<p><strong>ನೈಜಿರಿಯಾ: ಭಾರತ ನೆರವು</strong><br /> <strong>ಅಬುಜಾ (ಪಿಟಿಐ): </strong>ನೈಜಿರಿಯಾದ ವಿದ್ಯುತ್ ವಲಯ ಬಲವರ್ಧನೆಗೆ 10 ಕೋಟಿ ಅಮೆರಿಕನ್ ಡಾಲರ್ ನೆರವು ನೀಡುವುದಾಗಿ ಭಾರತ ಭರವಸೆ ನೀಡಿದೆ.ದಕ್ಷಿಣ ರಾಜ್ಯ ಲಾಗೋಸ್ನಲ್ಲಿ ವಿದ್ಯುತ್ ಪೂರೈಕೆ ಉಪಕರಣಗಳ ತಯಾರಿಕಾ ಘಟಕದ ಉದ್ಘಾಟನೆಯಲ್ಲಿ ಪಾಲ್ಗೊಂಡು ಮಾತನಾಡಿದ ನೈಜಿರಿಯಾದಲ್ಲಿನ ಭಾರತೀಯ ಹೈಕಮೀಷನರ್ ಮಹೇಶ್ ಸಚ್ದೇವ್, ನೆರವು ನೀಡಿಕೆಯ ಈ ಒಪ್ಪಂದಕ್ಕೆ ಉಭಯ ದೇಶಗಳು ಶೀಘ್ರ ಸಹಿ ಹಾಕಲಿವೆ ಎಂದು ತಿಳಿಸಿದರು.<br /> <br /> 12 ಭಾರತೀಯ ಕಂಪೆನಿಗಳು ನೈಜಿರಿಯಾದ ವಿದ್ಯುತ್ ಕ್ಷೇತ್ರದಲ್ಲಿ ಬಂಡವಾಳ ಹೂಡಲು ಉತ್ಸುಕವಾಗಿವೆ. ಅನಿಶ್ಚಿತತೆ ಹಾಗೂ ವ್ಯಾಪಕ ಭ್ರಷ್ಟಾಚಾರದಿಂದಾಗಿ ನೈಜಿರಿಯಾವು ತನ್ನ ವಿದ್ಯುತ್ ಬೇಡಿಕೆಯನ್ನು ಪೂರೈಸಲು ವಿಫಲವಾಗಿದೆ.<br /> <br /> <strong>30 ಕೈದಿಗಳು ಪರಾರಿ</strong><br /> <strong>ಕಾಬೂಲ್ (ಎಎಫ್ಪಿ): </strong>ಆಫ್ಘಾನಿಸ್ತಾನದ ಉತ್ತರ ಪ್ರಾಂತ್ಯದ ರಾಜಧಾನಿ ಸಾರಿ ಪುಲ್ನ ಜೈಲೊಂದರ ಮೇಲೆ ತಾಲಿಬಾನ್ ಉಗ್ರರು ಗುಂಡಿನ ದಾಳಿ ನಡೆಸಿದ ಪರಿಣಾಮ 3 ಮಂದಿ ಮೃತಪಟ್ಟಿದ್ದು, 30 ಕೈದಿಗಳು ಜೈಲಿನಿಂದ ಪರಾರಿಯಾಗಿದ್ದಾರೆ.<br /> <br /> ಉಗ್ರರು ಜೈಲಿನ ಮೇಲೆ ಸತತ ಹತ್ತು ನಿಮಿಷಗಳ ಕಾಲ ದಾಳಿ ನಡೆಸಿದ್ದಾರೆ. ಇದರಿಂದಾಗಿ 28 ಜನ ಗಾಯಗೊಂಡಿದ್ದಾರೆ ಮೂಲಗಳು ತಿಳಿಸಿವೆ.<br /> <br /> <strong>ಒತ್ತೆಯಾಳು ಬಿಡುಗಡೆ</strong><br /> <strong>ಮನಿಲಾ (ಐಎಎನ್ಎಸ್):</strong> ಸುಮಾರು ಎಂಟು ತಿಂಗಳ ಒತ್ತೆಯ ನಂತರ 21 ಫಿಲಿಪೀನ್ಸ್ ನಾವಿಕರನ್ನು ಸೋಮಾಲಿಯ ಕಡಲ್ಗಳ್ಳರು ಬಿಡುಗಡೆ ಮಾಡಿದ್ದಾರೆ ಎಂದು ಸರ್ಕಾರ ಶುಕ್ರವಾರ ತಿಳಿಸಿದೆ.<br /> <br /> ಈ ನಾವಿಕರೆಲ್ಲರೂ ಗ್ರೀಕ್ ಟ್ಯಾಂಕರ್ ಎಂಟಿ ಲಿಕ್ವಿಡ್ ವೆಲ್ವೆಟ್ ಹಡಗಿನ ಸಿಬ್ಬಂದಿ ಆಗಿದ್ದು, ಕಳೆದ ವರ್ಷದ ಅಕ್ಟೋಬರ್ ತಿಂಗಳಲ್ಲಿ ಕಡಲ್ಗಳ್ಳರು ಈ ಹಡಗನ್ನು ಅಪಹರಿಸಿದ್ದರು.<strong><br /> </strong><br /> <strong>ಆಫ್ಘನ್ ಉಗ್ರರು ಶರಣು</strong><br /> <strong>ಕಾಬೂಲ್ (ಐಎಎನ್ಎಸ್): </strong>ಸರ್ಕಾರದ ಶಾಂತಿ ಸಂಧಾನ ಪ್ರಕ್ರಿಯೆಗೆ ಓಗೊಟ್ಟ 40 ಆಫ್ಘಾನಿಸ್ತಾನ ಉಗ್ರರು, ತಮ್ಮ ಉಗ್ರಗಾಮಿ ಚಟುವಟಿಕೆಗಳನ್ನು ತ್ಯಜಿಸಿ ಸರ್ಕಾರದ ಮುಂದೆ ಶರಣಾಗಿದ್ದಾರೆ ಎಂದು ಉನ್ನತ ಮೂಲಗಳು ತಿಳಿಸಿವೆ.<br /> <br /> ಕಳೆದ ಒಂದು ವರ್ಷದ ಅವಧಿಯಲ್ಲಿ 3 ಸಾವಿರಕ್ಕೂ ಹೆಚ್ಚಿನ ಉಗ್ರರು ಸರ್ಕಾರದ ಶಾಂತಿ ಸಂಧಾನದ ಪ್ರಕ್ರಿಯೆಯಲ್ಲಿ ಪಾಲ್ಗೊಂಡಿದ್ದಾರೆ ಎಂದು ವರದಿಯಾಗಿದೆ.<br /> <br /> <strong>ಭಾರತದ ಆರ್ಥಿಕತೆ ಕುಸಿತ</strong><br /> <strong>ವಿಶ್ವಸಂಸ್ಥೆ (ಪಿಟಿಐ): </strong>ಯುರೋಪ್ನ ಆರ್ಥಿಕ ಕುಸಿತ ವಿಶ್ವ ಆರ್ಥಿಕತೆಗೆ ದೊಡ್ಡ ಬೆದರಿಕೆ ಒಡ್ಡುತ್ತಿದೆ ಎಂದು ಹೇಳಿರುವ ವಿಶ್ವಸಂಸ್ಥೆ, ಈ ಸಾಲಿನಲ್ಲಿ ಭಾರತದ ಆರ್ಥಿಕ ವೃದ್ಧಿ ದರ ಶೇ 6.7ಕ್ಕೆ ಕುಸಿಯಲಿದೆ ಎಂದು ಅಂದಾಜು ಮಾಡಿದೆ.<br /> <br /> ಇದಕ್ಕೂ ಮುನ್ನ ವಿಶ್ವಸಂಸ್ಥೆಯ ಆರ್ಥಿಕ ವರದಿಯಲ್ಲಿ 2012ನೇ ಸಾಲಿನಲ್ಲಿ ಭಾರತದ ವೃದ್ಧಿ ದರ ಶೇ 7.7ರಷ್ಟು ಇರಲಿದೆ ಎಂದು ಅಂದಾಜು ಮಾಡಲಾಗಿತ್ತು.