<p>`ಪೇಟೆ ಕೊಳ್ಳಿರಿ ಕೊಳ್ಳಿರಿ ಎನ್ನುತ್ತದೆ. ಹಿತ್ತಿಲು ಯಾಕೆ ಯಾಕೆ ಎನ್ನುತ್ತದೆ~ ಇದು ಮನೆಯ ಹಿತ್ತಿಲಿನ ಹಿರಿಮೆ ಕುರಿತ ಒಂದು ಉಕ್ತಿ. ಮನೆಯ ಅವಿಭಾಜ್ಯ ಅಂಗವಾದ ಹಿತ್ತಿಲು ನಮ್ಮ ಅಪೇಕ್ಷೆ ನಿರೀಕ್ಷೆಗಳಿಗೆ ಖಚಿತ ರೂಪರೇಷೆ ಪಡೆದುಕೊಳ್ಳಲು ಪ್ರೇರಕ. ಖಾಸಗಿತನಕ್ಕೆ ಇನ್ನೊಂದು ಹೆಸರೇ ಹಿತ್ತಿಲು.<br /> <br /> ಇದೆಲ್ಲ ಸರಿಯೆ. ಏರುತ್ತಿರುವ ಜನಸಂಖ್ಯೆ ನಾನಾ ಒತ್ತಡಗಳು, ವಾಹನ ದಟ್ಟಣೆ, ಗಗನಮುಖಿಯಾಗಿರುವ ಜೀವನಾವಶ್ಯಕ ವಸ್ತುಗಳ ಬೆಲೆಗಳು, ತತ್ಫಲವಾಗಿ ಬದಲಾಗುತ್ತಿರುವ ಜೀವನಶೈಲಿ. ಅಂಗುಲಂಗುಲ ನಿವೇಶನವೂ ಚಿನ್ನವಾಗಿರುವ ಲೆಕ್ಕದ ಈ ದಿನಗಳಲ್ಲಿ ಹಿತ್ತಿಲೆಂಬ ಪರಿಕಲ್ಪನೆಗೆ ಅರ್ಥವಾದರೂ ಉಂಟೆ? ಮನಸ್ಸಿದ್ದರೆ ಮಾರ್ಗ. ಖಂಡಿತ ಉಂಟು.<br /> <br /> ಮನೆ ಎಷ್ಟೇ ಚಿಕ್ಕದಿರಲಿ ಹಿಂಭಾಗದಲ್ಲಿ ಒಂದಷ್ಟು ಜಾಗವಿರಲಿ. ಒಂದೆರಡು ಬೆಡ್ರೂಂ ಇಲ್ಲದಿದ್ದರೂ ಅಡ್ಡಿಯಿಲ್ಲ ಹಿತ್ತಿಲು ಇರಲಿ. ಮನೋರಂಜನೆಗೆ, ನಿರಾಳಕ್ಕೆ ವಿಶ್ರಾಂತಿಗೆ. ಬರಿಬಯಲಾದರೂ ಹಿತ್ತಿಲು ನೆಮ್ಮದಿಗೆ ಹಾದಿಯಾದೀತು. ತನ್ಮಯತೆಯಿಂದ ಆಗಸ ವೀಕ್ಷಿಸುವುದಕ್ಕಿಂತ ಹಿಗ್ಗು ಬೇಕೆ?<br /> <br /> ಹಿತ್ತಿಲಿನಲ್ಲಿ ಮನೆಗೆ ಅಗತ್ಯವಾದ ಸೊಪ್ಪು ಸದೆ, ತರಕಾರಿಗಳನ್ನು ಬೆಳೆದುಕೊಳ್ಳಬಹುದು. ಸ್ವಾವಲಂಬನೆ ಹಾಗೂ ಹಸಿರ ವೈಭವ-ಎರಡನ್ನೂ ಒಂದೇ ಕಲ್ಲಿಗೆ ಎರಡು ಹಕ್ಕಿಗಳನ್ನು ಹೊಡೆದಂತೆ. ಹಿರಿಯರಿಗೆ ವ್ಯಾಯಾಮಕ್ಕೆ ಕಿರಿಯರ ಆಟೋಟಕ್ಕೆ ತಕ್ಕಮಟ್ಟಿಗೆ ಹಿತ್ತಿಲು ವ್ಯವಧಾನ ಕಲ್ಪಿಸುತ್ತದೆ.<br /> <br /> ನೆರೆಹೊರೆಯವರೊಂದಿಗೆ ಪರಸ್ಪರಸಂವಾದಕ್ಕೆ ಇದು ನೆರವಾಗುತ್ತದೆ. ಸಾಕುಪ್ರಾಣಿಗಳಿಗೂ ಆಶ್ರಯವಾಗುತ್ತದೆ. ತುಳಸಿ, ದೊಡ್ಡಪತ್ರೆ, ಒಂದೆಲಗ ಬೆಳೆದು ಹಿತ್ತಿಲಿನಲ್ಲಿ ಮದ್ದನ್ನು ಅರಸಬಹುದು. <br /> ಕಲ್ಲು ಬೆಂಚು, ಹಾಸು ಮೇಜು ಹಾಕಿ ಓದು, ಬರಹದಲ್ಲಿ ನಿರತರಾಗುವುದರಲ್ಲಿ ಸ್ವರ್ಗಸುಖ. ಆಹಾರ ಸೇವನೆಗೆ ಹಿತ್ತಿಲು ಅದೆಷ್ಟು ಆಪ್ಯಾಯಮಾನ ಅಂತ ಬೇರೆ ಹೇಳಬೇಕೆ? ಒಂದಾದರೂ ಮರವಿದ್ದರೆ ಅದಕ್ಕನ್ನಬೇಕಲ್ಲವೆ ವರ. <br /> <br /> ಅದೆಷ್ಟು ಆಪ್ತವಾಗಬಹುದೆಂದರೆ ಹಿತ್ತಿಲೆಂದರೆ ಮರವೇ ಆಗುತ್ತದೆ. ಸಂತೋಷದ ಆರಾಧನೆ, ನೋವಿನ ನಿವೇದನೆ. ಎರಡನ್ನೂ ಸಾಧ್ಯವಾಗಿಸುತ್ತದೆ ಹಿತ್ತಿಲಿನ ಮರ. ಎಲ್ಲಿಂದಲೋ ಹಾರಿ ಬರುವ ಗುಬ್ಬಿ, ಪಾರಿವಾಳ, ಮೈನಾ, ಮರಕುಟಕ ಮುಂತಾದ ಹಕ್ಕಿಗಳು ಹಿತ್ತಿಲಿನಲ್ಲಿ ವಿಹರಿಸುತ್ತಿದ್ದರೆ ಪಕ್ಷಿಧಾಮದ ರಂಗು. ಉದ್ಯಾನವೆ ಮಡಿಲಲ್ಲಿ.<br /> <br /> ಸೌರಶಕ್ತಿಯ, ಮಳೆ ನೀರಿನ ಕೊಯಿಲಿಗೆ ಹಿತ್ತಿಲು ಅನನ್ಯ. ಬಟ್ಟೆ ಬರೆ ಒಣಹಾಕುವುದರಿಂದ ಹಿಡಿದು ಹಪ್ಪಳ, ಸಂಡಿಗೆ, ಶ್ಯಾವಿಗೆ, ಆಹಾರಧಾನ್ಯಗಳಾದಿಯಾಗಿ ಬಿಸಿಲಿನ ನೆರವಿನಿಂದ ಸಂಸ್ಕರಿಸಲು ಮನೆಯ ಹಿಂಬದಿಯಲ್ಲೇ ನಿಸರ್ಗದತ್ತ ಘಟಕ. ಒಟ್ಟಾರೆ ಹಿತ್ತಿಲು ಹಿಗ್ಗಿಲು ಕೊಯಿಲು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ಪೇಟೆ ಕೊಳ್ಳಿರಿ ಕೊಳ್ಳಿರಿ ಎನ್ನುತ್ತದೆ. ಹಿತ್ತಿಲು ಯಾಕೆ ಯಾಕೆ ಎನ್ನುತ್ತದೆ~ ಇದು ಮನೆಯ ಹಿತ್ತಿಲಿನ ಹಿರಿಮೆ ಕುರಿತ ಒಂದು ಉಕ್ತಿ. ಮನೆಯ ಅವಿಭಾಜ್ಯ ಅಂಗವಾದ ಹಿತ್ತಿಲು ನಮ್ಮ ಅಪೇಕ್ಷೆ ನಿರೀಕ್ಷೆಗಳಿಗೆ ಖಚಿತ ರೂಪರೇಷೆ ಪಡೆದುಕೊಳ್ಳಲು ಪ್ರೇರಕ. ಖಾಸಗಿತನಕ್ಕೆ ಇನ್ನೊಂದು ಹೆಸರೇ ಹಿತ್ತಿಲು.<br /> <br /> ಇದೆಲ್ಲ ಸರಿಯೆ. ಏರುತ್ತಿರುವ ಜನಸಂಖ್ಯೆ ನಾನಾ ಒತ್ತಡಗಳು, ವಾಹನ ದಟ್ಟಣೆ, ಗಗನಮುಖಿಯಾಗಿರುವ ಜೀವನಾವಶ್ಯಕ ವಸ್ತುಗಳ ಬೆಲೆಗಳು, ತತ್ಫಲವಾಗಿ ಬದಲಾಗುತ್ತಿರುವ ಜೀವನಶೈಲಿ. ಅಂಗುಲಂಗುಲ ನಿವೇಶನವೂ ಚಿನ್ನವಾಗಿರುವ ಲೆಕ್ಕದ ಈ ದಿನಗಳಲ್ಲಿ ಹಿತ್ತಿಲೆಂಬ ಪರಿಕಲ್ಪನೆಗೆ ಅರ್ಥವಾದರೂ ಉಂಟೆ? ಮನಸ್ಸಿದ್ದರೆ ಮಾರ್ಗ. ಖಂಡಿತ ಉಂಟು.<br /> <br /> ಮನೆ ಎಷ್ಟೇ ಚಿಕ್ಕದಿರಲಿ ಹಿಂಭಾಗದಲ್ಲಿ ಒಂದಷ್ಟು ಜಾಗವಿರಲಿ. ಒಂದೆರಡು ಬೆಡ್ರೂಂ ಇಲ್ಲದಿದ್ದರೂ ಅಡ್ಡಿಯಿಲ್ಲ ಹಿತ್ತಿಲು ಇರಲಿ. ಮನೋರಂಜನೆಗೆ, ನಿರಾಳಕ್ಕೆ ವಿಶ್ರಾಂತಿಗೆ. ಬರಿಬಯಲಾದರೂ ಹಿತ್ತಿಲು ನೆಮ್ಮದಿಗೆ ಹಾದಿಯಾದೀತು. ತನ್ಮಯತೆಯಿಂದ ಆಗಸ ವೀಕ್ಷಿಸುವುದಕ್ಕಿಂತ ಹಿಗ್ಗು ಬೇಕೆ?<br /> <br /> ಹಿತ್ತಿಲಿನಲ್ಲಿ ಮನೆಗೆ ಅಗತ್ಯವಾದ ಸೊಪ್ಪು ಸದೆ, ತರಕಾರಿಗಳನ್ನು ಬೆಳೆದುಕೊಳ್ಳಬಹುದು. ಸ್ವಾವಲಂಬನೆ ಹಾಗೂ ಹಸಿರ ವೈಭವ-ಎರಡನ್ನೂ ಒಂದೇ ಕಲ್ಲಿಗೆ ಎರಡು ಹಕ್ಕಿಗಳನ್ನು ಹೊಡೆದಂತೆ. ಹಿರಿಯರಿಗೆ ವ್ಯಾಯಾಮಕ್ಕೆ ಕಿರಿಯರ ಆಟೋಟಕ್ಕೆ ತಕ್ಕಮಟ್ಟಿಗೆ ಹಿತ್ತಿಲು ವ್ಯವಧಾನ ಕಲ್ಪಿಸುತ್ತದೆ.<br /> <br /> ನೆರೆಹೊರೆಯವರೊಂದಿಗೆ ಪರಸ್ಪರಸಂವಾದಕ್ಕೆ ಇದು ನೆರವಾಗುತ್ತದೆ. ಸಾಕುಪ್ರಾಣಿಗಳಿಗೂ ಆಶ್ರಯವಾಗುತ್ತದೆ. ತುಳಸಿ, ದೊಡ್ಡಪತ್ರೆ, ಒಂದೆಲಗ ಬೆಳೆದು ಹಿತ್ತಿಲಿನಲ್ಲಿ ಮದ್ದನ್ನು ಅರಸಬಹುದು. <br /> ಕಲ್ಲು ಬೆಂಚು, ಹಾಸು ಮೇಜು ಹಾಕಿ ಓದು, ಬರಹದಲ್ಲಿ ನಿರತರಾಗುವುದರಲ್ಲಿ ಸ್ವರ್ಗಸುಖ. ಆಹಾರ ಸೇವನೆಗೆ ಹಿತ್ತಿಲು ಅದೆಷ್ಟು ಆಪ್ಯಾಯಮಾನ ಅಂತ ಬೇರೆ ಹೇಳಬೇಕೆ? ಒಂದಾದರೂ ಮರವಿದ್ದರೆ ಅದಕ್ಕನ್ನಬೇಕಲ್ಲವೆ ವರ. <br /> <br /> ಅದೆಷ್ಟು ಆಪ್ತವಾಗಬಹುದೆಂದರೆ ಹಿತ್ತಿಲೆಂದರೆ ಮರವೇ ಆಗುತ್ತದೆ. ಸಂತೋಷದ ಆರಾಧನೆ, ನೋವಿನ ನಿವೇದನೆ. ಎರಡನ್ನೂ ಸಾಧ್ಯವಾಗಿಸುತ್ತದೆ ಹಿತ್ತಿಲಿನ ಮರ. ಎಲ್ಲಿಂದಲೋ ಹಾರಿ ಬರುವ ಗುಬ್ಬಿ, ಪಾರಿವಾಳ, ಮೈನಾ, ಮರಕುಟಕ ಮುಂತಾದ ಹಕ್ಕಿಗಳು ಹಿತ್ತಿಲಿನಲ್ಲಿ ವಿಹರಿಸುತ್ತಿದ್ದರೆ ಪಕ್ಷಿಧಾಮದ ರಂಗು. ಉದ್ಯಾನವೆ ಮಡಿಲಲ್ಲಿ.<br /> <br /> ಸೌರಶಕ್ತಿಯ, ಮಳೆ ನೀರಿನ ಕೊಯಿಲಿಗೆ ಹಿತ್ತಿಲು ಅನನ್ಯ. ಬಟ್ಟೆ ಬರೆ ಒಣಹಾಕುವುದರಿಂದ ಹಿಡಿದು ಹಪ್ಪಳ, ಸಂಡಿಗೆ, ಶ್ಯಾವಿಗೆ, ಆಹಾರಧಾನ್ಯಗಳಾದಿಯಾಗಿ ಬಿಸಿಲಿನ ನೆರವಿನಿಂದ ಸಂಸ್ಕರಿಸಲು ಮನೆಯ ಹಿಂಬದಿಯಲ್ಲೇ ನಿಸರ್ಗದತ್ತ ಘಟಕ. ಒಟ್ಟಾರೆ ಹಿತ್ತಿಲು ಹಿಗ್ಗಿಲು ಕೊಯಿಲು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
