ನನಗೆ ಪೇಂಟಿಂಗ್ ಇಷ್ಟ. ಕಂಡಿದ್ದನ್ನು, ಮನಸ್ಸಿಗೆ ತೋಚಿದ್ದನ್ನು ಖಾಲಿ ಹಾಳೆಯ ಮೇಲೆ ಗೀಚುತ್ತಾ ಇರುತ್ತೇನೆ. ನನ್ನ ಮನಸ್ಸಿನ ಭಾವನೆಗಳು ಅಲ್ಲಿ ರೂಪ ತಳೆದಾಗ ಮನಸ್ಸಿಗೂ ಖುಷಿಯಾಗುತ್ತದೆ. ದೂರದ ಊರಿಗೆ ಪ್ರಯಾಣ ಮಾಡುವುದು, ಹೊಸ ಹೊಸ ಜಾಗಗಳನ್ನು ನೋಡುವುದು ನನಗೆ ಇಷ್ಟ. ಸಮಯ ಸಿಕ್ಕಾಗ, ಅನುಕೂಲವಾದಾಗ ಇಡೀ ಜಗತ್ತನ್ನು ನೋಡಬೇಕು ಎಂದುಕೊಂಡಿದ್ದೇನೆ. ಅದಕ್ಕಿಂತ ಮೊದಲು ನನ್ನ ದೇಶವನ್ನು ನೋಡಬೇಕು. ಇದನ್ನೇ ಸರಿಯಾಗಿ ನೋಡದೆ ಬೇರೆ ದೇಶ ನೋಡಲು ಹೋದರೆ ಏನು ಉಪಯೋಗ. ನಮ್ಮ ದೇಶದಲ್ಲಿ ಸಾಕಷ್ಟು ಐತಿಹಾಸಿಕ ಸ್ಥಳಗಳಿವೆ. ಕಲೆಯ ಬೀಡು ಈ ದೇಶ.