<p><strong>ನವದೆಹಲಿ (ಪಿಟಿಐ): </strong>ಹೆಚ್ಚು ಬೋಗಿಗಳಿರುವ ರೈಲುಗಳನ್ನು ಎಳೆಯುವ 5500 ಎಚ್.ಪಿ ಸಾಮರ್ಥ್ಯದ ಡೀಸೆಲ್ ಎಂಜಿನ್ `ಭೀಮ~ನನ್ನು ಬಳಕೆಗೆ ಸಮರ್ಪಿಸಲು ರೈಲ್ವೆ ಇಲಾಖೆ ಸಜ್ಜಾಗಿದೆ.ಗಂಟೆಗೆ ಗರಿಷ್ಠ 100 ಕಿ.ಮೀ. ವೇಗದಲ್ಲಿ ಸಂಚರಿಸುವ ಈ ಎಂಜಿನ್ನಲ್ಲಿ ಅತ್ಯಾಧುನಿಕ ಸೌಲಭ್ಯಗಳನ್ನು ಅಳವಡಿಸಲಾಗಿದೆ. <br /> <br /> ಪ್ರಸ್ತುತ ಈ ಎಂಜಿನ್ನಿನ ಸುರಕ್ಷತಾ ಪ್ರಯೋಗ ಈಗಾಗಲೇ ಆರಂಭವಾಗಿದೆ. ವಾರಾಣಸಿಯಲ್ಲಿರುವ ರೈಲ್ವೆ ಡೀಸೆಲ್ ಎಂಜಿನ್ ಕಾರ್ಖಾನೆಯಲ್ಲಿ 17 ಕೋಟಿ ರೂಪಾಯಿ ವೆಚ್ಚದಲ್ಲಿ ಇದನ್ನು ತಯಾರಿಸಲಾಗಿದೆ.<br /> <br /> ಪ್ರಸ್ತುತ ರೈಲ್ವೆ ಇಲಾಖೆಯಲ್ಲಿ 4500 ಎಚ್.ಪಿ ಸಾಮರ್ಥ್ಯದ ಎಂಜಿನ್ನುಗಳಿದ್ದು, `ಭೀಮ~ದ ಅಳವಡಿಕೆಯೊಂದಿಗೆ ರೈಲುಗಳ ಸಾಗಣೆ ಸಾಮರ್ಥ್ಯ ಗಣನೀಯವಾಗಿ ಅಧಿಕವಾಗಲಿದೆ ಎಂದು ರೈಲ್ವೆ ಸಚಿವಾಲಯದ ಹಿರಿಯ ಅಧಿಕಾರಿ ಹೇಳಿದ್ದಾರೆ.<br /> <br /> 2012-13ರ ಹಣಕಾಸು ವರ್ಷದಲ್ಲಿ ಇಂತಹ 15 ಎಂಜಿನ್ಗಳನ್ನು ತಯಾರಿಸುವ ಗುರಿಯನ್ನು ಇಲಾಖೆ ಹೊಂದಿದೆ. ಇದೇ ವೇಳೆ ಈ ವರ್ಷದಲ್ಲಿ 102 ಕೋಟಿ ಟನ್ ಸರಕು ಸಾಗಣೆ ಗುರಿ ಹಾಕಿಕೊಂಡಿದೆ (ಕಳೆದ ವರ್ಷಕ್ಕಿಂತ 5.5 ಕೋಟಿ ಟನ್ ಹೆಚ್ಚು)ರೈಲ್ವೆ ಇಲಾಖೆಯು ಅಮೆರಿಕ ಮೂಲದ ಇಎಂಡಿ ಕಂಪೆನಿಯ ಸಹಯೋಗದಲ್ಲಿ ಈ ಎಂಜಿನ್ ಅಭಿವೃದ್ಧಿಪಡಿಸಿದೆ. <br /> <br /> ಇದೇ ಮೊತ್ತಮೊದಲ ಬಾರಿಗೆ ರೈಲ್ವೆ ಚಾಲನಾ ಸಿಬ್ಬಂದಿಗಾಗಿ ಎಂಜಿನ್ನಲ್ಲಿ ಶೌಚಾಲಯದ ವ್ಯವಸ್ಥೆ ಕಲ್ಪಿಸಿರುವುದು ಇದರ ಮತ್ತೊಂದು ವಿಶೇಷ.