ಹೀಗೊಂದು `ಕೌಟುಂಬಿಕ ಚಿತ್ರ'

ತಂ ದೆ ಈಗಾಗಲೇ ನಿರ್ದೇಶನದ ಏಣಿ ಹತ್ತಿದವರು. ತಾಯಿ ನಿರ್ಮಾಪಕಿ. ಕಿರಿಯ ಸಹೋದರ ಸಂಗೀತದ ಅಲೆಗಳ ಜೊತೆಗೆ ನಿರ್ದೇಶನದ ತಂತಿ ಮೀಟುತ್ತಿರುವವರು. ಅಣ್ಣ ಚಿತ್ರದ ನಾಯಕ. `ಯುವ ಸಾಮ್ರಾಟ್'ನ ವಿಶೇಷಗಳು ಇವು.

`ಐಯಾಮ್ ಇನ್ ಲವ್' ಮೂಲಕ ಪ್ರೇಮಕತೆ ಹೇಳಿದ್ದ ನಿರ್ದೇಶಕ ನಂದಕುಮಾರ್ ಈ ಬಾರಿ ಕುಟುಂಬದ ಕನಸನ್ನು ನನಸಾಗಿಸಲು ಹೊರಟಿದ್ದಾರೆ. ಎರಡು ವರ್ಷದಿಂದ ತಮ್ಮ ಪುತ್ರ ಕಿರಣ್ಕುಮಾರ್ರನ್ನು ತೆರೆಗೆ ತರುವ ಯತ್ನ `ಯುವ ಸಾಮ್ರಾಟ್' ಮೂಲಕ ಸಾಕಾರಗೊಳ್ಳುತ್ತಿದೆ.

. `ಅಭಿನಯ ತರಂಗ'ದಲ್ಲಿ ನಟನೆಯ ಮೊದಲ ಸೊಲ್ಲುಗಳನ್ನು ಕಲಿತ ಕಿರಣ್ ಎಂಟು ವರ್ಷಗಳಿಂದ ಸಮರಕಲೆ ಅಭ್ಯಾಸ ಮಾಡುತ್ತಿದ್ದಾರೆ. ಜೊತೆಗೆ ಹದಿನೈದು ವರ್ಷಗಳ ನೃತ್ಯ ಅನುಭವವಿದೆ. ನಂದಕುಮಾರರ ಕಿರಿಯ ಪುತ್ರ ಯಶವಂತ್ ಅವರಿಗೆ ತಮ್ಮದೇ ಬ್ಯಾನರ್ನಲ್ಲಿ ಚಿತ್ರ ನಿರ್ಮಿಸುತ್ತಿರುವುದು ಎಲ್ಲಿಲ್ಲದ ಖುಷಿ ತಂದಿದೆಯಂತೆ.

. ತಾಯಿ ನಿರ್ಮಾಪಕಿಯಾಗಿರುವುದು ಇನ್ನೊಂದು ಖುಷಿಯಾದರೆ ಅಣ್ಣ ನಾಯಕನಾಗುತ್ತಿರುವುದು ಮತ್ತೊಂದು ಖುಷಿ ಎನ್ನುತ್ತ ಖುಷಿಯ ಅಲೆಯಲ್ಲಿ ತೇಲಿದರು ಅವರು. ಯಶವಂತ್ ಅವರಿಗೆ ಸಂಗೀತದ ಮೇಲೂ ಒಲವು. ಆ ಜ್ಞಾನ ಚಿತ್ರದಲ್ಲಿ ಬಳಕೆಯಾಗುತ್ತಿದೆ.

ಚಿತ್ರದ ನಾಯಕಿ ಕನ್ನಡದವರಲ್ಲ. ಹಾಗೆಂದು ಪಕ್ಕದ ರಾಜ್ಯದವರೂ ಅಲ್ಲ. ದೂರದ ಉಕ್ರೇನ್ ಅವರ ನೆಲೆ. ಹೆಸರು ಸ್ನಿಜ್ಹಾನಾ. ರೂಪದರ್ಶಿಗಳ ಲೋಕದಿಂದ ಜಿಗಿದ ಈ ಬೆಡಗಿ ಕಿರಣ್ರ `ರಾಕ್ಸ್ಟಾರ್'ನಲ್ಲಿಯೇ ನಾಯಕಿಯಾಗಬೇಕಿತ್ತು. ಅದರ ಬದಲು `ಯುವ ಸಾಮ್ರಾಟ್' ಕೈಗೆತ್ತಿಕೊಂಡಿದ್ದರಿಂದ ಸ್ನಿಜ್ಹಾನಾರ ಚಿತ್ರವೂ ಬದಲಾಯಿತು. ಇದು ಅವರ ಮೊದಲ ಚಿತ್ರ.

. ನಿಜಜೀವನದಲ್ಲಿ ತಾವಿನ್ನೂ ವಿದ್ಯಾಭ್ಯಾಸ ಮಾಡುತ್ತಿರುವುದರಿಂದ ಚಿತ್ರದ ಕಾಲೇಜು ಹುಡುಗಿಯ ಪಾತ್ರ ತಮಗೆಂದೇ ಹೇಳಿ ಮಾಡಿಸಿದಂತೆ ಇದೆ ಎಂದರವರು.

ಕನ್ನಡದಲ್ಲಿ ನಾಯಕಿಯರು ಇರಲಿಲ್ಲವೇ ಎಂಬ ಪ್ರಶ್ನೆಗೂ ಚಿತ್ರತಂಡದ ಬಳಿ ಉತ್ತರವಿತ್ತು. ಇದ್ದರೂ ನಟಿಯರು ಸರಿಯಾದ ಸಮಯಕ್ಕೆ ಸಿಗಲಿಲ್ಲವಂತೆ. ಹಾಗಾಗಿ ಸ್ನಿಜ್ಹಾನಾ ಪ್ರವೇಶ ಸುಲಭವಾಗಿತ್ತು.

ಸುಂದರ ಪ್ರೇಮಕತೆಯೊಂದಿಗೆ ತಂದೆ ಪ್ರೀತಿಯೂ ಚಿತ್ರದಲ್ಲಿ ಬೆರೆತಿದೆಯಂತೆ. ಅಂದಹಾಗೆ ತಂದೆಯ ಪಾತ್ರ ನಿರ್ವಹಿಸುತ್ತಿರುವುದು ಕಲಾವಿದ ಶ್ರೀನಿವಾಸಮೂರ್ತಿ. ಇದರ ಜೊತೆಗೆ ತಮಾಷೆಯ ಎಳೆ ಇರದಿದ್ದರೆ ಹೇಗೆ? ಅದರ ಹೊಣೆ ಹೊತ್ತವರು ನಟ ಎಂ.ಎಸ್. ಉಮೇಶ್.

. ಇದೆಲ್ಲದರ ಜೊತೆಗೆ ಸಂದೇಶ ಸಾರುವ ಅಂಶವೊಂದು ಚಿತ್ರದ ದ್ವಿತೀಯಾರ್ಧದಲ್ಲಿ ಇಣುಕಲಿದೆಯಂತೆ. ಅದೇನೆಂಬುದಕ್ಕೆ ಉತ್ತರ ಮುಂದಿನ ದಿನಗಳಲ್ಲಿ ದೊರೆಯಲಿದೆ.

ನಿರ್ಮಾಪಕಿ ವರಲಕ್ಷ್ಮೀ ನಂದಕುಮಾರ್ ಅವರಿಗೆ ಚಿಕ್ಕದಾಗಿ ಮಾತನಾಡುವುದರತ್ತ ಹೆಚ್ಚು ಒಲವು. `ನಮ್ಮ ಮಕ್ಕಳು ನಿಮ್ಮ ಮನೆ ಹುಡುಗರು. ನಮಗೆ ನೀಡಿದ ಬೆಂಬಲ ಅವರಿಗೂ ಬೇಕು' ಎಂದರು. ಶೇ 40ರಷ್ಟು ಚಿತ್ರೀಕರಣ ಮುಗಿಸಿದೆ ಚಿತ್ರ.

. ಜೊತೆಗೆ ಹಾಡುಗಳ ಚಿತ್ರೀಕರಣವೂ ನಡೆದಿದೆ. ಅಂದಹಾಗೆ ಕಿರಣ್ಕುಮಾರ್ ಹುಟುಹಬ್ಬದ ದಿನವಾದ ಮೇ 10ರಂದು ಚಿತ್ರದ ಮುಹೂರ್ತ ನಡೆದಿತ್ತು. ನಟಿ ಭಾರತಿ ವಿಷ್ಣುವರ್ಧನ್ ಆ ವೇಳೆ ಚಿತ್ರತಂಡವನ್ನು ಹಾರೈಸಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೀಗೊಂದು `ಕೌಟುಂಬಿಕ ಚಿತ್ರ'

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