<div> <strong>ಶಿರಸಿ (ಉತ್ತರ ಕನ್ನಡ):</strong> ಮಲೆನಾಡಿನಲ್ಲಿ ಈಗ ಕಬ್ಬಿನ ಆಲೆಮನೆಯ ಹಂಗಾಮು. ಆಲೆಮನೆಯಲ್ಲಿ ತಯಾರಾಗುವ ಜೋನಿಬೆಲ್ಲಕ್ಕೆ ಈ ವರ್ಷ ಎಲ್ಲಿಲ್ಲದ ಬೇಡಿಕೆ. ಉತ್ಪಾದನೆಗಿಂತ ಬೇಡಿಕೆ ಹೆಚ್ಚಿದ್ದರಿಂದ ಬೆಲ್ಲದ ಬೆಲೆಯೂ ಗಗನಕ್ಕೇರಿದೆ.<div> </div><div> ಜಲಕ್ಷಾಮದ ಭೀತಿಯಿಂದ ರೈತರು ಕಬ್ಬು ಬೆಳೆಯುವ ಕ್ಷೇತ್ರವನ್ನು ಸೀಮಿತಗೊಳಿಸಿಕೊಂಡಿದ್ದಾರೆ. ಕೃಷಿ ಕಾರ್ಮಿಕರ ಕೊರತೆ, ಕಳೆದ ವರ್ಷ ಪಾತಾಳಕ್ಕೆ ಕುಸಿದಿದ್ದ ಬೆಲೆ ಕೂಡ ಕಬ್ಬು ಕಡಿಮೆ ಬೆಳೆಯಲು ಕಾರಣವಾಗಿದೆ. ಇದರ ಪರಿಣಾಮವಾಗಿ, ಬೆಲ್ಲದ ಬೆಲೆ ಕಳೆದ ವರ್ಷಕ್ಕಿಂತ ಮೂರುಪಟ್ಟು ಹೆಚ್ಚಳವಾಗಿದೆ. </div><div> </div><div> ಆಲೆಮನೆ ಆರಂಭವಾಗಿ ಹತ್ತಿರ ಒಂದು ತಿಂಗಳಾಗಿದೆ. ಹಂಗಾಮಿನ ಶುರುವಿನಲ್ಲೇ 25 ಕೆ.ಜಿ ಬೆಲ್ಲದ ಡಬ್ಬಿ ₹ 1,800ರಿಂದ ₹2,300ಕ್ಕೆ ಮಾರಾಟವಾಗುತ್ತಿದೆ. ಕಳೆದ ವರ್ಷ ಇದೇ ವೇಳೆಗೆ ಬೆಲ್ಲದ ಡಬ್ಬಿಯ ಸರಾಸರಿ ಬೆಲೆ ₹ 600ರಿಂದ 700ರಷ್ಟಿತ್ತು. </div><div> </div><div> ‘ಹಿಂದಿನ ವರ್ಷ ಬೆಳೆದಷ್ಟು ಕ್ಷೇತ್ರದಲ್ಲಿಯೇ ಈ ಸಾರಿಯೂ ಕಬ್ಬು ಬೆಳೆದಿದ್ದೆವು. ಆದರೆ, ನೀರಿನ ಕೊರತೆಯಿಂದ ಉತ್ತಮ ಫಸಲು ಬರಲಿಲ್ಲ. ಕಳೆದ ವರ್ಷ 120 ಡಬ್ಬಿ ಬೆಲ್ಲ ಉತ್ಪಾದಿಸಿದ ಕ್ಷೇತ್ರದಲ್ಲಿ ಈ ಬಾರಿ 40 ಡಬ್ಬಿ ಬೆಲ್ಲ ಸಿದ್ಧಪಡಿಸಲಾಗಿದೆ. </div><div> </div><div> ‘ಒಂದು ಡಬ್ಬಿ ಬೆಲ್ಲ ಉತ್ಪಾದನೆಗೆ ಕನಿಷ್ಠ ₹ 1,200 ವೆಚ್ಚವಾಗುತ್ತದೆ. ರೈತ ಲಾಭ ಗಳಿಸಲು ಡಬ್ಬಿ ಬೆಲ್ಲಕ್ಕೆ ₹ 2 ಸಾವಿರ ದರ ಸಿಗಬೇಕು. ಈ ಬಾರಿ ದರವಿದ್ದರೂ ಇಳುವರಿ ಕಡಿಮೆ. ಒಟ್ಟಿನಲ್ಲಿ ರೈತನಿಗೆ ಸಿಗುವ ಲಾಭ ಮಾತ್ರ ಅಷ್ಟಕ್ಕಷ್ಟೇ’ ಎಂದು ಮರಗುಡ್ಡಿಯ ರೈತ ಸೂರ್ಯಪ್ಪ ನಾಯ್ಕ ಹೇಳುತ್ತಾರೆ. ಇವರು ಎರಡು ದಶಕಗಳಿಂದ ನಿರಂತರವಾಗಿ ಬೆಲ್ಲ ಉತ್ಪಾದಿಸುತ್ತಿದ್ದಾರೆ. </div><div> </div><div> <strong>ಹೆಚ್ಚಿದ ಬೇಡಿಕೆ:</strong> ಜೋನಿಬೆಲ್ಲಕ್ಕೆ ಮಾರುಕಟ್ಟೆ ಕಲ್ಪಿಸುತ್ತಿರುವ ಇಲ್ಲಿನ ಕದಂಬ ಮಾರ್ಕೆಟಿಂಗ್ ಸಹಕಾರಿ ಸಂಸ್ಥೆ ಕಳೆದ ವರ್ಷ ಸುಮಾರು 3,500 ಡಬ್ಬಿ ಬೆಲ್ಲ ಮಾರಾಟ ಮಾಡಿತ್ತು. ಈ ವರ್ಷ ಇಲ್ಲಿಯವರೆಗೆ 700 ಡಬ್ಬಿ ಬೆಲ್ಲ ಖರೀದಿಸಿದೆ.</div><div> </div><div> ‘ಕಳೆದ ವರ್ಷ ಫೆಬ್ರುವರಿ ವೇಳೆಗೆ ಸಂಸ್ಥೆ ರೈತರಿಂದ 2 ಸಾವಿರದಷ್ಟು ಬೆಲ್ಲದ ಡಬ್ಬಿ ಖರೀದಿಸಿತ್ತು. ಆರಂಭದಲ್ಲಿ ₹600 ದರವಿದ್ದರೆ ಜೂನ್ ನಂತರ ₹ 1,200ಕ್ಕೆ ತಲುಪಿತ್ತು. ಸಹಸ್ರಹಳ್ಳಿಯ 14 ಜನ ರೈತರು ಸೇರಿ ಹಿಂದಿನ ವರ್ಷ 480 ಡಬ್ಬಿ ಬೆಲ್ಲ ಪೂರೈಸಿದ್ದರು. ಈ ಬಾರಿ ಈ ಊರಿನಿಂದ ಬಂದಿದ್ದು 165 ಡಬ್ಬಿ ಮಾತ್ರ. ದರ ಕುಸಿತದಿಂದ ಕೈಸುಟ್ಟುಕೊಂಡಿದ್ದ ರೈತರು ಈ ವರ್ಷ ಕಬ್ಬು ಬೆಳೆಯಲು ಹಿಂದೇಟು ಹಾಕಿದ್ದಾರೆ’ ಎನ್ನುತ್ತಾರೆ ಸಂಸ್ಥೆಯ ಪ್ರಧಾನ ವ್ಯವಸ್ಥಾಪಕ ವಿಶ್ವೇಶ್ವರ ಭಟ್ಟ. </div><div> </div><div> ‘ಇನ್ನು ಒಂದು ತಿಂಗಳಲ್ಲಿ ಒಂದು ಸಾವಿರ ಡಬ್ಬಿ ಬೆಲ್ಲ ಮಾರಾಟಕ್ಕೆ ಬರುವ ನಿರೀಕ್ಷೆಯಿದೆ. ಜೋನಿಬೆಲ್ಲಕ್ಕೆ ಬೆಂಗಳೂರು, ಬಯಲುಸೀಮೆಯ ಮಾರುಕಟ್ಟೆಯಲ್ಲಿ ಬಹು ಬೇಡಿಕೆಯಿದೆ. ವಾರ್ಷಿಕವಾಗಿ ಕದಂಬ ಸಂಸ್ಥೆ 1 ಕೆ.ಜಿ, 2 ಕೆ.ಜಿ.ಯ ಸುಮಾರು 10ಸಾವಿರ ಪ್ಯಾಕ್ಗಳನ್ನು ಹೊರ ಜಿಲ್ಲೆಗಳಿಗೆ ಕಳುಹಿಸುತ್ತದೆ. ಈ ಬಾರಿ ಈಗಲೇ ಬೆಲ್ಲದ ಕೊರತೆ ಎದುರಾಗಿರುವುದು ಮಾರುಕಟ್ಟೆಗೆ ಹಿನ್ನಡೆಯಾಗಿದೆ’ ಎಂದು ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು. </div></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<div> <strong>ಶಿರಸಿ (ಉತ್ತರ ಕನ್ನಡ):</strong> ಮಲೆನಾಡಿನಲ್ಲಿ ಈಗ ಕಬ್ಬಿನ ಆಲೆಮನೆಯ ಹಂಗಾಮು. ಆಲೆಮನೆಯಲ್ಲಿ ತಯಾರಾಗುವ ಜೋನಿಬೆಲ್ಲಕ್ಕೆ ಈ ವರ್ಷ ಎಲ್ಲಿಲ್ಲದ ಬೇಡಿಕೆ. ಉತ್ಪಾದನೆಗಿಂತ ಬೇಡಿಕೆ ಹೆಚ್ಚಿದ್ದರಿಂದ ಬೆಲ್ಲದ ಬೆಲೆಯೂ ಗಗನಕ್ಕೇರಿದೆ.<div> </div><div> ಜಲಕ್ಷಾಮದ ಭೀತಿಯಿಂದ ರೈತರು ಕಬ್ಬು ಬೆಳೆಯುವ ಕ್ಷೇತ್ರವನ್ನು ಸೀಮಿತಗೊಳಿಸಿಕೊಂಡಿದ್ದಾರೆ. ಕೃಷಿ ಕಾರ್ಮಿಕರ ಕೊರತೆ, ಕಳೆದ ವರ್ಷ ಪಾತಾಳಕ್ಕೆ ಕುಸಿದಿದ್ದ ಬೆಲೆ ಕೂಡ ಕಬ್ಬು ಕಡಿಮೆ ಬೆಳೆಯಲು ಕಾರಣವಾಗಿದೆ. ಇದರ ಪರಿಣಾಮವಾಗಿ, ಬೆಲ್ಲದ ಬೆಲೆ ಕಳೆದ ವರ್ಷಕ್ಕಿಂತ ಮೂರುಪಟ್ಟು ಹೆಚ್ಚಳವಾಗಿದೆ. </div><div> </div><div> ಆಲೆಮನೆ ಆರಂಭವಾಗಿ ಹತ್ತಿರ ಒಂದು ತಿಂಗಳಾಗಿದೆ. ಹಂಗಾಮಿನ ಶುರುವಿನಲ್ಲೇ 25 ಕೆ.ಜಿ ಬೆಲ್ಲದ ಡಬ್ಬಿ ₹ 1,800ರಿಂದ ₹2,300ಕ್ಕೆ ಮಾರಾಟವಾಗುತ್ತಿದೆ. ಕಳೆದ ವರ್ಷ ಇದೇ ವೇಳೆಗೆ ಬೆಲ್ಲದ ಡಬ್ಬಿಯ ಸರಾಸರಿ ಬೆಲೆ ₹ 600ರಿಂದ 700ರಷ್ಟಿತ್ತು. </div><div> </div><div> ‘ಹಿಂದಿನ ವರ್ಷ ಬೆಳೆದಷ್ಟು ಕ್ಷೇತ್ರದಲ್ಲಿಯೇ ಈ ಸಾರಿಯೂ ಕಬ್ಬು ಬೆಳೆದಿದ್ದೆವು. ಆದರೆ, ನೀರಿನ ಕೊರತೆಯಿಂದ ಉತ್ತಮ ಫಸಲು ಬರಲಿಲ್ಲ. ಕಳೆದ ವರ್ಷ 120 ಡಬ್ಬಿ ಬೆಲ್ಲ ಉತ್ಪಾದಿಸಿದ ಕ್ಷೇತ್ರದಲ್ಲಿ ಈ ಬಾರಿ 40 ಡಬ್ಬಿ ಬೆಲ್ಲ ಸಿದ್ಧಪಡಿಸಲಾಗಿದೆ. </div><div> </div><div> ‘ಒಂದು ಡಬ್ಬಿ ಬೆಲ್ಲ ಉತ್ಪಾದನೆಗೆ ಕನಿಷ್ಠ ₹ 1,200 ವೆಚ್ಚವಾಗುತ್ತದೆ. ರೈತ ಲಾಭ ಗಳಿಸಲು ಡಬ್ಬಿ ಬೆಲ್ಲಕ್ಕೆ ₹ 2 ಸಾವಿರ ದರ ಸಿಗಬೇಕು. ಈ ಬಾರಿ ದರವಿದ್ದರೂ ಇಳುವರಿ ಕಡಿಮೆ. ಒಟ್ಟಿನಲ್ಲಿ ರೈತನಿಗೆ ಸಿಗುವ ಲಾಭ ಮಾತ್ರ ಅಷ್ಟಕ್ಕಷ್ಟೇ’ ಎಂದು ಮರಗುಡ್ಡಿಯ ರೈತ ಸೂರ್ಯಪ್ಪ ನಾಯ್ಕ ಹೇಳುತ್ತಾರೆ. ಇವರು ಎರಡು ದಶಕಗಳಿಂದ ನಿರಂತರವಾಗಿ ಬೆಲ್ಲ ಉತ್ಪಾದಿಸುತ್ತಿದ್ದಾರೆ. </div><div> </div><div> <strong>ಹೆಚ್ಚಿದ ಬೇಡಿಕೆ:</strong> ಜೋನಿಬೆಲ್ಲಕ್ಕೆ ಮಾರುಕಟ್ಟೆ ಕಲ್ಪಿಸುತ್ತಿರುವ ಇಲ್ಲಿನ ಕದಂಬ ಮಾರ್ಕೆಟಿಂಗ್ ಸಹಕಾರಿ ಸಂಸ್ಥೆ ಕಳೆದ ವರ್ಷ ಸುಮಾರು 3,500 ಡಬ್ಬಿ ಬೆಲ್ಲ ಮಾರಾಟ ಮಾಡಿತ್ತು. ಈ ವರ್ಷ ಇಲ್ಲಿಯವರೆಗೆ 700 ಡಬ್ಬಿ ಬೆಲ್ಲ ಖರೀದಿಸಿದೆ.</div><div> </div><div> ‘ಕಳೆದ ವರ್ಷ ಫೆಬ್ರುವರಿ ವೇಳೆಗೆ ಸಂಸ್ಥೆ ರೈತರಿಂದ 2 ಸಾವಿರದಷ್ಟು ಬೆಲ್ಲದ ಡಬ್ಬಿ ಖರೀದಿಸಿತ್ತು. ಆರಂಭದಲ್ಲಿ ₹600 ದರವಿದ್ದರೆ ಜೂನ್ ನಂತರ ₹ 1,200ಕ್ಕೆ ತಲುಪಿತ್ತು. ಸಹಸ್ರಹಳ್ಳಿಯ 14 ಜನ ರೈತರು ಸೇರಿ ಹಿಂದಿನ ವರ್ಷ 480 ಡಬ್ಬಿ ಬೆಲ್ಲ ಪೂರೈಸಿದ್ದರು. ಈ ಬಾರಿ ಈ ಊರಿನಿಂದ ಬಂದಿದ್ದು 165 ಡಬ್ಬಿ ಮಾತ್ರ. ದರ ಕುಸಿತದಿಂದ ಕೈಸುಟ್ಟುಕೊಂಡಿದ್ದ ರೈತರು ಈ ವರ್ಷ ಕಬ್ಬು ಬೆಳೆಯಲು ಹಿಂದೇಟು ಹಾಕಿದ್ದಾರೆ’ ಎನ್ನುತ್ತಾರೆ ಸಂಸ್ಥೆಯ ಪ್ರಧಾನ ವ್ಯವಸ್ಥಾಪಕ ವಿಶ್ವೇಶ್ವರ ಭಟ್ಟ. </div><div> </div><div> ‘ಇನ್ನು ಒಂದು ತಿಂಗಳಲ್ಲಿ ಒಂದು ಸಾವಿರ ಡಬ್ಬಿ ಬೆಲ್ಲ ಮಾರಾಟಕ್ಕೆ ಬರುವ ನಿರೀಕ್ಷೆಯಿದೆ. ಜೋನಿಬೆಲ್ಲಕ್ಕೆ ಬೆಂಗಳೂರು, ಬಯಲುಸೀಮೆಯ ಮಾರುಕಟ್ಟೆಯಲ್ಲಿ ಬಹು ಬೇಡಿಕೆಯಿದೆ. ವಾರ್ಷಿಕವಾಗಿ ಕದಂಬ ಸಂಸ್ಥೆ 1 ಕೆ.ಜಿ, 2 ಕೆ.ಜಿ.ಯ ಸುಮಾರು 10ಸಾವಿರ ಪ್ಯಾಕ್ಗಳನ್ನು ಹೊರ ಜಿಲ್ಲೆಗಳಿಗೆ ಕಳುಹಿಸುತ್ತದೆ. ಈ ಬಾರಿ ಈಗಲೇ ಬೆಲ್ಲದ ಕೊರತೆ ಎದುರಾಗಿರುವುದು ಮಾರುಕಟ್ಟೆಗೆ ಹಿನ್ನಡೆಯಾಗಿದೆ’ ಎಂದು ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು. </div></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>