<p><strong>ರಿಯೊ ಡಿ ಜನೈರೊ: </strong>ಒಲಿಂಪಿಕ್ಸ್ ಟ್ರ್ಯಾಕ್ ಸ್ಪರ್ಧೆಗಳಲ್ಲಿ ಅಮೆರಿಕದ ಪ್ರಭುತ್ವಕ್ಕೆ ಧಕ್ಕೆ ತರುವ ಕೆಲಸವನ್ನು ಜಮೈಕ ಮುಂದು ವರಿಸಿದ್ದು, ಪುರುಷರ 110 ಮೀ. ಹರ್ಡಲ್ಸ್ನಲ್ಲಿ ಚಿನ್ನ ಗೆದ್ದುಕೊಂಡಿದೆ.<br /> <br /> ಮಂಗಳವಾರ ರಾತ್ರಿ ನಡೆದ ಸ್ಪರ್ಧೆಯಲ್ಲಿ ಜಮೈಕದ ಒಮರ್ ಮೆಕ್ಲಿಯೊಡ್ 13.05 ಸೆಕೆಂಡ್ಗಳಲ್ಲಿ ಮೊದಲಿಗರಾಗಿ ಗುರಿ ಮುಟ್ಟಿದರು. ಒಲಿಂಪಿಕ್ಸ್ನಲ್ಲಿ ಪುರುಷರ ಹರ್ಡಲ್ಸ್ ಸ್ಪರ್ಧೆಯಲ್ಲಿ ಜಮೈಕ ಚಿನ್ನ ಜಯಿಸಿದ್ದು ಇದೇ ಮೊದಲು.<br /> <br /> ಕ್ಯೂಬಾ ಮೂಲದ ಸ್ಪೇನ್ನ ಅಥ್ಲೀಟ್ ಒರ್ಲಾಂಡೊ ಒರ್ಟೆಗ ಎರಡನೇ ಬೆಳ್ಳಿ ಪಡೆದರೆ, ಫ್ರಾನ್ಸ್ನ ದಿಮಿತ್ರ ಬಾಸ್ಕೊ ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡರು. ಪುರುಷರ 110 ಮೀ. ಹರ್ಡಲ್ಸ್ನಲ್ಲಿ ಇದುವರೆಗೆ ಅಮೆರಿಕ ಪ್ರಮುಖ ಶಕ್ತಿ ಎನಿಸಿಕೊಂಡಿತ್ತು.<br /> <br /> 22ರ ಹರೆಯದ ಮೆಕ್ಲಿಯೊಡ್ ಆರಂಭದಿಂದಲೇ ಮುನ್ನಡೆ ಸಾಧಿಸಿ ಗೆಲುವು ಒಲಿಸಿಕೊಂಡರು. ‘ಒಂದು ದಿನ ನಾನು ಒಲಿಂಪಿಕ್ ಚಾಂಪಿಯನ್ ಮತ್ತು ವಿಶ್ವಚಾಂಪಿಯನ್ ಆಗಬಲ್ಲೆ ಎಂಬು ದನ್ನು ಯೋಚಿಸಿಯೇ ಇರಲಿಲ್ಲ’ ಎಂದು ಮೆಕ್ಲಿಯೊಡ್ ಪ್ರತಿಕ್ರಿಯಿಸಿದ್ದಾರೆ.<br /> <br /> <strong>ಕಿಪ್ಯೆಗನ್ಗೆ ಅಗ್ರಸ್ಥಾನ: </strong>ಕೆನ್ಯಾದ ಚೆಪ್ಕೆಟಿಜ್ ಕಿಪ್ಯೆಗನ್ ಮಹಿಳೆಯರ 1500 ಮೀ. ಓಟದಲ್ಲಿ ಚಿನ್ನ ಗೆದ್ದರು. ಸ್ಪರ್ಧೆಯಲ್ಲಿ ಅರ್ಧಹಾದಿ ಕ್ರಮಿಸಿದ ಬಳಿಕ ಮಿಂಚಿನ ವೇಗದಲ್ಲಿ ಓಡಿದ ಕಿಪ್ಯೆಗನ್ 4 ನಿಮಿಷ 8.92 ಸೆಕೆಂಡ್ಗಳಲ್ಲಿ ಗುರಿ ತಲುಪಿದರು.<br /> <br /> ಈ ವಿಭಾಗದಲ್ಲಿ ವಿಶ್ವದಾಖಲೆ ಹೊಂದಿರುವ ಇಥಿಯೋಪಿ ಯದ ಗೆಂಜೆಬೆ ದಿಬಾಬ (4:10.27ಸೆ.) ಬೆಳ್ಳಿಗೆ ತೃಪ್ತಿ ಪಟ್ಟುಕೊಂಡರೆ, ಅಮೆರಿಕದ ಜೆನಿಫರ್ ಸಿಂಪ್ಸನ್ ಮೂರನೇ ಸ್ಥಾನ ಪಡೆದರು.<br /> <br /> ದಿಬಾಬ ಕೊನೆಯ 200 ಮೀ. ಇರುವವರೆಗೂ ಮುನ್ನಡೆ ಕಾಯ್ದುಕೊಂಡಿ ದ್ದರು. ಆದರೆ 22ರ ಹರೆಯದ ಕಿಪ್ಯೆಗನ್ ಆ ಬಳಿಕ ಅದ್ಭುತ ವೇಗದಲ್ಲಿ ಓಡಿ ಚಿನ್ನ ತಮ್ಮದಾಗಿಸಿಕೊಂಡರು.<br /> <br /> ಮೊದಲ ಲ್ಯಾಪ್ (400 ಮೀ.) ಅನ್ನು ಎಲ್ಲಾ ಸ್ವರ್ಧಿಗಳು 76 ಸೆಕೆಂಡುಗಳ ಒಳಗೇ ಪೂರ್ಣಗೊಳಿಸಿದರು. ನಂತರದ 400 ಮೀಟರ್ಸ್ ದೂರವನ್ನು ಕೊನೆಯದಾಗಿ ಕ್ರಮಿಸಿದವರು 2 ನಿಮಿಷ 27.21 ಸೆಕೆಂಡುಗಳನ್ನು ತೆಗೆದುಕೊಂಡರು.<br /> <br /> ಈ ಹಂತದಲ್ಲಿ ವೇಗ ಹೆಚ್ಚಿಸಿಕೊಂಡ ದಿಬಾಬ ಗುಂಪಿನಿಂದ ಬೇರೆಯಾದರು. ಕಿಪ್ಯೆಗನ್ ಮತ್ತು ಬ್ರಿಟನ್ನ ಲಾರಾ ಮ್ಯೂರ್ ಅವರೂ ಇಥಿಯೋಪಿಯದ ಸ್ಪರ್ಧಿಗೆ ಪೈಪೋಟಿ ನೀಡಲಾರಂಭಿಸಿ ದರು. ಕೊನೆಯ ಒಂದು ಲ್ಯಾಪ್ ಇದ್ದಾ ಗಲೂ ದಿಬಾಬ ಮುನ್ನಡೆಯಲ್ಲಿದ್ದರು.<br /> <br /> ಆ ಬಳಿಕ ಕಿಪ್ಯೆಗನ್ ವೇಗ ಹೆಚ್ಚಿಸಿಕೊಂಡು ಮೊದಲಿಗರಾಗಿ ಗುರಿ ತಲುಪಿದರು. ಕೆನ್ಯಾದ ಅಥ್ಲೀಟ್ 58.79 ಸೆಕೆಂಡುಗಳಲ್ಲಿ ಕೊನೆಯ ಲ್ಯಾಪ್ ಪೂರೈಸಿದರು.<br /> <br /> <strong>ಮಿಂಚಿದ ಕಿಪ್ರಟೊ: </strong> ಬುಧವಾರ ಬೆಳಿಗ್ಗೆ ನಡೆದ ಪುರುಷರ 3 ಸಾವಿರ ಮೀ. ಸ್ಟೀಪಲ್ಚೇಸ್ ಸ್ಪರ್ಧೆಯಲ್ಲಿ ಕೆನ್ಯಾದ ಕಾನ್ಸೆಸ್ಲಸ್ ಕಿಪ್ರಟೊ ಚಿನ್ನ ಗೆದ್ದರು. ಅವರು 8 ನಿಮಿಷ 3.28 ಸೆಕೆಂಡು ಗಳಲ್ಲಿ ಗುರಿ ತಲುಪಿದರು. ಅಮೆರಿಕದ ಇವಾನ್ ಜಗೆರ್ ಮತ್ತು ಕೆನ್ಯಾದ ಎಜೆಕೆಲ್ ಕೆಂಬೊಯ್ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಪಡೆದರು.