<p><strong>ನವದೆಹಲಿ:</strong> 2021–22ನೇ ಹಣಕಾಸು ವರ್ಷದಲ್ಲಿ ಅತಿ ಹೆಚ್ಚು ವಿದೇಶಿ ನೇರ ಬಂಡವಾಳ (ಎಫ್ಡಿಐ) ಆಕರ್ಷಿಸಿರುವ ರಾಜ್ಯಗಳ ಸಾಲಿನಲ್ಲಿ ಕರ್ನಾಟಕ ಮೊದಲ ಸ್ಥಾನದಲ್ಲಿದೆ.</p>.<p>ಭಾರತವು 2021–22ನೇ ಹಣಕಾಸು ವರ್ಷದಲ್ಲಿ ದಾಖಲೆಯ ₹ 6.48 ಲಕ್ಷ ಕೋಟಿ ಎಫ್ಡಿಐ ಆಕರ್ಷಿಸಿದೆ. ಇದರಲ್ಲಿ ಕರ್ನಾಟಕದ ಪಾಲು ಶೇಕಡ 38ರಷ್ಟು. ಮಹಾರಾಷ್ಟ್ರ (ಶೇ 26ರಷ್ಟು) ಮತ್ತು ದೆಹಲಿ (ಶೇ 14ರಷ್ಟು) ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನಗಳಲ್ಲಿವೆ.</p>.<p>ಎಫ್ಡಿಐ ನೀತಿಯಲ್ಲಿನ ಸುಧಾರಣೆಗಳು ಹಾಗೂ ಸುಲಲಿತ ವಹಿವಾಟಿಗೆ ತೆಗೆದುಕೊಂಡಿರುವ ಕ್ರಮಗಳಿಂದಾಗಿ ದಾಖಲೆಯ ಎಫ್ಡಿಐ ಹರಿದುಬಂದಿದೆ ಎಂದು ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ಶುಕ್ರವಾರ ತಿಳಿಸಿದೆ.</p>.<p>ಕೋವಿಡ್ ಸಾಂಕ್ರಾಮಿಕ ಮತ್ತು ಉಕ್ರೇನ್ ಬಿಕ್ಕಟ್ಟಿನ ಹೊರತಾಗಿಯೂ ಈ ಪ್ರಮಾಣದಲ್ಲಿ ಬಂಡವಾಳ ಒಳಹರಿವು ಕಂಡುಬಂದಿದೆ ಎಂದು ಹೇಳಿದೆ. 2020–21ರಲ್ಲಿ ₹ 6.36 ಲಕ್ಷ ಕೋಟಿ ಎಫ್ಡಿಐ ಹರಿದುಬಂದಿತ್ತು. 2019-20ರಲ್ಲಿ ₹ 5.77 ಲಕ್ಷ ಕೋಟಿ ಎಫ್ಡಿಐ ಹೂಡಿಕೆ ಆಗಿತ್ತು.</p>.<p>ತಯಾರಿಕಾ ವಲಯದಲ್ಲಿ ವಿದೇಶಿ ಹೂಡಿಕೆಗಳಿಗೆ ಆದ್ಯತೆಯ ದೇಶವಾಗಿ ಭಾರತವು ಅತ್ಯಂತ ವೇಗದಿಂದ ಬೆಳೆಯುತ್ತಿದೆ ಎಂದು ಸಚಿವಾಲಯ ಹೇಳಿದೆ. 2020–21ಕ್ಕೆ ಹೋಲಿಸಿದರೆ 2021–22ರಲ್ಲಿ ತಯಾರಿಕಾ ವಲಯದಲ್ಲಿ ಎಫ್ಡಿಐ ಈಕ್ವಿಟಿ ಒಳಹರಿವು ಶೇ 76ರಷ್ಟು ಹೆಚ್ಚಾಗಿದ್ದು, ₹ 1.65 ಲಕ್ಷ ಕೋಟಿಗೆ ತಲುಪಿದೆ. 2020–21ರಲ್ಲಿ ₹ 93,854 ಕೋಟಿ ಹೂಡಿಕೆ ಆಗಿತ್ತು.</p>.<p>ಕಂಪ್ಯೂಟರ್ ಸಾಫ್ಟ್ವೇರ್ ಮತ್ತು ಹಾರ್ಡ್ವೇರ್ ವಲಯ ಅತ್ಯಂತ ಹೆಚ್ಚು ಎಫ್ಡಿಐ ಆಕರ್ಷಿಸಿವೆ. ಸೇವಾ ವಲಯ ಮತ್ತು ವಾಹನೋದ್ಯಮವು ನಂತರದ ಸ್ಥಾನದಗಳಲ್ಲಿವೆ ಎಂದು ಸಚಿವಾಲಯ ತಿಳಿಸಿದೆ.</p>.<p>ಕಲ್ಲಿದ್ದಲು ಗಣಿಗಾರಿಕೆ, ಗುತ್ತಿಗೆ ಆಧಾರಿತ ತಯಾರಿಕೆ, ಡಿಜಿಟಲ್ ಮಾಧ್ಯಮ, ಸಿಂಗಲ್ ಬ್ರ್ಯಾಂಡ್ ರಿಟೇಲ್ ವಹಿವಾಟು, ನಾಗರಿಕ ವಿಮಾನಯಾನ, ರಕ್ಷಣೆ, ವಿಮೆ ಮತ್ತು ದೂರಸಂಪರ್ಕ ವಲಯಗಳಲ್ಲಿ ಎಫ್ಡಿಐ ಒಳಹರಿವಿಗೆ ಅನುಕೂಲ ಆಗುವ ರೀತಿಯಲ್ಲಿ ನಿಯಮಗಳಲ್ಲಿ ಬದಲಾವಣೆ ತರಲಾಗಿದೆ ಎಂದು ಅದು ಹೇಳಿದೆ.</p>.<p>ತಯಾರಿಕೆ, ಐ.ಟಿ. ಮತ್ತು ಔಷಧ ವಲಯಗಳಲ್ಲಿ ಎಫ್ಡಿಐ ಹರಿದುಬಂದಿದೆ. ಪ್ರಸಕ್ತ ವರ್ಷವೂ ಬಂಡವಾಳ ಒಳಹರಿವು ಪ್ರಮಾಣವು ಇದೇ ರೀತಿ ಮುಂದುವರಿಯುವ ನಿರೀಕ್ಷೆ ಇದೆ ಎಂದು ‘ಶಾರ್ದೂಲ್ ಅಮರ್ಚಂದ್ ಮಂಗಲ್ದಾಸ್ ಆ್ಯಂಡ್ ಕೋ’ನ ಪಾಲುದಾರ ಅಭಿಶೇಕ್ ಗುಹಾ ಹೇಳಿದ್ದಾರೆ.</p>.<p>ಎಫ್ಡಿಐ ಒಳಹರಿವು – ಯಾವ ದೇಶದಿಂದ? (%)</p>.<p>ಸಿಂಗಪುರ;27</p>.<p>ಅಮೆರಿಕ;18</p>.<p>ಮಾರಿಷಸ್;16</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> 2021–22ನೇ ಹಣಕಾಸು ವರ್ಷದಲ್ಲಿ ಅತಿ ಹೆಚ್ಚು ವಿದೇಶಿ ನೇರ ಬಂಡವಾಳ (ಎಫ್ಡಿಐ) ಆಕರ್ಷಿಸಿರುವ ರಾಜ್ಯಗಳ ಸಾಲಿನಲ್ಲಿ ಕರ್ನಾಟಕ ಮೊದಲ ಸ್ಥಾನದಲ್ಲಿದೆ.</p>.<p>ಭಾರತವು 2021–22ನೇ ಹಣಕಾಸು ವರ್ಷದಲ್ಲಿ ದಾಖಲೆಯ ₹ 6.48 ಲಕ್ಷ ಕೋಟಿ ಎಫ್ಡಿಐ ಆಕರ್ಷಿಸಿದೆ. ಇದರಲ್ಲಿ ಕರ್ನಾಟಕದ ಪಾಲು ಶೇಕಡ 38ರಷ್ಟು. ಮಹಾರಾಷ್ಟ್ರ (ಶೇ 26ರಷ್ಟು) ಮತ್ತು ದೆಹಲಿ (ಶೇ 14ರಷ್ಟು) ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನಗಳಲ್ಲಿವೆ.</p>.<p>ಎಫ್ಡಿಐ ನೀತಿಯಲ್ಲಿನ ಸುಧಾರಣೆಗಳು ಹಾಗೂ ಸುಲಲಿತ ವಹಿವಾಟಿಗೆ ತೆಗೆದುಕೊಂಡಿರುವ ಕ್ರಮಗಳಿಂದಾಗಿ ದಾಖಲೆಯ ಎಫ್ಡಿಐ ಹರಿದುಬಂದಿದೆ ಎಂದು ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ಶುಕ್ರವಾರ ತಿಳಿಸಿದೆ.</p>.