<p><strong>ಕೊರಿಯೊಗ್ರಫಿ<br /> </strong><br /> `ಕೋರಿಯೊಗ್ರಫಿ~ ಹಾಗೂ `ಕೊರಿಯೊಗ್ರಫಿ~ ನಡುವೆ ಸಾಕಷ್ಟು ಅರ್ಥ ವ್ಯತ್ಯಾಸ. ಒಂದು ನೃತ್ಯಕ್ಕೆ ಸಂಬಂಧಿಸಿದ್ದು; ಇನ್ನೊಂದು ತಲೆ ಚಿಟ್ಟೆನ್ನಿಸುವ ಮಾತುಗಾರಿಕೆಯನ್ನು ವ್ಯಂಗ್ಯ ಮಾಡುವಂಥದ್ದು. ಕೋರಿಯೊಗ್ರಫಿ ಎಂದರೆ ನೃತ್ಯ ಸಂಯೋಜನೆ. <br /> <br /> ಆದರೆ ಅದೇ ಪದವನ್ನು ಸ್ವಲ್ಪ ಟ್ವಿಸ್ಟ್ ಮಾಡಿರುವ ಪದಚತುರರು ಬಹಳಷ್ಟು ಮಾತಾಡುವವರನ್ನು ಕೀಟಲೆ ಮಾಡಲು `ಕೊರಿಯೊಗ್ರಫಿ~ ಬಳಸಿಕೊಂಡಿದ್ದಾರೆ. ಸಕತ್ ಕೊರಿತಾನೆ, ಮಿದುಳಿಗೆ ಕೈಹಾಕ್ತಾನೆ, ಬೋರು ಹೊಡೆಸುವ ಭಾಷಣ ಎನ್ನುವಂಥ ಸಂದರ್ಭದಲ್ಲಿ ಕೊರಿಯೊಗ್ರಫಿ ಎಂದು ಬಳಸುತ್ತಾರೆ.</p>.<p><strong>ಬಿಸ್ಕೆಟ್ಹಾಕು</strong><br /> ಬಿಸ್ಕೇಟ್ ಹಾಕು ಅನ್ನುವುದು ಕಾಲೇಜು ಹೈಕಳ ಬಾಯಲ್ಲಿ ಬಿಸ್ಕೆಟ್ಹಾಕು ಆಗಿದೆ. ಬಿಸ್ಕೇಟ್ ಹಾಕುವುದು ಎಂದರೆ ಸಹಜವಾಗಿ ನಾಯಿಗೆ ಬಿಸ್ಕೆಟ್ ಎಸೆದು ತಿನ್ನಿಸುವುದು. ಸಣ್ಣ ಪುಟ್ಟ ಆಮಿಷಗಳನ್ನೊಡ್ಡಿ ಒಲಿಸಿಕೊಳ್ಳುವುದನ್ನು ಈ `ಬಿಸ್ಕೆಟ್ಹಾಕು~ ಎಂಬುದರ ಮೂಲಕ ಹೇಳಲಾಗುತ್ತದೆ. <br /> <br /> ಲಂಚ ಕೊಡುವುದಕ್ಕೂ ಇದನ್ನೇ ಬಳಸುವುದುಂಟು. `ಬಿಸ್ಕೆಟ್ಹಾಕಿದ್ರೆ ದಾರಿಗೆ ಬರ್ತಾನೆ~ ಎಂಬಲ್ಲಿರುವುದು ಕೊಡಬೇಕಾದ ಲಂಚ ಕೊಟ್ಟರೆ ಹೇಳಿದಂತೆ ಕೇಳುತ್ತಾನೆ ಎಂಬ ಧ್ವನಿ ಅಡಗಿದೆ. ಗೆಳೆಯರು ಯಾವುದಾದರೂ ಕೆಲಸ ಬಯಸಿದಾಗ ದುಡ್ಡು ಕೊಡುತ್ತೇನೆ ಇಲ್ಲವೇ ಪಾರ್ಟಿ ಕೊಡಿಸುತ್ತೇನೆ ಎಂಬ ಆಮಿಷವೊಡ್ಡಿದರೆ `ಏನಮ್ಮಾ ಬಿಸ್ಕೆಟ್ಹಾಕ್ತಿದ್ದೀಯಾ?~ ಎಂದು ಕಿಚಾಯಿಸುವುದುಂಟು. ಈ ಪ್ರಯೋಗದ ತಮಾಷೆಯೆಂದರೆ ನಾಯಿಗೆ ಬಿಸ್ಕೆಟ್ ಎಸೆಯುವುದಕ್ಕೆ ಈ ಪದವನ್ನು ಈಗ ಬಳಸಲಾಗುತ್ತಿಲ್ಲ ಎಂಬುದು.</p>.