<p>ಬೃಹತ್ ನಗರಗಳಲ್ಲಿ ಅನೇಕರಿಗೆ ಏಕಾಂಗಿತನ ಸಹಜವಾಗಿ ಕಾಡುತ್ತಿರುತ್ತದೆ. ಉತ್ತಮ ಸ್ನೇಹಿತರು ಸಿಗುವುದೂ ಕಷ್ಟ. ಸಮಯ ಕಳೆಯಲು ಹಲವರು ಸ್ನೇಹಿತರಿಗಾಗಿ ಹುಡುಕಾಟ ನಡೆಸುತ್ತಲೇ ಇರುತ್ತಾರೆ. ಇಂಥವರ ನೆರವಿಗೆ ಬರುವಂಥವು, ಸೋಷಿಯಲ್ ನೆಟ್ವರ್ಕಿಂಗ್ ವೆಬ್ಸೈಟ್ಗಳು. <br /> <br /> ಆರ್ಕುಟ್, ಫೇಸ್ಬುಕ್ ವೆಬ್ಸೈಟ್ಗಳು ಬದುಕಿನ ಚಿತ್ರವನ್ನೇ ಬದಲಿಸುತ್ತಿವೆ. ದೂರದಲ್ಲಿದ್ದರೂ ಸಾಮಿಪ್ಯದ ಅನುಭವ ಕೊಡುತ್ತವೆ. ಆಪ್ಯಾಯಮಾನ ಭಾವವನ್ನು ಸ್ಫುರಿಸುತ್ತವೆ. ಎಲ್ಲೋ ಒಂದೆಡೆ ನಾವೆಲ್ಲ ಜನ್ಮಾಂತರದ ಗಾಢ ಸ್ನೇಹಿತರು ಎಂಬಂತೆ ಭಾಸವಾಗುತ್ತದೆ.<br /> <br /> ಇದೇ ಸಾಲಿನಲ್ಲಿ ನಿಲ್ಲುವಂಥದ್ದು, ಡೇಟಿಂಗ್. ಡೇಟಿಂಗ್ ಸಂಸ್ಕೃತಿ ಪಾಶ್ಚಾತ್ಯ ರಾಷ್ಟ್ರಗಳಲ್ಲಿ ಜೀವನದ ಅವಿಭಾಜ್ಯ ಅಂಗವಾಗಿದೆ. ಆದರೆ ದೇಶದಿಂದ ದೇಶಕ್ಕೆ ಡೇಟಿಂಗ್ನ ಸ್ವರೂಪ ಬದಲಾಗುತ್ತದೆ. ಭಾರತದ ಮಟ್ಟಿಗೆ ಇದು ಹೊಸದೆನಿಸಿದರೂ, ನಿಧಾನವಾಗಿ ಜನಪ್ರಿಯತೆ ಗಳಿಸುತ್ತಿದೆ. <br /> <br /> `ಡೇಟ್ದೋಸ್ತಿ ಡಾಟ್ ಕಾಮ್~ (datedosti.com) ಈ ನಿಟ್ಟಿನಲ್ಲಿ ಇನ್ನೊಂದು ಪ್ರಯತ್ನ. ಇಲ್ಲಿ ಮಿತ್ರತ್ವದ ಸಂಪರ್ಕಕ್ಕೆ ವೆಬ್ಸೈಟ್ ಸೀಮಿತವಾಗದೇ ಹೊಸ ಸಂಬಂಧಗಳಿಗೆ ನಾಂದಿ ಹಾಡುವ ಪ್ರಯತ್ನ ನಡೆಯುತ್ತದೆ. <br /> <br /> ಸಮಾನ ಮನಸ್ಕ ವ್ಯಕ್ತಿಗಳ ನಡುವೆ ಸುರಕ್ಷಿತವಾದ ಭೇಟಿಗೆ ವೇದಿಕೆ ಕಲ್ಪಿಸುತ್ತದೆ. ಸಂಪೂರ್ಣವಾಗಿ ಮಹಿಳೆಯರ ನಿಯಂತ್ರಣದಲ್ಲಿಯೇ ಇರುವ ಡೇಟಿಂಗ್ ಮತ್ತು ಫ್ರೆಂಡ್ಷಿಪ್ ವೆಬ್ಸೈಟ್ ಇದು. <br /> <br /> ಡೇಟಿಂಗ್ ಎಂದರೇನು? ವಿಕಿಪೀಡಿಯಾ ವ್ಯಾಖ್ಯಾನದಂತೆ, ಇಬ್ಬರು ವ್ಯಕ್ತಿಗಳು ಪರಸ್ಪರ ಚೆನ್ನಾಗಿ ಅರ್ಥ ಮಾಡಿಕೊಳ್ಳಲು ಭೇಟಿಯಾಗಿ ನಿರ್ದಿಷ್ಟ ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗುವುದಕ್ಕೆ ಡೇಟಿಂಗ್ ಎನ್ನಬಹುದು.