<br /> <br /> <strong>ಕೆನಡಾಕ್ಕೆ ಮತ್ತೊಂದು ಚಿನ್ನ: </strong>ಹೈಜಂಪ್ ಸ್ಪರ್ಧಿ ಡೆರೆಕ್ ಡ್ರಾಯಿನ್ ರಿಯೊ ಕೂಟದಲ್ಲಿ ಕೆನಡಾಕ್ಕೆ ಮೂರನೇ ಚಿನ್ನ ತಂದಿತ್ತರು. ಅವರು 2.38 ಮೀ. ಎತ್ತರ ಜಿಗಿದರು.<br /> <br /> ಕತಾರ್ನ ಈಸಾ ಬಾರ್ಶಿಮ್ ಮತ್ತು ಉಕ್ರೇನ್ನ ಬೊಹ್ಡನ್ ಬೊಂಡರೆಂಕೊ ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕ ಜಯಿಸಿದರು.<br /> <br /> <strong>ಅಮೆರಿಕ ಕೈತಪ್ಪಿದ ಪದಕ</strong><br /> ಆಧುನಿಕ ಒಲಿಂಪಿಕ್ಸ್ನ 120 ವರ್ಷಗಳ ಇತಿಹಾಸದಲ್ಲಿ ಪುರು ಷರ 110 ಮೀ. ಹರ್ಡಲ್ಸ್ನಲ್ಲಿ ಅಮೆರಿಕ ಪದಕ ಗೆಲ್ಲಲು ವಿಫಲವಾಗಿದ್ದು ಇದೇ ಮೊದಲು.</p>.<p>1980ರ ಮಾಸ್ಕೊ ಒಲಿಂಪಿಕ್ಸ್ ಅನ್ನು ಅಮೆರಿಕ ಬಹಿಷ್ಕರಿಸಿತ್ತು. ಆ ಕೂಟ ಹೊರತುಪಡಿಸಿ ಇತರ ಎಲ್ಲ ಒಲಿಂಪಿಕ್ಸ್ಗಳಲ್ಲೂ ಪದಕ ಜಯಿಸಿದೆ.<br /> ಈ ಬಾರಿ ಅಮೆರಿಕದ ಇಬ್ಬರು ಸ್ಪರ್ಧಿಗಳು ಫೈನಲ್ ಪ್ರವೇಶಿಸಿದ್ದರು. ಡೆವೊನ್ ಅಲೆನ್ ಐದನೇ ಸ್ಥಾನ ಪಡೆದರೆ, ರಾನಿ ಆ್ಯಷ್ ಅನರ್ಹಗೊಂಡರು.</p>.<p>ಒಲಿಂಪಿಕ್ಸ್ನ 110 ಮೀ. ಹರ್ಡಲ್ಸ್ನಲ್ಲಿ ಇದುವರೆಗೆ ಒಟ್ಟು 27 ಚಿನ್ನದ ಪದಕಗಳಲ್ಲಿ 19ನ್ನೂ ಅಮೆರಿಕ ತನ್ನದಾಗಿಸಿಕೊಂಡಿತ್ತು. ಆದರೆ ಈ ಬಾರಿ ನಿರಾಸೆ ಅನುಭವಿಸಿದೆ.<br /> <br /> <strong>ಫಲಿತಾಂಶ: ಪುರುಷರ ವಿಭಾಗ: </strong>110 ಮೀ. ಹರ್ಡಲ್ಸ್: ಒಮರ್ ಮೆಕ್ಲಿಯೊಡ್, ಜಮೈಕ (ಕಾಲ: 13.05 ಸೆ.)–1, ಒರ್ಲಾಂಡೊ ಒರ್ಟೆಗ, ಸ್ಪೇನ್ (13.17 ಸೆ.)–2, ದಿಮಿತ್ರಿ ಬಾಸ್ಕೊ, ಫ್ರಾನ್ಸ್ (13.24 ಸೆ.)–3<br /> <br /> <strong>3000 ಮೀ. ಸ್ಟೀಪಲ್ಚೇಸ್: </strong>ಕಾನ್ಸೆಸ್ಲಸ್ ಕಿಪ್ರಟೊ, ಕೆನ್ಯಾ (ಕಾಲ: 8.03.28 ಸೆ.)–2, ಇವಾನ್ ಜಗೆರ್, ಅಮೆರಿಕ (8.04.28 ಸೆ.)–2, ಎಜೆಕೆಲ್ ಕೆಂಬೊಯ್, ಕೆನ್ಯಾ (8.08.47 ಸೆ.)