<p>ನವದೆಹಲಿ(ಪಿಟಿಐ): ಮುಂಬೈ ಷೇರು ಪೇಟೆ (ಬಿಎಸ್ಇ) ಮತ್ತು ರಾಷ್ಟ್ರೀಯ ಷೇರುಪೇಟೆಯಲ್ಲಿ (ನಿಫ್ಟಿ) ಕಳೆದ ಎರಡು ದಶಕಗಳಿಂದ ದಲ್ಲಾಳಿಗಳ ಹಿಡಿತ ಬಿಗಿಗೊಳ್ಳುತ್ತಿದೆ ಎನ್ನುತ್ತವೆ ಭಾರತೀಯ ಷೇರು ಪೇಟೆ ನಿಯಂತ್ರಣ ಮಂಡಳಿ (ಸೆಬಿ) ಅಂಕಿಅಂಶಗಳು.<br /> <br /> ಸದ್ಯ ಷೇರುಪೇಟೆಯ ಒಟ್ಟು ಬಂಡವಾಳದಲ್ಲಿ ಶೇ 50ಕ್ಕಿಂತಲೂ ಹೆಚ್ಚಿನ ಮೊತ್ತದ ಮೇಲೆ ಷೇರು ದಲ್ಲಾಳಿಗಳು ಬಿಗಿ ಹಿಡಿತ ಹೊಂದಿದ್ದಾರೆ. ಭಾಗಶಃ ಮೊತ್ತ ದಲ್ಲಾಳಿಗಳ ಮೂಲಕವೇ ಪೇಟೆಗೆ ಹರಿದು ಬರುತ್ತಿದ್ದು, ಇತ್ತೀಚಿನ ದಿನಗಳಲ್ಲಿ ಇದು ದಾಖಲೆ ಮಟ್ಟಕ್ಕೆ ಏರಿಕೆ ಕಂಡಿದೆ. <br /> <br /> `ಸೆಬಿ~ ಇತ್ತೀಚೆಗೆ ಬಿಡುಗಡೆ ಮಾಡಿರುವ ಅಂಕಿ-ಅಂಶಗಳ ಪ್ರಕಾರ, `ಬಿಎಸ್ಇ~ಯ ಪ್ರಮುಖ 50 ಷೇರು ದಲ್ಲಾಳಿಗಳು ಇಡೀ ಷೇರುಪೇಟೆಯಲ್ಲಿನ ಶೇ 57.5ರಷ್ಟು ಬಂಡವಾಳದ ಮೇಲೆ ಹಿಡಿತ ಹೊಂದಿದ್ದಾರೆ. <br /> <br /> `ಎನ್ಎಸ್ಇ~ಯಲ್ಲೂ ದಲ್ಲಾಳಿಗಳು ಶೇ 64.3ರಷ್ಟು ಪಾಲು ಹೊಂದಿದ್ದಾರೆ. 1994-05ರಲ್ಲಿ ದಲ್ಲಾಳಿಗಳ ಹಿಡಿತ ದಾಖಲೆ ಮಟ್ಟದಲ್ಲಿತ್ತು. ಅದಕ್ಕೆ ಹೋಲಿಸಿದರೆ ಈಗಿನದು ದಾಖಲೆ. <br /> <br /> ಕಳೆದ ಹಣಕಾಸು ವರ್ಷದಲ್ಲಿ (2011-12) `ಎನ್ಎಸ್ಇ~ಯಲ್ಲಿ 25 ಷೇರು ದಲ್ಲಾಳಿಗಳು ಮೊದಲ 9 ತಿಂಗಳ ವರೆಗೆ ಶೇ 48.3ರಷ್ಟು ಬಂಡವಾಳದ ಮೇಲೆ ಹಿಡಿತ ಹೊಂದಿದ್ದರು. ಷೇರು ದಲ್ಲಾಳಿಗಳ ಮಾರುಕಟ್ಟೆ ಪಾಲು ಕಳೆದ ಎರಡು ವರ್ಷಗಳಲ್ಲಿ ಶೇ 51.9ರಷ್ಟು ಹೆಚ್ಚಿದೆ. <br /> <br /> <strong>200 ಅಕ್ರಮ ವಹಿವಾಟು: <br /> </strong>ಷೇರು ಬೆಲೆ ಏರಿಳಿತ, ಅಕ್ರಮ ವಹಿವಾಟು ಇತ್ಯಾದಿ ಪ್ರಕರಣಗಳಿಗೆ ಸಂಬಂಧಿಸಿದಂತೆ `ಸೆಬಿ~ ಪ್ರಕಸ್ತ ವರ್ಷ 200 ಸಂಶಯಾತ್ಮಕ ಪ್ರಕರಣಗಳನ್ನು ಗುರುತಿಸಿದೆ. ಈವರೆಗೆ 150 ಕಂಪೆನಿಗಳಿಗೆ ನೊಟೀಸ್ ಜಾರಿಗೊಳಿಸಲಾಗಿದೆ. ಷೇರು ದರದಲ್ಲಿ ವ್ಯತ್ಯಾಸ ತಂದ 60 ಕಂಪೆನಿಗಳ ಮೇಲೆ ಸತತ ನಿಗಾ ಇರಿಸಲಾಗಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ `ಬಿಎಸ್ಇ~ ಮತ್ತು `ಎನ್ಎಸ್ಇ~ಯಲ್ಲಿ ಅಕ್ರಮ ವಹಿವಾಟು ಕ್ರಮವಾಗಿ ಶೇ 90 ಮತ್ತು ಶೇ 60ರಷ್ಟು ಹೆಚ್ಚಿದೆ. ಈ ಹಿನ್ನೆಲೆಯಲ್ಲಿ ಷೇರು ದಲ್ಲಾಳಿಗಳಿಗೂ ಎಚ್ಚರಿಕೆ ರವಾನಿಸಲಾಗಿದೆ. ನೊಟೀಸ್ ಪಡೆದುಕೊಂಡ ಕಂಪೆನಿಗಳ ಪಟ್ಟಿಯಲ್ಲಿ ಸರ್ಕಾರಿ ಸ್ವಾಮ್ಯದ `ಎಂಎಂಟಿಸಿ~, `ಎಂಒಐಎಲ್~ ಮತ್ತು ಹಿಂದೂಸ್ತಾನ್ ಕಾಪರ್ ಸೇರಿವೆ. <br /> <br /> ವಿಜಯ ಮಲ್ಯ ಒಡೆತನದ ಯುಬಿ ಸಮೂಹ, ಮಂಗಳೂರು ಕೆಮಿಕಲ್ಸ್ ಅಂಡ್ ಫರ್ಟಿಲೈಸರ್ಸ್, ಯುನೈಟೆಡ್ ಬ್ರಿವರೀಸ್, ಪಿರಾಮಲ್ ಲೈಫ್ ಸೈನ್ಸ್, ಬಜಾಜ್ ರಿಯಲನ್ಸ್ ಇಂಡಸ್ಟ್ರೀಸ್, ಸ್ಟೆರ್ಲೈಟ್, ಎಚ್ಸಿಎಲ್ ಇನ್ಫೋ, ಜಿವಿಕೆ ಪವರ್, ಸುಜ್ಲಾನ್ ಸೇರಿದಂತೆ ಹಲವು ಕಂಪೆನಿಗಳಿಂದ `ಸೆಬಿ~ ಸಷ್ಟೀಕರಣ ಕೋರಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ(ಪಿಟಿಐ): ಮುಂಬೈ ಷೇರು ಪೇಟೆ (ಬಿಎಸ್ಇ) ಮತ್ತು ರಾಷ್ಟ್ರೀಯ ಷೇರುಪೇಟೆಯಲ್ಲಿ (ನಿಫ್ಟಿ) ಕಳೆದ ಎರಡು ದಶಕಗಳಿಂದ ದಲ್ಲಾಳಿಗಳ ಹಿಡಿತ ಬಿಗಿಗೊಳ್ಳುತ್ತಿದೆ ಎನ್ನುತ್ತವೆ ಭಾರತೀಯ ಷೇರು ಪೇಟೆ ನಿಯಂತ್ರಣ ಮಂಡಳಿ (ಸೆಬಿ) ಅಂಕಿಅಂಶಗಳು.<br /> <br /> ಸದ್ಯ ಷೇರುಪೇಟೆಯ ಒಟ್ಟು ಬಂಡವಾಳದಲ್ಲಿ ಶೇ 50ಕ್ಕಿಂತಲೂ ಹೆಚ್ಚಿನ ಮೊತ್ತದ ಮೇಲೆ ಷೇರು ದಲ್ಲಾಳಿಗಳು ಬಿಗಿ ಹಿಡಿತ ಹೊಂದಿದ್ದಾರೆ. ಭಾಗಶಃ ಮೊತ್ತ ದಲ್ಲಾಳಿಗಳ ಮೂಲಕವೇ ಪೇಟೆಗೆ ಹರಿದು ಬರುತ್ತಿದ್ದು, ಇತ್ತೀಚಿನ ದಿನಗಳಲ್ಲಿ ಇದು ದಾಖಲೆ ಮಟ್ಟಕ್ಕೆ ಏರಿಕೆ ಕಂಡಿದೆ. <br /> <br /> `ಸೆಬಿ~ ಇತ್ತೀಚೆಗೆ ಬಿಡುಗಡೆ ಮಾಡಿರುವ ಅಂಕಿ-ಅಂಶಗಳ ಪ್ರಕಾರ, `ಬಿಎಸ್ಇ~ಯ ಪ್ರಮುಖ 50 ಷೇರು ದಲ್ಲಾಳಿಗಳು ಇಡೀ ಷೇರುಪೇಟೆಯಲ್ಲಿನ ಶೇ 57.5ರಷ್ಟು ಬಂಡವಾಳದ ಮೇಲೆ ಹಿಡಿತ ಹೊಂದಿದ್ದಾರೆ. <br /> <br /> `ಎನ್ಎಸ್ಇ~ಯಲ್ಲೂ ದಲ್ಲಾಳಿಗಳು ಶೇ 64.3ರಷ್ಟು ಪಾಲು ಹೊಂದಿದ್ದಾರೆ. 