇಶಕ ಹೇಳಿದಂತೆ ನಾನು ಮಾಡಿದ್ದೇನೆ ಅಷ್ಟೇ.<br /> <br /> ನನ್ನ ನಿರ್ದೇಶನದ ಚಿತ್ರಗಳೇ ಸೋತಾಗ ಆ ಸೋಲನ್ನು ಎದುರಿಸುವ ಸ್ಥೈರ್ಯ ನನ್ನಲ್ಲಿತ್ತು. ಇನ್ನು ಕೇವಲ ನಟಿಸಿದ ಚಿತ್ರಗಳ ಸೋಲಿನ ಬಗ್ಗೆ ಚಿಂತಿಸುವುದಿಲ್ಲ~ ಎಂದು ರವಿಚಂದ್ರನ್ ಮುಕ್ತವಾಗಿಯೇ ಹೇಳಿಕೊಂಡರು. ಅವರ ಮಾತುಗಳು ಇತ್ತೀಚಿನ ಅವರ ನಟನೆಯ ಚಿತ್ರಗಳ ಸೋಲಿನ ಕಾರಣಗಳನ್ನು ಸೂಚ್ಯವಾಗಿ ತೆರೆದಿಟ್ಟವು.<br /> <br /> ನಿರ್ದೇಶಕ-ನಿರ್ಮಾಪಕರ ಈ ಪ್ರವೃತ್ತಿ ಇಂದು ನಿನ್ನೆಯದಲ್ಲ ಎನ್ನುವುದು ರವಿಚಂದ್ರನ್ ಅನುಭವದ ನುಡಿ. ತಮ್ಮ ಹಿಂದಿನ ಎಷ್ಟೋ ಚಿತ್ರಗಳ ಅಪರೂಪದ ಪ್ರಯೋಗಗಳ ಹಿಂದಿನ ರೂವಾರಿ ಸ್ವತಃ ರವಿಚಂದ್ರನ್. ಆದರೆ ಅವುಗಳ ಶ್ರೇಯಸ್ಸು ಸಂದದ್ದು ಮಾತ್ರ ನಿರ್ದೇಶಕರಿಗೆ. ಸೌಜನ್ಯಕ್ಕಾದರೂ ಈ ನಿರ್ದೇಶಕರು ರವಿಚಂದ್ರನ್ ಹೆಸರನ್ನು ಹೇಳುತ್ತಿರಲಿಲ್ಲ. ಅಂತಹ ಹಳೆಯ ನೆನಪುಗಳನ್ನು ಕೆದಕಿದರು ರವಿಚಂದ್ರನ್. ಅವರ ಮಾತುಗಳು ತಮ್ಮ ಸಿನಿಮಾ ಆರಂಭದ ಬದುಕಿನಿಂದ ಇಲ್ಲಿವರೆಗಿನ ಪಯಣವಲ್ಲದೆ ಸಿನಿಮದಾಚೆಗೂ ಹರಿದಾಡಿತು. <br /> <br /> ಶಾಂತಿಕ್ರಾಂತಿ ಸಿನಿಮಾ ಮಾಡುವಾಗ `ಒನ್ ಟೂ ಥ್ರೀ~ ಹಾಡಿಗೆ ನೃತ್ಯ ಸಂಯೋಜನೆ ಮಾಡಬೇಕಿದ್ದ ಚಿನ್ನಿ ಪ್ರಕಾಶ್ ಬರಲಿಲ್ಲ. ನಾನೇ ಸಂಯೋಜನೆ ಮಾಡಿದೆ. ಕ್ಲೈಮ್ಯಾಕ್ಸ್ನ ಮಹತ್ವದ ಫೈಟಿಂಗ್ ದೃಶ್ಯ. ಆಗಲೂ ಸ್ಟಂಟ್ ಮಾಸ್ಟರ್ ಕೈ ಕೊಟ್ಟರು.<br /> <br /> ಅದರ ಜವಾಬ್ದಾರಿಯನ್ನೂ ನಾನೇ ನಿರ್ವಹಿಸಿದೆ. 