<p>ಕೋವಿಡ್ ಸಾಂಕ್ರಾಮಿಕ ಮತ್ತು ಉಕ್ರೇನ್ ಬಿಕ್ಕಟ್ಟಿನ ಹೊರತಾಗಿಯೂ ಈ ಪ್ರಮಾಣದಲ್ಲಿ ಬಂಡವಾಳ ಒಳಹರಿವು ಕಂಡುಬಂದಿದೆ ಎಂದು ಹೇಳಿದೆ. 2020–21ರಲ್ಲಿ ₹ 6.36 ಲಕ್ಷ ಕೋಟಿ ಎಫ್ಡಿಐ ಹರಿದುಬಂದಿತ್ತು. 2019-20ರಲ್ಲಿ ₹ 5.77 ಲಕ್ಷ ಕೋಟಿ ಎಫ್ಡಿಐ ಹೂಡಿಕೆ ಆಗಿತ್ತು.</p>.<p>ತಯಾರಿಕಾ ವಲಯದಲ್ಲಿ ವಿದೇಶಿ ಹೂಡಿಕೆಗಳಿಗೆ ಆದ್ಯತೆಯ ದೇಶವಾಗಿ ಭಾರತವು ಅತ್ಯಂತ ವೇಗದಿಂದ ಬೆಳೆಯುತ್ತಿದೆ ಎಂದು ಸಚಿವಾಲಯ ಹೇಳಿದೆ. 2020–21ಕ್ಕೆ ಹೋಲಿಸಿದರೆ 2021–22ರಲ್ಲಿ ತಯಾರಿಕಾ ವಲಯದಲ್ಲಿ ಎಫ್ಡಿಐ ಈಕ್ವಿಟಿ ಒಳಹರಿವು ಶೇ 76ರಷ್ಟು ಹೆಚ್ಚಾಗಿದ್ದು, ₹ 1.65 ಲಕ್ಷ ಕೋಟಿಗೆ ತಲುಪಿದೆ. 2020–21ರಲ್ಲಿ ₹ 93,854 ಕೋಟಿ ಹೂಡಿಕೆ ಆಗಿತ್ತು.</p>.<p>ಕಂಪ್ಯೂಟರ್ ಸಾಫ್ಟ್ವೇರ್ ಮತ್ತು ಹಾರ್ಡ್ವೇರ್ ವಲಯ ಅತ್ಯಂತ ಹೆಚ್ಚು ಎಫ್ಡಿಐ ಆಕರ್ಷಿಸಿವೆ. ಸೇವಾ ವಲಯ ಮತ್ತು ವಾಹನೋದ್ಯಮವು ನಂತರದ ಸ್ಥಾನದಗಳಲ್ಲಿವೆ ಎಂದು ಸಚಿವಾಲಯ ತಿಳಿಸಿದೆ.</p>.<p>ಕಲ್ಲಿದ್ದಲು ಗಣಿಗಾರಿಕೆ, ಗುತ್ತಿಗೆ ಆಧಾರಿತ ತಯಾರಿಕೆ, ಡಿಜಿಟಲ್ ಮಾಧ್ಯಮ, ಸಿಂಗಲ್ ಬ್ರ್ಯಾಂಡ್ ರಿಟೇಲ್ ವಹಿವಾಟು, ನಾಗರಿಕ ವಿಮಾನಯಾನ, ರಕ್ಷಣೆ, ವಿಮೆ ಮತ್ತು ದೂರಸಂಪರ್ಕ ವಲಯಗಳಲ್ಲಿ ಎಫ್ಡಿಐ ಒಳಹರಿವಿಗೆ ಅನುಕೂಲ ಆಗುವ ರೀತಿಯಲ್ಲಿ ನಿಯಮಗಳಲ್ಲಿ ಬದಲಾವಣೆ ತರಲಾಗಿದೆ ಎಂದು ಅದು ಹೇಳಿದೆ.</p>.<p>ತಯಾರಿಕೆ, ಐ.ಟಿ. ಮತ್ತು ಔಷಧ ವಲಯಗಳಲ್ಲಿ ಎಫ್ಡಿಐ ಹರಿದುಬಂದಿದೆ. ಪ್ರಸಕ್ತ ವರ್ಷವೂ ಬಂಡವಾಳ ಒಳಹರಿವು ಪ್ರಮಾಣವು ಇದೇ ರೀತಿ ಮುಂದುವರಿಯುವ ನಿರೀಕ್ಷೆ ಇದೆ ಎಂದು ‘ಶಾರ್ದೂಲ್ ಅಮರ್ಚಂದ್ ಮಂಗಲ್ದಾಸ್ ಆ್ಯಂಡ್ ಕೋ’ನ ಪಾಲುದಾರ ಅಭಿಶೇಕ್ ಗುಹಾ ಹೇಳಿದ್ದಾರೆ.</p>.<p>ಎಫ್ಡಿಐ ಒಳಹರಿವು – ಯಾವ ದೇಶದಿಂದ? (%)</p>.<p>ಸಿಂಗಪುರ;27</p>.<p>ಅಮೆರಿಕ;18</p>.<p>ಮಾರಿಷಸ್;16</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
