<p><strong>ಹುಬ್ಬಳ್ಳಿ: </strong>ಇನ್ನೂರ ಇಪ್ಪತ್ತೆರಡು ಮಂದಿ ಧರ್ಮಗುರುಗಳ ಸಮೂಹ, 200 ಮಂದಿ ಸಿಸ್ಟರ್ಗಳ ಸಮಕ್ಷಮದಲ್ಲಿ ಸುಮಾರು ಎರಡು ತಾಸು ನಡೆದ ಭಕ್ತಿಪೂರ್ಣ ಪ್ರಾರ್ಥನೆ. ಒಳಗೆ ಹಾಗೂ ಹೊರಗೆ ಕಿಕ್ಕಿರಿದು ತುಂಬಿದ್ದ ಭಕ್ತರು. ವಿದ್ಯುತ್ ದೀಪಗಳಿಂದ ಸಿಂಗರಿಸಿದ್ದ ಭವ್ಯ ಕಟ್ಟಡ...<br /> ನಗರದ ಕೇಶ್ವಾಪುರದಲ್ಲಿ ಪುನರ್ನಿರ್ಮಿಸಲಾದ ಸೇಂಟ್ ಜೋಸೆಫ್ ಚರ್ಚ್ನ ಉದ್ಘಾಟನಾ ಸಮಾರಂಭ ಈ ಎಲ್ಲ ಕಾರಣಗಳಿಂದ ನೆನಪಿನಲ್ಲಿ ಉಳಿಯುವಂತಾಯಿತು.<br /> <br /> ಸುಂದರ ಕಲಾಕೃತಿಯಂತೆ ನಿರ್ಮಾಣಗೊಂಡಿರುವ ಹೊಸ ಕಟ್ಟಡ ಹಾಗೂ ಮುಂದಿನ ಶಾಲಾ ಕಟ್ಟಡ, ಇಡೀ ಆವರಣವನ್ನು ವಿದ್ಯುತ್ ದೀಪಗಳಿಂದ ಅಲಂಕರಿಸಲಾಗಿತ್ತು. ಭಕ್ತರಲ್ಲಿ ಸಂಭ್ರಮ ಮನೆ ಮಾಡಿತ್ತು. ಇಂಥ ವಾತಾವರಣದಲ್ಲಿ ಸಂಜೆ ಆರಂಭಗೊಂಡ ಪ್ರಾರ್ಥನೆ ರಾತ್ರಿ ವರೆಗೆ ಮುಂದುವರಿಯಿತು.<br /> <br /> ಇಂಗ್ಲಿಷ್ ಭಾಷೆಯಲ್ಲಿ ನಡೆದ ಪ್ರಾರ್ಥನೆಗೆ ಕೊಂಕಣಿ, ತಮಿಳು ಭಾಷೆಯ ಸ್ತೋತ್ರ ಗೀತೆಗಳು ಕಳೆ ತುಂಬಿದವು. ವಿವಿಧ ಭಾಷೆಯಲ್ಲಿ ಭಕ್ತರಿಗೆ ಮಾಹಿತಿಯನ್ನು ಕೂಡ ನೀಡಲಾಗುತ್ತಿತ್ತು.ಬೆಳಗಾವಿ ಧರ್ಮಪ್ರಾಂತ ಮಾತ್ರವಲ್ಲದೆ ಬೆಂಗಳೂರು, ದೂರದ ಗೋವಾ, ಆಂಧ್ರಪ್ರದೇಶ, ತಮಿಳುನಾಡು ಮುಂತಾದ ಕಡೆಗಳಿಂದಲೂ ಭಕ್ತರು ಬಂದಿದ್ದರು.</p>.<p>ಹೀಗಾಗಿ ಇಡೀ ಪ್ರದೇಶದಲ್ಲಿ ಕಾಲಿಡುವುದಕ್ಕೂ ಜಾಗವಿರಲಿಲ್ಲ. ಆದರೆ ಒಂದು ಕ್ಷಣವೂ ಗೊಂದಲ, ಗದ್ದಲ, ತಳ್ಳಾಟ–ನೂಕಾಟ ನಡೆಯಲಿಲ್ಲ. ಸಾವಿರಾರು ಮಂದಿಗೆ ಕೇವಲ ಹತ್ತೇ ನಿಮಿಷದಲ್ಲಿ ಪವಿತ್ರ ಪ್ರಸಾದ ಹಂಚಿದ ವಿಧಾನವಂತೂ ಎಲ್ಲರ ಮೆಚ್ಚುಗೆಗೆ ಪಾತ್ರವಾಯಿತು.