ಸಾವಯವ ಹತ್ತಿ ಬಟ್ಟೆಗಳ ಮೇಳ

ಸಾವಯವ ರೀತಿಯಲ್ಲಿ ಹತ್ತಿಯನ್ನು ಬೆಳೆದು, ಅದರ ಸಂಸ್ಕರಿಸಿ, ನೂಲು ತೆಗೆದು, ನೇಯುವಿಕೆ, ಬಣ್ಣ ನೀಡುವಿಕೆ ಹೀಗೆ ಎಲ್ಲವೂ ನೈಸರ್ಗಿಕ ಪ್ರಕ್ರಿಯೆಯಲ್ಲಿ ರೂಪುಗೊಂಡಿರುವ ಬಟ್ಟೆಗಳ ಪ್ರದರ್ಶನವೇ ಈ ಮೇಳದ ವಿಶೇಷ. ಯಂತ್ರಕ್ಕಿಂತಲೂ ಮನುಷ್ಯನ ಕೌಶಲಕ್ಕೆ ಆದ್ಯತೆ ಸಿಗಬೇಕು. ಸ್ವ ಉದ್ಯೋಗದಿಂದ ಸ್ವಾವಲಂಬನೆ. ಅಲ್ಲಿಂದಲೇ ಅಭಿವೃದ್ಧಿ ಎಂಬ ಧ್ಯೇಯೋದ್ದೇಶ ಈ ಮೇಳದ ಹಿಂದಿದೆ.

ಈ ಬಗ್ಗೆ ಸಂಸ್ಥೆಯ ಅನಂತಶಯನ ಅವರು ಹೇಳುವುದಿಷ್ಟು, ‘ನೈಸರ್ಗಿಕ ಬಣ್ಣ ಹಾಗೂ ನೈಸರ್ಗಿಕವಾಗಿ ಬೆಳೆದ ಹತ್ತಿಯ ಬಳಕೆಯ ಬಗ್ಗೆ ಮೇಳದ ಮೂಲಕ ಜಾಗೃತಿ ಮೂಡಿಸಲಾಗುತ್ತದೆ’ ಎನ್ನುತ್ತಾರೆ ಅವರು.

ಹತ್ತಿ ಕೃಷಿಯಿಂದ ಬಟ್ಟೆ ನೇಯುವ ಹಂತದವರೆಗೆ ಸುಮಾರು 6 ರಿಂದ 8 ಜನರಿಗೆ ಉದ್ಯೋಗ ನೀಡಿದಂತಾಗುತ್ತದೆ. ಈಗಷ್ಟೆ ಫ್ಯಾಷನ್‌ ಡಿಸೈನ್‌ ಕೋರ್ಸ್‌ ಮುಗಿಸಿ ಬಂದ ಯುವಸಮೂಹ ಟ್ರೆಂಡಿಗೆ ತಕ್ಕಂತೆ ವಿನ್ಯಾಸ ಮಾಡಿದ್ದಾರೆ. ಸದ್ಯಕ್ಕೆ ಪುರುಷರಿಗೆ, ಮಹಿಳೆಯರಿಗೆ, ಮಕ್ಕಳಿಗೆ ಅಗತ್ಯವಿರುವ ಎಲ್ಲ ಬಗೆಯ ಉಡುಪುಗಳ ಪ್ರದರ್ಶನವು ಈ ಮೇಳದಲ್ಲಿ ಇರಲಿದೆ ಎನ್ನುವ ಮಾಹಿತಿ ಅವರದ್ದು.

ವಿಶೇಷ ಕಾರ್ಯಾಗಾರ:

15ರಂದು ಬೆಳಿಗ್ಗೆ 11.30ಕ್ಕೆ ನೈಸರ್ಗಿಕ ಹತ್ತಿ ಕೃಷಿ ಹಾಗೂ ನೇಯ್ಗೆ ಕುರಿತುಅನಂತೂ ಮತ್ತು ವಾಣಿ ಮೂರ್ತಿ ಮಾತನಾಡಲಿದ್ದಾರೆ. ಜತೆಗೆ ಬಟ್ಟೆಗಳಿಗೆ ನೈಸರ್ಗಿಕ ಬಣ್ಣ ನೀಡುವಿಕೆಯ ಬಗ್ಗೆ ಉಚಿತ ಕಾರ್ಯಾಗಾರ ಕೂಡ ಇದೇ ದಿನ ನಡೆಯಲಿದೆ.

ಕಾರ್ಯಕ್ರಮ ನಡೆಯುವ ಸ್ಥಳ:

ಅದ್ರಿಶ್‌ ಜಿರೋ ವೇಸ್ಟ್ ಆರ್ಗಾನಿಕ್ ಸ್ಟೋರ್, 42, 8ನೇ ಮುಖ್ಯ ರಸ್ತೆ, 3ನೇ ಹಂತ, ಜೆ.ಪಿ.ನಗರ. ಸಮಯ: ಬೆಳಿಗ್ಗೆ 11 ರಾತ್ರಿ 8. ಹೆಚ್ಚಿನ ಮಾಹಿತಿಗೆ: 6364029909