ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬೆಂಗಳೂರಿನಲ್ಲಿ ಬೆಂಜ್‌ ಎಸ್‌ಯುವಿ ‌‌ಬಿಡುಗಡೆ

Last Updated 7 ಡಿಸೆಂಬರ್ 2019, 5:37 IST
ಅಕ್ಷರ ಗಾತ್ರ

ಬೆಂಗಳೂರು: ಐಷಾರಾಮಿ ಕಾರು ತಯಾರಿಕಾ ಕಂಪನಿ ‘ಮರ್ಸಿಡಿಸ್ ಬೆಂಜ್’ನ ಹೊಸ ವಿನ್ಯಾಸದ ‘ಎಸ್‍ಯುವಿ- ಜಿಎಲ್‍ಸಿ’ ಕಾರನ್ನು ನಗರದ ಕಸ್ತೂರಬಾ ರಸ್ತೆಯಲ್ಲಿರುವ ಸುಂದರಂ ಮೋಟರ್ಸ್‌ನ ಶೋರೂಂನಲ್ಲಿ ಶುಕ್ರವಾರ ಅನಾವರಣಗೊಳಿಸಲಾಯಿತು.

‘ಎನ್‌ಟಿಜಿ 6 ಟೆಲಿಮ್ಯಾಟಿಕ್ಸ್‌ನೊಂದಿಗೆ ಬಿಡುಗಡೆಯಾಗಿರುವ ಭಾರತದ ಮರ್ಸಿಡಿಸ್ ಬೆಂಜ್ ವಾಹನ ಇದಾಗಿದೆ. ಐಷಾರಾಮಿ ವಾಹನಗಳ ವಿಭಾಗದಲ್ಲೇ ಅತ್ಯಂತ ಆಧುನಿಕ ಹಾಗೂ ಕ್ರಾಂತಿಕಾರಿ ಸೌಲಭ್ಯಗಳನ್ನು ಈ ವಾಹನ ಹೊಂದಿದೆ’ ಎಂದು ಸುಂದರಂ ಮೋಟರ್ಸ್‌ನ ಸಿಇಒ ಎಸ್.ಎಸ್.ರಾಮಸುಬ್ರಮಣಿಯಂ ತಿಳಿಸಿದರು.

ಎಂಜಿನ್‌ ಬಿಎಸ್–6 ಮಾನದಂಡಗಳಿಗೆ ಪೂರಕವಾಗಿದೆ. ಜಿಎಲ್‍ಸಿ 200’ನ ಬೆಲೆ ₹ 52.75 ಲಕ್ಷ ಹಾಗೂ ‘ಜಿಎಲ್‍ಸಿ 220ಡಿ 4ಮ್ಯಾಟಿಕ್’ನ ಬೆಲೆ ₹ 57.75 ಲಕ್ಷದಿಂದ ಆರಂಭವಾಗುತ್ತದೆ. ವಿಲಾಸಿ ಹಾಗೂ ಅತ್ಯಂತ ವೇಗವಾಗಿ ಚಲಾಯಿಸುವಂತಹ ಕಾರುಗಳನ್ನು ಇಷ್ಟಪಡುವ ನಗರ ವಾಸಿಗಳಿಗೆಂದೇ ಈ ಕಾರನ್ನು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ ಎಂದು ಅವರು ವಿವರಿಸಿದರು.

‘ಗ್ರಾಹಕ ಕೇಂದ್ರಿತ ಕಾರುಗಳನ್ನು ಬಿಡುಗಡೆ ಮಾಡುವಲ್ಲಿ ನಮ್ಮ ಕಂಪನಿ ಮುಂಚೂಣಿ ಸ್ಥಾನದಲ್ಲಿದೆ. ಅತ್ಯುತ್ತಮ ಡ್ರೈವಿಂಗ್ ಅನುಭವ ನೀಡುವುದು ಬೆಂಜ್ ಕಾರುಗಳ ವಿಶೇಷ. ಅತ್ಯಾಧುನಿಕ ತಂತ್ರಜ್ಞಾನ ಈ ವಾಹನದಲ್ಲಿದ್ದು, ಗ್ರಾಹಕರಿಗೆ ಇಷ್ಟವಾಗಲಿದೆ’ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT