ಸೋಮವಾರ, ಮೇ 17, 2021
23 °C

ಸಡಗರದ ಮಧುಕೇಶ್ವರ ರಥೋತ್ಸವ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಶಿರಸಿ: ತಾಲ್ಲೂಕಿನ ಐತಿಹಾಸಿಕ ಕ್ಷೇತ್ರ ಬನವಾಸಿಯ ಮಧುಕೇಶ್ವರ ದೇವರ ರಥೋತ್ಸವ ಮಂಗಳವಾರ ಸಡಗರದಿಂದ ಜರುಗಿತು. ಸಹಸ್ರಾರು ಜನ ಪಾಲ್ಗೊಂಡು ದೇವರಿಗೆ ಪೂಜೆ ಸಲ್ಲಿಸಿದರು.



ಮಂಗಳವಾರ ಮಧ್ಯಾಹ್ನ ರಥಾರೂಢನಾದ ಮಧುಕೇಶ್ವರ ದೇವರಿಗೆ ಭಕ್ತರು ಸರದಿಯಲ್ಲಿ ನಿಂತು ಹಣ್ಣು-ಕಾಯಿ ಸಮರ್ಪಿಸಿದರು. ರಾತ್ರಿ 12.30ಗಂಟೆಗೆ ರಥ ಎಳೆಯುವ ಕಾರ್ಯಕ್ಕೆ ಚಾಲನೆ ನೀಡಲಾಯಿತು. ಈ ಸಂದರ್ಭದಲ್ಲಿ ರಥ ಬೀದಿಯಲ್ಲಿ ಕಿಕ್ಕಿರಿದು ಸೇರಿದ್ದ ಭಕ್ತರು, ರಥಾರೂಢ ಮಧುಕೇಶ್ವರನಿಗೆ ಭಕ್ತಿಭಾವದಿಂದ ಕೈ ಮುಗಿದು ಕೃತಾರ್ಥರಾದರು.



ರಥ ಬೀದಿಯಲ್ಲಿ 650 ಮೀಟರ್ ಸಾಗಿದ ಬೃಹತ್ ರಥ ಬೆಳಿಗ್ಗೆ 7ಗಂಟೆ ಸುಮಾರಿಗೆ ಮೂಲ ನೆಲೆ ಬಂದು ತಲುಪಿತು. ರಥೋತ್ಸವದ ವೇಳೆ ಜಾನಪದ ತಂಡಗಳು ವಾಲಗ, ಡೊಳ್ಳು, ಹಲಗೆ ಬಡಿತದ ಮೂಲಕ ಸೇವೆ ಸಲ್ಲಿಸಿದವು. ಅನಿವಾಸಿ ಬನವಾಸಿ ಬಳಗದವರು ರಥೋತ್ಸವಕ್ಕೆ ಆಗಮಿಸಿದ್ದ ಭಕ್ತರಿಗೆ ಪ್ರಸಾದ ವ್ಯವಸ್ಥೆಗೊಳಿಸಿದ್ದರು. ಈ ಸಂದರ್ಭದಲ್ಲಿ ದೇವಸ್ಥಾನದ ಪ್ರಮುಖರು, ಊರ ಹಿರಿಯರು ಹಾಜರಿದ್ದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.