ಸಾಲ, ಮುಂಗಡ ನೀಡಿಕೆ ಶೇ 22ರಷ್ಟು ಹೆಚ್ಚಳ: ಬಂಧನ್ ಬ್ಯಾಂಕ್‌

Last Updated 8 ಅಕ್ಟೋಬರ್ 2022, 10:35 IST

ಅಕ್ಷರ ಗಾತ್ರ

ನವದೆಹಲಿ: 2022ರ ಸೆಪ್ಟೆಂಬರ್‌ ತ್ರೈಮಾಸಿಕದಲ್ಲಿ ಸಾಲ ಮತ್ತು ಮುಂಗಡವು ಶೇ 22ರಷ್ಟು ಏರಿಕೆ ಆಗಿದ್ದು ₹99,374 ಕೋಟಿಗೆ ತಲುಪಿದೆ ಎಂದು ಬಂಧನ್‌ ಬ್ಯಾಂಕ್‌ ಶನಿವಾರ ತಿಳಿಸಿದೆ.

ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ಬ್ಯಾಂಕ್‌ನ ಸಾಲ ಮತ್ತು ಮುಂಗಡದ ಮೊತ್ತವು ₹81,661 ಕೋಟಿ ಇತ್ತು.

ಬ್ಯಾಂಕ್‌ನ ಒಟ್ಟು ಠೇವಣಿ ಮೊತ್ತವು ₹81,898 ಕೋಟಿಯಿಂದ ₹99,365 ಕೋಟಿಗೆ ಶೇ 21ರಷ್ಟು ಏರಿಕೆ ಕಂಡಿದೆ. ಠೇವಣಿಯಲ್ಲಿ ರಿಟೇಲ್‌ ಠೇವಣಿಗಳ ಪ್ರಮಾಣವು ಶೇ 74ರಷ್ಟು ಆಗಿದೆ.

ಈ ಅಂಕಿ–ಅಂಶಗಳು ತಾತ್ಕಾಲಿಕ ಆಗಿದ್ದು, ಲೆಕ್ಕಪತ್ರ ಸಮಿತಿ ಮತ್ತು ಆಡಳಿತ ಮಂಡಳಿಯ ನಿರ್ದೇಶಕರ ಪರಿಶೀಲನೆಗೆ ಒಳಗಾಗಬೇಕಿದೆ ಎಂದು ಬ್ಯಾಂಕ್‌ ತಿಳಿಸಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.