ಭಾನುವಾರ, ಮಾರ್ಚ್ 7, 2021
22 °C

ಹ್ಯಾಮಿಲ್ಟನ್‌ಗೆ ಅಗ್ರಸ್ಥಾನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹ್ಯಾಮಿಲ್ಟನ್‌ಗೆ ಅಗ್ರಸ್ಥಾನ

ಬುಡಾಪೆಸ್ಟ್ (ಪಿಟಿಐ/ ರಾಯಿಟರ್ಸ್‌): ಮರ್ಸಿಡಿಸ್ ತಂಡದ ಲೂಯಿಸ್ ಹ್ಯಾಮಿಲ್ಟನ್ ಭಾನುವಾರ ನಡೆದ ಹಂಗರಿಯನ್ ಗ್ರ್ಯಾನ್ ಪ್ರಿ ಫಾರ್ಮುಲಾ ಒನ್ ರೇಸ್ ಗೆದ್ದುಕೊಂಡರು.



ಬ್ರಿಟನ್‌ನ ಚಾಲಕನಿಗೆ ಪ್ರಸಕ್ತ ಋತುವಿನಲ್ಲಿ ದೊರೆತ ಮೊದಲ ಗೆಲುವು ಇದಾಗಿದೆ. `ಪೋಲ್ ಪೊಸಿಷನ್'ನಿಂದ ಸ್ಪರ್ಧೆ ಆರಂಭಿಸಿದ್ದ ಹ್ಯಾಮ್ಟಿಲನ್ 70 ಲ್ಯಾಪ್‌ಗಳ ಸ್ಪರ್ಧೆ (ಒಟ್ಟು 306 ಕಿ.ಮೀ ದೂರ) ಪೂರೈಸಲು ಒಂದು ಗಂಟೆ 42 ನಿಮಿಷ 29 ಸೆಕೆಂಡ್‌ಗಳನ್ನು ತೆಗೆದುಕೊಂಡರು.



ಇದಕ್ಕಿಂತ 11 ಸೆಕೆಂಡ್‌ಗಳನ್ನು ಹೆಚ್ಚುವರಿಯಾಗಿ ತೆಗೆದುಕೊಂಡ ರೆನಾಲ್ಟ್ ತಂಡದ ಕಿಮಿ ರೈಕೊನೆನ್ ಎರಡನೇ ಸ್ಥಾನ ಪಡೆದರು. ವಿಶ್ವಚಾಂಪಿಯನ್ ಸೆಬಾಸ್ಟಿಯನ್ ವೆಟೆಲ್ ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡರು. ಹ್ಯಾಮಿಲ್ಟನ್‌ಗೆ ವೃತ್ತಿಜೀವನದಲ್ಲಿ ದೊರೆತ 22ನೇ ಗೆಲುವು ಇದು.



ಪ್ರಸಕ್ತ ಋತುವಿನ 10 ರೇಸ್‌ಗಳು ಕೊನೆಗೊಂಡಿದ್ದು, ರೆಡ್‌ಬುಲ್ ತಂಡದ ವೆಟೆಲ್ 172 ಪಾಯಿಂಟ್‌ಗಳೊಂದಿಗೆ ಚಾಲಕರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿ ಮುಂದುವರಿದಿದ್ದಾರೆ. ಲೋಟಸ್ ತಂಡದ ಕಿಮಿ ರೈಕೊನೆನ್ (134) ಮತ್ತು ಫೆರಾರಿ ತಂಡದ ಫೆರ್ನಾಂಡೊ ಅಲೊನ್ಸೊ (133) ಬಳಿಕದ ಸ್ಥಾನಗಳಲ್ಲಿದ್ದಾರೆ.

ಫೋರ್ಸ್ ಇಂಡಿಯಾಕ್ಕೆ ನಿರಾಸೆ: ಸಹಾರಾ ಫೋರ್ಸ್ ಇಂಡಿಯಾ ತಂಡ ಈ ರೇಸ್‌ನಲ್ಲಿ ಪಾಯಿಂಟ್ ಗೆಲ್ಲುವಲ್ಲಿ ವಿಫಲವಾಯಿತು. ಈ ತಂಡದ ಪೌಲ್ ಡಿ ರೆಸ್ಟಾ ಅವರು 18ನೇ ಸ್ಥಾನ ಪಡೆದರು. ಇನ್ನೊಬ್ಬ ಚಾಲಕ ಅಡ್ರಿಯಾನ್ ಸುಟಿಲ್ ರೇಸ್ ಪೂರ್ಣಗೊಳಿಸುವಲ್ಲಿ ವಿಫಲರಾದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.