<br /> <br /> ವಿವಾಹಿತರ ನಡುವೆಯೂ ಡೇಟಿಂಗ್ ನಡೆಯಬಹುದು. ಹೊಸ ಸ್ನೇಹಿತರನ್ನು, ಸ್ನೇಹವನ್ನು ಪ್ರೇಮಕ್ಕೆ ಪರಿವರ್ತಿಸಲು ಡೇಟಿಂಗ್ ನಡೆಯಬಹುದು. ಡೇಟಿಂಗ್ ಪದ ನಾನಾರ್ಥಗಳನ್ನು ಸ್ಫುರಿಸಿದರೂ ಚುಟುಕಾಗಿ ಭೇಟಿ ಎನ್ನಬಹುದು. <br /> <br /> ಯುರೋಪ್ನಲ್ಲಿ ಈ ಹಿಂದೆ ವಿವಾಹವನ್ನು ಎರಡು ಕುಟುಂಬಗಳ ನಡುವೆ ನಡೆಯುವ ವಹಿವಾಟು ಎಂದು ಭಾವಿಸಲಾಗುತ್ತಿತ್ತು. ಪ್ರಣಯ, ವಿವಾಹದ ಭಾಗವಾಗಿರಲಿಲ್ಲ. ಅದನ್ನು ಕದ್ದುಮುಚ್ಚಿ ನಡೆಸಬೇಕಾಗಿತ್ತು.<br /> <br /> 1700ರ ಹೊತ್ತಿಗೆ ಮಹಿಳೆಯರ ಸಬಲೀಕರಣ ಪ್ರಾಶಸ್ತ್ಯ ಪಡೆಯಿತು. ಆಸ್ತಿಯನ್ನು ಪಡೆಯುವ ಹಕ್ಕು, ಸಮಾನತೆಯ ಹಕ್ಕು ದೊರೆಯಿತು. ಮತದಾನದ ಹಕ್ಕು ದೊರೆಯಿತು. <br /> <br /> ಈ ಬದಲಾವಣೆಗಳು ಪುರುಷ ಮತ್ತು ಮಹಿಳೆಯ ನಡುವಣ ಸಂಬಂಧದ ಚಿತ್ರಣವನ್ನೇ ಬದಲಿಸಿತು. ಮನೆಯಲ್ಲಿ ಮನೋರಂಜನೆಯ ಹೆಸರಲ್ಲಿ ನಡೆಯುತ್ತಿದ್ದ ಡೇಟಿಂಗ್ ಬೀದಿಗೆ ಬಂತು. <br /> <br /> ಕ್ರಮೇಣ ಇದು ಸಾಮಾಜಿಕ ಅಸ್ತಿತ್ವ ಪಡೆದುಕೊಂಡು ಡೇಟಿಂಗ್ ಎನಿಸಿಕೊಂಡಿತು. ದೂರವಾಣಿಯ ಆವಿಷ್ಕಾರದಿಂದಾಗಿ ಡೇಟಿಂಗ್ ಇನ್ನೊಂದು ಮಗ್ಗುಲಿಗೆ ಹೊರಳಿತು. <br /> <br /> ಡೇಟಿಂಗ್ ವೆಬ್ಸೈಟ್ಗಳು ಹೇರಳವಾಗಿ ದೊರೆಯುತ್ತವೆ. ಆದರೆ, ಭಾರತಕ್ಕೆಂದೇ ವಿಶೇಷವಾದ ಡೇಟಿಂಗ್ ವೆಬ್ಸೈಟ್ ನಿರ್ಮಾಣವಾಗಿರುವುದು ಇದೇ ಮೊದಲು. <br /> <br /> ಸಾಮಾನ್ಯವಾಗಿ ಡೇಟಿಂಗ್ ಕುರಿತು ಇರುವ ವೆಬ್ಸೈಟ್ ದುರ್ಬಳಕೆ ಆಗುವುದು ಜಾಸ್ತಿ. ಅದರಲ್ಲೂ ಮಹಿಳೆಯರ ಶೋಷಣೆ ಸಂದರ್ಭಗಳು ಹೇರಳವಾಗಿರುತ್ತವೆ. ಆದರೆ, ಡೇಟ್ದೋಸ್ತಿ ಡಾಟ್ ಕಾಮ್ ಸಂಪೂರ್ಣವಾಗಿ ಮಹಿಳೆಯರ ನಿಯಂತ್ರಣದಲ್ಲೇ ಇರುವ ವೆಬ್ಸೈಟ್. <br /> <br /> ಮಹಿಳೆಯರ ಭದ್ರತೆಗಾಗಿ ವಿಶೇಷವಾದ ಅನುಕೂಲತೆಗಳು ಇದರಲ್ಲಿವೆ. ಡೇಟಿಂಗ್ಗೆ ಮುನ್ನ ಮಹಿಳೆಯರು ತಮ್ಮ ಮಿತ್ರನ ಪರೀಕ್ಷೆಯನ್ನು ಆನ್ಲೈನ್ನಲ್ಲೇ ನಡೆಸಬಹುದು! ಒಂದೆಡೆ ಸಮಯದ ಉಳಿತಾಯ. ಇನ್ನೊಂದೆಡೆ ತಮ್ಮ ಮಿತ್ರ ಹೇಗಿರಬೇಕು ಎಂಬುದನ್ನು ನಿರ್ಧರಿಸುವ ಸ್ವಾತಂತ್ರ್ಯ.