<p><strong>ಜಿನೀವಾ (ಪಿಟಿಐ): </strong>`ಹಿಗ್ ಬಾಸನ್ ಕಣಗಳ ಅಸ್ತಿತ್ವ ದೃಢಪಡಿಸಲು ಇನ್ನೂ ಕೆಲವು ದಾಖಲೆ, ಆಧಾರದ ಅಗತ್ಯವಿದೆ~ ಎಂದು ಸಿಇಆರ್ಎನ್ ಅಭಿಪ್ರಾಯಪಟ್ಟಿದೆ. <br /> <br /> ವಿಶ್ವದ ಉಗಮದ ರಹಸ್ಯ ಅರಿಯುವ ನಿಟ್ಟಿನಲ್ಲಿ ಮಹತ್ವದ ಕೊಂಡಿಯಾಗಿರುವ ದೇವ ಕಣ ಸಿದ್ಧಾಂತದ ಬಗ್ಗೆ ಅಧಿಕೃತ ಘೋಷಣೆ ಹೊರಬೀಳುವ ಐತಿಹಾಸಿಕ ಸಂದರ್ಭಕ್ಕೆ ಎಡಿನ್ಬರೊ ವಿಶ್ವವಿದ್ಯಾಲಯದ ಭೌತಶಾಸ್ತ್ರದ ಗೌರವ ಪ್ರಾಧ್ಯಾಪಕ ಮತ್ತು ಸಿದ್ಧಾಂತದ ಪ್ರತಿಪಾದಕ ಪೀಟರ್ ಹಿಗ್ ಕೂಡಾ ಸಾಕ್ಷಿಯಾದರು. <br /> <br /> `ನನ್ನ ಜೀವಿತಾವಧಿಯಲ್ಲಿಯೇ ಈ ಅಪರೂಪದ ಮತ್ತು ಐತಿಹಾಸಿಕ ಸಂದರ್ಭಕ್ಕೆ ಸಾಕ್ಷಿಯಾಗುತ್ತೇನೆ ಎಂದು ಖಂಡಿತವಾಗಿಯೂ ಭಾವಿಸಿರಲಿಲ್ಲ. ಮನೆಯ ರೆಫ್ರಿಜರೇಟರ್ನಲ್ಲಿ ಶಾಂಪೇನ್ ಸಿದ್ಧಪಡಿಸಿ ಇಡುವಂತೆ ಹೇಳಿದ್ದೇನೆ~ ಎಂದು ಹಿಗ್ ಪ್ರತಿಕ್ರಿಯಿಸಿದ್ದಾರೆ. <br /> <br /> ಸುಮಾರು 13.7 ಶತಕೋಟಿ ವರ್ಷಗಳ ಪೂರ್ವದಲ್ಲಿ ನಡೆದಿದೆ ಎನ್ನಲಾದ `ಮಹಾ ಸ್ಫೋಟ~ (ಬಿಗ್ಬ್ಯಾಂಗ್ ಥಿಯರಿ) ವಿಶ್ವ ಮತ್ತು ನಕ್ಷಗಳ ರಚನೆಗೆ ಕಾರಣ ಎಂದು ಭಾವಿಸಲಾಗಿದೆ. <br /> <br /> ಸ್ಫೋಟದ ನಂತರ ವಿಶ್ವದ ಉಗಮಕ್ಕೆ ಮೂಲ ಕಾರಣವಾದ ಅಣುಗಳಿಗೆ ಒಂದು ನಿರ್ದಿಷ್ಟ ರೂಪ, ಆಕಾರ ಮತ್ತು ದ್ರವ್ಯರಾಶಿಯನ್ನು ನೀಡಿದ್ದೇ ಈ ದೇವಕಣಗಳು ಎನ್ನುವುದು ವಿಜ್ಞಾನಿಗಳ ವಾದ.<br /> <strong><br /> ಶತಮಾನದ ಬೃಹತ್ ಯೋಜನೆ</strong><br /> `ದೇವ ಕಣ~ಗಳ ಅಸ್ತಿತ್ವದ ಅಧ್ಯಯನ ಮತ್ತು ಸಂಶೋಧನೆಗಾಗಿ ಮೂರು ಶತಕೋಟಿ ಯುರೊ ವೆಚ್ಚದ ಯೋಜನೆಯೊಂದನ್ನು ರೂಪಿಸಲಾಗಿತ್ತು. <br /> <br /> ಇದಕ್ಕಾಗಿ ಸ್ವಿಟ್ಜರ್ರ್ಲೆಂಡ್-ಫ್ರಾನ್ಸ್ ಗಡಿಯಲ್ಲಿ ಕೃತಕ ಸುರಂಗ ನಿರ್ಮಿಸಲಾಗಿತ್ತು. ಸುಮಾರು ನೂರು ಮೀಟರ್ ಭೂಮಿಯ ಆಳಕ್ಕೆ ಸುರಂಗ ಕೊರೆದು 27 ಕಿ.ಮೀ ಉದ್ದಕ್ಕೆ ಕೊಳವೆ ಅಳವಡಿಸಲಾಗಿತ್ತು. ಈ ಕೊಳವೆಯಲ್ಲಿ ಮಹಾಸ್ಫೋಟಕ್ಕೆ ಬೇಕಾದ ಕೃತಕ ವಾತಾವರಣವನ್ನು ನಿರ್ಮಿಸಲಾಗಿತ್ತು. <br /> <br /> ವಿರುದ್ಧ ದಿಕ್ಕಿನಲ್ಲಿ ಅತಿ ವೇಗದಲ್ಲಿ ಎರಡು ಪ್ರೋಟಾನ್ ಕಣಗಳ ಪ್ರವಾಹ ಪರಸ್ಪರ ಡಿಕ್ಕಿ ಹೊಡೆದಾಗ ಪ್ರತಿ ಸೆಕೆಂಡ್ಗೆ ಕೋಟ್ಯಂತರ ಕಣಗಳು ಹೊರಹೊಮ್ಮತ್ತವೆ. ಮಹಾಸ್ಫೋಟ ಘಟಿಸಿದ ಕೆಲವೇ ಕ್ಷಣಗಳ ನಂತರ ಉಂಟಾದ ವಾತಾವರಣ ಈ ಕೊಳವೆಯಲ್ಲಿ ನಿರ್ಮಾಣವಾಗಿತ್ತು. ದೇವಕಣಗಳನ್ನು ಅರಿಯಲು ಈ ಪ್ರಯೋಗ ನಿರ್ಣಾಯಕ ಪಾತ್ರ ವಹಿಸಿತ್ತು. ಇದೇ ಹಂತದಲ್ಲಿ ಹಿಗ್, ದೇವಕಣಗಳ ಬಗ್ಗೆ ದೃಢ ನಿಶ್ಚಯ ತಾಳಿದರು ಎನ್ನಲಾಗಿದೆ. <br /> <br /> <strong>ಭಾರತೀಯರ ಕೊಡುಗೆ </strong><br /> ವಿಶ್ವವೇ ಕುತೂಹಲದಿಂದ ಎದುರು ನೋಡುತ್ತಿದ್ದ `ದೇವಕಣ~ಗಳ ಅಸ್ತಿತ್ವದ ಘೋಷಣೆ ಐತಿಹಾಸಿಕ ಸಂದರ್ಭ ಭಾರತೀಯರ ಪಾಲಿಗೂ ಹೆಮ್ಮೆಯ ಗಳಿಗೆಯಾಗಿತ್ತು. <br /> <br /> `ದೇವಕಣ~ಕ್ಕೆ ಇಡಲಾಗಿರುವ `ಹಿಗ್ ಬೊಸನ್~ ಹೆಸರಿನಲ್ಲಿ ಭಾರತೀಯ ಭೌತವಿಜ್ಞಾನಿ ಸತ್ಯೇಂದ್ರನಾಥ ಅವರ ಹೆಸರು ಇರುವುದು ಬಹುತೇಕ ಜನರಿಗೆ ಗೊತ್ತಿರಲಿಕ್ಕಿಲ್ಲ. <br /> <br /> ಸತ್ಯೇಂದ್ರನಾಥ ಬೋಸ್ ಅವರು ಸಾಪೇಕ್ಷ ಸಿದ್ಧಾಂತದ ಪ್ರತಿಪಾದಕ ಮತ್ತು ಶತಮಾನದ ಖ್ಯಾತ ಭೌತವಿಜ್ಞಾನಿ ಅಲ್ಬರ್ಟ್ ಐನ್ಸ್ಟಿನ್ ಸಮಕಾಲೀನರು. ಬೋಸ್ ಪ್ರತಿಪಾದಿಸಿದ್ದ `ಕಣ ಭೌತ ಸಿದ್ಧಾಂತ~ವನ್ನು (ಕ್ವಾಂಟಮ್ ಮೆಕಾನಿಕ್ಸ್) ಐನ್ಸ್ಟಿನ್ ತಮ್ಮ ಸಾಪೇಕ್ಷ ಸಿದ್ಧಾಂತದಲ್ಲಿ ಅಳವಡಿಸಿಕೊಂಡಿದ್ದರು. ಅದನ್ನು `ಬೋಸ್-ಐನ್ಸ್ಟಿನ್ ಸಿದ್ಧಾಂತ~ ಎಂದೂ ಕರೆಯಲಾಗುತ್ತದೆ. <br /> <br /> <strong>ಹಿಗ್ ಬೋಸನ್ ಹೋಲುವ ಹೊಸ ಕಣ</strong><br /> * ದೇವಕಣಗಳ ಪತ್ತೆಗೆ `ಸಿಇಆರ್ಎನ್~ ರೂಪಿಸಿರುವ ನೂರಾರು ಯೋಜನೆಗಳ ಅಡಿಯಲ್ಲಿ ನೂರಕ್ಕೂ ಹೆಚ್ಚು ಭಾರತೀಯ ವಿಜ್ಞಾನಿಗಳು ನಿರಂತರವಾಗಿ ಕೆಲಸ ಮಾಡಿದ್ದರು. <br /> <br /> * ಕಳೆದ ವರ್ಷ ಸ್ವಿಟ್ಜರ್ರ್ಲೆಂಡ್-ಫ್ರಾನ್ಸ್ ಗಡಿಯಲ್ಲಿ ಕೃತಕ ಮಹಾಸ್ಫೋಟ ನಡೆಸಲಾಗಿತ್ತು. 14 ಶತಕೋಟಿ ವರ್ಷಗಳ ಹಿಂದೆ ಭೂಮಂಡಲದ ಉಗಮಕ್ಕೆ ಕಾರಣವಾದ ಮಹಾಸ್ಫೋಟದ ರೀತಿಯಲ್ಲಿಯೇ ಇದು ನಡೆದಿತ್ತು.<br /> <br /> * ಇಡೀ ವಿಶ್ವ 12 ವಿಭಿನ್ನ ಕಣಗಳು ಹಾಗೂ ನಾಲ್ಕು ಶಕ್ತಿಗಳಿಂದ ಸೃಷ್ಟಿಯಾಗಿದೆ.<br /> <br /> * ಕಣ ಭೌತಶಾಸ್ತ್ರದ ಪ್ರಮಾಣಬದ್ಧ ಮಾದರಿಯು ಈ ಕಣಗಳ ಸ್ವರೂಪವನ್ನು ವಿವರಿಸುತ್ತದೆ<br /> <br /> * ನೂತನ ದೇವ ಕಣದ ಅಸ್ತಿತ್ವದ ಬಗ್ಗೆ ಶೇ 99.99ರಷ್ಟು ಭರವಸೆ ಸಿಕ್ಕಿದೆ<br /> <br /> * ಹೊಸ ಕಣವು ಹಿಗ್ ಬೋಸನ್ ಕಣವನ್ನು ಹೋಲುತ್ತದೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜಿನೀವಾ (ಪಿಟಿಐ): </strong>`ಹಿಗ್ ಬಾಸನ್ ಕಣಗಳ ಅಸ್ತಿತ್ವ ದೃಢಪಡಿಸಲು ಇನ್ನೂ ಕೆಲವು ದಾಖಲೆ, ಆಧಾರದ ಅಗತ್ಯವಿದೆ~ ಎಂದು ಸಿಇಆರ್ಎನ್ ಅಭಿಪ್ರಾಯಪಟ್ಟಿದೆ. <br /> <br /> ವಿಶ್ವದ ಉಗಮದ ರಹಸ್ಯ ಅರಿಯುವ ನಿಟ್ಟಿನಲ್ಲಿ ಮಹತ್ವದ ಕೊಂಡಿಯಾಗಿರುವ ದೇವ ಕಣ ಸಿದ್ಧಾಂತದ ಬಗ್ಗೆ ಅಧಿಕೃತ ಘೋಷಣೆ ಹೊರಬೀಳುವ ಐತಿಹಾಸಿಕ ಸಂದರ್ಭಕ್ಕೆ ಎಡಿನ್ಬರೊ ವಿಶ್ವವಿದ್ಯಾಲಯದ ಭೌತಶಾಸ್ತ್ರದ ಗೌರವ ಪ್ರಾಧ್ಯಾಪಕ ಮತ್ತು ಸಿದ್ಧಾಂತದ ಪ್ರತಿಪಾದಕ ಪೀಟರ್ ಹಿಗ್ ಕೂಡಾ ಸಾಕ್ಷಿಯಾದರು. <br /> <br /> `ನನ್ನ ಜೀವಿತಾವಧಿಯಲ್ಲಿಯೇ ಈ ಅಪರೂಪದ ಮತ್ತು ಐತಿಹಾಸಿಕ ಸಂದರ್ಭಕ್ಕೆ ಸಾಕ್ಷಿಯಾಗುತ್ತೇನೆ ಎಂದು ಖಂಡಿತವಾಗಿಯೂ ಭಾವಿಸಿರಲಿಲ್ಲ. ಮನೆಯ ರೆಫ್ರಿಜರೇಟರ್ನಲ್ಲಿ ಶಾಂಪೇನ್ ಸಿದ್ಧಪಡಿಸಿ ಇಡುವಂತೆ ಹೇಳಿದ್ದೇನೆ~ ಎಂದು ಹಿಗ್ ಪ್ರತಿಕ್ರಿಯಿಸಿದ್ದಾರೆ. <br /> <br /> ಸುಮಾರು 13.7 ಶತಕೋಟಿ ವರ್ಷಗಳ ಪೂರ್ವದಲ್ಲಿ ನಡೆದಿದೆ ಎನ್ನಲಾದ `ಮಹಾ ಸ್ಫೋಟ~ (ಬಿಗ್ಬ್ಯಾಂಗ್ ಥಿಯರಿ) ವಿಶ್ವ ಮತ್ತು ನಕ್ಷಗಳ ರಚನೆಗೆ ಕಾರಣ ಎಂದು ಭಾವಿಸಲಾಗಿದೆ. <br /> <br /> ಸ್ಫೋಟದ ನಂತರ ವಿಶ್ವದ ಉಗಮಕ್ಕೆ ಮೂಲ ಕಾರಣವಾದ ಅಣುಗಳಿಗೆ ಒಂದು ನಿರ್ದಿಷ್ಟ ರೂಪ, ಆಕಾರ ಮತ್ತು ದ್ರವ್ಯರಾಶಿಯನ್ನು ನೀಡಿದ್ದೇ ಈ ದೇವಕಣಗಳು ಎನ್ನುವುದು ವಿಜ್ಞಾನಿಗಳ ವಾದ.<br /> <strong><br /> ಶತಮಾನದ ಬೃಹತ್ ಯೋಜನೆ</strong><br /> `ದೇವ ಕಣ~ಗಳ ಅಸ್ತಿತ್ವದ ಅಧ್ಯಯನ ಮತ್ತು ಸಂಶೋಧನೆಗಾಗಿ ಮೂರು ಶತಕೋಟಿ ಯುರೊ ವೆಚ್ಚದ ಯೋಜನೆಯೊಂದನ್ನು ರೂಪಿಸಲಾಗಿತ್ತು. <br /> <br /> ಇದಕ್ಕಾಗಿ ಸ್ವಿಟ್ಜರ್ರ್ಲೆಂಡ್-ಫ್ರಾನ್ಸ್ ಗಡಿಯಲ್ಲಿ ಕೃತಕ ಸುರಂಗ ನಿರ್ಮಿಸಲಾಗಿತ್ತು. ಸುಮಾರು ನೂರು ಮೀಟರ್ ಭೂಮಿಯ ಆಳಕ್ಕೆ ಸುರಂಗ ಕೊರೆದು 27 ಕಿ.ಮೀ ಉದ್ದಕ್ಕೆ ಕೊಳವೆ ಅಳವಡಿಸಲಾಗಿತ್ತು. ಈ ಕೊಳವೆಯಲ್ಲಿ ಮಹಾಸ್ಫೋಟಕ್ಕೆ ಬೇಕಾದ ಕೃತಕ ವಾತಾವರಣವನ್ನು ನಿರ್ಮಿಸಲಾಗಿತ್ತು. <br /> <br /> ವಿರುದ್ಧ ದಿಕ್ಕಿನಲ್ಲಿ ಅತಿ ವೇಗದಲ್ಲಿ ಎರಡು ಪ್ರೋಟಾನ್ ಕಣಗಳ ಪ್ರವಾಹ ಪರಸ್ಪರ ಡಿಕ್ಕಿ ಹೊಡೆದಾಗ ಪ್ರತಿ ಸೆಕೆಂಡ್ಗೆ ಕೋಟ್ಯಂತರ ಕಣಗಳು ಹೊರಹೊಮ್ಮತ್ತವೆ. ಮಹಾಸ್ಫೋಟ ಘಟಿಸಿದ ಕೆಲವೇ ಕ್ಷಣಗಳ ನಂತರ ಉಂಟಾದ ವಾತಾವರಣ ಈ ಕೊಳವೆಯಲ್ಲಿ ನಿರ್ಮಾಣವಾಗಿತ್ತು. ದೇವಕಣಗಳನ್ನು ಅರಿಯಲು ಈ ಪ್ರಯೋಗ ನಿರ್ಣಾಯಕ ಪಾತ್ರ ವಹಿಸಿತ್ತು. ಇದೇ ಹಂತದಲ್ಲಿ ಹಿಗ್, ದೇವಕಣಗಳ ಬಗ್ಗೆ ದೃಢ ನಿಶ್ಚಯ ತಾಳಿದರು ಎನ್ನಲಾಗಿದೆ. <br /> <br /> <strong>ಭಾರತೀಯರ ಕೊಡುಗೆ </strong><br /> ವಿಶ್ವವೇ ಕುತೂಹಲದಿಂದ ಎದುರು ನೋಡುತ್ತಿದ್ದ `ದೇವಕಣ~ಗಳ ಅಸ್ತಿತ್ವದ ಘೋಷಣೆ ಐತಿಹಾಸಿಕ ಸಂದರ್ಭ ಭಾರತೀಯರ ಪಾಲಿಗೂ ಹೆಮ್ಮೆಯ ಗಳಿಗೆಯಾಗಿತ್ತು. <br /> <br /> `ದೇವಕಣ~ಕ್ಕೆ ಇಡಲಾಗಿರುವ `ಹಿಗ್ ಬೊಸನ್~ ಹೆಸರಿನಲ್ಲಿ ಭಾರತೀಯ ಭೌತವಿಜ್ಞಾನಿ ಸತ್ಯೇಂದ್ರನಾಥ ಅವರ ಹೆಸರು ಇರುವುದು ಬಹುತೇಕ ಜನರಿಗೆ ಗೊತ್ತಿರಲಿಕ್ಕಿಲ್ಲ. <br /> <br /> ಸತ್ಯೇಂದ್ರನಾಥ ಬೋಸ್ ಅವರು ಸಾಪೇಕ್ಷ ಸಿದ್ಧಾಂತದ ಪ್ರತಿಪಾದಕ ಮತ್ತು ಶತಮಾನದ ಖ್ಯಾತ ಭೌತವಿಜ್ಞಾನಿ ಅಲ್ಬರ್ಟ್ ಐನ್ಸ್ಟಿನ್ ಸಮಕಾಲೀನರು. ಬೋಸ್ ಪ್ರತಿಪಾದಿಸಿದ್ದ `ಕಣ ಭೌತ ಸಿದ್ಧಾಂತ~ವನ್ನು (ಕ್ವಾಂಟಮ್ ಮೆಕಾನಿಕ್ಸ್) ಐನ್ಸ್ಟಿನ್ ತಮ್ಮ ಸಾಪೇಕ್ಷ ಸಿದ್ಧಾಂತದಲ್ಲಿ ಅಳವಡಿಸಿಕೊಂಡಿದ್ದರು. ಅದನ್ನು `ಬೋಸ್-ಐನ್ಸ್ಟಿನ್ ಸಿದ್ಧಾಂತ~ ಎಂದೂ ಕರೆಯಲಾಗುತ್ತದೆ. <br /> <br /> <strong>ಹಿಗ್ ಬೋಸನ್ ಹೋಲುವ ಹೊಸ ಕಣ</strong><br /> * ದೇವಕಣಗಳ ಪತ್ತೆಗೆ `ಸಿಇಆರ್ಎನ್~ ರೂಪಿಸಿರುವ ನೂರಾರು ಯೋಜನೆಗಳ ಅಡಿಯಲ್ಲಿ ನೂರಕ್ಕೂ ಹೆಚ್ಚು ಭಾರತೀಯ ವಿಜ್ಞಾನಿಗಳು ನಿರಂತರವಾಗಿ ಕೆಲಸ ಮಾಡಿದ್ದರು. <br /> <br /> * ಕಳೆದ ವರ್ಷ ಸ್ವಿಟ್ಜರ್ರ್ಲೆಂಡ್-ಫ್ರಾನ್ಸ್ ಗಡಿಯಲ್ಲಿ ಕೃತಕ ಮಹಾಸ್ಫೋಟ ನಡೆಸಲಾಗಿತ್ತು. 14 ಶತಕೋಟಿ ವರ್ಷಗಳ ಹಿಂದೆ ಭೂಮಂಡಲದ ಉಗಮಕ್ಕೆ ಕಾರಣವಾದ ಮಹಾಸ್ಫೋಟದ ರೀತಿಯಲ್ಲಿಯೇ ಇದು ನಡೆದಿತ್ತು.<br /> <br /> * ಇಡೀ ವಿಶ್ವ 12 ವಿಭಿನ್ನ ಕಣಗಳು ಹಾಗೂ ನಾಲ್ಕು ಶಕ್ತಿಗಳಿಂದ ಸೃಷ್ಟಿಯಾಗಿದೆ.<br /> <br /> * ಕಣ ಭೌತಶಾಸ್ತ್ರದ ಪ್ರಮಾಣಬದ್ಧ ಮಾದರಿಯು ಈ ಕಣಗಳ ಸ್ವರೂಪವನ್ನು ವಿವರಿಸುತ್ತದೆ<br /> <br /> * ನೂತನ ದೇವ ಕಣದ ಅಸ್ತಿತ್ವದ ಬಗ್ಗೆ ಶೇ 99.99ರಷ್ಟು ಭರವಸೆ ಸಿಕ್ಕಿದೆ<br /> <br /> * ಹೊಸ ಕಣವು ಹಿಗ್ ಬೋಸನ್ ಕಣವನ್ನು ಹೋಲುತ್ತದೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
