ನವದೆಹಲಿ (ಪಿಟಿಐ): ಬಜಾಜ್‌ ಆಟೊ ಕಂಪನಿಯು ದೇಶದ ಮಾರುಕಟ್ಟೆಗೆ ಬುಧವಾರ ಹೊಸ ಪಲ್ಸರ್‌ ಎನ್‌160 ಬೈಕ್‌ ಬಿಡುಗಡೆ ಮಾಡಿದ್ದು, ಇದರ ಎಕ್ಸ್ ಷೋರೂಂ ಬೆಲೆ ₹ 1.28 ಲಕ್ಷ ಇದೆ.
ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ಬಿಡುಗಡೆ ಆಗಿರುವ ಪಲ್ಸರ್‌ 250 ಪ್ಲಾಟ್‌ಫಾರಂನಲ್ಲಿಯೇ ಹೊಸ ಪಲ್ಸರ್‌ ಎನ್‌160 ನಿರ್ಮಿಸಲಾಗಿದೆ. ಡ್ಯುಯಲ್‌ ಚಾನಲ್‌ ಎಬಿಎಸ್‌ ಒಳಗೊಂಡಿದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.
165 ಸಿಸಿ ಎಂಜಿನ್‌ ಇದ್ದು, ಯುಎಸ್‌ಬಿ ಮೊಬೈಲ್‌ ಚಾರ್ಜಿಂಗ್‌, ಗಿಯರ್‌ ಪೊಸಿಷನ್ ಇಂಡಿಕೇಟರ್‌ ಸೇರಿ ದಂತೆ ಹಲವು ವೈಶಿಷ್ಟ್ಯಗಳನ್ನು ಇದು ಒಳಗೊಂಡಿದೆ ಎಂದು ಹೇಳಿದೆ.
ರಸ್ತೆ ಸವಾರಿಯ ಅನುಭವವನ್ನು ಕಟ್ಟಿಕೊಡಲು ಹೊಸ ಪಲ್ಸರ್‌ ಹೇಳಿ ಮಾಡಿಸಿದ್ದಾಗಿದೆ ಎಂದು ಕಂಪನಿಯ ಮೋಟರ್‌ಸೈಕಲ್ಸ್‌ನ ಅಧ್ಯಕ್ಷ ಸಾರಂಗ್‌ ಕಾನಡೆ ತಿಳಿಸಿದ್ದಾರೆ.