<br /> <br /> ಡೇಟ್ದೋಸ್ತಿ ಪ್ರಾರಂಭಿಸುವ ಮುನ್ನ ಸ್ಥಾಪಕರು ಈ ಉದ್ದೇಶಕ್ಕೆ ಇರುವ ಲಭ್ಯವಿರುವ ಎಲ್ಲ ವೆಬ್ಸೈಟ್ಗಳನ್ನು ಪರೀಕ್ಷಿಸಿದರು. ಭಾರತಕ್ಕೆಂದೇ ಸೀಮಿತವಾದ ವೆಬ್ಸೈಟ್ ಯಾವುದೂ ಇಲ್ಲದಿರುವುದು ಅವರ ಗಮನಕ್ಕೆ ಬಂತು. ಭಾರತ ಬಹುಸಂಸ್ಕೃತಿಯ ದೇಶ. ಇಲ್ಲಿಯ ಜನರ ಅಭಿರುಚಿಗಳು ವಿಭಿನ್ನ ಮತ್ತು ಆದ್ಯತೆಗಳು ಭಿನ್ನ. <br /> <br /> ಅಮೆರಿಕ ಅಥವಾ ಇಂಗ್ಲೆಂಡ್ನಲ್ಲಿರುವ ವೆಬ್ಸೈಟ್ಗಳ ವಿಸ್ತರಿತ ರೂಪವಾಗಿ ಭಾರತದ ವೆಬ್ಸೈಟ್ ಇರುವುದು ಬೇಡ ಎಂದು ಭಾವಿಸಿದ ಅವರು `ಡೇಟ್ದೋಸ್ತಿ ಡಾಟ್ ಕಾಮ್~ ಪ್ರಾರಂಭಿಸಿದರು. ನಾವು ಯಾರು? ನಮಗೆ ಏನು ಬೇಕು ಎಂಬುದನ್ನು ಪ್ರತಿಬಿಂಬಿಸುವ ಸಮಕಾಲೀನ ವೆಬ್ಸೈಟ್ ಬೇಕು ಎಂಬ ಅನ್ವೇಷಣೆಯ ಪ್ರತಿಫಲವೇ ಡೇಟ್ದೋಸ್ತಿ ಡಾಟ್ ಕಾಮ್.<br /> <br /> ಮಹಿಳೆಯರ ಸುರಕ್ಷತೆ ಹೇಗೆ? ಆಸಕ್ತ ವ್ಯಕ್ತಿ ಮಹಿಳೆಯೊಬ್ಬರಿಗೆ ಪ್ರಾರಂಭಿಕ ಸಂದೇಶ ಕಳಿಸಬಹುದು. ಆ ಸಂದೇಶದಲ್ಲಿ ಅಸಭ್ಯ ಪದಗಳಿದ್ದರೆ ಅದನ್ನು ವೆಬ್ಸೈಟ್ ತೆಗೆದುಹಾಕುತ್ತದೆ. <br /> <br /> ಈ ಸಂದೇಶವನ್ನು ಮಹಿಳೆ ಡಿಲೀಟ್ ಮಾಡಿದರೆ ಆ ವ್ಯಕ್ತಿಯ ಸಂದೇಶ ಬಳಿಕ ಆಕೆಯನ್ನು ತಲುಪದಂತೆ ಬ್ಲಾಕ್ ಆಗಿ ಬಿಡುತ್ತದೆ. ಆಕೆ ಪ್ರತಿಕ್ರಿಯೆ ನೀಡಿದರೆ ವ್ಯಕ್ತಿ ಆಕೆಯೊಂದಿಗೆ ಮಾತುಕತೆ ಮುಂದುವರೆಸಬಹುದು.<br /> <br /> ಭಾರತೀಯ ಯುವ ಸಮೂಹವನ್ನು ದೃಷ್ಟಿಯಲ್ಲಿಟ್ಟುಕೊಂಡೇ ಡೇಟ್ದೋಸ್ತಿ ನಿರ್ಮಿಸಲಾಗಿದೆ. ಭಾರತದಂತಹ ಸಾಂಪ್ರದಾಯಿಕ ವಾತಾವರಣದಲ್ಲಿ ಕೆಲವೊಂದು ಸವಾಲುಗಳು ನಮ್ಮ ಎದುರಿದ್ದವು. ವಿಶೇಷವಾಗಿ ಮಹಿಳೆಯ ರಕ್ಷಣೆಯ ಹೊಣೆ ಇತ್ತು. <br /> <br /> ಜನರು ತಮ್ಮ ನಡುವೆ ಇರುವ ಗೋಡೆಗಳನ್ನು ಮೀರಿ ಪರಸ್ಪರ ಭೇಟಿ ಮಾಡಲು ಅವಕಾಶ ನೀಡಬೇಕಾಗಿತ್ತು. ಡೇಟ್ದೋಸ್ತಿ ಡಾಟ್ ಕಾಮ್ ಈ ಸವಾಲುಗಳನ್ನು ಯಶಸ್ವಿಯಾಗಿ ನಿರ್ವಹಿಸಿದೆ ಎಂದು ವೆಬ್ಸೈಟ್ನ ಸಂಸ್ಥಾಪಕ ಅರ್ಜುನ್ ಸಾಹ್ನಾಯ್ ವಿಶ್ವಾಸದಿಂದ ಹೇಳುತ್ತಾರೆ.