<p><strong>ಗಜೇಂದ್ರಗಡ: </strong>ಜೀವನ ಅನಿರೀಕ್ಷಿತ ಘಟನೆಗಳ ಸಂಗಮ~ ಎಂಬ ನಾಲ್ನುಡಿಯಂತೆ ಮನುಷ್ಯನ ಬದುಕಿನಲ್ಲಿ ಕೆಲವೊಮ್ಮೆ ಊಹೆಗೂ ನಿಲುಕದ ಘಟನೆಗಳು ಸಂಭವಿಸುತ್ತವೆ. ಇಂತಹ ಘಟನೆಗಳಿಂದ ಧೃತಿಗೆಟ್ಟು, <br /> ಅಸಹಾಯಕತೆಯಿಂದ ಕೈಚೆಲ್ಲಿ ಅನಿರೀಕ್ಷಿತ ಘಟನೆಗಳಿಗೆ ಬೆನ್ನು ತೋರಿಸಿ ನಿಸ್ಸಹಾಯಕ ಬದುಕು ಸಾಗಿಸುವವರು ಅಗಣಿತ ಸಂಖ್ಯೆಯಲ್ಲಿದ್ದಾರೆ. ಇಂತಹವರ ಮಧ್ಯೆಯೂ ಬಂದ ಕಷ್ಟಗಳನ್ನು ಧೈರ್ಯದಿಂದ ಎದುರಿಸಿ, ಹೊಸ ಬದುಕನ್ನು ರೂಪಿಸಿಕೊಂಡವರೂ ಇದ್ದಾರೆ.<br /> <br /> ಹೌದು. ಇಂತಹ ಅನೀರಿಕ್ಷಿತ ಘಟನೆಗೆ ಬೆನ್ನು ತೋರಿಸದೆ, ಎದೆಯೊಡ್ಡಿ ಸಾವನ್ನು ಮೆಟ್ಟಿನಿಂತು ಚಿರಂಜಿವಿಯಂತೆ ಬದುಕು ಸಾಗಿಸುತ್ತಿದ್ದಾರೆ ಗದಗ ಜಿಲ್ಲೆಯ ರೋಣ ತಾಲ್ಲೂಕಿನ ಸೂಡಿ ಗ್ರಾಮದ ಯುವಕ ಆಸಿಫ್ ಮುಲ್ಲಾ ನಿದರ್ಶನ.<br /> <br /> ಡಿಪ್ಲೋಮಾ ಪದವಿ ಪಡೆಯುವುದಕ್ಕಾಗಿ ಚಿತ್ರದುರ್ಗದ ಸೆಂಟ್ ಮೇರಿಸ್ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ 2008 ರಲ್ಲಿ ಪ್ರವೇಶ ಪಡೆದು ವ್ಯಾಸಂಗ ಆರಂಭಿಸಿದ ಆಸಿಫ್ ಉತ್ತಮವಾಗಿ ಓದಿ ಅತ್ಯುತ್ತಮಫಲಿತಾಂಶವನ್ನು ಪಡೆದುಕೊಂಡ. ಆದರೆ, ಮೇ 28.2010 ರ ನಾಲ್ಕನೇ ಸೆಮಿಸ್ಟರ್ ಪರೀಕ್ಷೆಯನ್ನು ಎದುರಿಸುವ ಉದ್ದೇಶದಿಂದ ರಾತ್ರಿ ಹಿಂದಿನ ರಾತ್ರಿ ಪರೀಕ್ಷಾ ತಯಾರಿ ನಡೆಸಿ ಮಲಗಿಕೊಂಡಿದ್ದ. <br /> <br /> ಬೆಳಗ್ಗೆ ಎಚ್ಚರಗೊಂಡಾಗ ದುರಾದೃಷ್ಟ ಕಾದಿತ್ತು. ಎರಡೂ ಪಾದ ಹಾಗೂ ಹಿಮ್ಮಡಿಗಳಿಗೆ ಬಲವೇ ಇರಲಿಲ್ಲ. ನಿಲ್ಲಲು ಆಗುತ್ತಿರಲಿಲ್ಲ. ಮೊಣಕಾಲು