<br /> <br /> ಬೆಂಗಳೂರು ಧರ್ಮಪ್ರಾಂತದ ಬೆನಿಟ್ಟೋ ಅವರು ಪ್ರಾರ್ಥನೆಗೂ ಮುನ್ನ ಕಟ್ಟಡವನ್ನು ಉದ್ಘಾಟಿಸಿದರು. ಹೊನ್ನಾವರದಿಂದ ಬಂದ ಬ್ಯಾಂಡ್ ಸೆಟ್ನವರ ಸಂಗೀತದ ಹಿನ್ನೆಲೆಯಲ್ಲಿ ನಡೆದ ಸಮಾರಂಭದಲ್ಲಿ ಬೆಂಗಳೂರಿನ ಆರ್ಚ್ ಬಿಷಪ್ ಬರ್ನಾರ್ಡ್ ಮೊರಾಸ್ ಆಶೀರ್ವಾದ ನೀಡಿದರು.</p>.<p>ಬೆಳಗಾವಿ ಧರ್ಮಪ್ರಾಂತದ ಬಿಷಪ್ ಪೀಟರ್ ಮಚಾದೋ, ಕಾರವಾರದ ಫಾದರ್ ಡೆರಿಕ್ ಫರ್ನಾಂಡಿಸ್, ಸೇಂಟ್ ಜೋಸೆಫ್ಸ್ ಚರ್ಚ್ನ ಧರ್ಮಗುರು ಜೋಸೆಫ್ ರಾಡ್ರಿಗಸ್ ಮುಂತಾದವರು ಭಾಗವಹಿಸಿದ್ದರು. ಆರು ಸಾವಿರ ಮಂದಿ ಮಕ್ಕಳು ಕಾರ್ಯಕ್ರಮದ ವಿಶೇಷ ಆಕರ್ಷಣೆಯಾಗಿದ್ದರು. ಪ್ರಾರ್ಥನೆಯ ನಂತರ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಬ್ಬಳ್ಳಿ: </strong>ಇನ್ನೂರ ಇಪ್ಪತ್ತೆರಡು ಮಂದಿ ಧರ್ಮಗುರುಗಳ ಸಮೂಹ, 200 ಮಂದಿ ಸಿಸ್ಟರ್ಗಳ ಸಮಕ್ಷಮದಲ್ಲಿ ಸುಮಾರು ಎರಡು ತಾಸು ನಡೆದ ಭಕ್ತಿಪೂರ್ಣ ಪ್ರಾರ್ಥನೆ. ಒಳಗೆ ಹಾಗೂ ಹೊರಗೆ ಕಿಕ್ಕಿರಿದು ತುಂಬಿದ್ದ ಭಕ್ತರು. ವಿದ್ಯುತ್ ದೀಪಗಳಿಂದ ಸಿಂಗರಿಸಿದ್ದ ಭವ್ಯ ಕಟ್ಟಡ...<br /> ನಗರದ ಕೇಶ್ವಾಪುರದಲ್ಲಿ ಪುನರ್ನಿರ್ಮಿಸಲಾದ ಸೇಂಟ್ ಜೋಸೆಫ್ ಚರ್ಚ್ನ ಉದ್ಘಾಟನಾ ಸಮಾರಂಭ ಈ ಎಲ್ಲ ಕಾರಣಗಳಿಂದ ನೆನಪಿನಲ್ಲಿ ಉಳಿಯುವಂತಾಯಿತು.<br /> <br /> ಸುಂದರ ಕಲಾಕೃತಿಯಂತೆ ನಿರ್ಮಾಣಗೊಂಡಿರುವ ಹೊಸ ಕಟ್ಟಡ ಹಾಗೂ ಮುಂದಿನ ಶಾಲಾ ಕಟ್ಟಡ, ಇಡೀ ಆವರಣವನ್ನು ವಿದ್ಯುತ್ ದೀಪಗಳಿಂದ ಅಲಂಕರಿಸಲಾಗಿತ್ತು. ಭಕ್ತರಲ್ಲಿ ಸಂಭ್ರಮ ಮನೆ ಮಾಡಿತ್ತು. ಇಂಥ ವಾತಾವರಣದಲ್ಲಿ ಸಂಜೆ ಆರಂಭಗೊಂಡ ಪ್ರಾರ್ಥನೆ ರಾತ್ರಿ ವರೆಗೆ ಮುಂದುವರಿಯಿತು.