ನವದೆಹಲಿ: ಚಿನ್ನದ ಆಮದಿನ ಮೌಲ್ಯವು 2020ರ ಏಪ್ರಿಲ್–ಜೂನ್ ಅವಧಿಗೆ ಹೋಲಿಸಿದರೆ ಈ ವರ್ಷದ ಏಪ್ರಿಲ್–ಜೂನ್ ಅವಧಿಯಲ್ಲಿ ಭಾರಿ ಏರಿಕೆ ಕಂಡಿದ್ದು, ₹ 58,572 ಕೋಟಿಗೆ ತಲುಪಿದೆ.
2020ರ ಏಪ್ರಿಲ್–ಜೂನ್ ಅವಧಿಯಲ್ಲಿ ಚಿನ್ನದ ಆಮದಿನ ಮೌಲ್ಯ ₹ 5,208 ಕೋಟಿ ಆಗಿತ್ತು ಎಂದು ಕೇಂದ್ರ ವಾಣಿಜ್ಯ ಸಚಿವಾಲಯ ಮಾಹಿತಿ ನೀಡಿದೆ.
ಬೆಳ್ಳಿ ಆಮದು ಶೇ 93.7ರಷ್ಟು ಕುಸಿತ ಕಂಡಿದ್ದು ₹ 2.91 ಲಕ್ಷ ಕೋಟಿಗಳಷ್ಟಾಗಿದೆ. ಚಿನ್ನದ ಆಮದು ಹೆಚ್ಚಾಗಿರುವುದರಿಂದ ದೇಶದ ವ್ಯಾಪಾರ ಕೊರತೆ ಅಂತರವು ₹ 2.29 ಲಕ್ಷ ಕೋಟಿಗೆ ಏರಿಕೆ ಆಗಿದೆ.
ಹರಳು ಮತ್ತು ಚಿನ್ನಾಭರಣ ರಫ್ತು ₹ 19,980 ಕೋಟಿಗಳಿಂದ ₹ 67,340 ಕೋಟಿಗಳಿಗೆ ಏರಿಕೆ ಆಗಿದೆ.