ವಿಮಾನ ಖರೀದಿಗೆ 'ಏರ್‌ಬಸ್‌'ನಿಂದ ಲಂಚ ಆರೋಪ: ಸ್ಥಾನ ತೊರೆದ ಏರ್‌ಏಷಿಯಾ ಸಿಇಒ

"" . "" . ಕೌಲಾಲಂಪುರ: ವಿಮಾನಯಾನ ಉದ್ಯಮದಲ್ಲಿ ಗುರುತಿಸಿಕೊಂಡಿರುವ ಟೋನಿ ಫರ್ನಾಂಡಿಸ್ಏರ್ಏಷಿಯಾ ಗ್ರೂಪ್ನ ಸಿಇಒ ಸ್ಥಾನದಿಂದ ಹೊರಬಂದಿದ್ದಾರೆ. ಲಂಚ ಪ್ರಕರಣದಲ್ಲಿ ಫರ್ನಾಂಡಿಸ್ ಸಹ–ಮಾಲೀಕತ್ವ ಹೊಂದಿದ್ದ ಫಾರ್ಮುಲಾ 1 ರೇಸಿಂಗ್ ತಂಡ ಮತ್ತುಏರ್ಬಸ್ ನಡುವಿನ ಸಂಬಂಧದ ಬಗ್ಗೆ ತನಿಖೆ ನಡೆಯುತ್ತಿದೆ.

. ಏರ್ಏಷಿಯಾದಿಂದ ವಿಮಾನ ಪೂರೈಕೆಗೆ ಬೇಡಿಕೆ ಪಡೆಯಲು 'ಕ್ಯಾಟರ್ಹ್ಯಾಮ್ ಎಫ್1' ತಂಡದ ಪ್ರಾಯೋಜಕತ್ವದ ಮೂಲಕ 'ಏರ್ಬಸ್' 50 ಮಿಲಿಯನ್ ಡಾಲರ್ (ಸುಮಾರು ₹ 355 ಕೋಟಿ) ಲಂಚ ನೀಡಿರುವ ಆರೋಪದ ತನಿಖೆ ನಡೆಯುತ್ತಿದೆ.

. ಏರ್ಏಷಿಯಾ ಅಧ್ಯಕ್ಷ ಕಮರುದಿನ್ ಮೆರನುನ್ ಕೂಡ ಸ್ಥಾನದಿಂದ ಕೆಳಗಿಳಿದಿದ್ದಾರೆ. ಟೋನಿ ಫರ್ನಾಂಡಿಸ್ ಮತ್ತು ಕಮರುದಿನ್ ಸಂಸ್ಥೆಯ ಸಲಹೆಗಾರರಾಗಿ ಮುಂದುವರಿಯಲಿದ್ದಾರೆ.2011ರಲ್ಲಿ ಏರ್ಏಷಿಯಾ ಸಹ–ಸಂಸ್ಥಾಪಕರು ಕ್ಯಾಟರ್ಹ್ಯಾಮ್ (ಫಾರ್ಮುಲಾ 1 ಕಾರು ರೇಸ್ನಲ್ಲಿ ಸ್ಪರ್ಧಿಸುವ ಕಂಪನಿ) ಖರೀದಿಸಿದ್ದರು. ಮಂಗಳವಾರ ಜಂಟಿ ಪ್ರಕಟಣೆ ಬಿಡುಗಡೆ ಮಾಡಿ, 'ನಾವು ಯಾವುದೇ ತಪ್ಪೆಸಗಿಲ್ಲ' ಎಂದಿದ್ದಾರೆ.

. 'ಕ್ಯಾಟರ್ಹ್ಯಾಮ್ ಕಂಪನಿಯಲ್ಲಿ ನಾವು ಷೇರುದಾರರಾಗಿದ್ದೆವು. ಕಂಪನಿಯು ಯಾವುದೇ ಲಾಭ ಗಳಿಸಲಿಲ್ಲ ಹಾಗೂ 2014ರಲ್ಲಿ ಅದನ್ನು 1 ಪೌಂಡ್ ಸ್ಟೆರ್ಲಿಂಗ್ಗೆ ಹಸ್ತಾಂತರಿಸಲಾಯಿತು. ಆರಂಭದಿಂದ ಕೊನೆಯವರೆಗೂ ಇದೊಂದು ಬ್ರ್ಯಾಂಡ್ ಬೆಳೆಸುವ ಭಾಗವಾಗಿತ್ತು, ಲಾಭ ಗಳಿಸಲು ನಡೆಸಿದ ಉದ್ಯಮವಾಗಿರಲಿಲ್ಲ' ಎಂದು ಫರ್ನಾಂಡಿಸ್ ಮತ್ತು ಕಮರುದಿನ್ ಪ್ರಕಟಣೆಯಲ್ಲಿ ಹೇಳಿಕೊಂಡಿದ್ದಾರೆ.

