ಏಪ್ರಿಲ್ 1ರಿಂದ ಇದು ಜಾರಿಗೆ ಬರಲಿದೆ ಎಂದು ಕೇಂದ್ರ ಸರ್ಕಾರ ಹೇಳಿದೆ. ಗ್ರಾಹಕ ವ್ಯವಹಾರಗಳ ಸಚಿವಾಲಯವು ಅಕ್ಟೋಬರ್ 1ರಿಂದ ಅನ್ವಯವಾಗುವಂತೆ, ದಾಸ್ತಾನು ಮಿತಿ ನಿಗದಿ ಮಾಡಿತ್ತು. ರಿಟೇಲ್ ಮಾರಾಟಗಾರರು ಮತ್ತು ರಿಟೇಲ್ ಮಳಿಗೆಗಳು ತಲಾ 30 ಕ್ವಿಂಟಲ್, ಸಗಟು ಮಾರಾಟಗಾರರು 500 ಕ್ವಿಂಟಲ್, ದೊಡ್ಡ ಸಂಖ್ಯೆಯಲ್ಲಿ ಮಳಿಗೆಗಳನ್ನು ಹೊಂದಿರುವ ಕಂಪನಿಗಳ ಡಿಪೊಗಳು 1,000 ಕ್ವಿಂಟಲ್ ಅಡುಗೆ ಎಣ್ಣೆ ದಾಸ್ತಾನು ಇಟ್ಟುಕೊಳ್ಳಬಹುದು ಎಂದು ಹೊಸ ಆದೇಶದಲ್ಲಿ ಹೇಳಲಾಗಿದೆ. ಅಡುಗೆ ಎಣ್ಣೆ ಸಂಸ್ಕರಣೆ ಮಾಡುವವರು 90 ದಿನಗಳವರೆಗಿನ ಅಗತ್ಯದಷ್ಟು ದಾಸ್ತಾನು ಇರಿಸಿಕೊಳ್ಳಲು ಅವಕಾಶ ಇದೆ.