ಬೆಂಗಳೂರು: ಅಂತರರಾಷ್ಟ್ರೀಯ ಮಟ್ಟದ ಸೆಲೆಬ್ರಿಟಿ ವಸ್ತ್ರ ವಿನ್ಯಾಸಕ ಸಬ್ಯಸಾಚಿ ಮುಖರ್ಜಿ ಅವರ ‘ಮಂಗಳ ಸೂತ್ರ’ ಆಭರಣದ ಜಾಹೀರಾತು ವ್ಯಾಪಕ ಟೀಕೆಗೆ ಗುರಿಯಾಗಿದೆ.
ಕಪ್ಪು ಕುಪ್ಪಸ ಧರಿಸಿದ ಮಹಿಳೆಯೊಬ್ಬರು ಕತ್ತಿಗೆ ಆಭರಣ ಧರಿಸಿದ ಚಿತ್ರವನ್ನು ಜಾಹೀರಾತಿನ ರೂಪದಲ್ಲಿ ಸಬ್ಯಸಾಚಿ ಅವರು ತಮ್ಮ ಸಾಮಾಜಿಕ ತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಆಭರಣದ ಜಾಹೀರಾತಿಗಾಗಿ ಮಹಿಳೆಯನ್ನು ಅರೆನಗ್ನವಾಗಿ ಬಿಂಬಿಸಿದ್ದಕ್ಕಾಗಿ ಜನರಿಂದ ಆಕ್ಷೇಪ ವ್ಯಕ್ತವಾಗಿದೆ.
‘ಇದು ಯಾವುದೇ ಒಳ ಉಡುಪು ಅಥವಾ ಕಾಂಡೋಮ್‌ನ ಜಾಹೀರಾತು ಅಲ್ಲ. ಇದು ಸೃಜನಾತ್ಮಕ ದಿವಾಳಿತನ. ಮಂಗಳಸೂತ್ರದ ಜಾಹೀರಾತಿಗಾಗಿ ಅರೆ-ಬೆತ್ತಲೆ ಮಾಡೆಲ್‌ಗಳನ್ನು ಬಳಸಬೇಕೆ? ಎಂದು ಸಾಮಾಜಿಕ ತಾಣದಲ್ಲಿ ಪ್ರಶ್ನೆ ಮಾಡಲಾಗಿದೆ.
