ರಾಷ್ಟ್ರ ಮಟ್ಟದ ಕಬಡ್ಡಿ: ಒಎನ್‌ಜಿಸಿ, ಸೌತ್ ಸೆಂಟ್ರಲ್ ರೈಲ್ವೆ ತಂಡಕ್ಕೆ ಪ್ರಶಸ್ತಿ

ಸುರತ್ಕಲ್: ಆರಂಭದ ಹಿನ್ನಡೆಯಿಂದ ಚೇತರಿಸಿಕೊಂಡ ಮೇಲೆ ಹಿಡಿತ ಸಾಧಿಸಿದ ಒಎನ್ಜಿಸಿ ತಂಡ, ಭೋಪಾಲ್ನ ಇಎಂಇ ತಂಡವನ್ನು ಸೋಲಿಸಿ ಕಾರ್ಮಿಕರ ದಿನಾಚರಣೆ ಅಂಗವಾಗಿ ನಡೆದ ರಾಷ್ಟ್ರ ಮಟ್ಟದ ಹೊನಲು ಬೆಳಕಿನ ಆಹ್ವಾನ ಕಬಡ್ಡಿ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದುಕೊಂಡಿತು.

. ಇಂಟಕ್ ಮತ್ತು ಜಯ ಕರ್ನಾಟಕ ಸಂಘಟನೆ ಜಂಟಿ ಆಶ್ರಯದಲ್ಲಿ ನವ ಮಂಗಳೂರು ಬಂದರು ಮಂಡಳಿ ಮೈದಾನದಲ್ಲಿ ನಡೆದ ಈ ಟೂರ್ನಿಯ ಮಹಿಳೆಯರ ವಿಭಾಗದ ಪಂದ್ಯ ಏಕಪಕ್ಷೀಯವಾಗಿದ್ದು, ಸೌತ್ ಸೆಂಟ್ರಲ್ ರೈಲ್ವೆ ಚಾಂಪಿಯನ್ ಆಯಿತು. ಪಂದ್ಯದಲ್ಲಿ ‘ರೈಲು’ ಸಾಗಿದ ವೇಗಕ್ಕೆ, ಎದುರಾಳಿ ಮುಂಬೈಯ ದೇನಾ ಬ್ಯಾಂಕ್ ನಡುಗಿತು. ಫೈನಲ್ ಪಂದ್ಯ 18-4 ರಲ್ಲಿ ರೈಲ್ವೆ ಪರ ಇತ್ಯರ್ಥವಾಯಿತು. ವಿರಾಮದ ವೇಳೆ ಸ್ಕೋರ್ 12-3. ಪುರುಷರ ವಿಭಾಗದ ಅಂತಿಮ ಪಂದ್ಯದಲ್ಲಿ ಒಎನ್ಜಿಸಿ 25-17 ರಲ್ಲಿ ಜಯ ಗಳಿಸಿತು. ಆರಂಭದಲ್ಲಿ ಗಮನ ಸೆಳೆದ ಸೇನೆಯ ಘಟಕವಾದ ಎಲೆಕ್ಟ್ರಿಕಲ್ ಮತ್ತು ಮೆಕ್ಯಾನಿಕಲ್ ಎಂಜಿನಿಯರಿಂಗ್(ಇಎಂಇ) ತಂಡ ಒಂದು ಹಂತದಲ್ಲಿ 8-5ರ ಮುನ್ನಡೆ ಸಾಧಿಸಿತ್ತು. ಆದರೆ ಮೂವರು ಅಂತರರಾಷ್ಟ್ರೀಯ ಆಟಗಾರರನ್ನು ಹೊಂದಿದ್ದ ಒಎನ್ಜಿಸಿ ಆಟಕ್ಕೆ ಕುದುರಿಕೊಂಡ ಮೇಲೆ ಹಿಡಿತ ಸಾಧಿಸಿತು.

. ಪುರುಷರ ವಿಭಾಗದ ಸೆಮಿಫೈನಲ್ ಪಂದ್ಯಗಳಲ್ಲಿ ಒಎನ್ಜಿಸಿ ತಂಡ 40-23ರಲ್ಲಿ ದೆಹಲಿಯ ಬಿಎಸ್ಎಫ್ ತಂಡವನ್ನು ಮಣಿಸಿದರೆ, ಭೋಪಾಲದ ಇಎಂಇ ತಂಡ 20-18 ರಲ್ಲಿ ಚೆನ್ನೈನ ಇಂಟೆಗ್ರಲ್ ಕೋಚ್ ಫ್ಯಾಕ್ಟರಿ (ಐಸಿಎಫ್) ತಂಡವನ್ನು ಸೋಲಿಸಿತು.

. ಮಹಿಳೆಯರ ವಿಭಾಗದ ಸೆಮಿಫೈನಲ್ ಪಂದ್ಯಗಳಲ್ಲಿ ಸೌತ್ ಸೆಂಟ್ರಲ್ ರೈಲ್ವೆ 24-13 (ವಿರಾಮ: 13-7) ಮೂಡುಬಿದಿರೆಯ ಆಳ್ವಾಸ್ ಕ್ರೀಡಾ ಕ್ಲಬ್ ಮೇಲೆ ಜಯಗಳಿಸಿದರೆ, ದೇನಾ ಬ್ಯಾಂಕ್ 30-22ರಲ್ಲಿ ಸೆಂಟ್ರಲ್ ಬ್ಯಾಂಕ್ ತಂಡದ ಸವಾಲನ್ನು ಬದಿಗೊತ್ತಿತು.

. ವೈಯಕ್ತಿಕ ಪ್ರಶಸ್ತಿ: ಐಸಿಎಫ್ನ ರಾಜಾ ಗುರು ಟೂರ್ನಿಯ ಉತ್ತಮ ರೈಡರ್ ಎನಿಸಿದರೆ, ಜಗದೀಶ್ ಕುಂಬ್ಳೆ ಉತ್ತಮ ಕ್ಯಾಚರ್ ಗೌರವ ಪಡೆದರು. ಒಎನ್ಜಿಸಿ ಯ ಮನ್ಪ್ರೀತ್ ಸಿಂಗ್ ಉತ್ತಮ ಆಲ್ರೌಂಡರ್ ಶ್ರೇಯಕ್ಕೆ ಪಾತ್ರರಾದರು.

. ಮಹಿಳೆಯರ ವಿಭಾಗದಲ್ಲಿ ದೇನಾ ಬ್ಯಾಂಕ್ನ ಸುವರ್ಣ ಫಲ್ಕೆ ಉತ್ತಮ ರೈಡರ್ ಗೌರವ ಪಡೆದರೆ, ಉತ್ತಮ ಕ್ಯಾಚರ್ ಶ್ರೇಯಕ್ಕೆ ಆಳ್ವಾಸ್ ಕ್ರೀಡಾ ಕ್ಲಬ್ನ ಸುನೀತಾ ಮತ್ತು ಉತ್ತಮ ಆಲ್ರೌಂಡರ್ ಹಿರಿಮೆಗೆ ಖ್ಯಾತ ಆಟಗಾರ್ತಿ ಮಮತಾ ಪೂಜಾರಿ ಪಾತ್ರರಾದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಾಷ್ಟ್ರ ಮಟ್ಟದ ಕಬಡ್ಡಿ: ಒಎನ್‌ಜಿಸಿ, ಸೌತ್ ಸೆಂಟ್ರಲ್ ರೈಲ್ವೆ ತಂಡಕ್ಕೆ ಪ್ರಶಸ್ತಿ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