<p>ಹತ್ತು ವರ್ಷ ಸಹಾಯಕ ನಿರ್ದೇಶಕರಾಗಿ ದುಡಿದು ಮೊದಲ ಬಾರಿಗೆ ಸ್ವತಂತ್ರವಾಗಿ ಆಕ್ಷನ್ ಕಟ್ ಹೇಳಲು ಹೊರಟಿರುವ ಗುರುಮಹೇಂದ್ರ ಮಾತನಾಡಲು ಕುಳಿತಿದ್ದರೂ ಬೇರೇನೋ ಯೋಚಿಸುತ್ತಿರುವಂತೆ ತೋರುತ್ತಿತ್ತು. ಗಂಟಲಿನಿಂದ ಜೋರಾಗಿ ಸ್ವರಗಳೇ ಹೊರಡುತ್ತಿರಲಿಲ್ಲ.<br /> <br /> `ಪೂಜೆ~ ಚಿತ್ರದ ಮುಹೂರ್ತಕ್ಕಾಗಿ ಕ್ಯಾಮೆರಾಕ್ಕೆ ಪೂಜೆ ಸಲ್ಲಿಸಿದ ಚಿತ್ರತಂಡ ಮಾಡಲು ಹೊರಟಿರುವ ಚಿತ್ರದ ಬಗ್ಗೆ ಹೇಳತೊಡಗಿತು.<br /> <br /> ನಿರ್ದೇಶಕ ಸಾಯಿಸಾಗರ್ ಅವರಿಗೆ ಸಹಾಯಕರಾಗಿ ದುಡಿಯುತ್ತಿದ್ದಾಗಲೇ ಹತ್ತಾರು ಕಥೆಗಳು ಗುರುಮಹೇಂದ್ರ ಅವರಿಗೆ ಹೊಳೆದಿದ್ದವಂತೆ. ಆದರೆ ಯಾವುದೂ ಸರಿಬರಲಿಲ್ಲ. ಕೆಲವು ಹೆಚ್ಚಿನ ಬಜೆಟ್ ಬಯಸುವಂತಹವು. ಅವುಗಳಿಗೆ ನಿರ್ಮಾಪಕರನ್ನು ಹುಡುಕುವುದು ಸುಲಭವಲ್ಲ ಎಂದು ಕೈಬಿಟ್ಟರಂತೆ. <br /> <br /> ಕೊನೆಗೂ ಒಂದು ಕಥೆ ಸಿದ್ಧವಾಯಿತು. ನಾಲ್ಕು ವರ್ಷದ ಹಿಂದಿನಿಂದಲೇ ಚಿತ್ರಕ್ಕೆ ತಯಾರಿ ಪ್ರಾರಂಭಿಸಿದರು. ನಾಯಕರಾಗಿ `ಮೆಂಟಲ್ ಮಂಜ~ ಖ್ಯಾತಿಯ ಅರ್ಜುನ್ ಸಿಕ್ಕರು. ಕ್ಯಾಮೆರಾಮನ್ ಮತ್ತು ಸಂಗೀತ ನಿರ್ದೇಶಕರನ್ನೂ ಕಲೆ ಹಾಕಿದರು.<br /> <br /> ಹುಡುಕಾಟದ ಬಳಿಕ ನಿರ್ಮಾಪಕರೂ ಸಿಕ್ಕರು. ಎಲ್ಲವೂ ಪ್ಲಾನ್ ಆದ ಬಳಿಕ ಚಿತ್ರೀಕರಣ ಶುರುಮಾಡಿದ್ದೇವೆ ಎಂದು ಮೆಲ್ಲನೆ ನಿಟ್ಟುಸಿರುಬಿಟ್ಟರು ಗುರುಮಹೇಂದ್ರ.<br /> <br /> ನಿರ್ದೇಶಕನಾಗಲು ಸಾಕಷ್ಟು ಶ್ರಮಪಟ್ಟಿದ್ದೇನೆ. ಎರಡು ವರ್ಷದಿಂದ ತಂಡ ಕಟ್ಟಲು ಓಡಾಡಿದ್ದೇನೆ. ಇದೇ ವೇಳೆ ಸ್ನೇಹಿತರು ಸಹಕಾರ ನೀಡಿದ್ದರಿಂದ ಕನಸನ್ನು ಈಡೇರಿಸಿಕೊಳ್ಳಲು ಸಾಧ್ಯವಾಗುತ್ತಿದೆ ಎಂದು ಗುರುಮಹೇಂದ್ರ ಸ್ನೇಹಿತರು ಕೊಟ್ಟ ಸಹಾಯಹಸ್ತವನ್ನು ಸ್ಮರಿಸಿಕೊಂಡರು. <br /> <br /> `ಪೂಜೆ~ ಎಂಬ ಹೆಸರು