ಟೊಯೊಟಾದಲ್ಲಿ ವಿಶೇಷ ಕೊಡುಗೆ

ಬೆಂಗಳೂರು: ಟೊಯೊಟಾ ಕಿರ್ಲೋಸ್ಕರ್ ಮೋಟರ್ ಕಂಪನಿಯು ಹಬ್ಬಗಳ ಸಂದರ್ಭದಲ್ಲಿ ಬೆಂಗಳೂರಿನ ಷೋರೂಂಗಳಲ್ಲಿ ವಿಶೇಷ ಕೊಡುಗೆಗಳನ್ನು ನೀಡುತ್ತಿದೆ. ಈ ಕೊಡುಗೆಗಳು ಅಕ್ಟೋಬರ್‌ 11ರವರೆಗೆ ಲಭ್ಯವಿರಲಿವೆ. 

ಟೊಯೊಟಾ ಯಾರಿಸ್ ಕಾರಿನ ಮೇಲೆ ₹ 55 ಸಾವಿರದವರೆಗೆ ಕೊಡುಗೆ, ಇನ್ನೊವಾ ಕಾರಿನ ಮೇಲೆ ₹ 50 ಸಾವಿರದವರೆಗೆ ಕೊಡುಗೆ ಸಿಗಲಿದೆ. ಅಲ್ಲದೆ, ತಕ್ಷಣವೇ ಕಾರು ಖರೀದಿಸುವವರಿಗೆ ಆಕರ್ಷಕ ಆಫರ್‌ಗಳು ಸಿಗಲಿವೆ. ಗ್ರಾಹಕರು ತಮ್ಮ ಹಳೆಯ ಕಾರುಗಳ ಎಕ್ಸ್‌ಚೇಂಜ್‌ ಮೂಲಕ ಹೊಸ ಕಾರು ಖರೀದಿಸುವ ಆಯ್ಕೆಯೂ ಇರಲಿದೆ.

ಗ್ರಾಹಕರು ತಮಗೆ ಹತ್ತಿರ ಇರುವ ಶೋರೂಂಗೆ ಭೇಟಿ ನೀಡಬೇಕು ಎಂದು ಟೊಯೊಟಾ ಕಿರ್ಲೋಸ್ಕರ್ ಮೋಟರ್‌ ಮನವಿ ಮಾಡಿದೆ. ಗ್ರಾಹಕರ ಆರೋಗ್ಯ ಹಾಗೂ ಸುರಕ್ಷತೆಯನ್ನು ಕಾಪಾಡಲು ಎಲ್ಲ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಅದು ತಿಳಿಸಿದೆ.