ಪ್ರಸಕ್ತ ಹಣಕಾಸು ವರ್ಷದಲ್ಲಿ ಭಾರತದ ಅರ್ಥ ವ್ಯವಸ್ಥೆಯು ಶೇಕಡ 12.6ರಷ್ಟು ಬೆಳವಣಿಗೆ ಸಾಧಿಸಬಹುದು ಎಂದು ನೊಮುರ ಅಂದಾಜಿಸಿದೆ. ಈ ಮೊದಲು ಸಂಸ್ಥೆಯು, ಭಾರತದ ಜಿಡಿಪಿ ಬೆಳವಣಿಗೆ ಶೇ 13.5ರಷ್ಟು ಇರಲಿದೆ ಎಂದು ಅಂದಾಜಿಸಿತ್ತು. ಜಿಡಿಪಿಯು ಶೇ 13ರಷ್ಟು ಬೆಳವಣಿಗೆ ಸಾಧಿಸಲಿದೆ ಎಂದು ಈ ಮೊದಲು ಅಂದಾಜಿಸಿದ್ದ ಜೆಪಿ ಮಾರ್ಗನ್, ಈಗ ಬೆಳವಣಿಗೆಯು ಶೇ 11ರಷ್ಟು ಆಗಬಹುದು ಎಂದು ಹೇಳಿದೆ. ಯುಬಿಎಸ್ ಸಂಸ್ಥೆಯು ಜಿಡಿಪಿ ಬೆಳವಣಿಗೆ ಅಂದಾಜನ್ನು ಶೇ 10ಕ್ಕೆ ತಗ್ಗಿಸಿದೆ. ಅದು ಈ ಮೊದಲು ಶೇ 11.5ರ ಬೆಳವಣಿಗೆ ಇರಲಿದೆ ಎಂದು ಅಂದಾಜು ಮಾಡಿತ್ತು.