–3<br /> <br /> <strong>ಹೈಜಂಪ್: </strong>ಡೆರೆಕ್ ಡ್ರಾಯಿನ್, ಕೆನಡಾ (ಎತ್ತರ: 2.38 ಮೀ.)–1, ಮುತಾಜ್ ಈಸಾ ಬಾರ್ಶಿಮ್, ಕತಾರ್ (2.36 ಮೀ.)–2, ಬೊಹ್ಡನ್ ಬೊಂಡರೆಂಕೊ, ಉಕ್ರೇನ್ (2.33)–3<br /> <br /> <strong>ಮಹಿಳೆಯರ ವಿಭಾಗ<br /> 1500 ಮೀ. ಓಟ: </strong>ಚೆಪ್ಕೆಟಿಜ್ ಕಿಪ್ಯೆಗನ್, ಕೆನ್ಯಾ (ಕಾಲ: 4:08.92 ಸೆ.)–1, ಗೆಂಜೆಬೆ ದಿಬಾಬ, ಇಥಿಯೋಪಿಯ (4:10.27)–2, ಜೆನಿಫರ್ ಸಿಂಪ್ಸನ್, ಅಮೆರಿಕ (4:10.53 ಸೆ.)–3<br /> <br /> <strong>ಮುಖ್ಯಾಂಶಗಳು</strong><br /> * ಕೆನಡಾದ ಡೆರೆಕ್ ಡ್ರಾಯಿನ್ಗೆ ಹೈಜಂಪ್ ಚಿನ್ನ<br /> * 1500ಮೀ. ಓಟ: ಗೆಂಜೆಬೆ ದಿಬಾಬಗೆ ಆಘಾತ ನೀಡಿದ ಕಿಪ್ಯೆಗನ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಿಯೊ ಡಿ ಜನೈರೊ: </strong>ಒಲಿಂಪಿಕ್ಸ್ ಟ್ರ್ಯಾಕ್ ಸ್ಪರ್ಧೆಗಳಲ್ಲಿ ಅಮೆರಿಕದ ಪ್ರಭುತ್ವಕ್ಕೆ ಧಕ್ಕೆ ತರುವ ಕೆಲಸವನ್ನು ಜಮೈಕ ಮುಂದು ವರಿಸಿದ್ದು, ಪುರುಷರ 110 ಮೀ. ಹರ್ಡಲ್ಸ್ನಲ್ಲಿ ಚಿನ್ನ ಗೆದ್ದುಕೊಂಡಿದೆ.<br /> <br /> ಮಂಗಳವಾರ ರಾತ್ರಿ ನಡೆದ ಸ್ಪರ್ಧೆಯಲ್ಲಿ ಜಮೈಕದ ಒಮರ್ ಮೆಕ್ಲಿಯೊಡ್ 13.05 ಸೆಕೆಂಡ್ಗಳಲ್ಲಿ ಮೊದಲಿಗರಾಗಿ ಗುರಿ ಮುಟ್ಟಿದರು. ಒಲಿಂಪಿಕ್ಸ್ನಲ್ಲಿ ಪುರುಷರ ಹರ್ಡಲ್ಸ್ ಸ್ಪರ್ಧೆಯಲ್ಲಿ ಜಮೈಕ ಚಿನ್ನ ಜಯಿಸಿದ್ದು ಇದೇ ಮೊದಲು.<br /> <br /> ಕ್ಯೂಬಾ ಮೂಲದ ಸ್ಪೇನ್ನ ಅಥ್ಲೀಟ್ ಒರ್ಲಾಂಡೊ ಒರ್ಟೆಗ ಎರಡನೇ ಬೆಳ್ಳಿ ಪಡೆದರೆ, ಫ್ರಾನ್ಸ್ನ ದಿಮಿತ್ರ ಬಾಸ್ಕೊ ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡರು. ಪುರುಷರ 110 ಮೀ. ಹರ್ಡಲ್ಸ್ನಲ್ಲಿ ಇದುವರೆಗೆ ಅಮೆರಿಕ ಪ್ರಮುಖ ಶಕ್ತಿ ಎನಿಸಿಕೊಂಡಿತ್ತು.<br /> <br /> 22ರ ಹರೆಯದ ಮೆಕ್ಲಿಯೊಡ್ ಆರಂಭದಿಂದಲೇ ಮುನ್ನಡೆ ಸಾಧಿಸಿ ಗೆಲುವು ಒಲಿಸಿಕೊಂಡರು. ‘ಒಂದು ದಿನ ನಾನು ಒಲಿಂಪಿಕ್ ಚಾಂಪಿಯನ್ ಮತ್ತು ವಿಶ್ವಚಾಂಪಿಯನ್ ಆಗಬಲ್ಲೆ ಎಂಬು ದನ್ನು ಯೋಚಿಸಿಯೇ ಇರಲಿಲ್ಲ’ ಎಂದು ಮೆಕ್ಲಿಯೊಡ್ ಪ್ರತಿಕ್ರಿಯಿಸಿದ್ದಾರೆ.<br /> <br /> <strong>ಕಿಪ್ಯೆಗನ್ಗೆ ಅಗ್ರಸ್ಥಾನ: </strong>ಕೆನ್ಯಾದ ಚೆಪ್ಕೆಟಿಜ್ ಕಿಪ್ಯೆಗನ್ ಮಹಿಳೆಯರ 1500 ಮೀ. ಓಟದಲ್ಲಿ ಚಿನ್ನ ಗೆದ್ದರು. ಸ್ಪರ್ಧೆಯಲ್ಲಿ ಅರ್ಧಹಾದಿ ಕ್ರಮಿಸಿದ ಬಳಿಕ ಮಿಂಚಿನ ವೇಗದಲ್ಲಿ ಓಡಿದ ಕಿಪ್ಯೆಗನ್ 4 ನಿಮಿಷ 8.92 ಸೆಕೆಂಡ್ಗಳಲ್ಲಿ ಗುರಿ ತಲುಪಿದರು.<br /> <br /> ಈ ವಿಭಾಗದಲ್ಲಿ ವಿಶ್ವದಾಖಲೆ ಹೊಂದಿರುವ ಇಥಿಯೋಪಿ ಯದ ಗೆಂಜೆಬೆ ದಿಬಾಬ (4:10.27ಸೆ.) ಬೆಳ್ಳಿಗೆ ತೃಪ್ತಿ ಪಟ್ಟುಕೊಂಡರೆ, ಅಮೆರಿಕದ ಜೆನಿಫರ್ ಸಿಂಪ್ಸನ್ ಮೂರನೇ ಸ್ಥಾನ ಪಡೆದರು.<br /> <br /> ದಿಬಾಬ ಕೊನೆಯ 200 ಮೀ. ಇರುವವರೆಗೂ ಮುನ್ನಡೆ ಕಾಯ್ದುಕೊಂಡಿ ದ್ದರು. ಆದರೆ 22ರ ಹರೆಯದ ಕಿಪ್ಯೆಗನ್ ಆ ಬಳಿಕ ಅದ್ಭುತ ವೇಗದಲ್ಲಿ ಓಡಿ ಚಿನ್ನ ತಮ್ಮದಾಗಿಸಿಕೊಂಡರು.<br /> <br /> ಮೊದಲ ಲ್ಯಾಪ್ (400 ಮೀ.) ಅನ್ನು ಎಲ್ಲಾ ಸ್ವರ್ಧಿಗಳು 76 ಸೆಕೆಂಡುಗಳ ಒಳಗೇ ಪೂರ್ಣಗೊಳಿಸಿದರು. ನಂತರದ 400 ಮೀಟರ್ಸ್ ದೂರವನ್ನು ಕೊನೆಯದಾಗಿ ಕ್ರಮಿಸಿದವರು 2 ನಿಮಿಷ 27.21 ಸೆಕೆಂಡುಗಳನ್ನು ತೆಗೆದುಕೊಂಡರು.<br /> <br /> ಈ ಹಂತದಲ್ಲಿ ವೇಗ ಹೆಚ್ಚಿಸಿಕೊಂಡ ದಿಬಾಬ ಗುಂಪಿನಿಂದ ಬೇರೆಯಾದರು. ಕಿಪ್ಯೆಗನ್ ಮತ್ತು ಬ್ರಿಟನ್ನ ಲಾರಾ ಮ್ಯೂರ್ ಅವರೂ ಇಥಿಯೋಪಿಯದ ಸ್ಪರ್ಧಿಗೆ ಪೈಪೋಟಿ ನೀಡಲಾರಂಭಿಸಿ ದರು. ಕೊನೆಯ ಒಂದು ಲ್ಯಾಪ್ ಇದ್ದಾ ಗಲೂ ದಿಬಾಬ ಮುನ್ನಡೆಯಲ್ಲಿದ್ದರು.