<br /> <br /> <strong>ಭಾರತೀಯರಿಂದ ಉದ್ಯೋಗಾವಕಾಶ</strong><br /> <strong>ವಾಷಿಂಗ್ಟನ್ (ಪಿಟಿಐ): </strong>ಅಮೆರಿಕದಲ್ಲಿ ಭಾರತೀಯರು ಮಾಡಿರುವ ಬಂಡವಾಳ ಹೂಡಿಕೆಯಿಂದಾಗಿ ಅಲ್ಲಿ ಸಾವಿರಾರು ಉದ್ಯೋಗಾವಕಾಶಗಳು ಸೃಷ್ಟಿಯಾಗಿವೆ ಎಂದು ಅಮೆರಿಕ ಸರ್ಕಾರದ ಹಿರಿಯ ಅಧಿಕಾರಿಯೊಬ್ಬರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.<br /> <br /> ಪ್ರತಿಷ್ಠಿತ ಚಿಂತಕರ ಚಾವಡಿ `ಕಾರ್ನೆಗಿ ಎಂಡೊವ್ಮೆಂಟ್ ಫಾರ್ ಇಂಟರ್ನ್ಯಾಷನಲ್ ಪೀಸ್~ನಲ್ಲಿ ಉಪನ್ಯಾಸ ನೀಡಿದ ಅಮೆರಿಕ ವಿದೇಶಾಂಗ ಇಲಾಖೆಯ ದಕ್ಷಿಣ ಹಾಗೂ ಮಧ್ಯ ಏಷ್ಯಾ ವಿಭಾಗದ ಸಹಾಯಕ ಕಾರ್ಯದರ್ಶಿ ರಾಬರ್ಟ್ ಬ್ಲೇಕ್, ಭಾರತದಿಂದ 2010ರಲ್ಲಿ 330 ಕೋಟಿ ಡಾಲರ್ಗಳಷ್ಟು ಬಂಡವಾಳ ಹರಿದುಬಂದಿದ್ದು, ಇದರಿಂದ ಅಮೆರಿಕದಲ್ಲಿ ಹೊಸ ಉದ್ಯೋಗಗಳು ಸೃಷ್ಟಿಯಾಗಿವೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನೈಜಿರಿಯಾ: ಭಾರತ ನೆರವು</strong><br /> <strong>ಅಬುಜಾ (ಪಿಟಿಐ): </strong>ನೈಜಿರಿಯಾದ ವಿದ್ಯುತ್ ವಲಯ ಬಲವರ್ಧನೆಗೆ 10 ಕೋಟಿ ಅಮೆರಿಕನ್ ಡಾಲರ್ ನೆರವು ನೀಡುವುದಾಗಿ ಭಾರತ ಭರವಸೆ ನೀಡಿದೆ.ದಕ್ಷಿಣ ರಾಜ್ಯ ಲಾಗೋಸ್ನಲ್ಲಿ ವಿದ್ಯುತ್ ಪೂರೈಕೆ ಉಪಕರಣಗಳ ತಯಾರಿಕಾ ಘಟಕದ ಉದ್ಘಾಟನೆಯಲ್ಲಿ ಪಾಲ್ಗೊಂಡು ಮಾತನಾಡಿದ ನೈಜಿರಿಯಾದಲ್ಲಿನ ಭಾರತೀಯ ಹೈಕಮೀಷನರ್ ಮಹೇಶ್ ಸಚ್ದೇವ್, ನೆರವು ನೀಡಿಕೆಯ ಈ ಒಪ್ಪಂದಕ್ಕೆ ಉಭಯ ದೇಶಗಳು ಶೀಘ್ರ ಸಹಿ ಹಾಕಲಿವೆ ಎಂದು ತಿಳಿಸಿದರು.<br /> <br /> 12 ಭಾರತೀಯ ಕಂಪೆನಿಗಳು ನೈಜಿರಿಯಾದ ವಿದ್ಯುತ್ ಕ್ಷೇತ್ರದಲ್ಲಿ ಬಂಡವಾಳ ಹೂಡಲು ಉತ್ಸುಕವಾಗಿವೆ. ಅನಿಶ್ಚಿತತೆ ಹಾಗೂ ವ್ಯಾಪಕ ಭ್ರಷ್ಟಾಚಾರದಿಂದಾಗಿ ನೈಜಿರಿಯಾವು ತನ್ನ ವಿದ್ಯುತ್ ಬೇಡಿಕೆಯನ್ನು ಪೂರೈಸಲು ವಿಫಲವಾಗಿದೆ.<br /> <br /> <strong>30 ಕೈದಿಗಳು ಪರಾರಿ</strong><br /> <strong>ಕಾಬೂಲ್ (ಎಎಫ್ಪಿ): </strong>ಆಫ್ಘಾನಿಸ್ತಾನದ ಉತ್ತರ ಪ್ರಾಂತ್ಯದ ರಾಜಧಾನಿ ಸಾರಿ ಪುಲ್ನ ಜೈಲೊಂದರ ಮೇಲೆ ತಾಲಿಬಾನ್ ಉಗ್ರರು ಗುಂಡಿನ ದಾಳಿ ನಡೆಸಿದ ಪರಿಣಾಮ 3 ಮಂದಿ ಮೃತಪಟ್ಟಿದ್ದು, 30 ಕೈದಿಗಳು ಜೈಲಿನಿಂದ ಪರಾರಿಯಾಗಿದ್ದಾರೆ.<br /> <br /> ಉಗ್ರರು ಜೈಲಿನ ಮೇಲೆ ಸತತ ಹತ್ತು ನಿಮಿಷಗಳ ಕಾಲ ದಾಳಿ ನಡೆಸಿದ್ದಾರೆ. ಇದರಿಂದಾಗಿ 28 ಜನ ಗಾಯಗೊಂಡಿದ್ದಾರೆ ಮೂಲಗಳು ತಿಳಿಸಿವೆ.<br /> <br /> <strong>ಒತ್ತೆಯಾಳು ಬಿಡುಗಡೆ</strong><br /> <strong>ಮನಿಲಾ (ಐಎಎನ್ಎಸ್):</strong> ಸುಮಾರು ಎಂಟು ತಿಂಗಳ ಒತ್ತೆಯ ನಂತರ 21 ಫಿಲಿಪೀನ್ಸ್ ನಾವಿಕರನ್ನು ಸೋಮಾಲಿಯ ಕಡಲ್ಗಳ್ಳರು ಬಿಡುಗಡೆ ಮಾಡಿದ್ದಾರೆ ಎಂದು ಸರ್ಕಾರ ಶುಕ್ರವಾರ ತಿಳಿಸಿದೆ.<br /> <br /> ಈ ನಾವಿಕರೆಲ್ಲರೂ ಗ್ರೀಕ್ ಟ್ಯಾಂಕರ್ ಎಂಟಿ ಲಿಕ್ವಿಡ್ ವೆಲ್ವೆಟ್ ಹಡಗಿನ ಸಿಬ್ಬಂದಿ ಆಗಿದ್ದು, ಕಳೆದ ವರ್ಷದ ಅಕ್ಟೋಬರ್ ತಿಂಗಳಲ್ಲಿ ಕಡಲ್ಗಳ್ಳರು ಈ ಹಡಗನ್ನು ಅಪಹರಿಸಿದ್ದರು.<strong><br /> </strong><br /> <strong>ಆಫ್ಘನ್ ಉಗ್ರರು ಶರಣು</strong><br /> <strong>ಕಾಬೂಲ್ (ಐಎಎನ್ಎಸ್): </strong>ಸರ್ಕಾರದ ಶಾಂತಿ ಸಂಧಾನ ಪ್ರಕ್ರಿಯೆಗೆ ಓಗೊಟ್ಟ 40 ಆಫ್ಘಾನಿಸ್ತಾನ ಉಗ್ರರು, ತಮ್ಮ ಉಗ್ರಗಾಮಿ ಚಟುವಟಿಕೆಗಳನ್ನು ತ್ಯಜಿಸಿ ಸರ್ಕಾರದ ಮುಂದೆ ಶರಣಾಗಿದ್ದಾರೆ ಎಂದು ಉನ್ನತ ಮೂಲಗಳು ತಿಳಿಸಿವೆ.<br /> <br /> ಕಳೆದ ಒಂದು ವರ್ಷದ ಅವಧಿಯಲ್ಲಿ 3 ಸಾವಿರಕ್ಕೂ ಹೆಚ್ಚಿನ ಉಗ್ರರು ಸರ್ಕಾರದ ಶಾಂತಿ ಸಂಧಾನದ ಪ್ರಕ್ರಿಯೆಯಲ್ಲಿ ಪಾಲ್ಗೊಂಡಿದ್ದಾರೆ ಎಂದು ವರದಿಯಾಗಿದೆ.