ಹೋಂಡಾ: ಕಾಯಂ ನೌಕರರಿಗಾಗಿ ವಿಆರ್‌ಎಸ್‌

ಜನವರಿ 5ರಿಂದ 23ರವರೆಗೆ ಇದು ಲಭ್ಯವಿರಲಿದೆ. 10 ವರ್ಷಗಳ ಸೇವಾವಧಿ ಪೂರೈಸಿರುವ ಅಥವಾ 40 ವರ್ಷಕ್ಕಿಂತ ಹೆಚ್ಚು ವಯಸ್ಸಾದ ಕಾಯಂ ನೌಕರರು ಇದಕ್ಕೆ ಅರ್ಹರಾಗಲಿದ್ದಾರೆ. ಯೋಜನೆಯ ಅಡಿಯಲ್ಲಿ ನೌಕರರು ಗರಿಷ್ಠ ₹ 72 ಲಕ್ಷ ಪಡೆಯಬಹುದು. ವಿಆರ್‌ಎಸ್‌ ಆಯ್ಕೆ ಮಾಡಿಕೊಳ್ಳುವ ಮೊದಲ 400 ನೌಕರರಿಗೆ ಹೆಚ್ಚುವರಿಯಾಗಿ ₹ 5 ಲಕ್ಷ ಸಿಗಲಿದೆ.

ದೇಶದ ಆಟೊಮೊಬೈಲ್‌ ಉದ್ಯಮವು ಸವಾಲಿನ ಪರಿಸ್ಥಿತಿ ಎದುರಿಸುತ್ತಿದೆ. ಆರ್ಥಿಕ ಕುಸಿತದ ಕಾರಣದಿಂದಾಗಿ ವಾಹನಗಳ ಮಾರಾಟ ಕಡಿಮೆ ಆಗಿದೆ ಎಂದು ಕಂಪನಿಯು ತನ್ನ ಮಾನೇಸರ ಘಟಕದ ನೌಕರರಿಗೆ ಕಳುಹಿಸಿರುವ ಸಂದೇಶದಲ್ಲಿ ಹೇಳಿದೆ.