ಮಂಗಳವಾರ, ಮೇ 11, 2021
24 °C

ಸಂಸದೀಯ ಸಮಿತಿ ಸೇನಾ ಸನ್ನದ್ಧತೆ ವರದಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಪಿಟಿಐ): ಸೇನಾ ಮುಖ್ಯಸ್ಥರು ಶಸ್ತ್ರಾಸ್ತ್ರ ಕೊರತೆಯ ಪ್ರಸ್ತಾಪ ಮಾಡಿರುವ ಬೆನ್ನಲ್ಲೇ, ಸೇನಾ ಸನ್ನದ್ಧತೆ ಕುರಿತು ಸಮಗ್ರ ಅವಲೋಕನ ನಡೆಸಿ ವರದಿಯೊಂದನ್ನು ಹೊರತರಲು ಸಂಸದೀಯ ಸಮಿತಿ ನಿರ್ಧರಿಸಿದೆ.



ರಕ್ಷಣಾ ಇಲಾಖೆಗೆ 2012-13ನೇ ಸಾಲಿಗೆ ಆಗಿರುವ ಬಜೆಟ್ ಮಂಜೂರಾತಿಗಳ ಕುರಿತ ಮೇಲ್ವಿಚಾರಣೆ ನೋಡಿಕೊಳ್ಳುವ ರಕ್ಷಣೆಗೆ ಸಂಬಂಧಿಸಿದ ಸಂಸದೀಯ ಸ್ಥಾಯಿ ಸಮಿತಿಯು ಈ ಕಾರ್ಯ ಮಾಡಲಿದೆ. ಮೂರು ಸೇನಾ ಪಡೆಗಳ ಹಿರಿಯ ಅಧಿಕಾರಿಗಳು ಹಾಗೂ ಸಚಿವಾಲಯದ ಅಧಿಕಾರಿಗಳು ಸೇನಾ ಸನದ್ಧತೆ ಕುರಿತು ನಿಯಮಿತವಾಗಿ ಸಮಿತಿ ಸದಸ್ಯರಿಗೆ ಮಾಹಿತಿ ನೀಡಲಿದ್ದಾರೆ.



`ಮುಂದಿನ ಆರು ತಿಂಗಳ ಕಾಲ ಅವಲೋಕನ ನಡೆಸಿ ಬರುವ ಚಳಿಗಾಲದ ಅಧಿವೇಶನದ ವೇಳೆ ಸಂಸತ್ತಿಗೆ ವರದಿ ಸಲ್ಲಿಸುತ್ತೇವೆ. ಈ ವರದಿಯು ಶಿಫಾರಸುಗಳನ್ನು ಕೂಡ ಒಳಗೊಂಡಿರುತ್ತದೆ~ ಎಂದು ಮೂಲಗಳು ತಿಳಿಸಿವೆ.

ವರದಿ ಸಿದ್ಧಪಡಿಸುವಾಗ ಸರ್ಕಾರಿ ಸೇವೆಯಲ್ಲಿರುವ ಹಾಗೂ ಸರ್ಕಾರೇತರ ವಲಯದಲ್ಲಿರುವ ರಕ್ಷಣಾ ತಜ್ಞರ ಸಲಹೆ ಪಡೆಯಲು ಕೂಡ ಸಮಿತಿ ನಿರ್ಧರಿಸಿದೆ.



ಭೂಸೇನೆಗೆ ಸಕಾಲಕ್ಕೆ ಶಸ್ತ್ರಾಸ್ರಗಳ ಪೂರೈಕೆ, ವಾಯುಪಡೆಗೆ ಎಚ್‌ಎಎಲ್‌ನಿಂದ ತರಬೇತಿ ವಿಮಾನಗಳ ಪೂರೈಕೆ ಮತ್ತು ನಿರ್ವಹಣೆಯಲ್ಲಿ ಸಮಸ್ಯೆಗಳಿರುವುದು ಸಮಿತಿಯು ಈ ಮುಂಚೆ ನಡೆಸಿದ್ದ ಸಭೆಗಳಲ್ಲಿ ಗಮನಕ್ಕೆ ಬಂದಿತ್ತು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.