<p>1ಬೆಳಗ್ಗೆ, ಮಧ್ಯಾಹ್ನ, ಸಂಜೆ<br /> ಯಾವಾಗಲೂ<br /> ಕಿಸಪಿಸ ಅಂಟಿಕೊಂಡೇ ಇರುತ್ತಾರೆ;<br /> ಒಟ್ಟಿಗೇ<br /> ದೇವಸ್ಥಾನ, ಪಾರ್ಕು, ಬೀಚು,<br /> ಹೋಟೇಲು, ಸಿನಿಮಾಗಳಿಗೆ ಹೋಗುತ್ತಾರೆ;<br /> ಮಲಗುವುದೂ ಒಂದೇ ಹಾಸಿಗೆಯಲ್ಲಿ<br /> ಅಂತ ಜನ ಹೇಳುತ್ತಾರೆ.<br /> <br /> ದಾಂಪತ್ಯ ಎಷ್ಟು ಚೆಂದ ಹಾಗು<br /> ಸುಲಲಿತವಾಗಿತ್ತು ಅಂದರೆ<br /> ಆಕೆ ತೀರಿಕೊಂಡಳು- ಏನೋ ಕಾಯಿಲೆ.<br /> ಆತ ಆಕೆಯಂತಹುದೇ ಮತ್ತೊಂದು<br /> ಗೊಂಬೆಯನ್ನು ಮದುವೆಯಾದ.<br /> ಕಿಸಪಿಸ, ಓಡಾಟ ಮೊದಲಿನ ಹಾಗೇ!</p>.<p>2<br /> ರಾಯರು ಮಹಾ ವಾಚಾಳಿ:<br /> ಸದಾ ಹೆಂಡತಿಯ ಬಗ್ಗೆ<br /> ಒಳ್ಳೆ ಮಾತೇ ಆಡುತ್ತಾರೆ.<br /> ಬಾಯಿಯವರು ಗಯ್ಯಾಳಿ:<br /> ಗಂಡನ ಬಗ್ಗೆ ಕೊಂಕಾಡಿದವರನ್ನು<br /> ಸಿಗಿದು ಹಾಕುತ್ತಾರೆ.<br /> ದಂಪತಿಗಳು ದಾರಿಯಲ್ಲಿ ಹೋಗುವುದೇ ಒಂದು<br /> ಚೆಂದ.<br /> <br /> ಅಮ್ಮೋವ್ರ ಮುಂದೆ ಮುಂದೆ<br /> ಯಜಮಾನ್ರು ಹಿಂದೆ ಹಿಂದೆ<br /> ಎಲ್ಲಿ ತಿರುಗಬೇಕು, ಎಲ್ಲಿ ನಿಲ್ಲಬೇಕು<br /> ಯಾವ ಅಂಗಡಿಯಲ್ಲಿ ಬೆಲ್ಲ<br /> ಯಾವ ಅಂಗಡಿಯಲ್ಲಿ ಉಪ್ಪು<br /> ನಾಳೆಗೆ ಬೇಕಾದ್ದು ಯಾವ ಸೊಪ್ಪು<br /> ಕಂಡದ್ದು ಅಚ್ಚುಕಟ್ಟು;<br /> ಕಾಣದ್ದು ಹೇಗೋ? ಏನೋ?<br /> ಕಿಚಾಯಿಸಿ ಸುದ್ದಿ ಹೊರಡಿಸಲು<br /> ಮಕ್ಕಳಿಲ್ಲ.<br /> <br /> 3<br /> ಗಂಡಸಿನದು ಮಹಾ ಕಿರಿ ಕಿರಿ<br /> ಹೆದರಿ ಹೆಂಗಸಿನ ಕೆಲಸ<br /> ತರಾತುರಿ.<br /> ಸಾರಿನಲ್ಲಿ ಉಪ್ಪು, ಕಾಲರಿನ ಕೊಳೆ<br /> ಗೋಡೆಯಲ್ಲಿ ಡೊಂಕಾದ ಮೊಳೆ<br /> ಮೂಲೆಯಲ್ಲಿ ಕಸ, ಇಂಗಿನಲ್ಲಿ ವಿಷ<br /> ಎಲ್ಲಾ ಹೆಚ್ಚು ಕಮ್ಮಿ.<br /> <br /> ಮದುವೆಯಾದದ್ದಕ್ಕೆ ಮಕ್ಕಳು<br /> ಕೈ ಇರುವುದಕ್ಕೆ ಹೊಡೆತ<br /> ಜಡೆ ಇರುವುದಕ್ಕೆ ಎಳೆತ<br /> ಸಿಟ್ಟಿನ ಸ್ಫೋಟಕ್ಕೂ, ಅದುಮಿಟ್ಟುಕೊಳ್ಳುವುದಕ್ಕೂ<br /> ಮನೆಯಲ್ಲಿನ<br /> ಚರಾಚರ ವಸ್ತುಗಳೇ ಸಾಕ್ಷಿ.<br /> <br /> ಜಗಳ ಹೊಟ್ಟೆಯಲ್ಲಿಟ್ಟುಕೊಂಡು <br /> ಜೀವನಪೂರ್ತಿ ಬದುಕೋಕಾಗಲ್ಲ.<br /> ಮನೆಯಲ್ಲಿ ಮಚ್ಚು ಇತ್ತು:<br /> ಒಬ್ಬರ ರುಂಡ <br /> ಮತ್ತೊಬ್ಬರು ಉರುಳಿಸಿದರು;<br /> <br /> ಮಕ್ಕಳು ಆಟಕ್ಕೆ ಅಂತ ಮಾಡಿದ<br /> ಹಸು-ಹುಲಿ ರುಂಡಗಳು ಇದ್ದವು;<br /> ಇಬ್ಬರೂ ಒಂದೊಂದು ಸಿಗಿಸಿಕೊಂಡರು;<br /> ಮಕ್ಕಳು ಬರುವ ಹೊತ್ತಿಗೆ<br /> ರಕ್ತ ತೊಳೆದು ಸ್ವಚ್ಛ ಮಾಡಿದರು.<br /> ಬಂದ ಮಕ್ಕಳು ರಗಳೆ ಮಾಡಿ ಉಂಡು<br /> ಮಲಗಿದವು.</p>.<p>4<br /> ಬೀದಿಯಲ್ಲಿ ನಡೆಯುವಾಗ ಇವತ್ತಿಗೂ<br /> ಹಸು-ಹುಲಿ ರುಂಡಗಳು ಇರುತ್ತವೆ<br /> ಒಮ್ಮಮ್ಮೆ ಅದಲು ಬದಲಾಗುತ್ತವೆ<br /> ಮತ್ತೊಮ್ಮೆ ಖಾಲಿ ದೇಹ ಮಾತ್ರ;<br /> ಏನು ಫರಕಾಗುತ್ತದೆ ಹೇಳಿ?<br /> ರುಂಡಗಳಿಗೂ ಅಸಲಿ-ನಕಲಿ<br /> ಎಂಬುದುಂಟೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>1ಬೆಳಗ್ಗೆ, ಮಧ್ಯಾಹ್ನ, ಸಂಜೆ<br /> ಯಾವಾಗಲೂ<br /> ಕಿಸಪಿಸ ಅಂಟಿಕೊಂಡೇ ಇರುತ್ತಾರೆ;<br /> ಒಟ್ಟಿಗೇ<br /> ದೇವಸ್ಥಾನ, ಪಾರ್ಕು, ಬೀಚು,<br /> ಹೋಟೇಲು, ಸಿನಿಮಾಗಳಿಗೆ ಹೋಗುತ್ತಾರೆ;<br /> ಮಲಗುವುದೂ ಒಂದೇ ಹಾಸಿಗೆಯಲ್ಲಿ<br /> ಅಂತ ಜನ ಹೇಳುತ್ತಾರೆ.<br /> <br /> ದಾಂಪತ್ಯ ಎಷ್ಟು ಚೆಂದ ಹಾಗು<br /> ಸುಲಲಿತವಾಗಿತ್ತು ಅಂದರೆ<br /> ಆಕೆ ತೀರಿಕೊಂಡಳು- ಏನೋ ಕಾಯಿಲೆ.<br /> ಆತ ಆಕೆಯಂತಹುದೇ ಮತ್ತೊಂದು<br /> ಗೊಂಬೆಯನ್ನು ಮದುವೆಯಾದ.<br /> ಕಿಸಪಿಸ, ಓಡಾಟ ಮೊದಲಿನ ಹಾಗೇ!</p>.<p>2<br /> ರಾಯರು ಮಹಾ ವಾಚಾಳಿ:<br /> ಸದಾ ಹೆಂಡತಿಯ ಬಗ್ಗೆ<br /> ಒಳ್ಳೆ ಮಾತೇ ಆಡುತ್ತಾರೆ.<br /> ಬಾಯಿಯವರು ಗಯ್ಯಾಳಿ:<br /> ಗಂಡನ ಬಗ್ಗೆ ಕೊಂಕಾಡಿದವರನ್ನು<br /> ಸಿಗಿದು ಹಾಕುತ್ತಾರೆ.<br /> ದಂಪತಿಗಳು ದಾರಿಯಲ್ಲಿ ಹೋಗುವುದೇ ಒಂದು<br /> ಚೆಂದ.