ಸೋಮವಾರ, ಮಾರ್ಚ್ 1, 2021
31 °C

ಶಿಶುಮರಣ ಪ್ರಮಾಣ ಇಳಿಕೆಗೆ ಸಿಂಗಪುರ ಪ್ರತಿಷ್ಠಾನ ನೆರವು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಶಿಶುಮರಣ ಪ್ರಮಾಣ ಇಳಿಕೆಗೆ ಸಿಂಗಪುರ ಪ್ರತಿಷ್ಠಾನ ನೆರವು

ಬೆಂಗಳೂರು: ರಾಜ್ಯದಲ್ಲಿ ಬಾಣಂತಿ ಹಾಗೂ ಶಿಶು ಮರಣ ಪ್ರಮಾಣವನ್ನು ಕಡಿಮೆ ಮಾಡಲು ಸಿಂಗಪುರದ ತಜ್ಞ ವೈದ್ಯರು ರಾಜ್ಯದ ವೈದ್ಯಕೀಯ ವೃತ್ತಿನಿರತರಿಗೆ ತರಬೇತಿ ನೀಡಲಿದ್ದಾರೆ. ಕರ್ನಾಟಕ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಂಸ್ಥೆ ಹಾಗೂ ಸಿಂಗಪುರ ಆರೋಗ್ಯ ಪ್ರತಿಷ್ಠಾನದ ಸಹಭಾಗಿತ್ವದಲ್ಲಿ ಈ ಯೋಜನೆ ಅನುಷ್ಠಾನಗೊಳ್ಳಲಿದೆ.



ವಿಕಾಸಸೌಧದಲ್ಲಿ ಸೋಮವಾರ ಏರ್ಪಡಿಸಿದ್ದ ಸಮಾರಂಭದಲ್ಲಿ ಮಾತನಾಡಿದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಪ್ರಧಾನ ಕಾರ್ಯದರ್ಶಿ ಡಾ. ಶಾಲಿನಿ ರಜನೀಶ್ ಅವರು ಈ ವಿಷಯ ತಿಳಿಸಿದರು.



ಸಿಂಗಪುರದ ಪ್ರಸೂತಿ ತಜ್ಞರು, ನವಜಾತ ಶಿಶು ತಜ್ಞರು ಹಾಗೂ ಶುಶ್ರೂಷಕಿಯರು ರಾಜ್ಯದ ಆರೋಗ್ಯ ವೃತ್ತಿನಿರತರಿಗೆ ತರಬೇತಿ ನೀಡಲಿದ್ದಾರೆ. ಶಿಶುಮರಣ–ತಾಯಿ ಮರಣದ ಪ್ರಮಾಣ ಹೆಚ್ಚಿರುವ ಬೀದರ್‌, ರಾಯಚೂರು, ಕಲಬುರಗಿಯ ವೈದ್ಯರು ಮತ್ತು ದಾದಿಯರಿಗೆ ಮೊದಲ ಹಂತದಲ್ಲಿ ತರಬೇತಿ ನೀಡಲಾಗುವುದು. ವರ್ಷಕ್ಕೆ 200 ಜನರಂತೆ ಮುಂದಿನ ಮೂರು ವರ್ಷಗಳಲ್ಲಿ 600 ಮಂದಿಗೆ ತರಬೇತಿ ನೀಡಲಾಗುತ್ತದೆ  ಎಂದು ಹೇಳಿದರು.



ಇಡೀ ಜಗತ್ತಿನ ಒಟ್ಟು ತಾಯಂದಿರ ಮರಣ ಪ್ರಮಾಣದ ಪೈಕಿ  ಶೇ 20ರಷ್ಟು  ತಾಯಂದಿರು ಭಾರತದವರಾಗಿದ್ದಾರೆ. ಸಿಂಗಪುರದಲ್ಲಿ ಈ ಪ್ರಮಾಣ ಅತ್ಯಂತ ಕಡಿಮೆ ಇದೆ.



ಹೀಗಾಗಿ ಅಲ್ಲಿನ ವೈದ್ಯರ ಸಹಭಾಗಿತ್ವದಲ್ಲಿ  ಕರ್ನಾಟಕದ ವೈದ್ಯರಿಗೆ ತರಬೇತಿ ನೀಡಿ, ತಾಯಂದಿರು, ಶಿಶುಮರಣ ಪ್ರಮಾಣವನ್ನು ಕಡಿಮೆ ಮಾಡುವುದು ಸರ್ಕಾರದ ಉದ್ದೇಶ ಎಂದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.