ಭಾನುವಾರ, ಫೆಬ್ರವರಿ 28, 2021
23 °C
ಕರೇನಹಳ್ಳಿಯ ಗೆಳೆಯರಿಂದ ಸತತ ಎರಡು ವರ್ಷ ಸಿದ್ಧತೆ

200 ಮೀಟರ್‌ 9 ಅಡಿ ಅಗಲದ ರಾಷ್ಟ್ರ ಧ್ವಜ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

200 ಮೀಟರ್‌ 9 ಅಡಿ ಅಗಲದ ರಾಷ್ಟ್ರ ಧ್ವಜ

ದೊಡ್ಡಬಳ್ಳಾಪುರ: 70ನೇ ಸ್ವಾತಂತ್ರ್ಯೋತ್ಸವಕ್ಕೆ ನಗರದ ಕೊಂಗಾಡಿಯಪ್ಪ ಕಾಲೇಜು ಸಮೀಪದ ಕರೇನಹಳ್ಳಿ ಗೆಳೆಯರು 200 ಮೀಟರ್‌ ಉದ್ದ, 9ಅಡಿ ಅಗಲದ ರಾಷ್ಟ್ರ ಧ್ವಜವನ್ನು ಸಿದ್ದಪಡಿಸಿದ್ದು ಆ.15ರಂದು ನಗರದ ಪ್ರಮುಖ ರಸ್ತೆಗಳಲ್ಲಿ ನೂರಾರು ವಿದ್ಯಾರ್ಥಿಗಳು ಹಾಗೂ ನಾಗರಿಕರೊಂದಿಗೆ ಮೆರವಣಿಗೆ ನಡೆಸಿ, ಭಗತ್‌ಸಿಂಗ್‌ ಕ್ರೀಡಾಂಗಣದಲ್ಲಿ ರಾಷ್ಟ್ರೀಯ ಹಬ್ಬಗಳ ಆಚರಣ ಸಮಿತಿ ವತಿಯಿಂದ ನಡೆಯಲಿರುವ ಸ್ವಾತಂತ್ರ್ಯ ದಿನಾಚರಣೆ ಸಮಾರಂಭದಲ್ಲಿ ಮೆರವಣಿಗೆ  ಮುಕ್ತಾಯವಾಗಲಿದೆ. 



ತ್ರೀವರ್ಣ ಧ್ವಜ ಸಿದ್ದಪಡಿಸಲು ಕರೇನಹಳ್ಳಿಯ ಗೆಳೆಯರಾದ ಕಲ್ಲುಬಾವಿ ಚಂದ್ರಶೇಖರ್‌, ಶ್ರೀನಿವಾಸ್‌, ಹಳೇಪೇಟೆ ಶ್ರೀಕಾಂತ್‌ ಮತ್ತಿತರರು ಸತತ ಎರಡು ವರ್ಷಗಳಿಂದಲೂ ಸಿದ್ದತೆ ನಡೆಸಿ  ಈ ಬಾರಿ ಮೆರವಣಿಗೆಗೆ ಸಿದ್ದಗೊಳಿಸಿದ್ದಾರೆ.



ಇಷ್ಟೊಂದು ಉದ್ದದ ರಾಷ್ಟ್ರ ಧ್ವಜಕ್ಕೆ ಬಟ್ಟೆಯನ್ನು ಗದಗ ನಿಂದ ಖಾದಿ ಬಟ್ಟೆಯನ್ನೇ ತರಿಸಿಕೊಂಡು ಧ್ವಜವನ್ನು ಇಲ್ಲಿ ಸಿದ್ದಗೊಳಿಸಿದ್ದಾರೆ. ಧ್ವಜಕ್ಕಾಗಿ ಯಾರಿಂದಲೂ ಸಹ ಹಣ ಸಂಗ್ರಹಿಸದೆ ಒಂದಿಷ್ಟು ಜನ ಸ್ನೇಹಿತರೆ ಸೇರಿ ₹ 30,000 ಖರ್ಚು ಮಾಡಿ ಧ್ವಜವನ್ನು ಸಿದ್ದಮಾಡಿದ್ದಾರೆ.



ಜನರಲ್ಲಿ ರಾಷ್ಟ್ರ ಧ್ವಜ ಹಾಗೂ ರಾಷ್ಟ್ರ ಪ್ರೇಮ ಜಾಗೃತಿಗೊಳಿಸಲು ಈ ಧ್ವಜ ಮೆರವಣಿಗೆಯನ್ನು ನಡೆಸಲಾಗುತ್ತಿದೆ. ಆ.15 ರಂದು ಬೆಳಿಗ್ಗೆ 8 ಗಂಟೆಗೆ ನಗರದ ಕೊಂಗಾಡಿಯಪ್ಪ ಕಾಲೇಜು ಸಮೀಪದಿಂದ ಪ್ರಾರಂಭವಾಗುವ ಮೆರವಣಿಗೆಗೆ ಶಾಸಕ ಟಿ.ವೆಂಕಟರಮಣಯ್ಯ ಚಾಲನೆ ನೀಡಲಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.