<br /> <br /> ಡೇಟಿಂಗ್ ವೆಬ್ಸೈಟ್ಗೂ ವಿವಾಹ ವೆಬ್ಸೈಟ್ಗಳಿಗೂ ವ್ಯತ್ಯಾಸವಿರುವುದನ್ನು ಗಮನಿಸಬೇಕು. ಈ ಎರಡೂ ಬಗೆಯ ವೆಬ್ಸೈಟ್ಗಳಿಂದಾಗಿ ಭಾರತದಲ್ಲಿ ಡೇಟಿಂಗ್ ಮತ್ತು ವಿವಾಹದ ಬಗ್ಗೆ ಜನಸಾಮಾನ್ಯರ ಮನೋಭಾವ ಬದಲಾಗುತ್ತಿದೆ ಎನ್ನುವುದಂತೂ ಸತ್ಯ. <br /> <br /> ಕೆಲ ಸಲಹೆಗಳು<br /> * ನಿಮ್ಮ ವ್ಯಕ್ತಿಚಿತ್ರದ ವಿವರಗಳನ್ನು ನೀಡುವಾಗ ಪ್ರಾಮಾಣಿಕರಾಗಿರಿ. ವಯಸ್ಸು, ಎತ್ತರ, ತೂಕ, ಉದ್ಯೋಗದ ಬಗ್ಗೆ ತಪ್ಪು ಮಾಹಿತಿ ಕೊಡಬೇಡಿ <br /> <br /> * ಸಮಯ ವ್ಯರ್ಥವಾಗದಂತಾಗಲು ನೀವು ಡೇಟಿಂಗ್ ಮಾಡುವ ವ್ಯಕ್ತಿ ಹೇಗಿರಬೇಕು ಎಂಬ ಬಗ್ಗೆ ಸ್ಪಷ್ಟವಾದ ಚಿತ್ರ ನಿಮ್ಮಲ್ಲಿರಲಿ, ನೀವು ಭೇಟಿ ಖಾತ್ರಿಯಾಗುವವರೆಗೂ ವೈಯಕ್ತಿಕ ಸಂಪರ್ಕದ ವಿವರಗಳನ್ನು ನೀಡಬೇಡಿ.<br /> <br /> * ಜನರು ಹೆಚ್ಚು ಸಂಚರಿಸುವ ಸಾರ್ವಜನಿಕ ಸ್ಥಳದಲ್ಲಿ ಭೇಟಿಯಾಗಿ, ನಿಮ್ಮ ಭೇಟಿಯ ಬಗ್ಗೆ ಸ್ನೇಹಿತರು ಅಥವಾ ಕುಟುಂಬಕ್ಕೆ ಪೂರ್ವಮಾಹಿತಿ ಕೊಡಿ, ತಪ್ಪು ಕಲ್ಪನೆಗೆ ಅವಕಾಶ ನೀಡದಂತೆ ಸರಿಯಾದ ಉಡುಪು ಧರಿಸಿ, ಎಲ್ಲ ಸಂದರ್ಭದಲ್ಲಿಯೂ ನಿಮ್ಮ ರಕ್ಷಣೆಯ ಬಗ್ಗೆ ಗಮನ ಕೊಡಿ. <br /> <br /> * ಭೇಟಿಯಾದ ವ್ಯಕ್ತಿಯ ಬಗ್ಗೆ ಸಾಕಷ್ಟು ತಿಳಿದುಕೊಳ್ಳುವ ಮುನ್ನ ಲಿಫ್ಟ್ ಗೆ ಒಪ್ಪಿಕೊಳ್ಳಬೇಡಿ, ಸೆಲ್ ಫೋನ್ ಚಾಲನೆಯಲ್ಲಿರಲಿ. ಮದ್ಯಪಾನ ಮಾಡಬೇಡಿ. ನೀವು ಕುಡಿಯುವ ಪಾನೀಯ ಮತ್ತು ವಸ್ತುಗಳ ಬಗ್ಗೆ ಎಚ್ಚರದಿಂದಿರಿ,<br /> <br /> * ನಿಮ್ಮಲ್ಲಿ ಅಭದ್ರತೆಯ ಭಾವ ಕಾಣಿಸಿಕೊಂಡಲ್ಲಿ ರಕ್ಷಣೆಗಾಗಿ ತಕ್ಷಣ ಸಹಾಯ ಪಡೆಯಿರಿ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೃಹತ್ ನಗರಗಳಲ್ಲಿ ಅನೇಕರಿಗೆ ಏಕಾಂಗಿತನ ಸಹಜವಾಗಿ ಕಾಡುತ್ತಿರುತ್ತದೆ. ಉತ್ತಮ ಸ್ನೇಹಿತರು ಸಿಗುವುದೂ ಕಷ್ಟ. ಸಮಯ ಕಳೆಯಲು ಹಲವರು ಸ್ನೇಹಿತರಿಗಾಗಿ ಹುಡುಕಾಟ ನಡೆಸುತ್ತಲೇ ಇರುತ್ತಾರೆ. ಇಂಥವರ ನೆರವಿಗೆ ಬರುವಂಥವು, ಸೋಷಿಯಲ್ ನೆಟ್ವರ್ಕಿಂಗ್ ವೆಬ್ಸೈಟ್ಗಳು. <br /> <br /> ಆರ್ಕುಟ್, ಫೇಸ್ಬುಕ್ ವೆಬ್ಸೈಟ್ಗಳು ಬದುಕಿನ ಚಿತ್ರವನ್ನೇ ಬದಲಿಸುತ್ತಿವೆ. ದೂರದಲ್ಲಿದ್ದರೂ ಸಾಮಿಪ್ಯದ ಅನುಭವ ಕೊಡುತ್ತವೆ. ಆಪ್ಯಾಯಮಾನ ಭಾವವನ್ನು ಸ್ಫುರಿಸುತ್ತವೆ. ಎಲ್ಲೋ ಒಂದೆಡೆ ನಾವೆಲ್ಲ ಜನ್ಮಾಂತರದ ಗಾಢ ಸ್ನೇಹಿತರು ಎಂಬಂತೆ ಭಾಸವಾಗುತ್ತದೆ.<br /> <br /> ಇದೇ ಸಾಲಿನಲ್ಲಿ ನಿಲ್ಲುವಂಥದ್ದು, ಡೇಟಿಂಗ್. ಡೇಟಿಂಗ್ ಸಂಸ್ಕೃತಿ ಪಾಶ್ಚಾತ್ಯ ರಾಷ್ಟ್ರಗಳಲ್ಲಿ ಜೀವನದ ಅವಿಭಾಜ್ಯ ಅಂಗವಾಗಿದೆ. ಆದರೆ ದೇಶದಿಂದ ದೇಶಕ್ಕೆ ಡೇಟಿಂಗ್ನ ಸ್ವರೂಪ ಬದಲಾಗುತ್ತದೆ. ಭಾರತದ ಮಟ್ಟಿಗೆ ಇದು ಹೊಸದೆನಿಸಿದರೂ, ನಿಧಾನವಾಗಿ ಜನಪ್ರಿಯತೆ ಗಳಿಸುತ್ತಿದೆ. <br /> <br /> `ಡೇಟ್ದೋಸ್ತಿ ಡಾಟ್ ಕಾಮ್~ (datedosti.com) ಈ ನಿಟ್ಟಿನಲ್ಲಿ ಇನ್ನೊಂದು ಪ್ರಯತ್ನ. ಇಲ್ಲಿ ಮಿತ್ರತ್ವದ ಸಂಪರ್ಕಕ್ಕೆ ವೆಬ್ಸೈಟ್ ಸೀಮಿತವಾಗದೇ ಹೊಸ ಸಂಬಂಧಗಳಿಗೆ ನಾಂದಿ ಹಾಡುವ ಪ್ರಯತ್ನ ನಡೆಯುತ್ತದೆ. <br /> <br /> ಸಮಾನ ಮನಸ್ಕ ವ್ಯಕ್ತಿಗಳ ನಡುವೆ ಸುರಕ್ಷಿತವಾದ ಭೇಟಿಗೆ ವೇದಿಕೆ ಕಲ್ಪಿಸುತ್ತದೆ. ಸಂಪೂರ್ಣವಾಗಿ ಮಹಿಳೆಯರ ನಿಯಂತ್ರಣದಲ್ಲಿಯೇ ಇರುವ ಡೇಟಿಂಗ್ ಮತ್ತು ಫ್ರೆಂಡ್ಷಿಪ್ ವೆಬ್ಸೈಟ್ ಇದು. <br /> <br /> ಡೇಟಿಂಗ್ ಎಂದರೇನು? ವಿಕಿಪೀಡಿಯಾ ವ್ಯಾಖ್ಯಾನದಂತೆ, ಇಬ್ಬರು ವ್ಯಕ್ತಿಗಳು ಪರಸ್ಪರ ಚೆನ್ನಾಗಿ ಅರ್ಥ ಮಾಡಿಕೊಳ್ಳಲು ಭೇಟಿಯಾಗಿ ನಿರ್ದಿಷ್ಟ ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗುವುದಕ್ಕೆ ಡೇಟಿಂಗ್ ಎನ್ನಬಹುದು.