ಟಾಟಾ ಕಮ್ಯುನಿಕೇಷನ್ಸ್‌ನಲ್ಲಿನ ಷೇರು ಮಾರಲು ಕೇಂದ್ರ ತೀರ್ಮಾನ

ಷೇರುಗಳ ಮಾರಾಟವು ಮಾರ್ಚ್‌ 20ರೊಳಗೆ ಪೂರ್ಣಗೊಳ್ಳಲಿದೆ ಎಂದು ಹೂಡಿಕೆ ಮತ್ತು ಸಾರ್ವಜನಿಕ ಆಸ್ತಿ ನಿರ್ವಹಣಾ ಇಲಾಖೆ (ಡಿಐಪಿಎಎಂ) ಹೇಳಿದೆ. ಟಿಸಿಎಲ್‌ ಕಂಪನಿಯ ಷೇರು ಮೌಲ್ಯ ಮಂಗಳವಾರ ₹ 1,129.95 ಆಗಿತ್ತು. ಈಗಿನ ಮಾರುಕಟ್ಟೆ ಬೆಲೆಯಲ್ಲಿ ಸರ್ಕಾರವು ಶೇ 26.12ರಷ್ಟು ಷೇರುಗಳ ಮಾರಾಟದ ಮೂಲಕ ₹ 8,400 ಕೋಟಿ ಸಂಗ್ರಹಿಸಬಹುದು.

ಸರ್ಕಾರಿ ಸ್ವಾಮ್ಯದಲ್ಲಿ ಇದ್ದ ವಿಎಸ್‌ಎನ್‌ಎಲ್‌ ಕಂಪನಿಯಲ್ಲಿನ ಶೇ 25ರಷ್ಟು ಷೇರುಗಳನ್ನು 2002ರಲ್ಲಿ ಪೆನಾಟೋನ್ ಫಿನ್‌ವೆಸ್ಟ್‌ ಲಿಮಿಟೆಡ್‌ಗೆ ಮಾರಾಟ ಮಾಡಲಾಗಿತ್ತು. ಆಗ ಕಂಪನಿಯ ಆಡಳಿತ ನಿರ್ವಹಣೆಯ ಹೊಣೆಯನ್ನೂ ವರ್ಗಾವಣೆ ಮಾಡಲಾಯಿತು. ನಂತರದಲ್ಲಿ ವಿಎಸ್‌ಎನ್‌ಎಲ್‌ ಎಂಬ ಹೆಸರನ್ನು ‘ಟಾಟಾ ಕಮ್ಯುನಿಕೇಷನ್ಸ್ ಲಿಮಿಟೆಡ್’ ಎಂದು ಬದಲಾಯಿಸಲಾಯಿತು. ಟಿಸಿಎಲ್ ಕಂಪನಿಯಲ್ಲಿ ಟಾಟಾ ಸನ್ಸ್ ಕೂಡ ಪಾಲು ಹೊಂದಿದೆ.