<p><strong>ಮಟಾಷ್ಲೆಗ್<br /> </strong><br /> ಜನರ ಬಾಯಿಯಲ್ಲಿ ಸುಳಿದಾಡಿ ಈ ಪದವು ಸಿನಿಮಾಕ್ಕೆ ಹೋಯಿತೋ ಅಥವಾ ಸಿನಿಮಾದಿಂದ ಜನರ ಬಾಯಿಗೆ ಬಂದಿತೋ ಹೇಳೋದು ಕಷ್ಟ. ಆದರೆ ನಾಲಿಗೆಯಲ್ಲಿ ಹರಿದಾಡಿಕೊಂಡಿದೆ. `ಮಟಾಷ್~ ಎಂದರೆ ಎಲ್ಲವೂ ದುರಂತದಲ್ಲಿ ಮುಗಿದು ಹೋಗುವುದು. <br /> <br /> ಈ `ಮಟಾಷ್~ ಜೊತೆಗೆ `ಲೆಗ್~ ಸೇರಿಕೊಂಡು ವಿಶಿಷ್ಟವಾದ ಅರ್ಥವೊಂದು ಹೊಮ್ಮಿದೆ. ಕಾಲ್ಗುಣ ಕೆಟ್ಟದಾಗಿರುವ ವ್ಯಕ್ತಿಗೆ `ಮಟಾಷ್ಲೆಗ್~ ಎಂದು ವ್ಯಂಗ್ಯ ಮಾಡಲಾಗುತ್ತದೆ. ಕಾಲಿಟ್ಟರೆ ಸಾಕು ಒಳ್ಳೆಯದೂ ಕೆಟ್ಟದ್ದಾಗುತ್ತದೆ ಎನ್ನುವುದು ಶುದ್ಧಾರ್ಥ! `ಮಟಾಷ್ಲೆಗ್ ಇಟ್ಟಾ ನೋಡು ಎಲ್ಲಾ ಬರ್ಬಾದ್ ಆಗಿ ಹೋಯಿತು~ ಎಂದು ಕಟುವಾಗಿ ಹೇಳುವುದೂ ಇದೆ. ಒಟ್ಟಿನಲ್ಲಿ ಕೆಟ್ಟ ಕಾಲ್ಗುಣಕ್ಕೆ `ಮಟಾಷ್ಲೆಗ್~ ಪ್ರಯೋಗ ಆಗುತ್ತಿದೆ.</p>.<p><strong>ಐರನ್ ಲೆಗ್<br /> </strong><br /> ಇದು ಗಾಂಧಿ ನಗರದಲ್ಲಿ ಹುಟ್ಟಿಕೊಂಡ ಪದ ಎನಿಸುತ್ತದೆ. ಕಬ್ಬಿಣದ ಕಾಲು ಎಂಬ ಅರ್ಥದ ಈ ಪದದ ವ್ಯತ್ಪತ್ತಿಯ ಕುರಿತು ಸಿಗುವ ವಿವರಗಳು ಕಡಿಮೆ. ಒಬ್ಬನ ಕಾಲ್ಗುಣ ಚೆನ್ನಾಗಿಲ್ಲ ಎಂದು ಹೇಳುವುದಕ್ಕೆ ಇದನ್ನು ಬಳಸಲಾಗುತ್ತದೆ. <br /> <br /> ನಿರ್ದಿಷ್ಟ ವ್ಯಕ್ತಿಯೊಬ್ಬ ಯೋಜನೆಯೊಳಗೆ ಬಂದರೆ ಆ ಯೋಜನೆ ವಿಫಲವಾಗುತ್ತದೆ ಎಂದು ಹೇಳುವುದಕ್ಕೆ ಇದು ಬಳಕೆಯಾಗುತ್ತದೆ. `ಅವನ್ದು ಐರನ್ ಲೆಗ್~ ಎಂದರೆ ಅವನು ಬಂದರೆ ಯೋಜನೆ ವಿಫಲ ಎಂದರ್ಥ. ಕೆಲವು ನಿದೇರ್ಶಕರು, ತಂತ್ರಜ್ಞರು ಮತ್ತು ಕಲಾವಿದರಿಗೆ ಈ ಪದ ಪ್ರಯೋಗವಾಗುತ್ತದೆ. ಆದರೆ ಆತನಿಂದ ಒಂದು ಯಶಸ್ಸು ಬಂದು ಬಿಟ್ಟರೆ ಐರನ್ ಲೆಗ್ ಅಂಕಿತ ಇಲ್ಲವಾಗುತ್ತದೆ. ಹಾಗಾಗಿ ಇದೊಂದು ಬಗೆಯಲ್ಲಿ ಚಲನಶೀಲ ಅಡ್ಡ ಹೆಸರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೊರಿಯೊಗ್ರಫಿ<br /> </strong><br /> `ಕೋರಿಯೊಗ್ರಫಿ~ ಹಾಗೂ `ಕೊರಿಯೊಗ್ರಫಿ~ ನಡುವೆ ಸಾಕಷ್ಟು ಅರ್ಥ ವ್ಯತ್ಯಾಸ. ಒಂದು ನೃತ್ಯಕ್ಕೆ ಸಂಬಂಧಿಸಿದ್ದು; ಇನ್ನೊಂದು ತಲೆ ಚಿಟ್ಟೆನ್ನಿಸುವ ಮಾತುಗಾರಿಕೆಯನ್ನು ವ್ಯಂಗ್ಯ ಮಾಡುವಂಥದ್ದು. ಕೋರಿಯೊಗ್ರಫಿ ಎಂದರೆ ನೃತ್ಯ ಸಂಯೋಜನೆ. <br /> <br /> ಆದರೆ ಅದೇ ಪದವನ್ನು ಸ್ವಲ್ಪ ಟ್ವಿಸ್ಟ್ ಮಾಡಿರುವ ಪದಚತುರರು ಬಹಳಷ್ಟು ಮಾತಾಡುವವರನ್ನು ಕೀಟಲೆ ಮಾಡಲು `ಕೊರಿಯೊಗ್ರಫಿ~ ಬಳಸಿಕೊಂಡಿದ್ದಾರೆ. ಸಕತ್ ಕೊರಿತಾನೆ, ಮಿದುಳಿಗೆ ಕೈಹಾಕ್ತಾನೆ, ಬೋರು ಹೊಡೆಸುವ ಭಾಷಣ ಎನ್ನುವಂಥ ಸಂದರ್ಭದಲ್ಲಿ ಕೊರಿಯೊಗ್ರಫಿ ಎಂದು ಬಳಸುತ್ತಾರೆ.</p>.<p><strong>ಬಿಸ್ಕೆಟ್ಹಾಕು</strong><br /> ಬಿಸ್ಕೇಟ್ ಹಾಕು ಅನ್ನುವುದು ಕಾಲೇಜು ಹೈಕಳ ಬಾಯಲ್ಲಿ ಬಿಸ್ಕೆಟ್ಹಾಕು ಆಗಿದೆ. ಬಿಸ್ಕೇಟ್ ಹಾಕುವುದು ಎಂದರೆ ಸಹಜವಾಗಿ ನಾಯಿಗೆ ಬಿಸ್ಕೆಟ್ ಎಸೆದು ತಿನ್ನಿಸುವುದು. ಸಣ್ಣ ಪುಟ್ಟ ಆಮಿಷಗಳನ್ನೊಡ್ಡಿ ಒಲಿಸಿಕೊಳ್ಳುವುದನ್ನು ಈ `ಬಿಸ್ಕೆಟ್ಹಾಕು~ ಎಂಬುದರ ಮೂಲಕ ಹೇಳಲಾಗುತ್ತದೆ. <br /> <br /> ಲಂಚ ಕೊಡುವುದಕ್ಕೂ ಇದನ್ನೇ ಬಳಸುವುದುಂಟು. `ಬಿಸ್ಕೆಟ್ಹಾಕಿದ್ರೆ ದಾರಿಗೆ ಬರ್ತಾನೆ~ ಎಂಬಲ್ಲಿರುವುದು ಕೊಡಬೇಕಾದ ಲಂಚ ಕೊಟ್ಟರೆ ಹೇಳಿದಂತೆ ಕೇಳುತ್ತಾನೆ ಎಂಬ ಧ್ವನಿ ಅಡಗಿದೆ. ಗೆಳೆಯರು ಯಾವುದಾದರೂ ಕೆಲಸ ಬಯಸಿದಾಗ ದುಡ್ಡು ಕೊಡುತ್ತೇನೆ ಇಲ್ಲವೇ ಪಾರ್ಟಿ ಕೊಡಿಸುತ್ತೇನೆ ಎಂಬ ಆಮಿಷವೊಡ್ಡಿದರೆ `ಏನಮ್ಮಾ ಬಿಸ್ಕೆಟ್ಹಾಕ್ತಿದ್ದೀಯಾ?~ ಎಂದು ಕಿಚಾಯಿಸುವುದುಂಟು. ಈ ಪ್ರಯೋಗದ ತಮಾಷೆಯೆಂದರೆ ನಾಯಿಗೆ ಬಿಸ್ಕೆಟ್ ಎಸೆಯುವುದಕ್ಕೆ ಈ ಪದವನ್ನು ಈಗ ಬಳಸಲಾಗುತ್ತಿಲ್ಲ ಎಂಬುದು.</p>.