ನಿರುದ್ಯೋಗ ದರ 50 ವರ್ಷಗಳಲ್ಲಿಯೇ ಕನಿಷ್ಠ ಮಟ್ಟವಾದ ಶೇ 3.7ರಷ್ಟಿದೆ. ಹಣದುಬ್ಬರವು ಕೇಂದ್ರೀಯ ಬ್ಯಾಂಕ್ ನಿಗದಿ ಮಾಡಿರುವ ಶೇ 2ಕ್ಕಿಂತಲೂ ಕಡಿಮೆ ಅಂದರೆ ಶೇ 1.8ರಲ್ಲಿದೆ. ಗ್ರಾಹಕರ ಖರೀದಿ ಸಾಮರ್ಥ್ಯದಲ್ಲಿ ಏರಿಕೆ ಕಂಡುಬರುತ್ತಿದೆ. ಎರಡನೇ ತ್ರೈಮಾಸಿಕದಲ್ಲಿ ಆರ್ಥಿಕ ಪ್ರಗತಿಯ ವೇಗ ತಗ್ಗಿದ್ದರೂ ಸುಸ್ಥಿರ ಪ್ರಗತಿಗಿಂತಲೂ ಉತ್ತಮವಾಗಿಯೇ ಇದೆ. ಹೀಗಿರುವಾಗ ಬಡ್ಡಿದರ ಕಡಿತದ ತುರ್ತು ಅಗತ್ಯವೇನೂ ಕಂಡುಬರುತ್ತಿಲ್ಲ ಎನ್ನುವುದು ಕೆಲವು ಪರಿಣತರ ಅಭಿಪ್ರಾಯವಾಗಿದೆ.