<br /> <br /> ಆ ಬಳಿಕ ಕಿಪ್ಯೆಗನ್ ವೇಗ ಹೆಚ್ಚಿಸಿಕೊಂಡು ಮೊದಲಿಗರಾಗಿ ಗುರಿ ತಲುಪಿದರು. ಕೆನ್ಯಾದ ಅಥ್ಲೀಟ್ 58.79 ಸೆಕೆಂಡುಗಳಲ್ಲಿ ಕೊನೆಯ ಲ್ಯಾಪ್ ಪೂರೈಸಿದರು.<br /> <br /> <strong>ಮಿಂಚಿದ ಕಿಪ್ರಟೊ: </strong> ಬುಧವಾರ ಬೆಳಿಗ್ಗೆ ನಡೆದ ಪುರುಷರ 3 ಸಾವಿರ ಮೀ. ಸ್ಟೀಪಲ್ಚೇಸ್ ಸ್ಪರ್ಧೆಯಲ್ಲಿ ಕೆನ್ಯಾದ ಕಾನ್ಸೆಸ್ಲಸ್ ಕಿಪ್ರಟೊ ಚಿನ್ನ ಗೆದ್ದರು. ಅವರು 8 ನಿಮಿಷ 3.28 ಸೆಕೆಂಡು ಗಳಲ್ಲಿ ಗುರಿ ತಲುಪಿದರು. ಅಮೆರಿಕದ ಇವಾನ್ ಜಗೆರ್ ಮತ್ತು ಕೆನ್ಯಾದ ಎಜೆಕೆಲ್ ಕೆಂಬೊಯ್ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ಪಡೆದರು.<br /> <br /> <strong>ಕೆನಡಾಕ್ಕೆ ಮತ್ತೊಂದು ಚಿನ್ನ: </strong>ಹೈಜಂಪ್ ಸ್ಪರ್ಧಿ ಡೆರೆಕ್ ಡ್ರಾಯಿನ್ ರಿಯೊ ಕೂಟದಲ್ಲಿ ಕೆನಡಾಕ್ಕೆ ಮೂರನೇ ಚಿನ್ನ ತಂದಿತ್ತರು. ಅವರು 2.38 ಮೀ. ಎತ್ತರ ಜಿಗಿದರು.<br /> <br /> ಕತಾರ್ನ ಈಸಾ ಬಾರ್ಶಿಮ್ ಮತ್ತು ಉಕ್ರೇನ್ನ ಬೊಹ್ಡನ್ ಬೊಂಡರೆಂಕೊ ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕ ಜಯಿಸಿದರು.<br /> <br /> <strong>ಅಮೆರಿಕ ಕೈತಪ್ಪಿದ ಪದಕ</strong><br /> ಆಧುನಿಕ ಒಲಿಂಪಿಕ್ಸ್ನ 120 ವರ್ಷಗಳ ಇತಿಹಾಸದಲ್ಲಿ ಪುರು ಷರ 110 ಮೀ. ಹರ್ಡಲ್ಸ್ನಲ್ಲಿ ಅಮೆರಿಕ ಪದಕ ಗೆಲ್ಲಲು ವಿಫಲವಾಗಿದ್ದು ಇದೇ ಮೊದಲು.</p>.<p>1980ರ ಮಾಸ್ಕೊ ಒಲಿಂಪಿಕ್ಸ್ ಅನ್ನು ಅಮೆರಿಕ ಬಹಿಷ್ಕರಿಸಿತ್ತು. ಆ ಕೂಟ ಹೊರತುಪಡಿಸಿ ಇತರ ಎಲ್ಲ ಒಲಿಂಪಿಕ್ಸ್ಗಳಲ್ಲೂ ಪದಕ ಜಯಿಸಿದೆ.