1994-05ರಲ್ಲಿ ದಲ್ಲಾಳಿಗಳ ಹಿಡಿತ ದಾಖಲೆ ಮಟ್ಟದಲ್ಲಿತ್ತು. ಅದಕ್ಕೆ ಹೋಲಿಸಿದರೆ ಈಗಿನದು ದಾಖಲೆ. <br /> <br /> ಕಳೆದ ಹಣಕಾಸು ವರ್ಷದಲ್ಲಿ (2011-12) `ಎನ್ಎಸ್ಇ~ಯಲ್ಲಿ 25 ಷೇರು ದಲ್ಲಾಳಿಗಳು ಮೊದಲ 9 ತಿಂಗಳ ವರೆಗೆ ಶೇ 48.3ರಷ್ಟು ಬಂಡವಾಳದ ಮೇಲೆ ಹಿಡಿತ ಹೊಂದಿದ್ದರು. ಷೇರು ದಲ್ಲಾಳಿಗಳ ಮಾರುಕಟ್ಟೆ ಪಾಲು ಕಳೆದ ಎರಡು ವರ್ಷಗಳಲ್ಲಿ ಶೇ 51.9ರಷ್ಟು ಹೆಚ್ಚಿದೆ. <br /> <br /> <strong>200 ಅಕ್ರಮ ವಹಿವಾಟು: <br /> </strong>ಷೇರು ಬೆಲೆ ಏರಿಳಿತ, ಅಕ್ರಮ ವಹಿವಾಟು ಇತ್ಯಾದಿ ಪ್ರಕರಣಗಳಿಗೆ ಸಂಬಂಧಿಸಿದಂತೆ `ಸೆಬಿ~ ಪ್ರಕಸ್ತ ವರ್ಷ 200 ಸಂಶಯಾತ್ಮಕ ಪ್ರಕರಣಗಳನ್ನು ಗುರುತಿಸಿದೆ. ಈವರೆಗೆ 150 ಕಂಪೆನಿಗಳಿಗೆ ನೊಟೀಸ್ ಜಾರಿಗೊಳಿಸಲಾಗಿದೆ. ಷೇರು ದರದಲ್ಲಿ ವ್ಯತ್ಯಾಸ ತಂದ 60 ಕಂಪೆನಿಗಳ ಮೇಲೆ ಸತತ ನಿಗಾ ಇರಿಸಲಾಗಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ `ಬಿಎಸ್ಇ~ ಮತ್ತು `ಎನ್ಎಸ್ಇ~ಯಲ್ಲಿ ಅಕ್ರಮ ವಹಿವಾಟು ಕ್ರಮವಾಗಿ ಶೇ 90 ಮತ್ತು ಶೇ 60ರಷ್ಟು ಹೆಚ್ಚಿದೆ. ಈ ಹಿನ್ನೆಲೆಯಲ್ಲಿ ಷೇರು ದಲ್ಲಾಳಿಗಳಿಗೂ ಎಚ್ಚರಿಕೆ ರವಾನಿಸಲಾಗಿದೆ. ನೊಟೀಸ್ ಪಡೆದುಕೊಂಡ ಕಂಪೆನಿಗಳ ಪಟ್ಟಿಯಲ್ಲಿ ಸರ್ಕಾರಿ ಸ್ವಾಮ್ಯದ `ಎಂಎಂಟಿಸಿ~, `ಎಂಒಐಎಲ್~ ಮತ್ತು ಹಿಂದೂಸ್ತಾನ್ ಕಾಪರ್ ಸೇರಿವೆ. <br /> <br /> ವಿಜಯ ಮಲ್ಯ ಒಡೆತನದ ಯುಬಿ ಸಮೂಹ, ಮಂಗಳೂರು ಕೆಮಿಕಲ್ಸ್ ಅಂಡ್ ಫರ್ಟಿಲೈಸರ್ಸ್, ಯುನೈಟೆಡ್ ಬ್ರಿವರೀಸ್, ಪಿರಾಮಲ್ ಲೈಫ್ ಸೈನ್ಸ್, ಬಜಾಜ್ ರಿಯಲನ್ಸ್ ಇಂಡಸ್ಟ್ರೀಸ್, ಸ್ಟೆರ್ಲೈಟ್, ಎಚ್ಸಿಎಲ್ ಇನ್ಫೋ, ಜಿವಿಕೆ ಪವರ್, ಸುಜ್ಲಾನ್ ಸೇರಿದಂತೆ ಹಲವು ಕಂಪೆನಿಗಳಿಂದ `ಸೆಬಿ~ ಸಷ್ಟೀಕರಣ ಕೋರಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
