ಜುಲೈ ತಿಂಗಳಿನಲ್ಲಿ ಐಪಿಒ ಮೂಲಕ ತಮ್ಮ ಷೇರುಗಳನ್ನು ಸಾರ್ವಜನಿಕರಿಗೆ ನೀಡಿದ ಕಂಪನಿಗಳು, ಷೇರು ಮಾರುಕಟ್ಟೆ ಪ್ರವೇಶದ ದಿನ ಹೂಡಿಕೆದಾರರಿಗೆ ಗರಿಷ್ಠ ಶೇ 113ರಷ್ಟು ಲಾಭ ತಂದುಕೊಟ್ಟಿವೆ. ಐಪಿಒ ನಡೆಸಿ, ಜುಲೈನಲ್ಲಿ ಷೇರು ಮಾರುಕಟ್ಟೆ ಪ್ರವೇಶಿಸಿದ ಜೊಮ್ಯಾಟೊ ಶೇ 64ರಷ್ಟು, ತತ್ವ ಚಿಂತನ ಫಾರ್ಮಾ ಕೆಮ್‌ ಲಿಮಿಟೆಡ್ ಶೇ 113ರಷ್ಟು, ಜಿ.ಆರ್. ಇನ್‌ಫ್ರಾಪ್ರೊಜೆಕ್ಟ್ಸ್‌ ಲಿಮಿಟೆಡ್ ಶೇ 107ರಷ್ಟು, ಕ್ಲೀನ್ ಸೈನ್ಸ್ ಆ್ಯಂಡ್ ಟೆಕ್ನಾಲಜಿ ಲಿಮಿಟೆಡ್ ಶೇ 75ರಷ್ಟು ಲಾಭವನ್ನು ಷೇರು ಮಾರುಕಟ್ಟೆ ಪ್ರವೇಶದ ದಿನವೇ ಹೂಡಿಕೆದಾರರಿಗೆ ತಂದುಕೊಟ್ಟಿವೆ.