<br /> <br /> ವಿವಾಹಿತರ ನಡುವೆಯೂ ಡೇಟಿಂಗ್ ನಡೆಯಬಹುದು. ಹೊಸ ಸ್ನೇಹಿತರನ್ನು, ಸ್ನೇಹವನ್ನು ಪ್ರೇಮಕ್ಕೆ ಪರಿವರ್ತಿಸಲು ಡೇಟಿಂಗ್ ನಡೆಯಬಹುದು. ಡೇಟಿಂಗ್ ಪದ ನಾನಾರ್ಥಗಳನ್ನು ಸ್ಫುರಿಸಿದರೂ ಚುಟುಕಾಗಿ ಭೇಟಿ ಎನ್ನಬಹುದು. <br /> <br /> ಯುರೋಪ್ನಲ್ಲಿ ಈ ಹಿಂದೆ ವಿವಾಹವನ್ನು ಎರಡು ಕುಟುಂಬಗಳ ನಡುವೆ ನಡೆಯುವ ವಹಿವಾಟು ಎಂದು ಭಾವಿಸಲಾಗುತ್ತಿತ್ತು. ಪ್ರಣಯ, ವಿವಾಹದ ಭಾಗವಾಗಿರಲಿಲ್ಲ. ಅದನ್ನು ಕದ್ದುಮುಚ್ಚಿ ನಡೆಸಬೇಕಾಗಿತ್ತು.<br /> <br /> 1700ರ ಹೊತ್ತಿಗೆ ಮಹಿಳೆಯರ ಸಬಲೀಕರಣ ಪ್ರಾಶಸ್ತ್ಯ ಪಡೆಯಿತು. ಆಸ್ತಿಯನ್ನು ಪಡೆಯುವ ಹಕ್ಕು, ಸಮಾನತೆಯ ಹಕ್ಕು ದೊರೆಯಿತು. ಮತದಾನದ ಹಕ್ಕು ದೊರೆಯಿತು. <br /> <br /> ಈ ಬದಲಾವಣೆಗಳು ಪುರುಷ ಮತ್ತು ಮಹಿಳೆಯ ನಡುವಣ ಸಂಬಂಧದ ಚಿತ್ರಣವನ್ನೇ ಬದಲಿಸಿತು. ಮನೆಯಲ್ಲಿ ಮನೋರಂಜನೆಯ ಹೆಸರಲ್ಲಿ ನಡೆಯುತ್ತಿದ್ದ ಡೇಟಿಂಗ್ ಬೀದಿಗೆ ಬಂತು. <br /> <br /> ಕ್ರಮೇಣ ಇದು ಸಾಮಾಜಿಕ ಅಸ್ತಿತ್ವ ಪಡೆದುಕೊಂಡು ಡೇಟಿಂಗ್ ಎನಿಸಿಕೊಂಡಿತು. ದೂರವಾಣಿಯ ಆವಿಷ್ಕಾರದಿಂದಾಗಿ ಡೇಟಿಂಗ್ ಇನ್ನೊಂದು ಮಗ್ಗುಲಿಗೆ ಹೊರಳಿತು. <br /> <br /> ಡೇಟಿಂಗ್ ವೆಬ್ಸೈಟ್ಗಳು ಹೇರಳವಾಗಿ ದೊರೆಯುತ್ತವೆ. ಆದರೆ, ಭಾರತಕ್ಕೆಂದೇ ವಿಶೇಷವಾದ ಡೇಟಿಂಗ್ ವೆಬ್ಸೈಟ್ ನಿರ್ಮಾಣವಾಗಿರುವುದು ಇದೇ ಮೊದಲು. <br /> <br /> ಸಾಮಾನ್ಯವಾಗಿ ಡೇಟಿಂಗ್ ಕುರಿತು ಇರುವ ವೆಬ್ಸೈಟ್ ದುರ್ಬಳಕೆ ಆಗುವುದು ಜಾಸ್ತಿ. ಅದರಲ್ಲೂ ಮಹಿಳೆಯರ ಶೋಷಣೆ ಸಂದರ್ಭಗಳು ಹೇರಳವಾಗಿರುತ್ತವೆ. ಆದರೆ, ಡೇಟ್ದೋಸ್ತಿ ಡಾಟ್ ಕಾಮ್ ಸಂಪೂರ್ಣವಾಗಿ ಮಹಿಳೆಯರ ನಿಯಂತ್ರಣದಲ್ಲೇ ಇರುವ ವೆಬ್ಸೈಟ್. <br /> <br /> ಮಹಿಳೆಯರ ಭದ್ರತೆಗಾಗಿ ವಿಶೇಷವಾದ ಅನುಕೂಲತೆಗಳು ಇದರಲ್ಲಿವೆ. ಡೇಟಿಂಗ್ಗೆ ಮುನ್ನ ಮಹಿಳೆಯರು ತಮ್ಮ ಮಿತ್ರನ ಪರೀಕ್ಷೆಯನ್ನು ಆನ್ಲೈನ್ನಲ್ಲೇ ನಡೆಸಬಹುದು! ಒಂದೆಡೆ ಸಮಯದ ಉಳಿತಾಯ. ಇನ್ನೊಂದೆಡೆ ತಮ್ಮ ಮಿತ್ರ ಹೇಗಿರಬೇಕು ಎಂಬುದನ್ನು ನಿರ್ಧರಿಸುವ ಸ್ವಾತಂತ್ರ್ಯ.