ಬೆಂಗಳೂರು: ಚಿನ್ನದ ಬೆಲೆಯು ಏರುಗತಿಯಲ್ಲಿದ್ದು, ಬೆಂಗಳೂರಿನಲ್ಲಿ ಸ್ಟ್ಯಾಂಡರ್ಡ್ ಚಿನ್ನದ ಬೆಲೆಯು ಶುಕ್ರವಾರದ ವಹಿವಾಟಿನಲ್ಲಿ10 ಗ್ರಾಂಗಳಿಗೆ ₹ 34 ಸಾವಿರದ ಗಡಿ (₹ 34,126) ದಾಟಿದೆ.
ಮುಂಬೈ ಚಿನಿವಾರ ಪೇಟೆಯಲ್ಲಿಯೂ ದಿನದ ವಹಿವಾಟಿನ ಒಂದು ಹಂತದಲ್ಲಿ ಈ ಗಡಿ ದಾಟಿತ್ತು. ಕೊನೆಗೆ ₹ 33,895ಕ್ಕೆ ಇಳಿದಿತ್ತು. ಅಪರಂಜಿ ಚಿನ್ನದ (99.9 ಶುದ್ಧತೆ) ಬೆಲೆ ಮಾತ್ರ ₹ 34,031ಕ್ಕೆ ತಲುಪಿದೆ.
ದೆಹಲಿಯಲ್ಲಿ ಸತತ 4 ದಿನಗಳಿಂದ ಬೆಲೆ ಏರುಗತಿಯಲ್ಲಿ ಇದೆ. ತಲಾ ಗ್ರಾಂಗಳಿಗೆ ₹ 280ರಂತೆ ಏರಿಕೆಯಾಗಿ ₹ 34,300ಕ್ಕೆ ತಲುಪಿದೆ.