20 ವರ್ಷಗಳಾದವು. ಅಂದಿನಿಂದ ಇಂದಿಗೆ ನನ್ನ ಸಿನಿಮಾಗಳಿಗೆ ನಾನೇ ಕೊರಿಯೊಗ್ರಾಫರ್, ನಾನೇ ಸ್ಟಂಟ್ ಮಾಸ್ಟರ್. ಬೇರೆಯವರನ್ನು ಬಳಸಲೇ ಇಲ್ಲ. `ಶಾಂತಿಕ್ರಾಂತಿ~ ಇನ್ನೂ ಕೊನೆಯ ಹಂತದಲ್ಲಿರುವಾಗಲೇ ದಿವಾಳಿಯಾಗಿದ್ದೆ. ತಂದೆ ಆಸ್ಪತ್ರೆ ಸೇರಿದ್ದರು.<br /> <br /> ಆಗಲೂ ಧೃತಿಗೆಡಲಿಲ್ಲ. ನೂರಾರು ಮಕ್ಕಳನ್ನು ಶೂಟಿಂಗ್ಗೆ ಬಳಸಿಕೊಂಡಿದ್ದೆ. ಕೊನೆಯಲ್ಲಿ ಮಕ್ಕಳ ಶಿಕ್ಷಕರು `ನೀವು ಪ್ರಪಂಚದ ಅತ್ಯುತ್ತಮ ಶಿಕ್ಷಕ~ ಎಂದು ಕೈ ಮುಗಿದರು. ಆ ಚಿತ್ರ ಬಿಡುಗಡೆಯಾದಾಗ ನನ್ನ ಜೊತೆ ಕೊನೆಯಲ್ಲಿ ಉಳಿದದ್ದು ಆ ಮಾತೊಂದೇ. `ಏಕಾಂಗಿ~ ಮಾಡಿದಾಗ ಉಳಿದದ್ದು ಪಿಯಾನೋ ಮಾತ್ರ!<br /> <br /> ಸಿನಿಮಾ ಬಗ್ಗೆ ನಿಜವಾದ ಪ್ರೀತಿ ಇಟ್ಟುಕೊಂಡ ನಿರ್ಮಾಪಕ ಎಂದಿಗೂ ಹೀರೋಗಳ ಬಗ್ಗೆ ಹಗುರವಾಗಿ ಮಾತನಾಡೊಲ್ಲ. ವ್ಯಾವಹಾರಿಕವಾಗಿ ಮಾತನಾಡುವವನು ಸಿನಿಮಾವನ್ನು ಎಂದಿಗೂ ಪ್ರೀತಿಸುವುದಿಲ್ಲ. ಅದರ ಬಗ್ಗೆ ಆತನಿಗೆ ತಿಳಿವಳಿಕೆಯೂ ಇರುವುದಿಲ್ಲ. ಎಷ್ಟೋ ಚಿತ್ರಗಳಲ್ಲಿ ನಾನು ನೀಡಿದ ಸಲಹೆಯನ್ನು ನಿರ್ದೇಶಕ ಅನುಸರಿಸುವುದಿಲ್ಲ. <br /> <br /> ನಿರ್ದೇಶಕನ ಚಿತ್ರವಾದ್ದರಿಂದ ಆತನಿಗೆ ಸ್ವಾತಂತ್ರ್ಯವಿರುತ್ತದೆ. ಆದರೆ ಆ ಸನ್ನಿವೇಶಕ್ಕೆ ತಕ್ಕಂತೆ ತಾಂತ್ರಿಕತೆ ಬಳಸಿಕೊಳ್ಳಬೇಕಲ್ಲವೆ. ಇಂತಹ ನಿರ್ದೇಶಕ ನನಗೆ ಸಿಕ್ಕಿದ್ದು `ಕನಸುಗಾರ~ದಲ್ಲಿ. ನಿರ್ದೇಶಕ ಕರಣ್ ನಾನಿದ್ದಾಗ ಚಿತ್ರದ ಬಗ್ಗೆ ಹೆಚ್ಚು ತಲೆಕೆಡಿಸಿ ಕೊಳ್ಳಲಿಲ್ಲ. ತೆರೆಯ ಮೇಲೆ ನನ್ನನ್ನು ನೋಡಿದಾಗಲೇ ತಿಳಿಯುತ್ತದೆ ಆ ಚಿತ್ರ ನನಗೆ ಎಷ್ಟು ಖುಷಿ ಕೊಟ್ಟಿತೆಂದು. ಅದಾದ ಬಳಿಕ ಅಷ್ಟೇ ಲವಲವಿಕೆಯಿಂದ ಮಾಡಿದ ಚಿತ್ರ ಏಕಾಂಗಿ.<br /> <br /> ರವಿಚಂದ್ರನ್ ಮಾತು `ಕ್ರೇಜಿಸ್ಟಾರ್~ನತ್ತ ತಿರುಗಿತು. ಜೂನಿಯರ್ ಆರ್ಟಿಸ್ಟ್ಗಳ ಬದಲಾಗಿ ಅವರು ಜನರ ಮಧ್ಯೆಯೇ ಹಾಡಿನ ಚಿತ್ರೀಕರಣದಲ್ಲಿ ತೊಡಗಿದ್ದಾರೆ. ಜನ ಬಂದು ಅಪ್ಪಿಕೊಳ್ಳುತ್ತಾರೆ, ಕೈ ಕುಲುಕುತ್ತಾರೆ, ಮಾತನಾಡಿಸುತ್ತಾರೆ. ಅದರಲ್ಲಿ ಸಿಗುವ ಖುಷಿ ಬೇರೆ ಇಲ್ಲ ಎನ್ನುತ್ತಾರೆ ಅವರು. <br /> <br /> `ಕ್ರೇಜಿಲೋಕ~ ಚಿತ್ರಕ್ಕಾಗಿ ಅವರೀಗ `ಬಾ ಬಾರೋ ಪ್ರೇಕ್ಷಕ~ ಹಾಡಿನ ಚಿತ್ರೀಕರಣ ನಡೆಸುತ್ತಿದ್ದಾರೆ. ಈ ಹಾಡು ಎಲ್ಲಾ ಚಿತ್ರಗಳಿಗೂ ಅನ್ವಯಿಸುವಂತಿದೆ ಎಂದ ಅವರು, ದೀಪಾವಳಿಯಲ್ಲಿ ಚಿತ್ರ ಬಿಡುಗಡೆ ಮಾಡುವುದಾಗಿ ಹೇಳಿದರು. ನಂತರ ಅವರ ಮಹತ್ವಾಕಾಂಕ್ಷೆಯ `ಮಂಜಿನಹನಿ~ ಮೇಲೆ ಗಮನ ಹರಿಸಲಿದ್ದಾರಂತೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ನಾನು ಅವರಿಗೆ ಚಿತ್ರದಲ್ಲಿ ಹಸ್ತಕ್ಷೇಪ ಮಾಡುವುದು ಬೇಕಾಗಿಲ್ಲ, ತೊಡಗಿಕೊಳ್ಳವುದೂ ಬೇಕಾಗಿಲ್ಲ~- ರವಿಚಂದ್ರನ್ ನೀಡಿದ ಈ ಪ್ರತಿಕ್ರಿಯೆಯಲ್ಲಿ ನೋವಿತ್ತು. <br /> <br /> ರವಿಚಂದ್ರನ್ ನಟಿಸಿದ ಇತ್ತೀಚಿನ ಸಿನಿಮಾಗಳು ಅವರ ಹಿಂದಿನ ಚಿತ್ರಗಳಂತೆ ಇಲ್ಲ ಎಂದು ಅಭಿಮಾನಿಗಳು ಬೇಸರ ಪಟ್ಟುಕೊಳ್ಳುತ್ತಿದ್ದಾರೆ. ತೆರೆಯ ಮೇಲೆ ರವಿಚಂದ್ರನ್ ಕಾಣಿಸಿಕೊಳ್ಳುವ ರೀತಿ ಬಲವಂತಕ್ಕೆ ನಟಿಸುತ್ತಿರುವಂತೆ ಅನಿಸುತ್ತಿದೆ ಎನ್ನುವುದು ಸಿನಿಪ್ರಿಯರ ಮಾತು. <br /> <br /> ಈ ಅನುಮಾನಗಳಿಗೆ ರವಿಚಂದ್ರನ್ ಪ್ರತಿಕ್ರಿಯೆ ನೀಡಿದ್ದು ಹೀಗೆ: `ನಾನು ಮುಕ್ತವಾಗಿ ಈ ಚಿತ್ರಗಳಲ್ಲಿ ತೊಡಗಿಕೊಳ್ಳಲು ಸಾಧ್ಯವಾಗಿಲ್ಲ. ಒಬ್ಬ ನಟನಾಗಿ ನಿರ್ದೇಶಕ ಹೇಳಿದಂತೆ ನಾನು ಮಾಡಿದ್ದೇನೆ ಅಷ್ಟೇ.<br /> <br /> ನನ್ನ ನಿರ್ದೇಶನದ ಚಿತ್ರಗಳೇ ಸೋತಾಗ ಆ ಸೋಲನ್ನು ಎದುರಿಸುವ ಸ್ಥೈರ್ಯ ನನ್ನಲ್ಲಿತ್ತು. ಇನ್ನು ಕೇವಲ ನಟಿಸಿದ ಚಿತ್ರಗಳ ಸೋಲಿನ ಬಗ್ಗೆ ಚಿಂತಿಸುವುದಿಲ್ಲ~ ಎಂದು ರವಿಚಂದ್ರನ್ ಮುಕ್ತವಾಗಿಯೇ ಹೇಳಿಕೊಂಡರು. ಅವರ ಮಾತುಗಳು ಇತ್ತೀಚಿನ ಅವರ ನಟನೆಯ ಚಿತ್ರಗಳ ಸೋಲಿನ ಕಾರಣಗಳನ್ನು ಸೂಚ್ಯವಾಗಿ ತೆರೆದಿಟ್ಟವು.<br /> <br /> ನಿರ್ದೇಶಕ-ನಿರ್ಮಾಪಕರ ಈ ಪ್ರವೃತ್ತಿ ಇಂದು ನಿನ್ನೆಯದಲ್ಲ ಎನ್ನುವುದು ರವಿಚಂದ್ರನ್ ಅನುಭವದ ನುಡಿ. ತಮ್ಮ ಹಿಂದಿನ ಎಷ್ಟೋ ಚಿತ್ರಗಳ ಅಪರೂಪದ ಪ್ರಯೋಗಗಳ ಹಿಂದಿನ ರೂವಾರಿ ಸ್ವತಃ ರವಿಚಂದ್ರನ್. ಆದರೆ ಅವುಗಳ ಶ್ರೇಯಸ್ಸು ಸಂದದ್ದು ಮಾತ್ರ ನಿರ್ದೇಶಕರಿಗೆ. ಸೌಜನ್ಯಕ್ಕಾದರೂ ಈ ನಿರ್ದೇಶಕರು ರವಿಚಂದ್ರನ್ ಹೆಸರನ್ನು ಹೇಳುತ್ತಿರಲಿಲ್ಲ. ಅಂತಹ ಹಳೆಯ ನೆನಪುಗಳನ್ನು ಕೆದಕಿದರು ರವಿಚಂದ್ರನ್. ಅವರ ಮಾತುಗಳು ತಮ್ಮ ಸಿನಿಮಾ ಆರಂಭದ ಬದುಕಿನಿಂದ ಇಲ್ಲಿವರೆಗಿನ ಪಯಣವಲ್ಲದೆ ಸಿನಿಮದಾಚೆಗೂ ಹರಿದಾಡಿತು. <br /> <br /> ಶಾಂತಿಕ್ರಾಂತಿ ಸಿನಿಮಾ ಮಾಡುವಾಗ `ಒನ್ ಟೂ ಥ್ರೀ~ ಹಾಡಿಗೆ ನೃತ್ಯ ಸಂಯೋಜನೆ ಮಾಡಬೇಕಿದ್ದ ಚಿನ್ನಿ ಪ್ರಕಾಶ್ ಬರಲಿಲ್ಲ. ನಾನೇ ಸಂಯೋಜನೆ ಮಾಡಿದೆ. ಕ್ಲೈಮ್ಯಾಕ್ಸ್ನ ಮಹತ್ವದ ಫೈಟಿಂಗ್ ದೃಶ್ಯ. ಆಗಲೂ ಸ್ಟಂಟ್ ಮಾಸ್ಟರ್ ಕೈ ಕೊಟ್ಟರು.<br /> <br /> ಅದರ ಜವಾಬ್ದಾರಿಯನ್ನೂ ನಾನೇ ನಿರ್ವಹಿಸಿದೆ. 20 ವರ್ಷಗಳಾದವು. ಅಂದಿನಿಂದ ಇಂದಿಗೆ ನನ್ನ ಸಿನಿಮಾಗಳಿಗೆ ನಾನೇ ಕೊರಿಯೊಗ್ರಾಫರ್, ನಾನೇ ಸ್ಟಂಟ್ ಮಾಸ್ಟರ್. ಬೇರೆಯವರನ್ನು ಬಳಸಲೇ ಇಲ್ಲ. `ಶಾಂತಿಕ್ರಾಂತಿ~ ಇನ್ನೂ ಕೊನೆಯ ಹಂತದಲ್ಲಿರುವಾಗಲೇ ದಿವಾಳಿಯಾಗಿದ್ದೆ. ತಂದೆ ಆಸ್ಪತ್ರೆ ಸೇರಿದ್ದರು.<br /> <br /> ಆಗಲೂ ಧೃತಿಗೆಡಲಿಲ್ಲ. ನೂರಾರು ಮಕ್ಕಳನ್ನು ಶೂಟಿಂಗ್ಗೆ ಬಳಸಿಕೊಂಡಿದ್ದೆ. ಕೊನೆಯಲ್ಲಿ ಮಕ್ಕಳ ಶಿಕ್ಷಕರು `ನೀವು ಪ್ರಪಂಚದ ಅತ್ಯುತ್ತಮ ಶಿಕ್ಷಕ~ ಎಂದು ಕೈ ಮುಗಿದರು. ಆ ಚಿತ್ರ ಬಿಡುಗಡೆಯಾದಾಗ ನನ್ನ ಜೊತೆ ಕೊನೆಯಲ್ಲಿ ಉಳಿದದ್ದು ಆ ಮಾತೊಂದೇ. `ಏಕಾಂಗಿ~ ಮಾಡಿದಾಗ ಉಳಿದದ್ದು ಪಿಯಾನೋ ಮಾತ್ರ!<br /> <br /> ಸಿನಿಮಾ ಬಗ್ಗೆ ನಿಜವಾದ ಪ್ರೀತಿ ಇಟ್ಟುಕೊಂಡ ನಿರ್ಮಾಪಕ ಎಂದಿಗೂ ಹೀರೋಗಳ ಬಗ್ಗೆ ಹಗುರವಾಗಿ ಮಾತನಾಡೊಲ್ಲ. ವ್ಯಾವಹಾರಿಕವಾಗಿ ಮಾತನಾಡುವವನು ಸಿನಿಮಾವನ್ನು ಎಂದಿಗೂ ಪ್ರೀತಿಸುವುದಿಲ್ಲ. ಅದರ ಬಗ್ಗೆ ಆತನಿಗೆ ತಿಳಿವಳಿಕೆಯೂ ಇರುವುದಿಲ್ಲ. ಎಷ್ಟೋ ಚಿತ್ರಗಳಲ್ಲಿ ನಾನು ನೀಡಿದ ಸಲಹೆಯನ್ನು