ಭಕ್ತಿಭಾವಗಳನ್ನು ಮೂಡಿಸುತ್ತದೆ ಎಂಬಂತೆ ಕಂಡರೂ ಚಿತ್ರದಲ್ಲಿ ನಾಯಕ ಮಾಡುವ ಪೂಜೆ ಬೇರೆಯದ್ದೆ ಎಂಬ ಸುಳಿವನ್ನು ಅವರು ನೀಡಿದರು. ದೇವಸ್ಥಾನದಲ್ಲಿ ನಾಯಕ ನಾಯಕಿ ಮೊದಲ ಬಾರಿಗೆ ಭೇಟಿ ಆಗುತ್ತಾರೆ. ಇಲ್ಲೇ ಪ್ರೇಮಪೂಜೆ ಪ್ರಾರಂಭವಾಗುತ್ತದೆ. ಆದರೆ ಈ ಪ್ರೇಮ ಪೂಜಾರಿಗೆ ನಾಯಕಿ ಇನ್ನೂ ಸಿಕ್ಕಿಲ್ಲ! <br /> <br /> ಬಡಕುಟುಂಬದ ದಿಕ್ಕುದೆಸೆಯಿಲ್ಲದ ಹುಡುಗನೊಬ್ಬ ಭೂಗತಜಗತ್ತಿನೊಳಗೆ ಸಿಕ್ಕಿಕೊಂಡಾಗ ಆತ ಎದುರಿಸುವ ಸಂಕಷ್ಟಗಳು. ಪುಡಿ ರೌಡಿಯಾಗಿ ಜೊತೆಗೆ ಪ್ರೇಮಿಯಾಗಿ ಹೋರಾಡುವ ಪಾತ್ರ ನನ್ನದು ಎಂದು ಅರ್ಜುನ್ ವಿವರಿಸಿದರು.<br /> ಶಿವರಾಜ್ ಮತ್ತು ಭಾಸ್ಕರ್ ಚಿತ್ರದ ನಿರ್ಮಾಪಕರು. ಬೆಂಗಳೂರು, ಮಡಿಕೇರಿ, ಸಕಲೇಶಪುರ, ಹುಬ್ಬಳ್ಳಿಗಳಲ್ಲಿ ಚಿತ್ರೀಕರಣ ನಡೆಯಲಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹತ್ತು ವರ್ಷ ಸಹಾಯಕ ನಿರ್ದೇಶಕರಾಗಿ ದುಡಿದು ಮೊದಲ ಬಾರಿಗೆ ಸ್ವತಂತ್ರವಾಗಿ ಆಕ್ಷನ್ ಕಟ್ ಹೇಳಲು ಹೊರಟಿರುವ ಗುರುಮಹೇಂದ್ರ ಮಾತನಾಡಲು ಕುಳಿತಿದ್ದರೂ ಬೇರೇನೋ ಯೋಚಿಸುತ್ತಿರುವಂತೆ ತೋರುತ್ತಿತ್ತು. ಗಂಟಲಿನಿಂದ ಜೋರಾಗಿ ಸ್ವರಗಳೇ ಹೊರಡುತ್ತಿರಲಿಲ್ಲ.<br /> <br /> `ಪೂಜೆ~ ಚಿತ್ರದ ಮುಹೂರ್ತಕ್ಕಾಗಿ ಕ್ಯಾಮೆರಾಕ್ಕೆ ಪೂಜೆ ಸಲ್ಲಿಸಿದ ಚಿತ್ರತಂಡ ಮಾಡಲು ಹೊರಟಿರುವ ಚಿತ್ರದ ಬಗ್ಗೆ ಹೇಳತೊಡಗಿತು.<br /> <br /> ನಿರ್ದೇಶಕ ಸಾಯಿಸಾಗರ್ ಅವರಿಗೆ ಸಹಾಯಕರಾಗಿ ದುಡಿಯುತ್ತಿದ್ದಾಗಲೇ ಹತ್ತಾರು ಕಥೆಗಳು ಗುರುಮಹೇಂದ್ರ ಅವರಿಗೆ ಹೊಳೆದಿದ್ದವಂತೆ. ಆದರೆ ಯಾವುದೂ ಸರಿಬರಲಿಲ್ಲ. ಕೆಲವು ಹೆಚ್ಚಿನ ಬಜೆಟ್ ಬಯಸುವಂತಹವು. ಅವುಗಳಿಗೆ ನಿರ್ಮಾಪಕರನ್ನು ಹುಡುಕುವುದು ಸುಲಭವಲ್ಲ ಎಂದು ಕೈಬಿಟ್ಟರಂತೆ. <br /> <br /> ಕೊನೆಗೂ ಒಂದು ಕಥೆ ಸಿದ್ಧವಾಯಿತು. ನಾಲ್ಕು ವರ್ಷದ ಹಿಂದಿನಿಂದಲೇ ಚಿತ್ರಕ್ಕೆ ತಯಾರಿ ಪ್ರಾರಂಭಿಸಿದರು. ನಾಯಕರಾಗಿ `ಮೆಂಟಲ್ ಮಂಜ~ ಖ್ಯಾತಿಯ ಅರ್ಜುನ್ ಸಿಕ್ಕರು. ಕ್ಯಾಮೆರಾಮನ್ ಮತ್ತು ಸಂಗೀತ ನಿರ್ದೇಶಕರನ್ನೂ ಕಲೆ ಹಾಕಿದರು.