ಇಪಿಎಫ್‌ ಬಡ್ಡಿ ದರ ಇಳಿಕೆ: ಶೇ 8.50 ನಿಗದಿ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: 2019–20ನೇ ಹಣಕಾಸು ವರ್ಷಕ್ಕೆ ಉದ್ಯೋಗಿಗಳ ಭವಿಷ್ಯ ನಿಧಿಯ (ಇಪಿಎಫ್‌) ಬಡ್ಡಿ ದರವನ್ನು ಶೇ 8.50ಕ್ಕೆ ಇಳಿಕೆ ಮಾಡಲು ಇಪಿಎಫ್‌ಒನ ಕೇಂದ್ರೀಯ ಧರ್ಮದರ್ಶಿ ಮಂಡಳಿ (ಸಿಬಿಟಿ) ಸಭೆಯಲ್ಲಿ ಗುರುವಾರ ನಿರ್ಧರಿಸಲಾಗಿದೆ.
2018–19ನೇ ಸಾಲಿನಲ್ಲಿ ಶೇ 8.65ರಷ್ಟಿದ್ದ ಇಪಿಎಫ್‌ ಬಡ್ಡಿ ದರವನ್ನು 2019–20ನೇ ಸಾಲಿಗೆ ಶೇ 8.50ಕ್ಕೆ ಇಳಿಕೆ ಮಾಡಲಾಗಿದೆ ಎಂದು ಕಾರ್ಮಿಕ ಖಾತೆ ಸಚಿವ ಸಂತೋಷ್‌ ಗಂಗ್ವಾರ್‌ ಹೇಳಿದ್ದಾರೆ.
ಇಪಿಎಫ್‌ಒ ವಾರ್ಷಿಕ ಸಂಗ್ರಹದಲ್ಲಿ ಶೇ 85ರಷ್ಟು ಡೆಬ್ಟ್‌ (ಕಡಿಮೆ ಅಪಾಯ ಇರುವ) ಹೂಡಿಕೆಗಳಲ್ಲಿ ಹಾಗೂ ಶೇ 15ರಷ್ಟು ಈಕ್ವಿಟಿ ಫಂಡ್‌ಗಳಲ್ಲಿ ಹೂಡಿಕೆ ಮಾಡುತ್ತದೆ. ಕಳೆದ ವರ್ಷ ಮಾರ್ಚ್ ಅಂತ್ಯಕ್ಕೆ ಇಪಿಎಫ್‌ಒ ಈಕ್ವಿಟಿಗಳಲ್ಲಿ ಒಟ್ಟು ₹74,324 ಕೋಟಿ ಹೂಡಿಕೆ ಮಾಡಿ, ಶೇ 14.74ರಷ್ಟು ಗಳಿಕೆ ಕಂಡಿದೆ.
ಅಂಚೆ ಕಚೇರಿ ಸಣ್ಣ ಉಳಿತಾಯ ಮತ್ತು ಬ್ಯಾಂಕ್‌ ಬಡ್ಡಿ ಹಾಗೂ ಠೇವಣಿಗಳ ಬಡ್ಡಿ ದರಗಳು ಕಡಿಮೆಯಾಗಿದ್ದು, ಅದಕ್ಕೆ ಅನುಗುಣವಾಗಿ ಪ್ರಸಕ್ತ ಹಣಕಾಸು ವರ್ಷದ ಇಪಿಎಫ್‌ ಬಡ್ಡಿ ದರ ಶೇ 8.5ಕ್ಕೆ ತಗ್ಗಿಸಲು ನಿರ್ಧರಿಸಲಾಗಿದೆ.
ಬಡ್ಡಿ ದರದ ವಿವರ
ವರ್ಷ; ಬಡ್ಡಿ ದರ (%)
2019–20; 8.50
2018–19; 8.65
2017–18; 8.55
2016–17; 8.65
2015–16; 8.80
2014–15; 8.75
2013–14; 8.75
2012–13; 8.50
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