<br /> <br /> ಡೇಟ್ದೋಸ್ತಿ ಪ್ರಾರಂಭಿಸುವ ಮುನ್ನ ಸ್ಥಾಪಕರು ಈ ಉದ್ದೇಶಕ್ಕೆ ಇರುವ ಲಭ್ಯವಿರುವ ಎಲ್ಲ ವೆಬ್ಸೈಟ್ಗಳನ್ನು ಪರೀಕ್ಷಿಸಿದರು. ಭಾರತಕ್ಕೆಂದೇ ಸೀಮಿತವಾದ ವೆಬ್ಸೈಟ್ ಯಾವುದೂ ಇಲ್ಲದಿರುವುದು ಅವರ ಗಮನಕ್ಕೆ ಬಂತು. ಭಾರತ ಬಹುಸಂಸ್ಕೃತಿಯ ದೇಶ. ಇಲ್ಲಿಯ ಜನರ ಅಭಿರುಚಿಗಳು ವಿಭಿನ್ನ ಮತ್ತು ಆದ್ಯತೆಗಳು ಭಿನ್ನ. <br /> <br /> ಅಮೆರಿಕ ಅಥವಾ ಇಂಗ್ಲೆಂಡ್ನಲ್ಲಿರುವ ವೆಬ್ಸೈಟ್ಗಳ ವಿಸ್ತರಿತ ರೂಪವಾಗಿ ಭಾರತದ ವೆಬ್ಸೈಟ್ ಇರುವುದು ಬೇಡ ಎಂದು ಭಾವಿಸಿದ ಅವರು `ಡೇಟ್ದೋಸ್ತಿ ಡಾಟ್ ಕಾಮ್~ ಪ್ರಾರಂಭಿಸಿದರು. ನಾವು ಯಾರು? ನಮಗೆ ಏನು ಬೇಕು ಎಂಬುದನ್ನು ಪ್ರತಿಬಿಂಬಿಸುವ ಸಮಕಾಲೀನ ವೆಬ್ಸೈಟ್ ಬೇಕು ಎಂಬ ಅನ್ವೇಷಣೆಯ ಪ್ರತಿಫಲವೇ ಡೇಟ್ದೋಸ್ತಿ ಡಾಟ್ ಕಾಮ್.<br /> <br /> ಮಹಿಳೆಯರ ಸುರಕ್ಷತೆ ಹೇಗೆ? ಆಸಕ್ತ ವ್ಯಕ್ತಿ ಮಹಿಳೆಯೊಬ್ಬರಿಗೆ ಪ್ರಾರಂಭಿಕ ಸಂದೇಶ ಕಳಿಸಬಹುದು. ಆ ಸಂದೇಶದಲ್ಲಿ ಅಸಭ್ಯ ಪದಗಳಿದ್ದರೆ ಅದನ್ನು ವೆಬ್ಸೈಟ್ ತೆಗೆದುಹಾಕುತ್ತದೆ. <br /> <br /> ಈ ಸಂದೇಶವನ್ನು ಮಹಿಳೆ ಡಿಲೀಟ್ ಮಾಡಿದರೆ ಆ ವ್ಯಕ್ತಿಯ ಸಂದೇಶ ಬಳಿಕ ಆಕೆಯನ್ನು ತಲುಪದಂತೆ ಬ್ಲಾಕ್ ಆಗಿ ಬಿಡುತ್ತದೆ. ಆಕೆ ಪ್ರತಿಕ್ರಿಯೆ ನೀಡಿದರೆ ವ್ಯಕ್ತಿ ಆಕೆಯೊಂದಿಗೆ ಮಾತುಕತೆ ಮುಂದುವರೆಸಬಹುದು.<br /> <br /> ಭಾರತೀಯ ಯುವ ಸಮೂಹವನ್ನು ದೃಷ್ಟಿಯಲ್ಲಿಟ್ಟುಕೊಂಡೇ ಡೇಟ್ದೋಸ್ತಿ ನಿರ್ಮಿಸಲಾಗಿದೆ. ಭಾರತದಂತಹ ಸಾಂಪ್ರದಾಯಿಕ ವಾತಾವರಣದಲ್ಲಿ ಕೆಲವೊಂದು ಸವಾಲುಗಳು ನಮ್ಮ ಎದುರಿದ್ದವು. ವಿಶೇಷವಾಗಿ ಮಹಿಳೆಯ ರಕ್ಷಣೆಯ ಹೊಣೆ ಇತ್ತು. <br /> <br /> ಜನರು ತಮ್ಮ ನಡುವೆ ಇರುವ ಗೋಡೆಗಳನ್ನು ಮೀರಿ ಪರಸ್ಪರ ಭೇಟಿ ಮಾಡಲು ಅವಕಾಶ ನೀಡಬೇಕಾಗಿತ್ತು. ಡೇಟ್ದೋಸ್ತಿ ಡಾಟ್ ಕಾಮ್ ಈ ಸವಾಲುಗಳನ್ನು ಯಶಸ್ವಿಯಾಗಿ ನಿರ್ವಹಿಸಿದೆ ಎಂದು ವೆಬ್ಸೈಟ್ನ ಸಂಸ್ಥಾಪಕ ಅರ್ಜುನ್ ಸಾಹ್ನಾಯ್ ವಿಶ್ವಾಸದಿಂದ ಹೇಳುತ್ತಾರೆ.<br /> <br /> ಡೇಟಿಂಗ್ ವೆಬ್ಸೈಟ್ಗೂ ವಿವಾಹ ವೆಬ್ಸೈಟ್ಗಳಿಗೂ ವ್ಯತ್ಯಾಸವಿರುವುದನ್ನು ಗಮನಿಸಬೇಕು. ಈ ಎರಡೂ ಬಗೆಯ ವೆಬ್ಸೈಟ್ಗಳಿಂದಾಗಿ ಭಾರತದಲ್ಲಿ ಡೇಟಿಂಗ್ ಮತ್ತು ವಿವಾಹದ ಬಗ್ಗೆ ಜನಸಾಮಾನ್ಯರ ಮನೋಭಾವ ಬದಲಾಗುತ್ತಿದೆ ಎನ್ನುವುದಂತೂ ಸತ್ಯ. <br /> <br /> ಕೆಲ ಸಲಹೆಗಳು<br /> * ನಿಮ್ಮ ವ್ಯಕ್ತಿಚಿತ್ರದ ವಿವರಗಳನ್ನು ನೀಡುವಾಗ ಪ್ರಾಮಾಣಿಕರಾಗಿರಿ. ವಯಸ್ಸು, ಎತ್ತರ, ತೂಕ, ಉದ್ಯೋಗದ ಬಗ್ಗೆ ತಪ್ಪು ಮಾಹಿತಿ ಕೊಡಬೇಡಿ <br /> <br /> * ಸಮಯ ವ್ಯರ್ಥವಾಗದಂತಾಗಲು ನೀವು ಡೇಟಿಂಗ್ ಮಾಡುವ ವ್ಯಕ್ತಿ ಹೇಗಿರಬೇಕು ಎಂಬ ಬಗ್ಗೆ ಸ್ಪಷ್ಟವಾದ ಚಿತ್ರ ನಿಮ್ಮಲ್ಲಿರಲಿ, ನೀವು ಭೇಟಿ ಖಾತ್ರಿಯಾಗುವವರೆಗೂ ವೈಯಕ್ತಿಕ ಸಂಪರ್ಕದ ವಿವರಗಳನ್ನು ನೀಡಬೇಡಿ.<br /> <br /> * ಜನರು ಹೆಚ್ಚು ಸಂಚರಿಸುವ ಸಾರ್ವಜನಿಕ ಸ್ಥಳದಲ್ಲಿ ಭೇಟಿಯಾಗಿ, ನಿಮ್ಮ ಭೇಟಿಯ ಬಗ್ಗೆ ಸ್ನೇಹಿತರು ಅಥವಾ ಕುಟುಂಬಕ್ಕೆ ಪೂರ್ವಮಾಹಿತಿ ಕೊಡಿ, ತಪ್ಪು ಕಲ್ಪನೆಗೆ ಅವಕಾಶ ನೀಡದಂತೆ ಸರಿಯಾದ ಉಡುಪು ಧರಿಸಿ, ಎಲ್ಲ ಸಂದರ್ಭದಲ್ಲಿಯೂ ನಿಮ್ಮ ರಕ್ಷಣೆಯ ಬಗ್ಗೆ ಗಮನ ಕೊಡಿ. <br /> <br /> * ಭೇಟಿಯಾದ ವ್ಯಕ್ತಿಯ ಬಗ್ಗೆ ಸಾಕಷ್ಟು ತಿಳಿದುಕೊಳ್ಳುವ ಮುನ್ನ ಲಿಫ್ಟ್ ಗೆ ಒಪ್ಪಿಕೊಳ್ಳಬೇಡಿ, ಸೆಲ್ ಫೋನ್ ಚಾಲನೆಯಲ್ಲಿರಲಿ. ಮದ್ಯಪಾನ ಮಾಡಬೇಡಿ. ನೀವು ಕುಡಿಯುವ ಪಾನೀಯ ಮತ್ತು ವಸ್ತುಗಳ ಬಗ್ಗೆ ಎಚ್ಚರದಿಂದಿರಿ,<br /> <br /> * ನಿಮ್ಮಲ್ಲಿ ಅಭದ್ರತೆಯ ಭಾವ ಕಾಣಿಸಿಕೊಂಡಲ್ಲಿ ರಕ್ಷಣೆಗಾಗಿ ತಕ್ಷಣ ಸಹಾಯ ಪಡೆಯಿರಿ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