ಎಲೆಕ್ಟ್ರಾನಿಕ್ ಆಧಾರಿಕ ಇಂಧನ ಪೂರೈಕೆ ವ್ಯವಸ್ಥೆ ಹಾಗೂ ಮಾಲಿನ್ಯ ನಿಯಂತ್ರಣ ವ್ಯವಸ್ಥೆಗಳನ್ನು ತನ್ನಲ್ಲಿ ಅಡಕಗೊಳಿಸಿಕೊಂಡಿರುವ ಈ ಎಂಜಿನ್ ಉತ್ತಮ ಇಂಧನ ದಕ್ಷತೆಯನ್ನೂ ಹೊಂದಿದೆ.<br /> <br /> ಬಿಸಿಗಾಳಿಯನ್ನು ಹೊರದೂಡುವ ಹವಾನಿಯಂತ್ರಿತ ವ್ಯವಸ್ಥೆ, ಡಿಕ್ಕಿ ತಡೆ ಸಾಧನಗಳ ಅಳವಡಿಕೆ, ವಿಶಿಷ್ಟ ರೀತಿಯ ಚಾಲಕ ಆಸನಗಳನ್ನು ಇದು ಒಳಗೊಂಡಿದೆ ಎಂದು ಅಧಿಕಾರಿ ವಿವರಿಸಿದ್ದಾರೆ.ಇದರ ಇಂಧನ ಟ್ಯಾಂಕಿಗೆ ಒಂದೇ ಬಾರಿಗೆ 7500 ಲೀಟರ್ ಡೀಸೆಲ್ ತುಂಬಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಹೆಚ್ಚು ಬೋಗಿಗಳಿರುವ ರೈಲುಗಳನ್ನು ಎಳೆಯುವ 5500 ಎಚ್.ಪಿ ಸಾಮರ್ಥ್ಯದ ಡೀಸೆಲ್ ಎಂಜಿನ್ `ಭೀಮ~ನನ್ನು ಬಳಕೆಗೆ ಸಮರ್ಪಿಸಲು ರೈಲ್ವೆ ಇಲಾಖೆ ಸಜ್ಜಾಗಿದೆ.ಗಂಟೆಗೆ ಗರಿಷ್ಠ 100 ಕಿ.ಮೀ. ವೇಗದಲ್ಲಿ ಸಂಚರಿಸುವ ಈ ಎಂಜಿನ್ನಲ್ಲಿ ಅತ್ಯಾಧುನಿಕ ಸೌಲಭ್ಯಗಳನ್ನು ಅಳವಡಿಸಲಾಗಿದೆ. <br /> <br /> ಪ್ರಸ್ತುತ ಈ ಎಂಜಿನ್ನಿನ ಸುರಕ್ಷತಾ ಪ್ರಯೋಗ ಈಗಾಗಲೇ ಆರಂಭವಾಗಿದೆ. ವಾರಾಣಸಿಯಲ್ಲಿರುವ ರೈಲ್ವೆ ಡೀಸೆಲ್ ಎಂಜಿನ್ ಕಾರ್ಖಾನೆಯಲ್ಲಿ 17 ಕೋಟಿ ರೂಪಾಯಿ ವೆಚ್ಚದಲ್ಲಿ ಇದನ್ನು ತಯಾರಿಸಲಾಗಿದೆ.<br /> <br /> ಪ್ರಸ್ತುತ ರೈಲ್ವೆ ಇಲಾಖೆಯಲ್ಲಿ 4500 ಎಚ್.