ವಧೆ ತಪ್ಪಿಸಿ ಗೋಶಾಲೆಗೆ ಕಳುಹಿದರು...

ಸವದತ್ತಿ: ಗುರ್ಲಹೊಸೂರಿನ ಹೂಲಿ ಅಜ್ಜನವರ ಗುಡಿಯ ಗೂಳಿಯು ರೈತರ ಎತ್ತುಗಳಿಗೆ ಹಾಯ್ದು ಗಾಯಗೊಳಿಸುತ್ತಿದೆ ಎಂದು ಕೆಲವರು ವಧಾಗಾರರಿಗೆ ಮಾರಲು ಮುಂದಾದಾಗ, ವಿಶ್ವಹಿಂದೂ ಪರಿಷತ್‌ನ ಸದಸ್ಯರು ಅದನ್ನು ತಪ್ಪಿಸಿ ಬೆಳಗಾವಿ ಹಲಗಾದ ಗೋಶಾಲೆಗೆ ಕಳಿಸಿದ ಘಟನೆ ಬುಧವಾರ ನಡೆದಿದೆ.



ಈ ಸಂದರ್ಭದಲ್ಲಿ ರೈತರನ್ನು ಉದ್ದೇಶಿಸಿ ಮಾತನಾಡಿದ ವಿ.ಹಿ.ಪನ ಜಿಲ್ಲಾ ಸಂಯೋಜಕ ಶಂಕರ ಮನ್ನೂರ,  ರೈತ ಬಾಂಧವರು ಕೊಂದು ತಿನ್ನುವ ವ

ರಿಗೆ ಹಣಕ್ಕಾಗಿ ಮಾರುವುದರ ಬದಲು ಗೋಶಾಲೆಗಳಿಗೆ ಕೊಡಿ. ಅದರ ವಂಶ ಬೆಳೆಸಲು ಸಹಕರಿಸಿ ಎಂದರು.



ಗೋವುಗಳನ್ನು ಮನೆಯ ಸದಸ್ಯನಂ ತೆ ಕಾಣುವುದರ ಜತೆಗೆ ವಯಸ್ಸಾದ ಗೋವುಗಳಿಗೆ ಕಡೆಯ ದಿನಗಳನ್ನು ನೆಮ್ಮದಿಯಿಂದ ಕಳೆಯಲು ಅವಕಾಶ ಮಾಡಿಕೊಡಿ ಎಂದರು. 

ಅಲ್ಲಿದ್ದ ಮಹಿಳೆಯರು  ‘ ಈ ಗೂಳು ನಿತ್ಯ ನಮ್ಮ ಮನೆಗೆ ಬಂದು ಪೂಜೆ ಮಾಡಿಸಿಕೊಂಡು, ನಾವು ಕೊಟ್ಟ ರೊಟ್ಟಿ ಹಾಗೂ ತರಕಾರಿ ಸೊಪ್ಪುಗಳನ್ನು ತಿಂದು ಹೋಗುತ್ತಿತ್ತು. ಯಾರಿಗೂ ಹಾನಿ ಮಾಡಿಲ್ಲ’ ಎಂದು ಹೇಳಿದರು.ನಂತರ ಆ ಗೂಳಿಯನ್ನು ಹಲಗಾ ಗೋಶಾಲೆಗೆ ಕಳಿಸಿದರು. ಈ ಸಂದರ್ಭದಲ್ಲಿ ಅಲ್ಲಿನ ಹಿರಿಯರು, ವಿಶ್ವ ಹಿಂದೂ ಪರಿಷತ್‌ನ ಸದಸ್ಯರು ಇದ್ದರು.