<br /> <br /> ಹುಡುಕಾಟದ ಬಳಿಕ ನಿರ್ಮಾಪಕರೂ ಸಿಕ್ಕರು. ಎಲ್ಲವೂ ಪ್ಲಾನ್ ಆದ ಬಳಿಕ ಚಿತ್ರೀಕರಣ ಶುರುಮಾಡಿದ್ದೇವೆ ಎಂದು ಮೆಲ್ಲನೆ ನಿಟ್ಟುಸಿರುಬಿಟ್ಟರು ಗುರುಮಹೇಂದ್ರ.<br /> <br /> ನಿರ್ದೇಶಕನಾಗಲು ಸಾಕಷ್ಟು ಶ್ರಮಪಟ್ಟಿದ್ದೇನೆ. ಎರಡು ವರ್ಷದಿಂದ ತಂಡ ಕಟ್ಟಲು ಓಡಾಡಿದ್ದೇನೆ. ಇದೇ ವೇಳೆ ಸ್ನೇಹಿತರು ಸಹಕಾರ ನೀಡಿದ್ದರಿಂದ ಕನಸನ್ನು ಈಡೇರಿಸಿಕೊಳ್ಳಲು ಸಾಧ್ಯವಾಗುತ್ತಿದೆ ಎಂದು ಗುರುಮಹೇಂದ್ರ ಸ್ನೇಹಿತರು ಕೊಟ್ಟ ಸಹಾಯಹಸ್ತವನ್ನು ಸ್ಮರಿಸಿಕೊಂಡರು. <br /> <br /> `ಪೂಜೆ~ ಎಂಬ ಹೆಸರು ಭಕ್ತಿಭಾವಗಳನ್ನು ಮೂಡಿಸುತ್ತದೆ ಎಂಬಂತೆ ಕಂಡರೂ ಚಿತ್ರದಲ್ಲಿ ನಾಯಕ ಮಾಡುವ ಪೂಜೆ ಬೇರೆಯದ್ದೆ ಎಂಬ ಸುಳಿವನ್ನು ಅವರು ನೀಡಿದರು. ದೇವಸ್ಥಾನದಲ್ಲಿ ನಾಯಕ ನಾಯಕಿ ಮೊದಲ ಬಾರಿಗೆ ಭೇಟಿ ಆಗುತ್ತಾರೆ. ಇಲ್ಲೇ ಪ್ರೇಮಪೂಜೆ ಪ್ರಾರಂಭವಾಗುತ್ತದೆ. ಆದರೆ ಈ ಪ್ರೇಮ ಪೂಜಾರಿಗೆ ನಾಯಕಿ ಇನ್ನೂ ಸಿಕ್ಕಿಲ್ಲ! <br /> <br /> ಬಡಕುಟುಂಬದ ದಿಕ್ಕುದೆಸೆಯಿಲ್ಲದ ಹುಡುಗನೊಬ್ಬ ಭೂಗತಜಗತ್ತಿನೊಳಗೆ ಸಿಕ್ಕಿಕೊಂಡಾಗ ಆತ ಎದುರಿಸುವ ಸಂಕಷ್ಟಗಳು. ಪುಡಿ ರೌಡಿಯಾಗಿ ಜೊತೆಗೆ ಪ್ರೇಮಿಯಾಗಿ ಹೋರಾಡುವ ಪಾತ್ರ ನನ್ನದು ಎಂದು ಅರ್ಜುನ್ ವಿವರಿಸಿದರು.<br /> ಶಿವರಾಜ್ ಮತ್ತು ಭಾಸ್ಕರ್ ಚಿತ್ರದ ನಿರ್ಮಾಪಕರು. ಬೆಂಗಳೂರು, ಮಡಿಕೇರಿ, ಸಕಲೇಶಪುರ, ಹುಬ್ಬಳ್ಳಿಗಳಲ್ಲಿ ಚಿತ್ರೀಕರಣ ನಡೆಯಲಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>