ಮಡಚಲು ಆಗುತ್ತಿತ್ತು. ಕೈ ಸರಿಯಾಗಿದ್ದವು. ಪಾದವನ್ನು ಸ್ವಲ್ಪವೂ ಅಲುಗಾಡಿಸಲು ಆಗುತ್ತಿರಲ್ಲಿಲ್ಲ. <br /> <br /> ಆಸಿಫ್ನ ಪರಿಸ್ಥಿತಿಯ ಗಂಭೀರತೆ ಅರಿತ ಸ್ನೇಹಿತರು ಚಿತ್ರದುರ್ಗದ ಸರ್ಕಾರಿ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಿದರು. ಆದರೆ, ಕ್ಷಣ ಕ್ಷಣಕ್ಕೂ ಪರಿಸ್ಥಿತಿ ಗಂಭೀರವಾಗುತ್ತಾ ಸಾಗಿತು.ಆಸಿಫ್ ನ ತಂದೆ ಅಬ್ದುಲ್ಗಣಿಸಾಬ ಮುಲ್ಲಾ ತರಾತುರಿಯಲ್ಲಿ ಚಿತ್ರದುರ್ಗಕ್ಕೆ ಆಗಮಿಸಿ ವೈದ್ಯರ ಸಲಹೆಯ ಮೆರೆಗೆ ದಾವಣಗೆರೆ ಶಾಮನೂರು ಶಿವಶಂಕ್ರಪ್ಪ ಆಸ್ಪತ್ರೆಗೆ ದಾಖಲಿಸಿದರು.<br /> <br /> ಆಸ್ಪತ್ರೆಯಲ್ಲಿ ವೃದ್ಯರು ಕೇವಲ ಮೂರು ಗಂಟೆ ಚಿಕಿತ್ಸೆ ನೀಡಿ ಕಾಯಿಲೆ ಬಗ್ಗೆ ನಿಖರ ಮಾಹಿತಿ ದೊರಕದಿರುವುದಿಂದ ಬೆಂಗಳೂರಿನ ನಿಮ್ಹಾನ್ಸ್ಗೆ ಹೋಗುವಂತೆ ಸಲಹೆ ನೀಡಿದರು. ನಿಮಾನ್ಸ್ಗೆ ದಾಖಲಾದಾಗ ಆಸಿಫ್ನ ಕಾಯಿಗೆ ಬಗ್ಗೆ ಖಚಿತ ಮಾಹಿತಿ ದೊರೆಯಿತು. ಅದುವೇ `ಗಿಲ್ಲೈನ್ ಬಾರ್ ಸಿಂಡ್ರೋಮ್~ ಎಂಬ ಕಾಯಿಲೆ. ಇದನ್ನರಿತ ಪಾಲಕರು ಕಂಗಾಲಾಗಿ ಹೋದರು.<br /> <br /> ಗಿಲ್ಲೈನ್ ಬಾರ್ ಉಂಟಾಗಲು ಕಾರಣ: ದೇಹದ ಪ್ರತಿರೋಧಕ ವ್ಯವಸ್ಥೆಯು ತನ್ನದೇ ನರವ್ಯೆಹದ ಮೇಲೆ ದಾಳಿ ಮಾಡುವುದರಿಂದ ಈ ಕಾಯಿಲೆ ಬರುತ್ತದೆ. ಇದನ್ನು ಅನೈಚ್ಛಿಕ ಪ್ರತಿರೋಧಕ ಕಾಯಿಲೆ (ಅಟೋ ಇಮ್ಯೂನ್ ಡಿಸೀಸ್) ಎಂದೂ ಸಹ ಕರೆಯುತ್ತಾರೆ. ಈ ಗಿಲ್ಲೈನ್ ಬಾರ್ ಸಿಂಡ್ರೋಮ್ ಕಾಯಿಲೆಯಲ್ಲಿ ದೇಹದ ಪ್ರತಿರೋಧಕ ವ್ಯವಸ್ಥೆಯು ಕೆಲವು ನರಗಳ ಮೇಲಿರುವ ಪೊರೆಗೆ ಹಾನಿ ಉಂಟು ಮಾಡುತ್ತದೆ.<br /> <br /> ಸಿಂಡ್ರೋಮ್ ಕೆರಳುವಿಕೆಗೆ ಕಾರಣ: ಸಾಮಾನ್ಯವಾಗಿ ನಿಮಗೆ ವೈರಲ್ ಅಥವಾ ಬ್ಯಾಕ್ಟೀರಿಯಲ್ ಸೋಂಕು ತಗಲಿದ ನಂತರ, ನರಗಳಿಗೆ ಹಾನಿ ಉಂಟಾಗುತ್ತದೆ. ಹೆಚ್ಚಾಗಿ ಶ್ವಾಸಕೋಶ, ಹೊಟ್ಟೆ ಹಾಗೂ ಕರುಳಿನ ಸೋಂಕು ಕಾಣಿಸಿಕೊಂಡ ಬಳಿಕ ಈ ಕಾಯಿಲೆ ಕೆರಳುವ ಸಾಧ್ಯತೆ ಹೆಚ್ಚು.<br /> <br /> <strong> ಕಾಯಿಲೆಯ ಲಕ್ಷಣಗಳು:</strong> ಕೈ-ಕಾಲು ಜಡವಾಗುವುದು ಅಥವಾ ಇರುವೆ ಹರಿದಾಡುವಂತಾಗುವುದು, ಕೆಲವು ಸಲ ಬಾಯಿ ಹಾಗೂ ತುಟಿಯ ಸುತ್ತಲೂ ಇದೇ ರೀತಿ ಆಗುವುದು. ಕೈ-ಕಾಲು ಹಾಗೂ ಮುಖದ ಬದಿಗಳಲ್ಲಿ ಸ್ನಾಯು ದುರ್ಬಲಗೊಳ್ಳವುದು. ಕಣ್ಣುಗಳನ್ನು ಅತ್ತಿತ ಚಲಾಯಿಸಲು ಅಸಾಧ್ಯವಾಗುವುದು. ಮಾತನಾಡಲು , ಜಗಿಯಲು ಹಾಗೂ ಆಹಾರ ನುಂಗಲು ಕಷ್ಟವಾಗುವುದು. ಬೆನ್ನು ನೋವು, ಸಾಮಾನ್ಯವಾಗಿ ಕೈ-ಕಾಲಿನ ಬೆರಳುಗಳು ಮರಗಟ್ಟುವುದು ಅಥವಾ ಜಡವಾಗುವುದು. <br /> <strong><br /> 3 ತಿಂಗಳ ಚಿಕಿತ್ಸೆ:</strong> ಕಾಯಿಲೆಗೆ ಒಳಗಾಗಿದ್ದ ಬದುಕಿಯೂ ಸತ್ತಂತೆ ನಿಮ್ಹಾನ್ಸ್ನಲ್ಲಿ ಸುದೀರ್ಘ ಮೂರು ತಿಂಗಳು ಮೂರು ದಿನ ಚಿಕಿತ್ಸೆ ಪಡೆದರೂ ನಡೆಯಲಾಗದ ಸ್ಥಿತಿಯಲ್ಲಿ ಸೂಡಿ ಗ್ರಾಮಕ್ಕೆ ಮರಳಿದರು. ತಂದೆ ಅಬ್ದುಲ್ಗಣಿಸಾಬ ಅವರ ಕಠಿಣ ಪರಿಶ್ರಮದಿಂದ ಆಸಿಫ್ಗೆ ನಿತ್ಯ ವ್ಯಾಯಾಮ ಮಾಡಿಸುತ್ತಿದ್ದರು.<br /> <br /> ಪರಿಣಾಮ ಒಂದು ವರ್ಷದ ಬಳಿಕ ನಡೆಯಲು ಆರಂಭಿಸಿದರು. ಆಸಿಫ್ ಗುಣಮುಖ ಆಗೋದೆ ಕಷ್ಟ ಸಾಧ್ಯ ಎನ್ನುವಷ್ಟರ ಮಟ್ಟಿಗೆ ಕುಸಿದು ಹೋಗಿದ್ದ. ಆರೋಗ್ಯ ಒಂದು ವರ್ಷದ ಬಳಿಕ ಸುಧಾರಣೆಯಾಗಿದೆ. ಸಾವನ್ನು ಗೆದ್ದು ಚಿರಂಜಿವಿಯಾಗಿದ್ದಾನೆ.<br /> <br /> ಕಾಯಿಲೆಯಿಂದ ಪೂರ್ಣ ಪ್ರಮಾಣದಲ್ಲಿ ಗುಣಮುಖರಾದ ಆಸಿಫ್ ಡಿಪ್ಲೋಮಾ ಪದವಿಯನ್ನು ಪೂರ್ಣಗೊಳಿಸಿದ್ದಾರೆ. ಕ್ಯಾಂಪಸ್ ಸಂದರ್ಶನದಲ್ಲಿ ಪ್ರತಿಷ್ಠಿತ ಕಂಪನಿಯಲ್ಲಿ ಉದ್ಯೋಗ ಅವಕಾಶ ದೊರೆತರೂ ಪಾಲಕರ ಮನವಿ ಮೇರೆಗೆ ಆಸಿಫ್ ಉದ್ಯೋಗವನ್ನು ತಿರಸ್ಕರಿಸಿದ್ದಾರೆ. <br /> <br /> ಸದ್ಯ ರೋಣದ ತಾಲ್ಲೂಕು ಸಹಕಾಯಕ ಕೃಷಿ ನಿರ್ದೇಶಕರ ಕಾರ್ಯಾಲಯದಲ್ಲಿ ಕಂಪ್ಯೂಟರ್ ಆಪರೇಟರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಈಗಲೂ ನಿತ್ಯ ನಸುಕಿನ 5.30 ಗಂಟೆಗೆ ಎದ್ದು, ಗ್ರಾಮದ ಹೊರವಲಯದಲ್ಲಿ ಏಕಾಂಗಿಯಾಗಿ ದೇಹವನ್ನು ದಂಡಿಸುವ ಆಸಿಫ್ ಆರೋಗ್ಯಯುವ ಬದುಕು ಸಾಗಿಸುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗಜೇಂದ್ರಗಡ: </strong>ಜೀವನ ಅನಿರೀಕ್ಷಿತ ಘಟನೆಗಳ ಸಂಗಮ~ ಎಂಬ ನಾಲ್ನುಡಿಯಂತೆ ಮನುಷ್ಯನ ಬದುಕಿನಲ್ಲಿ ಕೆಲವೊಮ್ಮೆ ಊಹೆಗೂ ನಿಲುಕದ ಘಟನೆಗಳು ಸಂಭವಿಸುತ್ತವೆ. ಇಂತಹ ಘಟನೆಗಳಿಂದ ಧೃತಿಗೆಟ್ಟು, <br /> ಅಸಹಾಯಕತೆಯಿಂದ ಕೈಚೆಲ್ಲಿ ಅನಿರೀಕ್ಷಿತ ಘಟನೆಗಳಿಗೆ ಬೆನ್ನು ತೋರಿಸಿ ನಿಸ್ಸಹಾಯಕ ಬದುಕು ಸಾಗಿಸುವವರು ಅಗಣಿತ ಸಂಖ್ಯೆಯಲ್ಲಿದ್ದಾರೆ. ಇಂತಹವರ ಮಧ್ಯೆಯೂ ಬಂದ ಕಷ್ಟಗಳನ್ನು ಧೈರ್ಯದಿಂದ ಎದುರಿಸಿ, ಹೊಸ ಬದುಕನ್ನು ರೂಪಿಸಿಕೊಂಡವರೂ ಇದ್ದಾರೆ.<br /> <br /> ಹೌದು. ಇಂತಹ ಅನೀರಿಕ್ಷಿತ ಘಟನೆಗೆ ಬೆನ್ನು ತೋರಿಸದೆ, ಎದೆಯೊಡ್ಡಿ ಸಾವನ್ನು ಮೆಟ್ಟಿನಿಂತು ಚಿರಂಜಿವಿಯಂತೆ ಬದುಕು ಸಾಗಿಸುತ್ತಿದ್ದಾರೆ ಗದಗ ಜಿಲ್ಲೆಯ ರೋಣ ತಾಲ್ಲೂಕಿನ ಸೂಡಿ ಗ್ರಾಮದ ಯುವಕ ಆಸಿಫ್ ಮುಲ್ಲಾ ನಿದರ್ಶನ.<br /> <br /> ಡಿಪ್ಲೋಮಾ ಪದವಿ ಪಡೆಯುವುದಕ್ಕಾಗಿ ಚಿತ್ರದುರ್ಗದ ಸೆಂಟ್ ಮೇರಿಸ್ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ 2008 ರಲ್ಲಿ ಪ್ರವೇಶ ಪಡೆದು ವ್ಯಾಸಂಗ ಆರಂಭಿಸಿದ ಆಸಿಫ್ ಉತ್ತಮವಾಗಿ ಓದಿ ಅತ್ಯುತ್ತಮಫಲಿತಾಂಶವನ್ನು ಪಡೆದುಕೊಂಡ. ಆದರೆ, ಮೇ 28.2010 ರ ನಾಲ್ಕನೇ ಸೆಮಿಸ್ಟರ್ ಪರೀಕ್ಷೆಯನ್ನು ಎದುರಿಸುವ ಉದ್ದೇಶದಿಂದ ರಾತ್ರಿ ಹಿಂದಿನ ರಾತ್ರಿ ಪರೀಕ್ಷಾ ತಯಾರಿ ನಡೆಸಿ ಮಲಗಿಕೊಂಡಿದ್ದ. <br /> <br /> ಬೆಳಗ್ಗೆ ಎಚ್ಚರಗೊಂಡಾಗ ದುರಾದೃಷ್ಟ ಕಾದಿತ್ತು. ಎರಡೂ ಪಾದ ಹಾಗೂ ಹಿಮ್ಮಡಿಗಳಿಗೆ ಬಲವೇ ಇರಲಿಲ್ಲ. ನಿಲ್ಲಲು ಆಗುತ್ತಿರಲಿಲ್ಲ. ಮೊಣಕಾಲು ಮಡಚಲು ಆಗುತ್ತಿತ್ತು. ಕೈ ಸರಿಯಾಗಿದ್ದವು. ಪಾದವನ್ನು ಸ್ವಲ್ಪವೂ ಅಲುಗಾಡಿಸಲು ಆಗುತ್ತಿರಲ್ಲಿಲ್ಲ. <br /> <br /> ಆಸಿಫ್ನ ಪರಿಸ್ಥಿತಿಯ ಗಂಭೀರತೆ ಅರಿತ ಸ್ನೇಹಿತರು ಚಿತ್ರದುರ್ಗದ ಸರ್ಕಾರಿ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಿದರು. ಆದರೆ, ಕ್ಷಣ ಕ್ಷಣಕ್ಕೂ ಪರಿಸ್ಥಿತಿ ಗಂಭೀರವಾಗುತ್ತಾ ಸಾಗಿತು.ಆಸಿಫ್ ನ ತಂದೆ ಅಬ್ದುಲ್ಗಣಿಸಾಬ ಮುಲ್ಲಾ ತರಾತುರಿಯಲ್ಲಿ ಚಿತ್ರದುರ್ಗಕ್ಕೆ ಆಗಮಿಸಿ ವೈದ್ಯರ ಸಲಹೆಯ ಮೆರೆಗೆ ದಾವಣಗೆರೆ ಶಾಮನೂರು ಶಿವಶಂಕ್ರಪ್ಪ ಆಸ್ಪತ್ರೆಗೆ ದಾಖಲಿಸಿದರು.<br /> <br /> ಆಸ್ಪತ್ರೆಯಲ್ಲಿ ವೃದ್ಯರು ಕೇವಲ ಮೂರು ಗಂಟೆ ಚಿಕಿತ್ಸೆ ನೀಡಿ ಕಾಯಿಲೆ ಬಗ್ಗೆ ನಿಖರ ಮಾಹಿತಿ ದೊರಕದಿರುವುದಿಂದ ಬೆಂಗಳೂರಿನ ನಿಮ್ಹಾನ್ಸ್ಗೆ ಹೋಗುವಂತೆ ಸಲಹೆ ನೀಡಿದರು. ನಿಮಾನ್ಸ್ಗೆ ದಾಖಲಾದಾಗ ಆಸಿಫ್ನ ಕಾಯಿಗೆ ಬಗ್ಗೆ ಖಚಿತ ಮಾಹಿತಿ ದೊರೆಯಿತು. ಅದುವೇ `ಗಿಲ್ಲೈನ್ ಬಾರ್ ಸಿಂಡ್ರೋಮ್~ ಎಂಬ ಕಾಯಿಲೆ. ಇದನ್ನರಿತ ಪಾಲಕರು ಕಂಗಾಲಾಗಿ ಹೋದರು.<br /> <br /> ಗಿಲ್ಲೈನ್ ಬಾರ್ ಉಂಟಾಗಲು ಕಾರಣ: ದೇಹದ ಪ್ರತಿರೋಧಕ ವ್ಯವಸ್ಥೆಯು ತನ್ನದೇ ನರವ್ಯೆಹದ ಮೇಲೆ ದಾಳಿ ಮಾಡುವುದರಿಂದ ಈ ಕಾಯಿಲೆ ಬರುತ್ತದೆ. ಇದನ್ನು ಅನೈಚ್ಛಿಕ ಪ್ರತಿರೋಧಕ ಕಾಯಿಲೆ (ಅಟೋ ಇಮ್ಯೂನ್ ಡಿಸೀಸ್) ಎಂದೂ ಸಹ ಕರೆಯುತ್ತಾರೆ. ಈ ಗಿಲ್ಲೈನ್ ಬಾರ್ ಸಿಂಡ್ರೋಮ್ ಕಾಯಿಲೆಯಲ್ಲಿ ದೇಹದ ಪ್ರತಿರೋಧಕ ವ್ಯವಸ್ಥೆಯು ಕೆಲವು ನರಗಳ ಮೇಲಿರುವ ಪೊರೆಗೆ ಹಾನಿ ಉಂಟು ಮಾಡುತ್ತದೆ.<br /> <br /> ಸಿಂಡ್ರೋಮ್ ಕೆರಳುವಿಕೆಗೆ ಕಾರಣ: ಸಾಮಾನ್ಯವಾಗಿ ನಿಮಗೆ ವೈರಲ್ ಅಥವಾ ಬ್ಯಾಕ್ಟೀರಿಯಲ್ ಸೋಂಕು ತಗಲಿದ ನಂತರ, ನರಗಳಿಗೆ ಹಾನಿ ಉಂಟಾಗುತ್ತದೆ. ಹೆಚ್ಚಾಗಿ ಶ್ವಾಸಕೋಶ, ಹೊಟ್ಟೆ ಹಾಗೂ ಕರುಳಿನ ಸೋಂಕು ಕಾಣಿಸಿಕೊಂಡ ಬಳಿಕ ಈ ಕಾಯಿಲೆ ಕೆರಳುವ ಸಾಧ್ಯತೆ ಹೆಚ್ಚು.<br /> <br /> <strong> ಕಾಯಿಲೆಯ ಲಕ್ಷಣಗಳು:</strong> ಕೈ-ಕಾಲು ಜಡವಾಗುವುದು ಅಥವಾ ಇರುವೆ ಹರಿದಾಡುವಂತಾಗುವುದು, ಕೆಲವು ಸಲ ಬಾಯಿ ಹಾಗೂ ತುಟಿಯ ಸುತ್ತಲೂ ಇದೇ ರೀತಿ ಆಗುವುದು. ಕೈ-ಕಾಲು ಹಾಗೂ ಮುಖದ ಬದಿಗಳಲ್ಲಿ ಸ್ನಾಯು ದುರ್ಬಲಗೊಳ್ಳವುದು. ಕಣ್ಣುಗಳನ್ನು ಅತ್ತಿತ ಚಲಾಯಿಸಲು ಅಸಾಧ್ಯವಾಗುವುದು. ಮಾತನಾಡಲು , ಜಗಿಯಲು ಹಾಗೂ ಆಹಾರ ನುಂಗಲು ಕಷ್ಟವಾಗುವುದು. ಬೆನ್ನು ನೋವು, ಸಾಮಾನ್ಯವಾಗಿ ಕೈ-ಕಾಲಿನ ಬೆರಳುಗಳು ಮರಗಟ್ಟುವುದು ಅಥವಾ ಜಡವಾಗುವುದು. <br /> <strong><br /> 3 ತಿಂಗಳ ಚಿಕಿತ್ಸೆ:</strong> ಕಾಯಿಲೆಗೆ ಒಳಗಾಗಿದ್ದ ಬದುಕಿಯೂ ಸತ್ತಂತೆ ನಿಮ್ಹಾನ್ಸ್ನಲ್ಲಿ ಸುದೀರ್ಘ ಮೂರು ತಿಂಗಳು ಮೂರು ದಿನ ಚಿಕಿತ್ಸೆ ಪಡೆದರೂ ನಡೆಯಲಾಗದ ಸ್ಥಿತಿಯಲ್ಲಿ ಸೂಡಿ ಗ್ರಾಮಕ್ಕೆ ಮರಳಿದರು. ತಂದೆ ಅಬ್ದುಲ್ಗಣಿಸಾಬ ಅವರ ಕಠಿಣ ಪರಿಶ್ರಮದಿಂದ ಆಸಿಫ್ಗೆ ನಿತ್ಯ ವ್ಯಾಯಾಮ ಮಾಡಿಸುತ್ತಿದ್ದರು.<br /> <br /> ಪರಿಣಾಮ ಒಂದು ವರ್ಷದ ಬಳಿಕ ನಡೆಯಲು ಆರಂಭಿಸಿದರು. ಆಸಿಫ್ ಗುಣಮುಖ ಆಗೋದೆ ಕಷ್ಟ ಸಾಧ್ಯ ಎನ್ನುವಷ್ಟರ ಮಟ್ಟಿಗೆ ಕುಸಿದು ಹೋಗಿದ್ದ. ಆರೋಗ್ಯ ಒಂದು ವರ್ಷದ ಬಳಿಕ ಸುಧಾರಣೆಯಾಗಿದೆ. ಸಾವನ್ನು ಗೆದ್ದು ಚಿರಂಜಿವಿಯಾಗಿದ್ದಾನೆ.<br /> <br /> ಕಾಯಿಲೆಯಿಂದ ಪೂರ್ಣ ಪ್ರಮಾಣದಲ್ಲಿ ಗುಣಮುಖರಾದ ಆಸಿಫ್ ಡಿಪ್ಲೋಮಾ ಪದವಿಯನ್ನು ಪೂರ್ಣಗೊಳಿಸಿದ್ದಾರೆ. ಕ್ಯಾಂಪಸ್ ಸಂದರ್ಶನದಲ್ಲಿ ಪ್ರತಿಷ್ಠಿತ ಕಂಪನಿಯಲ್ಲಿ ಉದ್ಯೋಗ ಅವಕಾಶ ದೊರೆತರೂ ಪಾಲಕರ ಮನವಿ ಮೇರೆಗೆ ಆಸಿಫ್ ಉದ್ಯೋಗವನ್ನು ತಿರಸ್ಕರಿಸಿದ್ದಾರೆ. <br /> <br /> ಸದ್ಯ ರೋಣದ ತಾಲ್ಲೂಕು ಸಹಕಾಯಕ ಕೃಷಿ ನಿರ್ದೇಶಕರ ಕಾರ್ಯಾಲಯದಲ್ಲಿ ಕಂಪ್ಯೂಟರ್ ಆಪರೇಟರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಈಗಲೂ ನಿತ್ಯ ನಸುಕಿನ 5.30 ಗಂಟೆಗೆ ಎದ್ದು, ಗ್ರಾಮದ ಹೊರವಲಯದಲ್ಲಿ ಏಕಾಂಗಿಯಾಗಿ ದೇಹವನ್ನು ದಂಡಿಸುವ ಆಸಿಫ್ ಆರೋಗ್ಯಯುವ ಬದುಕು ಸಾಗಿಸುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
