‘ಆಚಾರ್ಯ ಹಬ್ಬ’ಕ್ಕೆ ಅದ್ದೂರಿ ಚಾಲನೆ

ಆಚಾರ್ಯ ಇನ್‌ಸ್ಟಿಟ್ಯೂಟ್‌ ಆಯೋಜಿಸಿರುವ ಒಂದು ತಿಂಗಳ ಕಾಲ ನಡೆಯುವ ರಾಷ್ಟ್ರೀಯ ಮಟ್ಟದ ಟೆಕ್ನೋ ಕಲ್ಚರಲ್ ಫೆಸ್ಟ್‌ ‘ಆಚಾರ್ಯ ಹಬ್ಬ’ಕ್ಕೆ ವರ್ಣರಂಜಿತ ಚಾಲನೆ ನೀಡಲಾಯಿತು.



ಕಾಲೇಜು ಮಟ್ಟದಲ್ಲಿ ನಡೆಯುವ ಬೃಹತ್ ಹಬ್ಬ ಇದಾಗಿದ್ದು ದೇಶದೆಲ್ಲೆಡೆಯಿಂದ ಅಂದಾಜು 20ಸಾವಿರ ಕಾಲೇಜು ವಿದ್ಯಾರ್ಥಿಗಳು ತಿಂಗಳುದ್ದಕ್ಕೂ ಭಾಗವಹಿಸಲಿದ್ದಾರೆ. ಇದೇ ಸಂದರ್ಭದಲ್ಲಿ ಆಚಾರ್ಯದ ಹಳೆವಿದ್ಯಾರ್ಥಿ ರಪ್ಪರ್‌ ಬಿಜು ಅವರು ‘ಹಬ್ಬಕ್ಕೆ ರೆಡಿನಾ’ ಎಂಬ ಥೀಮ್‌ ಸಾಂಗ್‌ ಅನ್ನು ಬಿಡುಗಡೆ ಮಾಡಿದರು. ಆಚಾರ್ಯ ಸಮೂಹದ ವಿವಿಧ ಕಾಲೇಜುಗಳ ಪ್ರಾಂಶುಪಾಲರು, ಪ್ರಾಧ್ಯಾಪಕರು  ಸೇರಿದಂತೆ ಸಾವಿರಾರು ವಿದ್ಯಾರ್ಥಿಗಳು ಕ್ರೀಡಾಂಗಣದಲ್ಲಿ ಸೇರಿ ಹಾಡು ನೃತ್ಯದ ಮೂಲಕ ಹಬ್ಬಕ್ಕೆ ರಂಗು ತುಂಬಿದರು.