<p><strong>ಮಟಾಷ್ಲೆಗ್<br /> </strong><br /> ಜನರ ಬಾಯಿಯಲ್ಲಿ ಸುಳಿದಾಡಿ ಈ ಪದವು ಸಿನಿಮಾಕ್ಕೆ ಹೋಯಿತೋ ಅಥವಾ ಸಿನಿಮಾದಿಂದ ಜನರ ಬಾಯಿಗೆ ಬಂದಿತೋ ಹೇಳೋದು ಕಷ್ಟ. ಆದರೆ ನಾಲಿಗೆಯಲ್ಲಿ ಹರಿದಾಡಿಕೊಂಡಿದೆ. `ಮಟಾಷ್~ ಎಂದರೆ ಎಲ್ಲವೂ ದುರಂತದಲ್ಲಿ ಮುಗಿದು ಹೋಗುವುದು. <br /> <br /> ಈ `ಮಟಾಷ್~ ಜೊತೆಗೆ `ಲೆಗ್~ ಸೇರಿಕೊಂಡು ವಿಶಿಷ್ಟವಾದ ಅರ್ಥವೊಂದು ಹೊಮ್ಮಿದೆ. ಕಾಲ್ಗುಣ ಕೆಟ್ಟದಾಗಿರುವ ವ್ಯಕ್ತಿಗೆ `ಮಟಾಷ್ಲೆಗ್~ ಎಂದು ವ್ಯಂಗ್ಯ ಮಾಡಲಾಗುತ್ತದೆ. ಕಾಲಿಟ್ಟರೆ ಸಾಕು ಒಳ್ಳೆಯದೂ ಕೆಟ್ಟದ್ದಾಗುತ್ತದೆ ಎನ್ನುವುದು ಶುದ್ಧಾರ್ಥ! `ಮಟಾಷ್ಲೆಗ್ ಇಟ್ಟಾ ನೋಡು ಎಲ್ಲಾ ಬರ್ಬಾದ್ ಆಗಿ ಹೋಯಿತು~ ಎಂದು ಕಟುವಾಗಿ ಹೇಳುವುದೂ ಇದೆ. ಒಟ್ಟಿನಲ್ಲಿ ಕೆಟ್ಟ ಕಾಲ್ಗುಣಕ್ಕೆ `ಮಟಾಷ್ಲೆಗ್~ ಪ್ರಯೋಗ ಆಗುತ್ತಿದೆ.</p>.<p><strong>ಐರನ್ ಲೆಗ್<br /> </strong><br /> ಇದು ಗಾಂಧಿ ನಗರದಲ್ಲಿ ಹುಟ್ಟಿಕೊಂಡ ಪದ ಎನಿಸುತ್ತದೆ. ಕಬ್ಬಿಣದ ಕಾಲು ಎಂಬ ಅರ್ಥದ ಈ ಪದದ ವ್ಯತ್ಪತ್ತಿಯ ಕುರಿತು ಸಿಗುವ ವಿವರಗಳು ಕಡಿಮೆ. ಒಬ್ಬನ ಕಾಲ್ಗುಣ ಚೆನ್ನಾಗಿಲ್ಲ ಎಂದು ಹೇಳುವುದಕ್ಕೆ ಇದನ್ನು ಬಳಸಲಾಗುತ್ತದೆ. <br /> <br /> ನಿರ್ದಿಷ್ಟ ವ್ಯಕ್ತಿಯೊಬ್ಬ ಯೋಜನೆಯೊಳಗೆ ಬಂದರೆ ಆ ಯೋಜನೆ ವಿಫಲವಾಗುತ್ತದೆ ಎಂದು ಹೇಳುವುದಕ್ಕೆ ಇದು ಬಳಕೆಯಾಗುತ್ತದೆ. `ಅವನ್ದು ಐರನ್ ಲೆಗ್~ ಎಂದರೆ ಅವನು ಬಂದರೆ ಯೋಜನೆ ವಿಫಲ ಎಂದರ್ಥ. ಕೆಲವು ನಿದೇರ್ಶಕರು, ತಂತ್ರಜ್ಞರು ಮತ್ತು ಕಲಾವಿದರಿಗೆ ಈ ಪದ ಪ್ರಯೋಗವಾಗುತ್ತದೆ. ಆದರೆ ಆತನಿಂದ ಒಂದು ಯಶಸ್ಸು ಬಂದು ಬಿಟ್ಟರೆ ಐರನ್ ಲೆಗ್ ಅಂಕಿತ ಇಲ್ಲವಾಗುತ್ತದೆ. ಹಾಗಾಗಿ ಇದೊಂದು ಬಗೆಯಲ್ಲಿ ಚಲನಶೀಲ ಅಡ್ಡ ಹೆಸರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
