ಬಜಾಜ್‌ ಅಲಯನ್ಸ್‌ ಲೈಫ್‌ನಿಂದ ಹೊಸ ಯೋಜನೆ

ವಿವಿಧ ರೀತಿಯ ಗ್ರಾಹಕರ ಪಿಂಚಣಿ ಅಗತ್ಯಗಳನ್ನು ಈಡೇರಿಸುವ ಉದ್ದೇಶದಿಂದ ಈ ಯೋಜನೆ ರೂಪಿಸಿದ್ದು, ಒಂಭತ್ತು ಬಗೆಯ ವಾರ್ಷಿಕ ಪಿಂಚಣಿ ಆಯ್ಕೆಗಳನ್ನು ನೀಡಲಾಗಿದೆ. ಇದು ಪಾಲಿಸಿದಾರರಿಗೆ ನಿವೃತ್ತಿ ಸಮಯದಲ್ಲಿ ತಮ್ಮ ಪಿಂಚಣಿ ಮೊತ್ತವನ್ನು ಖಾತರಿಪಡಿಸಿಕೊಳ್ಳಲು ಅನುವು ಮಾಡಿಕೊಡುತ್ತದೆ ಎಂದು ಕಂಪನಿ ಹೇಳಿದೆ.

ಪಾಲಿಸಿದಾರರ ಸಂಗಾತಿಗೆ ತನ್ನ ಜೀವಿತಾವಧಿವರೆಗೆ ನಿಶ್ಚಿತ ಆದಾಯ ಪಡೆಯುವುದನ್ನು ಮುಂದುವರಿಸುವ ಆಯ್ಕೆಯನ್ನೂ ಈ ಯೋಜನೆಯು ನೀಡುತ್ತದೆ. ಪ್ರೀಮಿಯಂ ಪಾವತಿ ಅವಧಿಯು 5ರಿಂದ 10 ವರ್ಷಗಳಾಗಿದ್ದು, ಒಂದೇ ಪ್ರೀಮಿಯಂ ಮೂಲಕ ಪಾವತಿಸುವ ಆಯ್ಕೆಯೂ ಲಭ್ಯವಿದೆ.

₹ 1,156 ಕೋಟಿ ಬೋನಸ್‌: ಬಜಾಜ್‌ ಅಲಯನ್ಸ್ ಲೈಫ್‌ ಕಂಪನಿಯು ತನ್ನ ಪಾಲಿಸಿದಾರರಿಗೆ ₹ 1,156 ಕೋಟಿ ಮೊತ್ತದ ಬೋನಸ್‌ ಘೋಷಿಸಿದೆ. ₹ 315 ಕೋಟಿ ಮೊತ್ತದ ಒಂದು ಅವಧಿಯ ವಿಶೇಷ ಬೋನಸ್‌ ಅನ್ನೂ ಇದು ಒಳಗೊಂಡಿದೆ. ಇದರಿಂದಾಗಿ 12 ಲಕ್ಷ ಪಾಲಿಸಿದಾರರಿಗೆ ಪ್ರಯೋಜನ ಆಗುವ ನಿರೀಕ್ಷೆ ಮಾಡಲಾಗಿದೆ. ಕಂಪನಿಯು ಸತತ 20ನೇ ವರ್ಷವೂ ತನ್ನ ಪಾಲಿಸಿದಾರರಿಗೆ ಬೋನಸ್‌ ಘೋಷಣೆ ಮಾಡಿದೆ.