<br /> <br /> ಅಮ್ಮೋವ್ರ ಮುಂದೆ ಮುಂದೆ<br /> ಯಜಮಾನ್ರು ಹಿಂದೆ ಹಿಂದೆ<br /> ಎಲ್ಲಿ ತಿರುಗಬೇಕು, ಎಲ್ಲಿ ನಿಲ್ಲಬೇಕು<br /> ಯಾವ ಅಂಗಡಿಯಲ್ಲಿ ಬೆಲ್ಲ<br /> ಯಾವ ಅಂಗಡಿಯಲ್ಲಿ ಉಪ್ಪು<br /> ನಾಳೆಗೆ ಬೇಕಾದ್ದು ಯಾವ ಸೊಪ್ಪು<br /> ಕಂಡದ್ದು ಅಚ್ಚುಕಟ್ಟು;<br /> ಕಾಣದ್ದು ಹೇಗೋ? ಏನೋ?<br /> ಕಿಚಾಯಿಸಿ ಸುದ್ದಿ ಹೊರಡಿಸಲು<br /> ಮಕ್ಕಳಿಲ್ಲ.<br /> <br /> 3<br /> ಗಂಡಸಿನದು ಮಹಾ ಕಿರಿ ಕಿರಿ<br /> ಹೆದರಿ ಹೆಂಗಸಿನ ಕೆಲಸ<br /> ತರಾತುರಿ.<br /> ಸಾರಿನಲ್ಲಿ ಉಪ್ಪು, ಕಾಲರಿನ ಕೊಳೆ<br /> ಗೋಡೆಯಲ್ಲಿ ಡೊಂಕಾದ ಮೊಳೆ<br /> ಮೂಲೆಯಲ್ಲಿ ಕಸ, ಇಂಗಿನಲ್ಲಿ ವಿಷ<br /> ಎಲ್ಲಾ ಹೆಚ್ಚು ಕಮ್ಮಿ.<br /> <br /> ಮದುವೆಯಾದದ್ದಕ್ಕೆ ಮಕ್ಕಳು<br /> ಕೈ ಇರುವುದಕ್ಕೆ ಹೊಡೆತ<br /> ಜಡೆ ಇರುವುದಕ್ಕೆ ಎಳೆತ<br /> ಸಿಟ್ಟಿನ ಸ್ಫೋಟಕ್ಕೂ, ಅದುಮಿಟ್ಟುಕೊಳ್ಳುವುದಕ್ಕೂ<br /> ಮನೆಯಲ್ಲಿನ<br /> ಚರಾಚರ ವಸ್ತುಗಳೇ ಸಾಕ್ಷಿ.<br /> <br /> ಜಗಳ ಹೊಟ್ಟೆಯಲ್ಲಿಟ್ಟುಕೊಂಡು <br /> ಜೀವನಪೂರ್ತಿ ಬದುಕೋಕಾಗಲ್ಲ.<br /> ಮನೆಯಲ್ಲಿ ಮಚ್ಚು ಇತ್ತು:<br /> ಒಬ್ಬರ ರುಂಡ <br /> ಮತ್ತೊಬ್ಬರು ಉರುಳಿಸಿದರು;<br /> <br /> ಮಕ್ಕಳು ಆಟಕ್ಕೆ ಅಂತ ಮಾಡಿದ<br /> ಹಸು-ಹುಲಿ ರುಂಡಗಳು ಇದ್ದವು;<br /> ಇಬ್ಬರೂ ಒಂದೊಂದು ಸಿಗಿಸಿಕೊಂಡರು;<br /> ಮಕ್ಕಳು ಬರುವ ಹೊತ್ತಿಗೆ<br /> ರಕ್ತ ತೊಳೆದು ಸ್ವಚ್ಛ ಮಾಡಿದರು.<br /> ಬಂದ ಮಕ್ಕಳು ರಗಳೆ ಮಾಡಿ ಉಂಡು<br /> ಮಲಗಿದವು.</p>.<p>4<br /> ಬೀದಿಯಲ್ಲಿ ನಡೆಯುವಾಗ ಇವತ್ತಿಗೂ<br /> ಹಸು-ಹುಲಿ ರುಂಡಗಳು ಇರುತ್ತವೆ<br /> ಒಮ್ಮಮ್ಮೆ ಅದಲು ಬದಲಾಗುತ್ತವೆ<br /> ಮತ್ತೊಮ್ಮೆ ಖಾಲಿ ದೇಹ ಮಾತ್ರ;<br /> ಏನು ಫರಕಾಗುತ್ತದೆ ಹೇಳಿ?<br /> ರುಂಡಗಳಿಗೂ ಅಸಲಿ-ನಕಲಿ<br /> ಎಂಬುದುಂಟೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
