<p><strong>ಶಿವಮೊಗ್ಗ: </strong>ಕೃತಿಯ ವಿಮರ್ಶೆ ಒಂದು ಸಮಾಜದ, ರಾಜ್ಯದ, ರಾಷ್ಟ್ರದ ವಿಮರ್ಶೆಯು ಹೌದು. ವರ್ತಮಾನದಲ್ಲಿರುವ ವಿಮರ್ಶಕರು ಭೂತವನ್ನು ಗ್ರಹಿಸಿ, ಭವಿಷ್ಯತ್ ಕಟ್ಟಿಕೊಡಬೇಕು. ವಿಮರ್ಶೆ ಒಕ್ಕಣ್ಣ ಆಗಬಾರದು ಎಂದು ಲೇಖಕ ಪ್ರೊ.ಅರವಿಂದ ಮಾಲಗತ್ತಿ ಅಭಿಪ್ರಾಯಪಟ್ಟರು. <br /> <br /> ಕರ್ನಾಟಕ ಸಾಹಿತ್ಯ ಅಕಾಡೆಮಿ, ಕುವೆಂಪು ವಿಶ್ವವಿದ್ಯಾಲಯದ ಪ್ರಸಾರಾಂಗ ಸಹಯೋಗದಲ್ಲಿ ಶಂಕರಘಟ್ಟದ ಜ್ಞಾನಸಹ್ಯಾದ್ರಿಯಲ್ಲಿ ಏರ್ಪಡಿಸಿದ್ದ `ಸಮಕಾಲೀನ ವಿಮರ್ಶೆ - ಸಾಂಸ್ಕೃತಿಕ ಬಿಕ್ಕಟ್ಟು~ ಕುರಿತು ಯುವ ಲೇಖಕರ ಐದು ದಿನಗಳ ವಿಮರ್ಶಾ ಕಮ್ಮಟದ ಸಮಾರೋಪ ಸಮಾರಂಭದಲ್ಲಿ ಮಂಗಳವಾರ ಅವರು ಮಾತನಾಡಿದರು. <br /> <br /> ವಿಮರ್ಶೆಯ ಅಸ್ತಿತ್ವ ಕೃತಿಯ ಒಳಗಡೆಯೇ ಇರುತ್ತದೆ. ಕನ್ನಡದಲ್ಲಿ ನಿಜವಾದ ವಿಮರ್ಶೆ ಆರಂಭವಾಗಿದ್ದೇ ಕುವೆಂಪು ಅವರು ಬರೆದ `ಶೂದ್ರತಪಸ್ವಿ~ ಕೃತಿಗೆ ಮಾಸ್ತಿ ಅವರು ಮಂಡಿಸಿದ ವಾಗ್ವಾದಗಳಿಂದ ಎನ್ನಬಹುದು. ನವೋದಯ ವಿಮರ್ಶೆ ರಸ ವಿಮರ್ಶೆಯಷ್ಟೇ ಅಲ್ಲ, ಅಲ್ಲಿ ರಸಾಸ್ವಾದನೆ, ಭಿನ್ನ ಚಿಂತನೆಗಳಿವೆ. ನವ್ಯ ವಿಮರ್ಶೆ ಬಾಡಿಗೆ ಚಿಂತನೆಗಳನ್ನು ಹೊತ್ತು ತಂದಿದೆ. ಈ ಬಾಡಿಗೆ ಚಿಂತನೆಗಳು ಮುಂದೆ ಸ್ವತಂತ್ರ ಚಿಂತನೆಗೆ ಅವಕಾಶ ಮಾಡಿಕೊಟ್ಟಿವೆ ಎಂದು ವಿಶ್ಲೇಷಿಸಿದರು. <br /> <br /> ದಲಿತ-ಬಂಡಾಯದ ಚಿಂತನ ಕ್ರಮವೇ ಕನ್ನಡ ಸಾಹಿತ್ಯ ವಿಮರ್ಶಾಕ್ಷೇತ್ರಕ್ಕೆ ಸ್ವತಂತ್ರದ ಅಸ್ತಿತ್ವವನ್ನು ತಂದುಕೊಟ್ಟಿದೆ. `ಇಕ್ರಲಾ ಒದ್ರಿಲಾ~ ಎಂಬಂತಹ ಬೈಗುಳ ಶಬ್ದಕ್ಕೂ ಚಾರಿತ್ರಿಕ ಹಿನ್ನೆಲೆಯಿದೆ. ಒಂದು ಸಾಂಸ್ಕೃತಿಕ ಸಂದರ್ಭದಲ್ಲಿ ಯಾವುದು ಜೀವಂತವಾಗಿರುತ್ತದೋ ಅದಕ್ಕೆ ವಿರೋಧಗಳಿರುತ್ತವೆ. ದಲಿತ ಬಂಡಾಯ ವಿಮರ್ಶೆ ಸೀಮಾತೀತ ವಿಮರ್ಶೆಯಾಗಿರುತ್ತದೆ ಎಂದರು. <br /> <br /> ಕಮ್ಮಟದ ನಿರ್ದೇಶಕರಾದ ಡಾ.ರಾಜಪ್ಪ ದಳವಾಯಿ, ಡಾ.ಬಿ.ಎಂ. ಪುಟ್ಟಯ್ಯ, ಅಕಾಡೆಮಿಯ ರಿಜಿಸ್ಟ್ರಾರ್ ಡಾ.ವಿ.ಎನ್. ಮಲ್ಲಿಕಾರ್ಜುನ ಸ್ವಾಮಿ ಮಾತನಾಡಿದರು. ಕನ್ನಡ ಭಾರತಿಯ ನಿರ್ದೇಶಕ ಪ್ರೊ.ಸಣ್ಣರಾಮ ಅಧ್ಯಕ್ಷತೆ ವಹಿಸಿದ್ದರು.<br /> <br /> ವಿವಿಯ ಪ್ರಸಾರಾಂಗದ ನಿರ್ದೇಶಕ ಡಾ.ಜಿ. ಪ್ರಶಾಂತ ನಾಯಕ ಪ್ರಾಸ್ತಾವಿಕವಾಗಿ ಮಾತನಾಡಿದರು. <br /> ಡಾ.ಶಿವಾನಂದ ಕೆಳಗಿನಮನಿ ಸ್ವಾಗತಿಸಿದರು. ಡಾ.ಸಿ.ಎಸ್. ಶಿವಕುಮಾರ ಚಲ್ಯ ಪ್ರಾರ್ಥಿಸಿದರು. ಸಿ. ಶ್ವೇತಾ ಹಾಗೂ ವಿ.ಜಿ. ರುದ್ರೇಶ್ ಕಾರ್ಯಕ್ರಮ ನಿರೂಪಿಸಿದರು. ಡಾ.ಬಿ.ಇ. ಕುಮಾರಸ್ವಾಮಿ ವಂದಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶಿವಮೊಗ್ಗ: </strong>ಕೃತಿಯ ವಿಮರ್ಶೆ ಒಂದು ಸಮಾಜದ, ರಾಜ್ಯದ, ರಾಷ್ಟ್ರದ ವಿಮರ್ಶೆಯು ಹೌದು. ವರ್ತಮಾನದಲ್ಲಿರುವ ವಿಮರ್ಶಕರು ಭೂತವನ್ನು ಗ್ರಹಿಸಿ, ಭವಿಷ್ಯತ್ ಕಟ್ಟಿಕೊಡಬೇಕು. ವಿಮರ್ಶೆ ಒಕ್ಕಣ್ಣ ಆಗಬಾರದು ಎಂದು ಲೇಖಕ ಪ್ರೊ.ಅರವಿಂದ ಮಾಲಗತ್ತಿ ಅಭಿಪ್ರಾಯಪಟ್ಟರು. <br /> <br /> ಕರ್ನಾಟಕ ಸಾಹಿತ್ಯ ಅಕಾಡೆಮಿ, ಕುವೆಂಪು ವಿಶ್ವವಿದ್ಯಾಲಯದ ಪ್ರಸಾರಾಂಗ ಸಹಯೋಗದಲ್ಲಿ ಶಂಕರಘಟ್ಟದ ಜ್ಞಾನಸಹ್ಯಾದ್ರಿಯಲ್ಲಿ ಏರ್ಪಡಿಸಿದ್ದ `ಸಮಕಾಲೀನ ವಿಮರ್ಶೆ - ಸಾಂಸ್ಕೃತಿಕ ಬಿಕ್ಕಟ್ಟು~ ಕುರಿತು ಯುವ ಲೇಖಕರ ಐದು ದಿನಗಳ ವಿಮರ್ಶಾ ಕಮ್ಮಟದ ಸಮಾರೋಪ ಸಮಾರಂಭದಲ್ಲಿ ಮಂಗಳವಾರ ಅವರು ಮಾತನಾಡಿದರು. <br /> <br /> ವಿಮರ್ಶೆಯ ಅಸ್ತಿತ್ವ ಕೃತಿಯ ಒಳಗಡೆಯೇ ಇರುತ್ತದೆ. ಕನ್ನಡದಲ್ಲಿ ನಿಜವಾದ ವಿಮರ್ಶೆ ಆರಂಭವಾಗಿದ್ದೇ ಕುವೆಂಪು ಅವರು ಬರೆದ `ಶೂದ್ರತಪಸ್ವಿ~ ಕೃತಿಗೆ ಮಾಸ್ತಿ ಅವರು ಮಂಡಿಸಿದ ವಾಗ್ವಾದಗಳಿಂದ ಎನ್ನಬಹುದು. ನವೋದಯ ವಿಮರ್ಶೆ ರಸ ವಿಮರ್ಶೆಯಷ್ಟೇ ಅಲ್ಲ, ಅಲ್ಲಿ ರಸಾಸ್ವಾದನೆ, ಭಿನ್ನ ಚಿಂತನೆಗಳಿವೆ. ನವ್ಯ ವಿಮರ್ಶೆ ಬಾಡಿಗೆ ಚಿಂತನೆಗಳನ್ನು ಹೊತ್ತು ತಂದಿದೆ. ಈ ಬಾಡಿಗೆ ಚಿಂತನೆಗಳು ಮುಂದೆ ಸ್ವತಂತ್ರ ಚಿಂತನೆಗೆ ಅವಕಾಶ ಮಾಡಿಕೊಟ್ಟಿವೆ ಎಂದು ವಿಶ್ಲೇಷಿಸಿದರು. <br /> <br /> ದಲಿತ-ಬಂಡಾಯದ ಚಿಂತನ ಕ್ರಮವೇ ಕನ್ನಡ ಸಾಹಿತ್ಯ ವಿಮರ್ಶಾಕ್ಷೇತ್ರಕ್ಕೆ ಸ್ವತಂತ್ರದ ಅಸ್ತಿತ್ವವನ್ನು ತಂದುಕೊಟ್ಟಿದೆ. `ಇಕ್ರಲಾ ಒದ್ರಿಲಾ~ ಎಂಬಂತಹ ಬೈಗುಳ ಶಬ್ದಕ್ಕೂ ಚಾರಿತ್ರಿಕ ಹಿನ್ನೆಲೆಯಿದೆ. ಒಂದು ಸಾಂಸ್ಕೃತಿಕ ಸಂದರ್ಭದಲ್ಲಿ ಯಾವುದು ಜೀವಂತವಾಗಿರುತ್ತದೋ ಅದಕ್ಕೆ ವಿರೋಧಗಳಿರುತ್ತವೆ. ದಲಿತ ಬಂಡಾಯ ವಿಮರ್ಶೆ ಸೀಮಾತೀತ ವಿಮರ್ಶೆಯಾಗಿರುತ್ತದೆ ಎಂದರು. <br /> <br /> ಕಮ್ಮಟದ ನಿರ್ದೇಶಕರಾದ ಡಾ.ರಾಜಪ್ಪ ದಳವಾಯಿ, ಡಾ.ಬಿ.ಎಂ. ಪುಟ್ಟಯ್ಯ, ಅಕಾಡೆಮಿಯ ರಿಜಿಸ್ಟ್ರಾರ್ ಡಾ.ವಿ.ಎನ್. ಮಲ್ಲಿಕಾರ್ಜುನ ಸ್ವಾಮಿ ಮಾತನಾಡಿದರು. ಕನ್ನಡ ಭಾರತಿಯ ನಿರ್ದೇಶಕ ಪ್ರೊ.ಸಣ್ಣರಾಮ ಅಧ್ಯಕ್ಷತೆ ವಹಿಸಿದ್ದರು.<br /> <br /> ವಿವಿಯ ಪ್ರಸಾರಾಂಗದ ನಿರ್ದೇಶಕ ಡಾ.ಜಿ. ಪ್ರಶಾಂತ ನಾಯಕ ಪ್ರಾಸ್ತಾವಿಕವಾಗಿ ಮಾತನಾಡಿದರು. <br /> ಡಾ.ಶಿವಾನಂದ ಕೆಳಗಿನಮನಿ ಸ್ವಾಗತಿಸಿದರು. ಡಾ.ಸಿ.ಎಸ್. ಶಿವಕುಮಾರ ಚಲ್ಯ ಪ್ರಾರ್ಥಿಸಿದರು. ಸಿ. ಶ್ವೇತಾ ಹಾಗೂ ವಿ.ಜಿ. ರುದ್ರೇಶ್ ಕಾರ್ಯಕ್ರಮ ನಿರೂಪಿಸಿದರು. ಡಾ.ಬಿ.ಇ. ಕುಮಾರಸ್ವಾಮಿ ವಂದಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
