ಭಾನುವಾರ, ಫೆಬ್ರವರಿ 23, 2020
19 °C

ಬಿಎಸ್‌–6 ಗುಣಮಟ್ಟದ ಕಾರು ಬಿಡುಗಡೆ ಮಾಡಿದ ಮಾರುತಿ ಸುಜುಕಿ, ಫೋರ್ಡ್‌ ಇಂಡಿಯಾ

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ಮಾರುತಿ ಸುಜುಕಿಯ ಸೆಲೆರಿಯೊ ಮತ್ತು ಫೋರ್ಡ್‌ನ ಕಾಂಪ್ಯಾಕ್ಟ್‌ ಎಸ್‌ಯುವಿ ಇಕೊಸ್ಫೋರ್ಟ್‌

ನವದೆಹಲಿ: ದೇಶದ ಪ್ರಮುಖ ಕಾರು ತಯಾರಿಕಾ ಕಂಪನಿ 'ಮಾರುತಿ ಸುಜುಕಿ ಇಂಡಿಯಾ' ಹಾಗೂ ಫೋರ್ಡ್‌ ಇಂಡಿಯಾ ಬಿಎಸ್‌–6 ಗುಣಮಟ್ಟದ ಕಾರುಗಳನ್ನು ಬಿಡುಗಡೆ ಮಾಡಿರುವುದಾಗಿ ಪ್ರಕಟಿಸಿಕೊಂಡಿವೆ.

ಮಾರುತಿಯ ಸೆಲೆರಿಯೊ ಮತ್ತು ಫೋರ್ಡ್‌ನ ಕಾಂಪ್ಯಾಕ್ಟ್‌ ಎಸ್‌ಯುವಿ ಇಕೊಸ್ಫೋರ್ಟ್‌ ಬಿಡುಗಡೆ ಮಾಡಲಾಗಿದೆ. ಬಿಎಸ್‌–6 ಗುಣಮಟ್ಟದ ಪೆಟ್ರೋಲ್‌ ಎಂಜಿನ್‌ ಹೊಂದಿರುವ ಹ್ಯಾಚ್‌ಬ್ಯಾಕ್‌ ಕಾರು 'ಸೆಲೆರಿಯೊ' ಬೆಲೆ ₹4.41 ಲಕ್ಷದಿಂದ ₹5.72 ಲಕ್ಷ ನಿಗದಿಯಾಗಿದೆ. ದೆಹಲಿ ವಲಯದಲ್ಲಿ ಬೆಲೆ ₹5,000 ದಿಂದ ₹6,000 ಕಡಿಮೆ ಇದೆ. 

ಇಕೊಸ್ಫೋರ್ಟ್‌ ಎಸ್‌ಯುವಿ ಪೆಟ್ರೋಲ್‌ ಮತ್ತು ಡೀಸೆಲ್‌ ಎಂಜಿನ್‌ ಎರಡೂ ಮಾದರಿಯಲ್ಲೂ ಲಭ್ಯವಿದೆ. 1.5 ಲೀಟರ್‌  ಪೆಟ್ರೋಲ್‌ ಎಂಜಿನ್‌ ಹೊಂದಿರುವ ಹೊಸ ಆವೃತ್ತಿಯ ಇಕೊಸ್ಫೋರ್ಟ್‌ ₹8.04– ₹11.43 ಲಕ್ಷ ಹಾಗೂ 1.5 ಲೀಟರ್‌ ಡೀಸೆಲ್‌ ಮಾದರಿಗೆ ₹8.54– ₹11.58 ಲಕ್ಷ ನಿಗದಿಯಾಗಿದೆ. ಡೀಸೆಲ್‌ ಮಾದರಿಯು 100 ಪಿಎಸ್‌ ಪವರ್‌ ಸಾಮರ್ಥ್ಯ, 5 ಸ್ಪೀಡ್‌ ಮ್ಯಾನ್ಯುಯಲ್‌ ಟ್ರಾನ್ಸ್‌ಮಿಷನ್‌ ಹೊಂದಿದೆ. ಪೆಟ್ರೋಲ್‌ ಮಾದರಿಯಲ್ಲಿ 6 ಸ್ಪೀಡ್‌ ಆಟೊಮ್ಯಾಟಿಕ್‌ ಟ್ರಾನ್ಸ್‌ಮಿಷನ್‌ ಸಹ ಲಭ್ಯವಿದ್ದು, 122 ಪಿಎಸ್‌ ಪವರ್‌ ಹೊಮ್ಮಿಸುವ ಸಾಮರ್ಥ್ಯವಿದೆ. ಕಂಪನಿ 3 ವರ್ಷ ವಾರೆಂಟಿ ನೀಡುತ್ತಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು