ವಿವಿಧೆಡೆ ಸರ್ಕಾರಿ ಕಚೇರಿಗೆ ಮುತ್ತಿಗೆ

ಶ್ರೀಹರಿಕೋಟಾ (ಪಿಟಿಐ): ಮೂರು ಉಪಗ್ರಹಗಳನ್ನು ಯಶಸ್ವಿಯಾಗಿ ಕಕ್ಷೆಗೆ ಸೇರಿಸುವ ಮೂಲಕ ಪಿಎಸ್ಎಲ್ವಿ ರಾಕೆಟ್ ಉಡಾವಣೆಯಲ್ಲಿ ಇಸ್ರೊ ಇಂದು ಹೊಸ ಮೈಲಿಗಲ್ಲನ್ನು ಸ್ಥಾಪಿಸಿತು. ಕಳೆದ ಡಿಸೆಂಬರ್ ತಿಂಗಳಲ್ಲಿ ಉಡಾವಣೆಗೊಂಡ ಜಿಎಸ್ಎಲ್ವಿ ವಿಫಲ ಪ್ರಯತ್ನನದ ನಂತರ ಸಾಕಷ್ಟು ಕುತೂಹ ಕೆರಳಿಸಿದ್ದ ಈ ಯೋಜನೆ ಯಶಸ್ವಿಯಾಗಿದ್ದು ಇಸ್ರೊ ವಿಜ್ಞಾನಿಗಳಲ್ಲಿ ಹೊಸ ಭರವಸೆ ಮೂಡಿದಂತಾಗಿದೆ.

. ದೂರಸಂವೇದಿ ಉಪಗ್ರಹ ~ರೆಸೋರ್ಸ್ಸ್ಯಾಟ್-2~ ಅನ್ನು ಹೊತ್ತ ಪಿಎಸ್ಎಲ್ವಿ ಯಶಸ್ವಿಯಾಗಿ ಇಂದು ಕಕ್ಷೆಗೆ ಸೇರಿಸುವುದರ ಮೂಲಕ ಭಾರತ ಸತತವಾಗಿ 18ನೇ ಬಾರಿ ಸ್ವದೇಶಿ ನಿರ್ಮಿತ ರಾಕೇಟ್ ಉಡಾವಣೆಯಲ್ಲಿ ಯಶ ಸಾಧಿಸಿದಂತಾಗಿದೆ.

. ಇಂದು ಬೆಳಿಗ್ಗೆ 10.12ಕ್ಕೆ ಸರಿಯಾಗಿ ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಭಾಹ್ಯಾಕಾಶ ಕೇಂದ್ರದಿಂದ ಒಂದು ಬೃಹತ್ ಹಾಗೂ ಎರಡು ನ್ಯಾನೊ ಉಪಗ್ರಹ ಹೊತ್ತ ಪಿಎಸ್ಎಲ್ವಿ-ಸಿ16 ರಾಕೇಟ್ ಉಡಾಯಿಸುವುದರ ಮೂಲಕ ಬಹುಕೋಟಿ ಡಾಲರ್ ಮೊತ್ತದ ರಾಕೇಟ್ ಉಡಾವಣೆಯಲ್ಲಿ ಜಾಗತಿಕ ಮಾರುಕಟ್ಟೆಯಲ್ಲಿ ತನ್ನ ಸ್ಥಾನವನ್ನು ಭದ್ರಗೊಳಿಸಿಕೊಂಡಿತು.

. ಉಡಾವಣೆಗೊಂಡ 18 ನಿಮಿಷಗಳಲ್ಲಿ 822 ಕಿ.ಮೀ ಕ್ರಮಿಸಿದ ಪಿಎಸ್ಎಲ್ವಿ ನಿರ್ಧಿಷ್ಟ ಕಕ್ಷೆಗೆ ಉಪಗ್ರಹಗಳನ್ನು ಸೇರಿಸುವಲ್ಲಿ ಯಶಸ್ವಿಯಾಯಿತು. ಸತೀಶ್ ಧವನ್ ಭಾಹ್ಯಾಕಾಶ ಕೇಂದ್ರದ ವಿಜ್ಞಾನಿಗಳು ಯೋಜನೆಯ ಪ್ರತಿಯೊಂದು ಹಂತವನ್ನೂ ಅತ್ಯಂತ ಕುತೂಹಲದಿಂದ ವೀಕ್ಷಿಸುತ್ತಾ ಸಂಭ್ರಮಪಟ್ಟರು.

. ಉಪಗ್ರಹಗಳು ಕಕ್ಷೆಗೆ ಸೇರಿದ ನಂತರ ಸುದ್ದಿಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ಇಸ್ರೊ ಅಧ್ಯಕ್ಷ ~ಇದೊಂದು ಯಶಸ್ವಿ ~ಟೆಕ್ಸ್ಟ್ ಬುಕ್~~ ಉಡಾವಣೆ. ಉಡಾವಣೆಯ ಪ್ರತಿಯೊಂದು ಹಂತದಲ್ಲೂ ರಾಕೆಟ್ ತಾವು ಅಂದುಕೊಂಡಂತೆ ಸಾಗಿದೆ~ ಎಂದರು.

. 1206 ಕಿಲೋ ತೂಕದ ಅತ್ಯಾಧುನಿಕ ಭೂ ವೀಕ್ಷಣಾ ಉಪಗ್ರಹ ~ರಿಸೋರ್ಸ್ಸ್ಯಾಟ್-2~, ನಕ್ಷತ್ರ ಹಾಗೂ ವಾತಾವರಣ ಅಧ್ಯಯನಕ್ಕಾಗಿ ಇಂಡೊ-ರಷ್ಯಾ ಜಂಟಿಯಾಗಿ ಅಭಿವೃದ್ಧಿಪಡಿಸಿದ 92 ಕಿಲೋ ತೂಕದ ಯೂತ್ಸ್ಯಾಟ್ ಹಾಗೂ ಸ್ಪಷ್ಟ ಚಿತ್ರಗಳಿಗಾಗಿ ಸಿಂಗಪುರ ಮೂಲದ ನನ್ಯಾಂಗ್ ಟೆಕ್ನಾಲಜಿ ವಿಶ್ವವಿದ್ಯಾಲಯ ಅಭಿವೃದ್ಧಿಪಡಿಸಿದ 106 ಕಿಲೋ ತೂಕದ ಎಕ್ಸ್-ಸ್ಯಾಟ್ ಪಿಎಸ್ಎಲ್ವಿ-ಸಿ16 ರಾಕೆಟ್ ಮೂಲಕ ಕಕ್ಷೆ ಸೇರಿದವು.

. 2003ರಲ್ಲಿ ಉಡಾವಣೆಗೊಂಡ ರಿಸೋರ್ಸ್ಸ್ಯಾಟ್-1 ಉಪಗ್ರಹ ಯಶಸ್ವಿಯಾಗಿ ಐದು ವರ್ಷಗಳು ಪೂರ್ಣಗೊಳಿಸಿದ್ದು ರಿಸೋರ್ಸ್ಸ್ಯಾಟ್-2 ಅದರ ಸ್ಥಾನವನ್ನು ತುಂಬಲಿದೆ. ಜತೆಗೆ ನೈಸರ್ಗಿಕ ಸಂಪತ್ತು ಕುರಿತಂತೆ ನಿಖರ ಮಾಹಿತಿ ಹಾಗೂ ಮತ್ತಷ್ಟು ಅತ್ಯಾಧುನಿಕ ಸೌಕರ್ಯ ಈ ನೂತನ ಉಪಗ್ರಹ ಹೊಂದಿದೆ.

. 1993ರ ಸೆ. 23ರಂದು ಪಿಎಸ್ಎಲ್ವಿ-ಡಿ1 ಉಡಾವಣೆ ವಿಫಲಗೊಂಡಿತ್ತು. ಅಲ್ಲಿಂದ ನಂತರ ನಾಲ್ಕು ಹಂತಗಳ ಉಡ್ಡಾವಣಾ ವಾಹನದವರೆಗಿನ 17 ಯೋಜನೆಗಳೂ ಯಶಸ್ವಿಯಾದಂತಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿವಿಧೆಡೆ ಸರ್ಕಾರಿ ಕಚೇರಿಗೆ ಮುತ್ತಿಗೆ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