ನಿರ್ದೇಶಕ ಅನುಸರಿಸುವುದಿಲ್ಲ. <br /> <br /> ನಿರ್ದೇಶಕನ ಚಿತ್ರವಾದ್ದರಿಂದ ಆತನಿಗೆ ಸ್ವಾತಂತ್ರ್ಯವಿರುತ್ತದೆ. ಆದರೆ ಆ ಸನ್ನಿವೇಶಕ್ಕೆ ತಕ್ಕಂತೆ ತಾಂತ್ರಿಕತೆ ಬಳಸಿಕೊಳ್ಳಬೇಕಲ್ಲವೆ. ಇಂತಹ ನಿರ್ದೇಶಕ ನನಗೆ ಸಿಕ್ಕಿದ್ದು `ಕನಸುಗಾರ~ದಲ್ಲಿ. ನಿರ್ದೇಶಕ ಕರಣ್ ನಾನಿದ್ದಾಗ ಚಿತ್ರದ ಬಗ್ಗೆ ಹೆಚ್ಚು ತಲೆಕೆಡಿಸಿ ಕೊಳ್ಳಲಿಲ್ಲ. ತೆರೆಯ ಮೇಲೆ ನನ್ನನ್ನು ನೋಡಿದಾಗಲೇ ತಿಳಿಯುತ್ತದೆ ಆ ಚಿತ್ರ ನನಗೆ ಎಷ್ಟು ಖುಷಿ ಕೊಟ್ಟಿತೆಂದು. ಅದಾದ ಬಳಿಕ ಅಷ್ಟೇ ಲವಲವಿಕೆಯಿಂದ ಮಾಡಿದ ಚಿತ್ರ ಏಕಾಂಗಿ.<br /> <br /> ರವಿಚಂದ್ರನ್ ಮಾತು `ಕ್ರೇಜಿಸ್ಟಾರ್~ನತ್ತ ತಿರುಗಿತು. ಜೂನಿಯರ್ ಆರ್ಟಿಸ್ಟ್ಗಳ ಬದಲಾಗಿ ಅವರು ಜನರ ಮಧ್ಯೆಯೇ ಹಾಡಿನ ಚಿತ್ರೀಕರಣದಲ್ಲಿ ತೊಡಗಿದ್ದಾರೆ. ಜನ ಬಂದು ಅಪ್ಪಿಕೊಳ್ಳುತ್ತಾರೆ, ಕೈ ಕುಲುಕುತ್ತಾರೆ, ಮಾತನಾಡಿಸುತ್ತಾರೆ. ಅದರಲ್ಲಿ ಸಿಗುವ ಖುಷಿ ಬೇರೆ ಇಲ್ಲ ಎನ್ನುತ್ತಾರೆ ಅವರು. <br /> <br /> `ಕ್ರೇಜಿಲೋಕ~ ಚಿತ್ರಕ್ಕಾಗಿ ಅವರೀಗ `ಬಾ ಬಾರೋ ಪ್ರೇಕ್ಷಕ~ ಹಾಡಿನ ಚಿತ್ರೀಕರಣ ನಡೆಸುತ್ತಿದ್ದಾರೆ. ಈ ಹಾಡು ಎಲ್ಲಾ ಚಿತ್ರಗಳಿಗೂ ಅನ್ವಯಿಸುವಂತಿದೆ ಎಂದ ಅವರು, ದೀಪಾವಳಿಯಲ್ಲಿ ಚಿತ್ರ ಬಿಡುಗಡೆ ಮಾಡುವುದಾಗಿ ಹೇಳಿದರು. ನಂತರ ಅವರ ಮಹತ್ವಾಕಾಂಕ್ಷೆಯ `ಮಂಜಿನಹನಿ~ ಮೇಲೆ ಗಮನ ಹರಿಸಲಿದ್ದಾರಂತೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