ಪಿ ಸಾಮರ್ಥ್ಯದ ಎಂಜಿನ್ನುಗಳಿದ್ದು, `ಭೀಮ~ದ ಅಳವಡಿಕೆಯೊಂದಿಗೆ ರೈಲುಗಳ ಸಾಗಣೆ ಸಾಮರ್ಥ್ಯ ಗಣನೀಯವಾಗಿ ಅಧಿಕವಾಗಲಿದೆ ಎಂದು ರೈಲ್ವೆ ಸಚಿವಾಲಯದ ಹಿರಿಯ ಅಧಿಕಾರಿ ಹೇಳಿದ್ದಾರೆ.<br /> <br /> 2012-13ರ ಹಣಕಾಸು ವರ್ಷದಲ್ಲಿ ಇಂತಹ 15 ಎಂಜಿನ್ಗಳನ್ನು ತಯಾರಿಸುವ ಗುರಿಯನ್ನು ಇಲಾಖೆ ಹೊಂದಿದೆ. ಇದೇ ವೇಳೆ ಈ ವರ್ಷದಲ್ಲಿ 102 ಕೋಟಿ ಟನ್ ಸರಕು ಸಾಗಣೆ ಗುರಿ ಹಾಕಿಕೊಂಡಿದೆ (ಕಳೆದ ವರ್ಷಕ್ಕಿಂತ 5.5 ಕೋಟಿ ಟನ್ ಹೆಚ್ಚು)ರೈಲ್ವೆ ಇಲಾಖೆಯು ಅಮೆರಿಕ ಮೂಲದ ಇಎಂಡಿ ಕಂಪೆನಿಯ ಸಹಯೋಗದಲ್ಲಿ ಈ ಎಂಜಿನ್ ಅಭಿವೃದ್ಧಿಪಡಿಸಿದೆ. <br /> <br /> ಇದೇ ಮೊತ್ತಮೊದಲ ಬಾರಿಗೆ ರೈಲ್ವೆ ಚಾಲನಾ ಸಿಬ್ಬಂದಿಗಾಗಿ ಎಂಜಿನ್ನಲ್ಲಿ ಶೌಚಾಲಯದ ವ್ಯವಸ್ಥೆ ಕಲ್ಪಿಸಿರುವುದು ಇದರ ಮತ್ತೊಂದು ವಿಶೇಷ.ಎಲೆಕ್ಟ್ರಾನಿಕ್ ಆಧಾರಿಕ ಇಂಧನ ಪೂರೈಕೆ ವ್ಯವಸ್ಥೆ ಹಾಗೂ ಮಾಲಿನ್ಯ ನಿಯಂತ್ರಣ ವ್ಯವಸ್ಥೆಗಳನ್ನು ತನ್ನಲ್ಲಿ ಅಡಕಗೊಳಿಸಿಕೊಂಡಿರುವ ಈ ಎಂಜಿನ್ ಉತ್ತಮ ಇಂಧನ ದಕ್ಷತೆಯನ್ನೂ ಹೊಂದಿದೆ.<br /> <br /> ಬಿಸಿಗಾಳಿಯನ್ನು ಹೊರದೂಡುವ ಹವಾನಿಯಂತ್ರಿತ ವ್ಯವಸ್ಥೆ, ಡಿಕ್ಕಿ ತಡೆ ಸಾಧನಗಳ ಅಳವಡಿಕೆ, ವಿಶಿಷ್ಟ ರೀತಿಯ ಚಾಲಕ ಆಸನಗಳನ್ನು ಇದು ಒಳಗೊಂಡಿದೆ ಎಂದು ಅಧಿಕಾರಿ ವಿವರಿಸಿದ್ದಾರೆ.ಇದರ ಇಂಧನ ಟ್ಯಾಂಕಿಗೆ ಒಂದೇ ಬಾರಿಗೆ 7500 ಲೀಟರ್ ಡೀಸೆಲ್ ತುಂಬಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
