ಬುಧವಾರ, ಜೂನ್ 23, 2021
22 °C
ರಾಯ­ಚೂರಿನಿಂದ ಎಂ. ನಾಗರಾಜ ಸ್ಪರ್ಧೆ

‘ಸಮಾನ ಮನಸ್ಕ ಪಕ್ಷಗಳಿಗೆ ಬೆಂಬಲ’

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ರಾಯಚೂರು: 16ನೇ ಲೋಕಸಭಾ ಚುನಾವಣೆಗೆ ಸಿಪಿಐಎಂಎಲ್ ಪಕ್ಷವು 8 ಅಭ್ಯರ್ಥಿಗಳನ್ನು ಕಣಕ್ಕಿಳಿಸಲಿದೆ. ಉಳಿದ ಕಡೆಗೆ ಕೆಲ ಕನಿಷ್ಠ ಮಾನದಂಡಗಳಾದ ಜಾಗತೀಕರಣ, ಕೋಮುವಾದ, ಭ್ರಷ್ಟಾಚಾರ ವಿರೋಧಿಸುವಂಥ ಸಮಾನ ಮನಸ್ಕ ಪಕ್ಷಗಳಿಗೆ ಬೆಂಬಲ ನೀಡುವ ತೀರ್ಮಾನ ಮಾಡಲಾಗಿದೆ. ರೈತರು, ಕಾರ್ಮಿಕರು, ಯುವಜನತೆ ಹಾಗೂ ಬುದ್ಧಿವಂತ ವರ್ಗವು ಈ ಚುನಾವಣೆಯಲ್ಲಿ ಮಹತ್ವದ ಪಾತ್ರ ವಹಿಸಲಿವೆ ಎಂದು ಸಿಪಿಐಎಂಎಲ್ ಪಕ್ಷದ ಪಾಲಿಟಿ ಬ್ಯೂರೊ ಸದಸ್ಯ ಆರ್. ಮಾನಸಯ್ಯ ಹೇಳಿದರು.



ಮಂಗಳವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, ಕಾಂಗ್ರೆಸ್, ಬಿಜೆಪಿ, ಜೆಡಿಎಸ್ ಹಾಗೂ ಮತ್ತಿತರೆ ಬಲ­ಪಂಥೀಯ ಪಕ್ಷಗಳ ರಾಜಕೀಯ ಪಾಪದ ಕೊಡ ತುಂಬಿದೆ. ರಾಜ್ಯ ಹಾಗೂ ರಾಷ್ಟ್ರದಲ್ಲಿ ಹೋರಾಟ­ಗಾರರು, ಚಳವಳಿಗಾರರು ಈ ಚುನಾ­ವಣೆಯಲ್ಲಿ ಮಹತ್ವದ ಪಾತ್ರ ವಹಿಸಲಿ­ದ್ದಾರೆ. ಹೋರಾಟದ ಭಾಗವಾಗಿಯೇ ಸಿಪಿಐಎಂ ಪಕ್ಷವು ಚುನಾವಣೆ ಪರಿಗಣಿ­ಸಿದೆ. ಈ ಚುನಾವಣೆಗೆ ಕಣಕ್ಕಿಳಿ­ಯುತ್ತಿ­ರುವುದು ಈವರೆಗೆ ಮಾಡಿ­ಕೊಂಡು ಬಂದಿರುವ ಹೋರಾಟದ ಕ್ರೋಡಿೀಕ­ರಣ ಎಂದು ವಿವರಿಸಿದರು.



ರಾಜ್ಯದಲ್ಲಿ ಬೆಂಗಳೂರು ಉತ್ತರ, ಚಾಮರಾಜನಗರ, ಮೈಸೂರು, ಚಿಕ್ಕಮಗಳೂರು, ಶಿವಮೊಗ್ಗ, ಬಳ್ಳಾರಿ, ಕೊಪ್ಪಳ ಹಾಗೂ ರಾಯಚೂರು ಸೇರಿದಂತೆ ಒಟ್ಟು 8 ಕ್ಷೇತ್ರಗಳಲ್ಲಿ ಪಕ್ಷ ತನ್ನ ಅಭ್ಯರ್ಥಿ ಕಣಕ್ಕಳಿಸುತ್ತಿದೆ. ರಾಯ­ಚೂರು ಲೋಕಸಭಾ ಕ್ಷೇತ್ರಕ್ಕೆ ಯುವಕರಾದ ಎಂ. ನಾಗರಾಜ ಅವರು ಪಕ್ಷದ ಅಭ್ಯರ್ಥಿಯಾಗಿ ಸ್ಪರ್ಧಿಸಲಿ­ದ್ದಾರೆ ಎಂದು ಹೇಳಿದರು.



ಪರಿಶಿಷ್ಟ ಪಂಗಡಕ್ಕೆ ಮೀಸಲಾದ ಈ ಕ್ಷೇತ್ರದಲ್ಲಿ ಈ ಪಂಗಡದ  ರಾಜರು, ರಾಯರು, ಗೌಡರು ಸ್ಪರ್ಧಿಸುತ್ತಿದ್ದಾರೆ. ಈ ಪಂಗಡದ ನಿಜವಾದ ಜನಸಮಾನ್ಯ ವ್ಯಕ್ತಿ ಸ್ಪರ್ಧಿಸಿಲ್ಲ. ಹೀಗಾಗಿ ಪಕ್ಷವು ನಾಗರಾಜ ಅವರನ್ನು ಕಣಕ್ಕಿಳಿಸುತ್ತಿದೆ ಎಂದು ತಿಳಿಸಿದರು.



ರಾಜ್ಯ ಸಮಿತಿ ಸದಸ್ಯ ರುದ್ರಯ್ಯ ಮಾತನಾಡಿ, ಮೋದಿ ಗುಜರಾಜ ಮುಖ್ಯಮಂತ್ರಿ ಆಗುವ ಮೊದಲು 45,000 ಕೋಟಿ ಸಾಲವಿತ್ತು. ಈಗ 95,000 ಕೋಟಿ ಆಗಿದೆ.  ಅಲ್ಲಿ ದಲಿತ, ಆದಿವಾಸಿ, ಬಡವರ ಸ್ಥಿತಿ ಚಿಂತಾಜನಕವಾಗಿದೆ. ನರೇಂದ್ರ ಮೋದಿಯಿಂದ ಅಭಿ­ವೃದ್ಧಿಯಾ­ಗಿರು­ವುದು ಬಂಡವಾಳಶಾಹಿಗಳು ಮತ್ತು ಕಂಪೆನಿಗಳು ಎಂದು ಟೀಕಿಸಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.