<br /> <br /> <strong>ಭಾರತದ ಆರ್ಥಿಕತೆ ಕುಸಿತ</strong><br /> <strong>ವಿಶ್ವಸಂಸ್ಥೆ (ಪಿಟಿಐ): </strong>ಯುರೋಪ್ನ ಆರ್ಥಿಕ ಕುಸಿತ ವಿಶ್ವ ಆರ್ಥಿಕತೆಗೆ ದೊಡ್ಡ ಬೆದರಿಕೆ ಒಡ್ಡುತ್ತಿದೆ ಎಂದು ಹೇಳಿರುವ ವಿಶ್ವಸಂಸ್ಥೆ, ಈ ಸಾಲಿನಲ್ಲಿ ಭಾರತದ ಆರ್ಥಿಕ ವೃದ್ಧಿ ದರ ಶೇ 6.7ಕ್ಕೆ ಕುಸಿಯಲಿದೆ ಎಂದು ಅಂದಾಜು ಮಾಡಿದೆ.<br /> <br /> ಇದಕ್ಕೂ ಮುನ್ನ ವಿಶ್ವಸಂಸ್ಥೆಯ ಆರ್ಥಿಕ ವರದಿಯಲ್ಲಿ 2012ನೇ ಸಾಲಿನಲ್ಲಿ ಭಾರತದ ವೃದ್ಧಿ ದರ ಶೇ 7.7ರಷ್ಟು ಇರಲಿದೆ ಎಂದು ಅಂದಾಜು ಮಾಡಲಾಗಿತ್ತು.<br /> <br /> <strong>ಭಾರತೀಯರಿಂದ ಉದ್ಯೋಗಾವಕಾಶ</strong><br /> <strong>ವಾಷಿಂಗ್ಟನ್ (ಪಿಟಿಐ): </strong>ಅಮೆರಿಕದಲ್ಲಿ ಭಾರತೀಯರು ಮಾಡಿರುವ ಬಂಡವಾಳ ಹೂಡಿಕೆಯಿಂದಾಗಿ ಅಲ್ಲಿ ಸಾವಿರಾರು ಉದ್ಯೋಗಾವಕಾಶಗಳು ಸೃಷ್ಟಿಯಾಗಿವೆ ಎಂದು ಅಮೆರಿಕ ಸರ್ಕಾರದ ಹಿರಿಯ ಅಧಿಕಾರಿಯೊಬ್ಬರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.<br /> <br /> ಪ್ರತಿಷ್ಠಿತ ಚಿಂತಕರ ಚಾವಡಿ `ಕಾರ್ನೆಗಿ ಎಂಡೊವ್ಮೆಂಟ್ ಫಾರ್ ಇಂಟರ್ನ್ಯಾಷನಲ್ ಪೀಸ್~ನಲ್ಲಿ ಉಪನ್ಯಾಸ ನೀಡಿದ ಅಮೆರಿಕ ವಿದೇಶಾಂಗ ಇಲಾಖೆಯ ದಕ್ಷಿಣ ಹಾಗೂ ಮಧ್ಯ ಏಷ್ಯಾ ವಿಭಾಗದ ಸಹಾಯಕ ಕಾರ್ಯದರ್ಶಿ ರಾಬರ್ಟ್ ಬ್ಲೇಕ್, ಭಾರತದಿಂದ 2010ರಲ್ಲಿ 330 ಕೋಟಿ ಡಾಲರ್ಗಳಷ್ಟು ಬಂಡವಾಳ ಹರಿದುಬಂದಿದ್ದು, ಇದರಿಂದ ಅಮೆರಿಕದಲ್ಲಿ ಹೊಸ ಉದ್ಯೋಗಗಳು ಸೃಷ್ಟಿಯಾಗಿವೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