<br /> ಈ ಬಾರಿ ಅಮೆರಿಕದ ಇಬ್ಬರು ಸ್ಪರ್ಧಿಗಳು ಫೈನಲ್ ಪ್ರವೇಶಿಸಿದ್ದರು. ಡೆವೊನ್ ಅಲೆನ್ ಐದನೇ ಸ್ಥಾನ ಪಡೆದರೆ, ರಾನಿ ಆ್ಯಷ್ ಅನರ್ಹಗೊಂಡರು.</p>.<p>ಒಲಿಂಪಿಕ್ಸ್ನ 110 ಮೀ. ಹರ್ಡಲ್ಸ್ನಲ್ಲಿ ಇದುವರೆಗೆ ಒಟ್ಟು 27 ಚಿನ್ನದ ಪದಕಗಳಲ್ಲಿ 19ನ್ನೂ ಅಮೆರಿಕ ತನ್ನದಾಗಿಸಿಕೊಂಡಿತ್ತು. ಆದರೆ ಈ ಬಾರಿ ನಿರಾಸೆ ಅನುಭವಿಸಿದೆ.<br /> <br /> <strong>ಫಲಿತಾಂಶ: ಪುರುಷರ ವಿಭಾಗ: </strong>110 ಮೀ. ಹರ್ಡಲ್ಸ್: ಒಮರ್ ಮೆಕ್ಲಿಯೊಡ್, ಜಮೈಕ (ಕಾಲ: 13.05 ಸೆ.)–1, ಒರ್ಲಾಂಡೊ ಒರ್ಟೆಗ, ಸ್ಪೇನ್ (13.17 ಸೆ.)–2, ದಿಮಿತ್ರಿ ಬಾಸ್ಕೊ, ಫ್ರಾನ್ಸ್ (13.24 ಸೆ.)–3<br /> <br /> <strong>3000 ಮೀ. ಸ್ಟೀಪಲ್ಚೇಸ್: </strong>ಕಾನ್ಸೆಸ್ಲಸ್ ಕಿಪ್ರಟೊ, ಕೆನ್ಯಾ (ಕಾಲ: 8.03.28 ಸೆ.)–2, ಇವಾನ್ ಜಗೆರ್, ಅಮೆರಿಕ (8.04.28 ಸೆ.)–2, ಎಜೆಕೆಲ್ ಕೆಂಬೊಯ್, ಕೆನ್ಯಾ (8.08.47 ಸೆ.)–3<br /> <br /> <strong>ಹೈಜಂಪ್: </strong>ಡೆರೆಕ್ ಡ್ರಾಯಿನ್, ಕೆನಡಾ (ಎತ್ತರ: 2.38 ಮೀ.)–1, ಮುತಾಜ್ ಈಸಾ ಬಾರ್ಶಿಮ್, ಕತಾರ್ (2.36 ಮೀ.)–2, ಬೊಹ್ಡನ್ ಬೊಂಡರೆಂಕೊ, ಉಕ್ರೇನ್ (2.33)–3<br /> <br /> <strong>ಮಹಿಳೆಯರ ವಿಭಾಗ<br /> 1500 ಮೀ. ಓಟ: </strong>ಚೆಪ್ಕೆಟಿಜ್ ಕಿಪ್ಯೆಗನ್, ಕೆನ್ಯಾ (ಕಾಲ: 4:08.92 ಸೆ.)–1, ಗೆಂಜೆಬೆ ದಿಬಾಬ, ಇಥಿಯೋಪಿಯ (4:10.27)–2, ಜೆನಿಫರ್ ಸಿಂಪ್ಸನ್, ಅಮೆರಿಕ (4:10.53 ಸೆ.)–3<br /> <br /> <strong>ಮುಖ್ಯಾಂಶಗಳು</strong><br /> * ಕೆನಡಾದ ಡೆರೆಕ್ ಡ್ರಾಯಿನ್ಗೆ ಹೈಜಂಪ್ ಚಿನ್ನ<br /> * 1500ಮೀ. ಓಟ: ಗೆಂಜೆಬೆ ದಿಬಾಬಗೆ ಆಘಾತ ನೀಡಿದ ಕಿಪ್ಯೆಗನ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