<br /> <br /> ಇಂಗ್ಲಿಷ್ ಭಾಷೆಯಲ್ಲಿ ನಡೆದ ಪ್ರಾರ್ಥನೆಗೆ ಕೊಂಕಣಿ, ತಮಿಳು ಭಾಷೆಯ ಸ್ತೋತ್ರ ಗೀತೆಗಳು ಕಳೆ ತುಂಬಿದವು. ವಿವಿಧ ಭಾಷೆಯಲ್ಲಿ ಭಕ್ತರಿಗೆ ಮಾಹಿತಿಯನ್ನು ಕೂಡ ನೀಡಲಾಗುತ್ತಿತ್ತು.ಬೆಳಗಾವಿ ಧರ್ಮಪ್ರಾಂತ ಮಾತ್ರವಲ್ಲದೆ ಬೆಂಗಳೂರು, ದೂರದ ಗೋವಾ, ಆಂಧ್ರಪ್ರದೇಶ, ತಮಿಳುನಾಡು ಮುಂತಾದ ಕಡೆಗಳಿಂದಲೂ ಭಕ್ತರು ಬಂದಿದ್ದರು.</p>.<p>ಹೀಗಾಗಿ ಇಡೀ ಪ್ರದೇಶದಲ್ಲಿ ಕಾಲಿಡುವುದಕ್ಕೂ ಜಾಗವಿರಲಿಲ್ಲ. ಆದರೆ ಒಂದು ಕ್ಷಣವೂ ಗೊಂದಲ, ಗದ್ದಲ, ತಳ್ಳಾಟ–ನೂಕಾಟ ನಡೆಯಲಿಲ್ಲ. ಸಾವಿರಾರು ಮಂದಿಗೆ ಕೇವಲ ಹತ್ತೇ ನಿಮಿಷದಲ್ಲಿ ಪವಿತ್ರ ಪ್ರಸಾದ ಹಂಚಿದ ವಿಧಾನವಂತೂ ಎಲ್ಲರ ಮೆಚ್ಚುಗೆಗೆ ಪಾತ್ರವಾಯಿತು.<br /> <br /> ಬೆಂಗಳೂರು ಧರ್ಮಪ್ರಾಂತದ ಬೆನಿಟ್ಟೋ ಅವರು ಪ್ರಾರ್ಥನೆಗೂ ಮುನ್ನ ಕಟ್ಟಡವನ್ನು ಉದ್ಘಾಟಿಸಿದರು. ಹೊನ್ನಾವರದಿಂದ ಬಂದ ಬ್ಯಾಂಡ್ ಸೆಟ್ನವರ ಸಂಗೀತದ ಹಿನ್ನೆಲೆಯಲ್ಲಿ ನಡೆದ ಸಮಾರಂಭದಲ್ಲಿ ಬೆಂಗಳೂರಿನ ಆರ್ಚ್ ಬಿಷಪ್ ಬರ್ನಾರ್ಡ್ ಮೊರಾಸ್ ಆಶೀರ್ವಾದ ನೀಡಿದರು.</p>.<p>ಬೆಳಗಾವಿ ಧರ್ಮಪ್ರಾಂತದ ಬಿಷಪ್ ಪೀಟರ್ ಮಚಾದೋ, ಕಾರವಾರದ ಫಾದರ್ ಡೆರಿಕ್ ಫರ್ನಾಂಡಿಸ್, ಸೇಂಟ್ ಜೋಸೆಫ್ಸ್ ಚರ್ಚ್ನ ಧರ್ಮಗುರು ಜೋಸೆಫ್ ರಾಡ್ರಿಗಸ್ ಮುಂತಾದವರು ಭಾಗವಹಿಸಿದ್ದರು. ಆರು ಸಾವಿರ ಮಂದಿ ಮಕ್ಕಳು ಕಾರ್ಯಕ್ರಮದ ವಿಶೇಷ ಆಕರ್ಷಣೆಯಾಗಿದ್ದರು. ಪ್ರಾರ್ಥನೆಯ ನಂತರ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