. 'ಫಾರ್ಮುಲಾ 1 ರೇಸ್ ಕಂಪನಿ ಕ್ಯಾಟರ್ಹ್ಯಾಮ್ಗೆ ಸರಿಯಲ್ಲದ ಮಾರ್ಗದಲ್ಲಿ 'ಏರ್ಬಸ್' ಪ್ರಾಯೋಕತ್ವ ವಹಿಸಿತ್ತು ಎಂದು ಆರೋಪಿಸಲಾಗಿದೆ. ಫಾರ್ಮುಲಾ 1 ರೇಸಿಂಗ್ ತಂಡ ಜಗತ್ತಿನಾದ್ಯಂತ ಸುತ್ತಾಡಿ ಏರ್ಏಷಿಯಾ, ಏರ್ಏಷಿಯಾ ಎಕ್ಸ್, ಜಿಇ ಹಾಗೂ ಏರ್ಬಸ್ನ ಪ್ರಚಾರ ನಡೆಸಿತ್ತು' ಎಂದಿದ್ದಾರೆ.

. 2012ರಲ್ಲಿ ಕ್ಯಾಟರ್ಹ್ಯಾಮ್ (ಪ್ರಸ್ತುತ ರೇಸಿಂಗ್ನಿಂದ ದೂರ ಉಳಿದಿರುವ ತಂಡ) ಮತ್ತು ಏರ್ಬಸ್ನ ಆಗಿನ ಮಾತೃ ಸಂಸ್ಥೆ ಇಎಡಿಎಸ್ ನಡುವೆ ನಡೆದಿರುವ ಪ್ರಾಯೋಜಕತ್ವ ಒಪ್ಪಂದದ ಕುರಿತು ಬ್ರಿಟನ್ನ ಸರ್ಕಾರಿ ತನಿಖಾ ಸಂಸ್ಥೆ 'ಸೀರಿಯಸ್ ಫ್ರಾಡ್ ಆಫೀಸ್' ಆರೋಪ ವರಿಸಿದೆ.

. ಏರ್ಏಷಿಯಾ ವಿಮಾನಯಾನ ಸಂಸ್ಥೆಯ 274 ವಿಮಾನಗಳು 'ಏರ್ಬಸ್' ವಿಮಾನಗಳೇ ಆಗಿವೆ. ಏರ್ಬಸ್ನ ಎ321ನಿಯೊ ಮಾದರಿಯ ವಿಮಾನಗಳನ್ನು ಖರೀದಿಸುತ್ತಿರುವ ಜಗತ್ತಿನ ಅತಿ ದೊಡ್ಡ ಗ್ರಾಹಕ ಸಂಸ್ಥೆ ಏರ್ಏಷಿಯಾ ಆಗಿದೆ.

. ಮಂಗಳವಾರ ಮಲೇಷ್ಯಾ ಷೇರುಪೇಟೆಯಲ್ಲಿ ಏರ್ಏಷಿಯಾ ಷೇರು ಶೇ 5ರಷ್ಟು ಕುಸಿತ ಕಂಡಿದೆ. ಅಂಗಸಂಸ್ಥೆ ಏರ್ಏಷಿಯಾ ಎಕ್ಸ್ ಬಿಎಚ್ಡಿ ಷೇರು ಶೇ 8ರಷ್ಟು ಇಳಿಕೆಯಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಮಾನ ಖರೀದಿಗೆ 'ಏರ್‌ಬಸ್‌'ನಿಂದ ಲಂಚ ಆರೋಪ: ಸ್ಥಾನ ತೊರೆದ ಏರ್‌ಏಷಿಯಾ ಸಿಇಒ

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಕನಿಷ್ಠ ವೇತನ: ಹೈಕೋರ್ಟ್‌ಗೆ ಸರ್ಕಾರದ ಮುಚ್ಚಳಿಕೆ

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಕನಿಷ್ಠ ವೇತನ: ಹೈಕೋರ್ಟ್‌ಗೆ ಸರ್ಕಾರದ ಮುಚ್ಚಳಿಕೆ