ಬುಧವಾರ, ಜನವರಿ 27, 2021
21 °C

ಹೊಸ ಉದ್ಯೋಗ ಹೆಚ್ಚಳ: ಶೇ 40ರಷ್ಟು ವೃತ್ತಿಪರರ ನಿರೀಕ್ಷೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಭಾರತದ ವೃತ್ತಿಪರರು 2021ನೇ ವರ್ಷದ ಬಗ್ಗೆ ಆಶಾವಾದ ಹೊಂದಿದ್ದಾರೆ. ಹೊಸ ಉದ್ಯೋಗ ಸೃಷ್ಟಿಯು 2021ರಲ್ಲಿ ಹೆಚ್ಚಲಿದೆ ಎನ್ನುವುದು ವೃತ್ತಿಪರರ ಪೈಕಿ ಶೇಕಡ 40ರಷ್ಟು ಜನರ ನಿರೀಕ್ಷೆ.

ತಾವು ಕೆಲಸ ಮಾಡುತ್ತಿರುವ ಕಂಪನಿಗಳು ಮುಂದಿನ ಆರು ತಿಂಗಳಿನಲ್ಲಿ ಉತ್ತಮ ಬೆಳವಣಿಗೆ ಕಾಣಲಿವೆ ಎಂದು ವೃತ್ತಿಪರರಲ್ಲಿ ಶೇ 53ರಷ್ಟು ಜನ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಭಾರತದಲ್ಲಿನ ಉದ್ಯೋಗಕ್ಕೆ ಸಂಬಂಧಿಸಿದ ವರದಿಯನ್ನು ವೃತ್ತಿಪರರ ಜಾಲತಾಣ ಲಿಂಕ್ಡ್‌ಇನ್‌ ಗುರುವಾರ ಬಿಡುಗಡೆ ಮಾಡಿದೆ. ಅನಿಶ್ಚಿತ ಸಂದರ್ಭದಲ್ಲಿಯೂ ಭಾರತದ ವೃತ್ತಿಪರರು ಆಶಾವಾದಿಗಳಾಗಿದ್ದು, ಏಪ್ರಿಲ್‌ನಿಂದ ನವೆಂಬರ್‌ ಅವಧಿಯಲ್ಲಿ ಒಟ್ಟಾರೆ ವಿಶ್ವಾಸ ಅಂಕವು 50ರಿಂದ 57ರ ಮಟ್ಟದಲ್ಲಿ ಸ್ಥಿರವಾಗಿದೆ ಎಂದು ವರದಿ ತಿಳಿಸಿದೆ.

ಆನ್‌ಲೈನ್‌ ಕಲಿಕೆಗೆ ಹೆಚ್ಚು ಸಮಯ ನೀಡುವುದಾಗಿ ಶೇ 57ರಷ್ಟು ವೃತ್ತಿಪರರರು ಹೇಳಿದ್ದಾರೆ.

‘2020ನೇ ವರ್ಷವು ಬಹಳಷ್ಟು ಅಡ್ಡಿ–ಆತಂಕಗಳನ್ನು ಎದುರಿಸಿದೆ. 2021ನೇ ವರ್ಷವು ಊಹಿಸಲಾಗದ ಸವಾಲುಗಳನ್ನು ಮೆಟ್ಟಿನಿಲ್ಲಲು ಹಾಗೂ ಹೊಸ ವಾಸ್ತವಕ್ಕೆ ಸಜ್ಜುಗೊಳ್ಳಲು ನೆರವಾಗಲಿದೆ. ಕೆಲಸದ ಸ್ಥಳ, ವೃತ್ತಿ, ನೇಮಕಾತಿ, ವ್ಯವಹಾರ ಹಾಗೂ ನಾಯಕತ್ವದ ಶೈಲಿಯ ವಿಷಯಗಳಲ್ಲಿ ಕೆಲಸಗಳನ್ನು ಮರುರೂಪಿಸುವಂತೆ ಆಗಲಿದೆ’ ಎಂದು ಲಿಂಕ್ಡ್‌ಇನ್‌ನ ಭಾರತದ ವ್ಯವಸ್ಥಾಪಕ ಅಶುತೋಷ್‌ ಗುಪ್ತಾ ಹೇಳಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು