7 ಕೋಟಿ ಮಾನಸಿಕ ಅಸ್ವಸ್ಥರು

5

7 ಕೋಟಿ ಮಾನಸಿಕ ಅಸ್ವಸ್ಥರು

Published:
Updated:

ಬೆಂಗಳೂರು: `ನಿಮ್ಹಾನ್ಸ್ ಮತ್ತು ರಾಷ್ಟ್ರೀಯ ಮಾನವ ಹಕ್ಕುಗಳ ಆಯೋಗದ ಸಮೀಕ್ಷೆಗಳ ಪ್ರಕಾರ ದೇಶದಲ್ಲಿ 6ರಿಂದ 7 ಕೋಟಿ ಮಾನಸಿಕ ಸಮಸ್ಯೆಗಳಿಂದ ಬಳಲುತ್ತಿದ್ದಾರೆ~ ಎಂದು ಮಾನಸಿಕ- ಸಾಮಾಜಿಕ ಪುನರ್‌ವಸತಿ ಕೇಂದ್ರ `ಕಡಬಮ್ಸ~ ಸಂಸ್ಥೆ ನಿರ್ದೇಶಕ ಸಂದೇಶ್ ಆರ್.ಕಡಬಮ್ ತಿಳಿಸಿದರು.



ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, `ಒಂದು ಲಕ್ಷ ಜನಸಂಖ್ಯೆಗೆ ಕನಿಷ್ಠ ಒಬ್ಬ ಮನೋವೈದ್ಯರಾದರೂ ಇರಬೇಕು. ಈ ಪ್ರಕಾರ ದೇಶಕ್ಕೆ 13 ಸಾವಿರಕ್ಕೂ ಹೆಚ್ಚು ಮನೋವೈದ್ಯರ ಅಗತ್ಯವಿದೆ. ಆದರೆ ಇರುವ ಮನೋವೈದ್ಯರ ಸಂಖ್ಯೆ 3 ಸಾವಿರ ಮಾತ್ರ~ ಎಂದರು.



`ಜನಸಂಖ್ಯೆ ದೃಷ್ಟಿಯಿಂದ ಕರ್ನಾಟಕದಲ್ಲಿ 500ಕ್ಕೂ ಹೆಚ್ಚು ಮನೋವೈದ್ಯರ ಅಗತ್ಯವಿದೆ. ಆದರೆ ಇಲ್ಲಿರುವುದು 200 ಮನೋವೈದ್ಯರು ಮಾತ್ರ. ಮಾನಸಿಕ ಆರೋಗ್ಯ ಸುಧಾರಣೆಗೆ ಕೇಂದ್ರ ಸರ್ಕಾರ ಶೇ 2ಕ್ಕಿಂತ ಕಡಿಮೆ ಹಣ ನೀಡುತ್ತಿದೆ. ಇದು ಏನೇನು ಸಾಲದು~ ಎಂದರು.



ಸಂಸ್ಥೆಯ ಉಪಾಧ್ಯಕ್ಷೆ ಎಂ.ಕೆ.ಸರಸ್ವತಿ, ಕಾರ್ಯನಿರ್ವಹಣಾ ವಿಭಾಗದ ನಿರ್ದೇಶಕ ರಾಜಶೇಖರ್ ಹಿರೇಮಠ್, ನಿರ್ದೇಶಕ ಡಾ.ಸುನಿಲ್ ಮೊದಲಾದವರು ಉಪಸ್ಥಿತರಿದ್ದರು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry