<p><strong>ನವದೆಹಲಿ, ಬೆಂಗಳೂರು:</strong> 28 ದಿನಗಳವರೆಗೆ ಸೇವೆಯನ್ನು ಒದಗಿಸುವ ರಿಚಾರ್ಜ್ನ ಶುಲ್ಕವನ್ನು ಭಾರ್ತಿ ಏರ್ಟೆಲ್ ಕಂಪನಿಯು ಕರ್ನಾಟಕ ಸೇರಿದಂತೆ ಒಟ್ಟು ಎಂಟು ದೂರಸಂಪರ್ಕ ವೃತ್ತಗಳಲ್ಲಿ ಹೆಚ್ಚಿಸಿದೆ. ಹೊಸ ಶುಲ್ಕ ₹ 155 ಆಗಿದೆ. ಇದು ಈ ಹಿಂದಿನ ಶುಲ್ಕಕ್ಕೆ ಹೋಲಿಸಿದರೆ ಶೇಕಡ 57ರಷ್ಟು ಹೆಚ್ಚು.</p>.<p>ಕಂಪನಿಯು ಇದುವರೆಗೆ ₹ 99ಕ್ಕೆ 28 ದಿನಗಳವರೆಗೆ ದೂರಸಂಪರ್ಕ ಸೇವೆಯನ್ನು ಒದಗಿಸುತ್ತಿತ್ತು. ಈ ಶುಲ್ಕ ಪಾವತಿಸಿ ರಿಚಾರ್ಜ್ ಮಾಡಿಸಿಕೊಂಡವರಿಗೆ 200 ಎಂ.ಬಿ. ಡೇಟಾ ಬಳಸಲು ಹಾಗೂ ಪ್ರತಿ ಸೆಕೆಂಡಿಗೆ 2.5 ಪೈಸೆಯಂತೆ ಕರೆ ಮಾಡಲು ಸಾಧ್ಯವಾಗುತ್ತಿತ್ತು. ಈಗ ಕಂಪನಿಯು ಕನಿಷ್ಠ ಆರಂಭಿಕ ಶುಲ್ಕವನ್ನು ₹ 155ಕ್ಕೆ ನಿಗದಿಪಡಿಸಿದೆ.</p>.<p>ಇದರ ಅಡಿಯಲ್ಲಿ ಗ್ರಾಹಕರಿಗೆ ಮಿತಿರಹಿತ ಕರೆ ಸೌಲಭ್ಯ, 1 ಜಿ.ಬಿ. ಡೇಟಾ ಹಾಗೂ 300 ಎಸ್ಎಂಎಸ್ ಸೌಲಭ್ಯ ಸಿಗಲಿದೆ. ‘ಗ್ರಾಹಕರಿಗೆ ಹೆಚ್ಚು ಉತ್ತಮವಾದ ಅನುಭವ ಒದಗಿಸುವ ಭಾಗವಾಗಿ ನಾವು ₹ 155ರ ರಿಚಾರ್ಜ್ ಯೋಜನೆಯನ್ನು ಆರಂಭಿಸಿದ್ದೇವೆ’ ಎಂದು ಏರ್ಟೆಲ್ ವಕ್ತಾರರೊಬ್ಬರು ಹೇಳಿದ್ದಾರೆ.</p>.<p>ಹೊಸ ರಿಚಾರ್ಜ್ ಯೋಜನೆಯನ್ನು ಕಂಪನಿಯು ದೇಶದ ಎಲ್ಲೆಡೆ ಹಂತ ಹಂತವಾಗಿ ಜಾರಿಗೆ ತರಲಿದೆ ಎಂದು ಮೂಲಗಳು ತಿಳಿಸಿವೆ.</p>.<p>ಕಳೆದ ವರ್ಷ ನಡೆದ 5ಜಿ ತರಂಗಾಂತರ ಖರೀದಿಗೆ ಕೋಟ್ಯಂತರ ರೂಪಾಯಿ ವೆಚ್ಚ ಮಾಡಿರುವ ದೂರಸಂಪರ್ಕ ಕಂಪನಿಗಳು ಸೇವಾ ಶುಲ್ಕವನ್ನು ಹೆಚ್ಚಿಸುವ ನಿರೀಕ್ಷೆ ಇದೆ. ಏರ್ಟೆಲ್ ಕಂಪನಿಯು ತನ್ನ ಪ್ರತಿ ಗ್ರಾಹಕನಿಂದ ಪಡೆಯುವ ಆದಾಯ (ಎಆರ್ಪಿಯು) ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ₹ 190ಕ್ಕೆ ಏರಿಕೆ ಆಗಿದೆ.</p>.<p>ಎಆರ್ಪಿಯು ₹ 200ಕ್ಕೆ ಏರಿಕೆ ಆಗಬೇಕು ಹಾಗೂ ನಂತರದಲ್ಲಿ ₹ 300ಕ್ಕೆ ಹೆಚ್ಚಳ ಆಗಬೇಕು. ಆಗ ದೂರಸಂಪರ್ಕ ಉದ್ಯಮದ ಹಣಕಾಸಿನ ವಹಿವಾಟು ಆರೋಗ್ಯಕರ ಆಗುತ್ತದೆ ಎಂದು ಏರ್ಟೆಲ್ ಕಂಪನಿಯು 2021ರ ನವೆಂಬರ್ನಲ್ಲಿ ಹೇಳಿತ್ತು. ಜಿಯೊ ಕಂಪನಿಯ ಎಆರ್ಪಿಯು ಡಿಸೆಂಬರ್ ತ್ರೈಮಾಸಿಕದಲ್ಲಿ ₹ 178.2 ಆಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ, ಬೆಂಗಳೂರು:</strong> 28 ದಿನಗಳವರೆಗೆ ಸೇವೆಯನ್ನು ಒದಗಿಸುವ ರಿಚಾರ್ಜ್ನ ಶುಲ್ಕವನ್ನು ಭಾರ್ತಿ ಏರ್ಟೆಲ್ ಕಂಪನಿಯು ಕರ್ನಾಟಕ ಸೇರಿದಂತೆ ಒಟ್ಟು ಎಂಟು ದೂರಸಂಪರ್ಕ ವೃತ್ತಗಳಲ್ಲಿ ಹೆಚ್ಚಿಸಿದೆ. ಹೊಸ ಶುಲ್ಕ ₹ 155 ಆಗಿದೆ. ಇದು ಈ ಹಿಂದಿನ ಶುಲ್ಕಕ್ಕೆ ಹೋಲಿಸಿದರೆ ಶೇಕಡ 57ರಷ್ಟು ಹೆಚ್ಚು.</p>.<p>ಕಂಪನಿಯು ಇದುವರೆಗೆ ₹ 99ಕ್ಕೆ 28 ದಿನಗಳವರೆಗೆ ದೂರಸಂಪರ್ಕ ಸೇವೆಯನ್ನು ಒದಗಿಸುತ್ತಿತ್ತು. ಈ ಶುಲ್ಕ ಪಾವತಿಸಿ ರಿಚಾರ್ಜ್ ಮಾಡಿಸಿಕೊಂಡವರಿಗೆ 200 ಎಂ.ಬಿ. ಡೇಟಾ ಬಳಸಲು ಹಾಗೂ ಪ್ರತಿ ಸೆಕೆಂಡಿಗೆ 2.5 ಪೈಸೆಯಂತೆ ಕರೆ ಮಾಡಲು ಸಾಧ್ಯವಾಗುತ್ತಿತ್ತು. ಈಗ ಕಂಪನಿಯು ಕನಿಷ್ಠ ಆರಂಭಿಕ ಶುಲ್ಕವನ್ನು ₹ 155ಕ್ಕೆ ನಿಗದಿಪಡಿಸಿದೆ.</p>.<p>ಇದರ ಅಡಿಯಲ್ಲಿ ಗ್ರಾಹಕರಿಗೆ ಮಿತಿರಹಿತ ಕರೆ ಸೌಲಭ್ಯ, 1 ಜಿ.ಬಿ. ಡೇಟಾ ಹಾಗೂ 300 ಎಸ್ಎಂಎಸ್ ಸೌಲಭ್ಯ ಸಿಗಲಿದೆ. ‘ಗ್ರಾಹಕರಿಗೆ ಹೆಚ್ಚು ಉತ್ತಮವಾದ ಅನುಭವ ಒದಗಿಸುವ ಭಾಗವಾಗಿ ನಾವು ₹ 155ರ ರಿಚಾರ್ಜ್ ಯೋಜನೆಯನ್ನು ಆರಂಭಿಸಿದ್ದೇವೆ’ ಎಂದು ಏರ್ಟೆಲ್ ವಕ್ತಾರರೊಬ್ಬರು ಹೇಳಿದ್ದಾರೆ.</p>.<p>ಹೊಸ ರಿಚಾರ್ಜ್ ಯೋಜನೆಯನ್ನು ಕಂಪನಿಯು ದೇಶದ ಎಲ್ಲೆಡೆ ಹಂತ ಹಂತವಾಗಿ ಜಾರಿಗೆ ತರಲಿದೆ ಎಂದು ಮೂಲಗಳು ತಿಳಿಸಿವೆ.</p>.<p>ಕಳೆದ ವರ್ಷ ನಡೆದ 5ಜಿ ತರಂಗಾಂತರ ಖರೀದಿಗೆ ಕೋಟ್ಯಂತರ ರೂಪಾಯಿ ವೆಚ್ಚ ಮಾಡಿರುವ ದೂರಸಂಪರ್ಕ ಕಂಪನಿಗಳು ಸೇವಾ ಶುಲ್ಕವನ್ನು ಹೆಚ್ಚಿಸುವ ನಿರೀಕ್ಷೆ ಇದೆ. ಏರ್ಟೆಲ್ ಕಂಪನಿಯು ತನ್ನ ಪ್ರತಿ ಗ್ರಾಹಕನಿಂದ ಪಡೆಯುವ ಆದಾಯ (ಎಆರ್ಪಿಯು) ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ₹ 190ಕ್ಕೆ ಏರಿಕೆ ಆಗಿದೆ.</p>.<p>ಎಆರ್ಪಿಯು ₹ 200ಕ್ಕೆ ಏರಿಕೆ ಆಗಬೇಕು ಹಾಗೂ ನಂತರದಲ್ಲಿ ₹ 300ಕ್ಕೆ ಹೆಚ್ಚಳ ಆಗಬೇಕು. ಆಗ ದೂರಸಂಪರ್ಕ ಉದ್ಯಮದ ಹಣಕಾಸಿನ ವಹಿವಾಟು ಆರೋಗ್ಯಕರ ಆಗುತ್ತದೆ ಎಂದು ಏರ್ಟೆಲ್ ಕಂಪನಿಯು 2021ರ ನವೆಂಬರ್ನಲ್ಲಿ ಹೇಳಿತ್ತು. ಜಿಯೊ ಕಂಪನಿಯ ಎಆರ್ಪಿಯು ಡಿಸೆಂಬರ್ ತ್ರೈಮಾಸಿಕದಲ್ಲಿ ₹ 178.2 ಆಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
