ಹಿಂಡನ್‌ಬರ್ಗ್ ವರದಿ ಪೂರ್ವದ ಸ್ಥಿತಿಗೆ ತಲುಪಿದ ಅದಾನಿ ಸಮೂಹದ ಷೇರುಗಳು

ವರದಿ ಬೆನ್ನಲ್ಲೇ ಷೇರು ಮಾರುಕಟ್ಟೆಯಲ್ಲಿ ಅದಾನಿ ಸಮೂಹದ ಮಾರುಕಟ್ಟೆ ಮೌಲ್ಯದಲ್ಲಿ $150 ಬಿಲಿಯನ್ ಕುಸಿತ ಕಂಡಿತ್ತು. ಆದರೆ ಹಿಂಡನ್‌ಬರ್ಗ್ ವರದಿಯನ್ನು ಅದಾನಿ ಸಮೂಹ ತಳ್ಳಿ ಹಾಕಿತ್ತು.

ಶುಕ್ರವಾರ ಅದಾನಿ ಎಂಟ್ರಪ್ರೈಸಸ್ ಷೇರುಗಳು ಶೇ 1.91ರಷ್ಟು ಏರಿಕೆಯಾಗಿ ₹3,456.25ಕ್ಕೆ ತಲುಪಿತ್ತು. ಇದು 52 ವಾರಗಳಲ್ಲೇ ಅಧಿಕ. ದಿನದಂತ್ಯಕ್ಕೆ ಅದರ ಮೌಲ್ಯ ₹3,384.65 ಇತ್ತು.

2023ರ ಜನವರಿ 23ರಂದು ಅಂದರೆ ವರದಿ ಪ್ರಕಟಕ್ಕೂ ಹಿಂದಿನ ದಿನ ಅದಾನಿ ಎಂಟ್ರಪ್ರೈಸಸ್ ಷೇರು ಮೌಲ್ಯ ₹ 3,434.50 ಇತ್ತು. ಕಳೆದ ವರ್ಷ ಫೆಬ್ರುವರಿ 27ರಂದು ₹ 1,194.20 ಇತ್ತು.

ಅಲ್ಲಿಂದೀಚೆಗೆ ಷೇರು ಮೌಲ್ಯ ಶೇ 189ರಷ್ಟು ಹೆಚ್ಚಳಗೊಂಡು ಈಗಿನ ಸ್ಥಿತಿಗೆ ತಲುಪಿದೆ.